یہ ڈیڑھ صدی کا قصہ ہے، 150 سال پہلے بننے والی یہ بھٹّی تین نسلوں کے لیے گھر چلانے کا ذریعہ ہے۔
پشاور اندرون شہر تاریخی دروازے کوہاٹی گیٹ کے قریب ڈیڑھ سو سال پہلے پاپ کورن کے لیے بنائی گئی بھٹّی آج بھی بھڑکتی ہے۔ نہ پاپ کورن بننا رکا نہ ہی اس کے خریدار کم ہوئے۔
نئی دہلی: بالی ووڈ اداکارہ جھانوی کپور اپنی نئی فلم کی تشہیر کے لیے سینما گھر پہنچ گئیں اور وہاں پہنچ کر انہوں نے پاپ کارن بھی بیچنے شروع کردیے۔
بالی ووڈ اداکارہ جھانوری کپور کی ایک ویڈیو سوشل میڈیا پر وائرل ہورہی ہے جس میں وہ سینما ہال میں کھڑی پاپ کارن فروخت کر رہی ہیں۔
View this post on Instagram
ویڈیو میں دیکھا جا سکتا ہے کہ جھانوی کپور سینما ہال میں فلم دیکھنے کے لیے آنے والے لوگوں کو پاپ کارن بیچ رہی ہیں، اداکارہ کا سینما ہال میں پاپ کارن بیچنے کا مقصد دراصل اپنی آنے والی فلم ملی کی تشہیر کرنا تھا۔
4 نومبر کو ریلیز ہونے والی فلم ملی میں جھانوی کپور مرکزی کردار ادا کر رہی ہیں جبکہ فلم میں ان کے ساتھ سنی کوشل اور منوج پاہوا بھی ہیں۔
تھرلر اور خوف سے بھرپور فلم کی کہانی ایک ایسی لڑکی کے گرد گھومتی ہے جو پڑھائی کی غرض سے کینیڈا جانا چاہتی ہے لیکن جانے سے قبل، بھارت میں ہی فاسٹ فوڈ کے ریستوران میں نوکری کرنے کے دوران فریزر روم میں پھنس جاتی ہے۔
فلم ملی سنہ 2019 میں جنوبی انڈیا کی ملیالم زبان میں بننے والی سپر ہٹ فلم ہیلین کا ری میک ہے جس کی ہدایت کاری بھی ہیلین فلم کے ہدایتکار ماتھو کٹی زیویئر نے دی ہے۔
فلم کی تشہیر کے لیے جھانوی کو پاپ کارن بیچتا دیکھ کر انسٹا گرام پر صارفین کی جانب سے مختلف تبصرے کیے جا رہے ہیں۔
ایک صارف نے کہا کہ جھانوی کپور نے پاپ کارن دیتے وقت دونوں ہاتھوں میں دستانے کیوں پہنے ہوئے ہیں۔
ایک اور صارف کا کہنا تھا کہ اس کے بعد کہیں سینما میں پاپ کارن کے دام مزید نہ بڑھ جائے، اب بھی خریدنے کے لیے بجٹ دیکھنا پڑتا ہے۔
ایک اور شخص نے لکھا کہ فلم کی تشہیر کے لیے یہ لوگ کچھ بھی کر سکتے ہیں، اس وقت ان کو عوام یاد آجاتی ہے۔
ایڈنبرا: اسکاٹ لینڈ میں 2 سال کے بچے نے پاپ کارن کھانے کے دوران اسے گلے میں پھنسا لیا جس کے بعد ڈاکٹر کے پاس جانے کے بعد خوفناک انکشاف ہوا۔
2 سال کے جورڈی نے پاپ کارن کھانے کے دوران اسے گلے میں پھنسا لیا جس کے بعد اسے بے تحاشہ کھانسی ہونی شروع ہوئی۔
اس کے والدین اسے چیسٹ انفیکشن سمجھ کر ڈاکٹر کے پاس لے گئے جہاں ڈاکٹرز نے اس کا اندرونی اسکین کیا تو پتہ چلا کہ پاپ کارن کے ایک ننھے سے ٹکڑے نے ایک پھیپھڑے کو بے حد نقصان پہنچایا ہے۔
جب ڈاکٹرز نے مزید اسکین کیا تو ان پر خوفناک انکشاف ہوا۔
ڈاکٹرز نے دیکھا کہ 2 سال کا بچہ ایک ہارٹ کنڈیشن کا شکار تھا جس میں اس کی دل کی نالیاں خرابی کا شکار تھیں۔ دل میں خرابی کی وجہ سے اسے آکسیجن بھی مناسب نہیں مل پارہی تھی۔
ڈاکٹرز کا کہنا تھا کہ اگر اوپن ہارٹ سرجری نہ کی گئی تو بچہ کسی بھی وقت مر سکتا ہے۔
ڈاکٹرز کے مطابق اوپن ہارٹ سرجری فیل ہوجانے، یا اس کی وجہ سے کوئی معذوری ہوجانے کا امکان بھی تھا لیکن اگر سرجری نہ کی جاتی تو بچہ 20 سال کی عمر سے پہلے مر سکتا تھا۔
