پوپ فرانسس کو سپرد خاک کر دیا گیا، ان کی تدفین بیسیلیکا سینیٹ میری میجر میں اُن کی وصیت کے مطابق کی گئی۔

تفصیلات کے مطابق مسیحی دنیا کے روحانی پیشوا پوپ فرانسس کی آخری رسومات ویٹیکن سٹی کے سینٹ پیٹرز اسکوائر میں ادا کر دی گئیں، جس میں دنیا بھر سے اعلیٰ حکام اور بین المذاہب وفود کی بڑی تعداد نے شرکت کی۔

امریکا کے صدر ڈونلڈ ٹرمپ، برطانوی وزیر اعظم کیئر اسٹارمر، فرانسیسی صدر ایمانوئل میکرون، اور دیگر متعدد یورپی رہنماؤں نے پوپ فرانسس کی آخری رسومات میں شرکت کی۔

ویٹیکن سے جاری بیان کے مطابق پوپ فرانسس کے تابوت کو روم میں سانتا ماریا میگیور کے کلیسائی باسلیق میں دفن کیا گیا ہے۔

حماس یرغمالیوں کی رہائی اور 5 سالہ جنگ بندی پر مذاکرات کیلیے تیار

کارڈینل جیوانی بٹیسٹا ری نے آخری رسومات کے دوران کہا کہ مرحوم پوپ دیواریں نہیں بلکہ پل بنانا چاہتے تھے۔ تقریباً 3 گھنٹے تک جاری رہنے والی اس تقریب میں عالمی رہنماؤں اور لاکھوں سوگواروں نے شرکت کی، جس کے اختتام پر فرانسس کے تابوت کو تدفین کے لیے روم کے ایک باسیلیق میں لے جایا گیا۔

راستے میں اطالوی دارالحکومت کی سڑکوں پر قطار میں کھڑے دسیوں ہزار لوگوں نے پوپ کو خراج تحسین پیش کیا۔ واضح رہے کہ پوپ فرانسس کے جانشین کے طور پر صدیوں میں پہلی بار اگلے پوپ کے لیے افریقہ یا ایشیا سے کسی کارڈینیل کے انتخاب کا امکان ظاہر کیا جا رہا ہے۔

ویٹی کن: پوپ فرانسس کی آخری رسومات آج ادا کی جائیں گی۔

مسیحی دنیا کے روحانی پیشوا پوپ فرانسس کی آخری رسومات آج ویٹی کن سٹی میں ادا کی جائیں گی، جس میں دنیا بھر سے اعلیٰ حکام اور بین المذاہب وفود کی بڑی تعداد شرکت کر رہی ہے۔

امریکی صدر ڈونلڈ ٹرمپ بھی پوپ کی آخری رسومات میں شرکت کے لیے روم پہنچ گئے ہیں، برطانیہ کے وزیر اعظم، فرانس کے صدر اور دیگر عالمی رہنما بھی ویٹی کن پہنچ چکے ہیں، اس موقع پر سیکیورٹی کے سخت انتظامات کیے گئے ہیں اور ویٹی کن کو انتہائی حساس زون قرار دیا گیا ہے۔

دوسری طرف اسرائیل کے سخت ناقد پوپ فرانسس کی آخری رسومات میں نیتن یاہو حکومت اپنا کوئی نمائندہ نہیں بھیجے گی۔ اسرائیلی اخبار ہارٹز نے رپورٹ کیا ہے کہ اسرائیلی حکومت اپنے کسی رہنما کو آنجہانی پوپ کی آخری رسومات میں شرکت کے لیے نہیں بھیجے گی۔

اسرائیل کیخلاف بولنے والے پوپ کی آخری رسومات میں نیتن یاہو کا نمائندہ شریک نہیں ہوگا

غزہ پر اسرائیل کی جنگ کے دوران وزیر اعظم نیتن یاہو اور ان کی حکومت کے وزرا پوپ پر سخت تنقید کرتے تھے، کیوں کہ فرانسس شہریوں کے قتل اور امداد روکنے کے بارے میں آواز اٹھا رہے تھے۔

فرانسس غزہ پر اسرائیل کی جنگ کے ایک کھلے عام ناقد تھے اور جنگ بندی کا باقاعدہ مطالبہ کرتے تھے، ماہر سیاسیات اور فلسطین لبریشن آرگنائزیشن کے سابق مشیر زاویر ابو عید کا کہنا ہے کہ فرانسس کی موت سے فلسطینیوں نے ایک عزیز دوست کھو دیا ہے جسے وہ اپنے حق خودارادیت کا ایک کٹر محافظ قرار دیتے ہیں۔

