Tag: Polyclinic Hospital

  • پولی کلینک میں زیر تربیت ڈاکٹر کرونا وائرس کا شکار

    پولی کلینک میں زیر تربیت ڈاکٹر کرونا وائرس کا شکار

    اسلام آباد: وفاقی دارالحکومت اسلام آباد کے پولی کلینک اسپتال میں زیر تربیت ڈاکٹر میں کرونا وائرس کی تصدیق ہوگئی، متاثرہ ڈاکٹر اور اس کے ساتھ ڈیوٹی کرنے والا عملہ آئیسولیٹ کر دیا گیا۔

    تفصیلات کے مطابق پولی کلینک اسپتال کے زیر تربیت ڈاکٹر میں کرونا وائرس کی تصدیق ہوگئی، ذرائع کا کہنا ہے کہ کرونا وائرس سے متاثرہ ڈاکٹر یورولوجی وارڈ میں تعینات تھا۔

    ذرائع پولی کلینک کے مطابق متاثرہ ڈاکٹر میں گزشتہ ہفتے کرونا وائرس کی علامات ظاہر ہوئی تھیں، کوویڈ 19 کی تصدیق ہونے پر متاثرہ ڈاکٹر کو آئیسولیٹ کردیا گیا۔

    علاوہ ازیں متاثرہ ڈاکٹر کے ساتھ ڈیوٹی کرنے والا عملہ بھی آئیسولیٹ کر دیا گیا۔

    دوسری جانب ملک بھر میں مجموعی کرونا کیسز کی تعداد 3 لاکھ 15 ہزار 260 ہوچکی ہے، گزشتہ 24 گھنٹوں کے دوران کرونا وائرس کے 644 نئے کیسز سامنے آئے۔

    نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 4 مریض جاں بحق ہوئے جس کے بعد ملک میں کرونا وائرس سے اموات کی تعداد 6 ہزار 517 ہوگئی۔

    ملک میں کرونا وائرس کے فعال کیسز کی تعداد 8 ہزار 907 ہے جبکہ کرونا وائرس کے 2 لاکھ 99 ہزار 836 مریض صحت یاب ہوچکے ہیں۔

  • وزیراعظم کی زیرصدارت اعلی سطح کا اجلاس

    وزیراعظم کی زیرصدارت اعلی سطح کا اجلاس

    اسلام آباد: تحریک انصاف کے تیس نومبر جلسے کی سیکورٹی پر وزیراعظم  کی زیرصدارت اعلی سطح کے اجلاس منعقد ہوا۔

    وزیراعظم کی صدارت اجلاس میں ملکی صورتحال اورسیکیورٹی معاملات پر بات چیت ہوئی، وزیر داخلہ چوہدری نثار نے سکیورٹی صورتحال صورت حال پر اجلاس کو بریفنگ دی۔ وزیراعظم کی زیرصدارت اجلاس میں تیس نومبر کو اسلام آباد میں پاکستان تحریک انصاف کے بڑے اجتماع کے اعلان کا معاملہ بھی اٹھا اور تیس نومبر جلسے سے درپیش صورتحال کے ساتھ سیکورٹی معاملات پر بات چیت کی گئی۔

    اجلاس میں انتخابی اصلاحات کے حوالے سے مشاورت کی گئی اور چیف الیکشن کمشنر کی تقرری کے امور کا جائزہ لیا گیا، اجلاس کے بعد مولانا فضل الرحمان نے وزیراعظم سے ملاقات کی، جس میں شمالی وزیرستان آپریشن اور آئی ڈی پیز کے امور پر بات کی گئی۔

  • وزیراعظم کے زیر صدارت اعلیٰ سطح کا اجلاس اختتام پزیر

    وزیراعظم کے زیر صدارت اعلیٰ سطح کا اجلاس اختتام پزیر

    اسلام آباد :  وزیراعظم نواز شریف کے زیرصدارت اعلیٰ سطح کا اجلاس منعقد ہوا جس میں پارلیمنٹ کا مشترکا اجلاس بلانے کا فیصلہ کیا گیا ۔

    موجودہ صورتحال کے پیشِ نظر وزیراعظم نواز شریف کے زیرصدارت اعلیٰ سطح کے اجلاس میں ریاستی اداروں پر حملے کی مذمت کی گئی ہے اجلاس میں پولیس کے کردار کو سراہا گیا، وزیر داخلہ کو تمام وسائل استعمال کرنے کی ہدیت کی گئی۔

    ذرائع کے مطابق وزیراعظم کی زیرصدارت ہنگامی مشاورتی اجلاس میں مظاہرین کے خلاف کریک ڈاون کا فیصلہ بھی کیا گیا ہے، جبکہ منگل کو پارلیمنٹ کا مشترکہ اجلاس بلانے کا فیصلہ کیا گیا۔

    اجلاس میں وزیر داخلہ چودھری نثارعلی خان،وزیر خزانہ اسحاق ڈار،وزیر اطلاعات پرویز رشید ،وزیر ریلوے خواجہ سعد رفیق ،وزیر قانون زاہد حامد، وزیرسیفران عبدالقادر بلوچ اور وزیر منصوبہ بندی احسن اقبال شریک ہوئے ۔

  • نواز شریف فاشسٹ ہے ،کبھی جمہوریت کو قبول نہیں کیا،عمران خان

    نواز شریف فاشسٹ ہے ،کبھی جمہوریت کو قبول نہیں کیا،عمران خان

    اسلام آباد: پاکستان تحریک انصاف کے سربراہ عمران خان نے اسلام آباد میں دھرنے کے شرکاء پر پولیس گردی کی شدید مذمت کرتے ہوئے  کہا ہے کہ وزیر اعظم ہاؤس کے باہر احتجاج کرنا عوام کا قانونی اور جمہوری حق ہے،وہ اسلام آباد میں دھرنے کے شرکاء سے خطاب کررہے تھے۔

    عمران خان کا کہنا تھا کہ ہم سترہ دن سے پرامن تھے اور اس دوران کسی قسم کا کوئی تشدد کا واقعہ پیش نہیں آیا،لیکن گزشتہ رات پولیس نے پرامن مظاہرین پر ربڑ کی گولیوں کی فائرنگ اورآنسو گیس کے شیل فائر کر کے بد ترین ریاستی تشدد کا مظاہرہ کیا،پولیس کی وردیوں میں گلو بٹ تھے۔

    انہوں نے کہا کہ پمزاسپتال اورپولی کلینک کو گھیر کر پولیس زخمی کارکنان کو گرفتار کررہی ہے،عمران خان کا کہنا تھا کہ اپنے کارکنان کے قتل عام پر نواز شریف اور فیلڈمارشل چوہدری نثار کیخلاف عالمی عدالت میں مقدمہ درج کرائیں گے،کیونکہ ان لوگوں نے عالمی قوانین کی خلاف ورزی کی ہے۔

    قانون مطابق آنسو گیس کے شیل صرف مظاہرین کو منتشر کرنے کیلئےاستعمال کیا جاتا ہے،انہوں نے کہا کہ نواز شریف فاشسٹ ہے اس نے کبھی جمہوریت کو قبول نہیں کیا،کیونکہ اس کو ڈر ہے کہ حقیقی جمہوریت میں اس کا احتساب ہوگا۔،