بعد ازاں ڈاکٹرز نے اس کی سرجری کی اور خوش قسمتی سے وہ کامیاب رہی۔ بچہ 6 دن بعد صحیح سلامت اپنے گھر لوٹ آیا۔
والدہ کا کہنا تھا کہ اگر یہ پاپ کارن نہ پھنستا تو جورڈی کی اس حالت کا کبھی پتہ نہ چلتا۔ انہوں نے بتایا کہ سرجری سے قبل وہ صرف 3 گھنٹے سو پاتا تھا اور ہم سمجھتے تھے کہ اسے کم نیند آتی ہے، لیکن اب علم ہوا کہ وہ آکسیجن کی کمی سے نہیں سو پاتا تھا۔
ٹورنٹو: شاہی خاندان کے کسی فرد کی اشیا کو چرانا اول تو نہایت حوصلے والا کام ہے، اور اگر کوئی حوصلہ مند یہ کام کر بھی دکھائے تو اسے سخت سزا کا سامنا بھی کرنا پڑسکتا ہے۔ لیکن برطانوی شہزادہ ہیری کی اشیا چرانے والا چور اتنا معصوم تھا کہ شہزادہ ہیری خود بھی ہنس پڑے۔
کینیڈا کے شہر ٹورنٹو میں والی بال میچ کے دوران شہزادہ ہیری اپنے دوست سے باتوں میں مصروف تھے۔ برابر میں اپنی والدہ کی گود میں بیٹھی ایملی ان کے پاپ کارن کھاتی رہی۔
Great shot as toddler steals Prince Harry’s popcorn. 2 yo Emily is daughter of @InvictusToronto supporter @leglessBDH pic.twitter.com/E55jEb7mNB
— Ben (@benenglanditv) September 27, 2017
دو سالہ ایملی شہزادہ ہیری کے دوست کی بیٹی ہے جو افغان جنگ میں ان کے ساتھ تھے۔ ایملی کے والد جنگ کے دوران دونوں ٹانگوں سے محروم ہوگئے تھے۔
کافی دیر تک تو شہزادہ ہیری کو احساس ہی نہ ہوا، بالآخر جب انہوں نے ایملی کو پاپ کارن کھاتے رنگے ہاتھوں پکڑ لیا تو وہ خود بھی ہنس پڑے۔
اس کے بعد دونوں ایک دوسرے کو خوب تنگ کرتے ہوئے پاپ کارن کھاتے رہے اور میچ دیکھتے رہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
پاپ کارن بچوں اور بڑوں سب ہی کو پسند ہوتے ہیں اور اگر بات ہو کیریمل پاپ کارن کی تو پاپ کارن کھانے کا مزہ دوبالا ہوجاتا ہے۔
پاپ کارن کو گھر میں بھی باآسانی بنایا جاسکتا ہے جس کے لیے بازار میں کارن کے پیکٹ دستیاب ہیں جنہیں اوون میں تیار کرنا ہوتا ہے۔
اسی طرح کیریمل پاپ کارن تیار کرنا بھی چنداں مشکل نہیں اور مندرجہ ذیل ترکیب سے آپ باآسانی اسے گھر میں تیار کرسکتے ہیں۔
مکھن: 1 کپ
براؤن شوگر: 2 کپ
کارن سیرپ: آدھا کپ
نمک: 1 چائے کا چمچ
بیکنگ سوڈا: آدھا چائے کا چمچ
ونیلا ایکسٹریکٹ: 1 چائے کا چمچ
تیار شدہ پاپ کارن: حسب ضرورت
اوون کو 95 ڈگری سینٹی گریڈ پر گرم کرلیں۔
ایک بڑے پین کو دھیمی آنچ پر گرم کریں اور مکھن کو اس میں پگھلا لیں۔
براؤن شوگر، پگھلا ہوا مکھن، نمک اور کارن سیرپ پین میں ڈالیں اور 4 منٹ تک وقفے وقفے سے چمچہ چلائیں۔
اب پین کو چولہے سے اتار لیں اور اس میں سوڈا اور ونیلا کی آمیزش کرلیں۔
اس آمیزے کو تیار شدہ پاپ کورن کے اوپر ڈالیں اور پاپ کارن کو مکس کرتے جائیں۔
اب ان پاپ کارن کو ایک ڈش میں پھیلائیں اور پہلے سے گرم کردہ اوون میں بیک کرنے کے لیے رکھ دیں۔ ہر 15 منٹ بعد اوون کھول کر پاپ کارن کو، جو ایک تہہ کی صورت اختیار کر جائیں گے، پلٹ دیں۔
ایک گھنٹے بعد اوون سے نکالیں اور ٹھنڈا ہونے دیں۔
اس کے بعد چمچے سے انہیں توڑ کر چھوٹے چھوٹے ٹکڑوں میں تقسیم کرلیں۔
لیجیئے مزیدار کیریمل پاپ کارن تیار ہیں، ٹی وی دیکھتے ہوئے ان سے لطف اندوز ہوں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