پوپ فرانسس کی طبیعت میں بہتری کے بعد ان کی پہلی تصویر جاری کر دی گئی ہے۔

تفصیلات کے مطابق کیتھولک عیسائیوں کے مذہبی پیشوا پوپ فرانسس کی طبیعت میں بہتری آنے پر ویٹکن نے اسپتال سے ان کی پہلی تصویر جاری کی ہے۔

تصویر میں پوپ فرانسس مخصوص لباس میں اسپتال کی عبادت گاہ میں نظر آ رہے ہیں، ایک ماہ سے زیرعلاج رہنے کے بعد گزشتہ روز پہلی بار پوپ نے اسپتال کی عبادت گاہ میں اجتماعی دعا کرائی۔

فروری کے وسط میں اسپتال میں داخل ہونے کے بعد یہ ان کی پہلی تصویر ہے، جس میں پوپ کو وہیل چیئر پر بیٹھے ہوئے دکھایا گیا ہے جو ایک جبّہ پہنے ہوئے ہیں اور وہ دعا کر رہے ہیں۔

چھوٹے بچے پوپ کی صحت یابی کا سن کر خوشی میں غبارے لیے اسپتال پہنچے، شہریوں نے اسپتال کے باہر موم بتیاں بھی روشن کیں۔

جرمنی سے حج کے لیے سائیکل پر 6 ہزار کلو میٹر کے سفر کا آغاز

ویٹیکن کے پریس آفس نے کہا کہ 88 سالہ فرانسس نے جیمیلی پولی کلینک کی دسویں منزل پر واقع اپنے اپارٹمنٹ کے چیپل میں ’’ہولی ماس‘‘ منایا۔ یہ وہ اسپتال ہے جہاں وہ دونوں پھیپھڑوں میں نمونیا کے ایک پیچیدہ کیس کی وجہ سے 14 فروری سے زیر علاج ہیں۔

پوپ نے دعا میں کہا ’’میں آزمائش کے وقت سے گزر رہا ہوں، اور میں بہت سے بیمار بھائیوں اور بہنوں کے ساتھ شامل ہوں، جب کہ جسم کمزور ہے، کوئی بھی چیز ہمیں محبت کرنے، دعا کرنے اور ایمان کے ساتھ ایک دوسرے کے ساتھ رہنے سے نہیں روک سکتی۔‘‘ پوپ نے یوکرین، فلسطین، اسرائیل، لبنان، میانمار، سوڈان اور جمہوریہ کانگو میں جنگ سے زخمی ہونے والوں کے لیے بھی دعا کی۔

ویٹیکن سٹی: پوپ فرانسس کے لیے دعا کرنے ہزاروں لوگ ویٹیکن کے باہر جمع ہو گئے ہیں۔

غیر ملکی میڈیا رپورٹس کے مطابق سینٹ پیٹرز اسکوائر میں ہزاروں لوگ جمع ہو کر شدید بیمار پوپ فرانسس کی صحت یابی کے لیے دعا کرنے لگے ہیں، ڈبل نمونیا میں مبتلا پوپ فرانسس کی حالت بدستور تشویش ناک ہے۔

کیتھلک مسیحیوں کے مذہبی پیشوا پوپ فرانسس کی صحت یابی کے لیے مختلف ممالک میں دعائیں کی جا رہی ہیں، خبر رساں اداروں کے مطابق 88 سالہ پوپ کو ڈبل نمونیا کی تشخیص ہوئی تھی اور وہ 14 فروری سے اٹلی کے اسپتال میں داخل ہیں۔

ہزاروں لوگ سینٹ پیٹرز اسکوائر میں جمع ہو کر پوپ فرانسس کی صحت کے لیے دعا کرنے لگے ہیں، ان کے دکھوں پر افسوس کا اظہار اور کیتھلک چرچ کو نئی سمتوں میں لے جانے کی کوششوں کے لیے ان کا شکریہ ادا کر رہے ہیں۔

دونوں پھیپھڑوں میں نمونیا کی وجہ سے اسپتال میں 11 دن رہنے کے بعد معمولی بہتری کے باوجود ان کی حالت تشویش ناک ہے، ویٹیکن نے منگل کے اوائل میں کہا تھا کہ وہ ’’ساری رات اچھی طرح سوئے ہیں۔‘‘ پیر کے روز ویٹیکن کے نمبر دو کارڈینل پیٹرو پیرولن نے بارش کی سرد رات میں 45 منٹ تک دعائیں مانگیں۔

سینٹ پیٹرز اسکوائر میں تقریباً 4,000 افراد جمع ہوئے ہیں، جو سمجھ رہے ہیں کہ انھیں ان دنوں میں روم میں ہونا چاہیے۔