ARYNews.tv | Urdu – Har Lamha Bakhabar

Tag: porn

  • ٹوبہ ٹیک سنگھ: ہمسائے کی 3 سال کے بچے کے ساتھ زیادتی، قتل کی کوشش

    ٹوبہ ٹیک سنگھ: ہمسائے کی 3 سال کے بچے کے ساتھ زیادتی، قتل کی کوشش

    ٹوبہ ٹیک سنگھ: پنجاب کے ضلع ٹوبہ ٹیک سنگھ سےگزشتہ روزلاپتا ہونےوالےتین سالہ محمد حسن کوزخمی حالت میں کھیت سےبرآمد کرلیا، ہمسائے نےمبینہ زیادتی کےبعد گلا دبا کرمردہ سمجھ کر پھینک دیا تھا۔

    تفصیلات کے مطابق ٹوبہ ٹیک سنگھ کےبخشی پارک کے رہائشی عبدالرحمان کا تین سالہ بیٹا محمد حسن گزشتہ روز گھرکےباہرکھیلتےہوئےلاپتا ہوگیا تھا، پولیس اور اہل علاقہ گزشتہ روز سے اسے تلا ش کررہے تھے ۔

    پولیس نےمختلف مقامات کی تلاشی کےدوران دو محلےداروں کوشک کی بنا پرحراست میں لےکرتفتیش شروع کی ۔ تفتیش کے دوران بچےکےہمسائےؤحماد نےاعتراف کیا کہ اس نےزیادتی کےبعد محمد حسن کاگلا دبا کراسےکماد کی فصل میں پھینک دیا تھا، حماد کی عمر 16 سال بتائی جارہی ہے۔

    پولیس ملزم کی نشاندہی پرکھیت میں پہنچی توننھا محمد حسن بےہوشی کی حالت میں پڑا تھا ۔ شدید زخمی محمد حسن کو سول اسپتال ٹوبہ ٹیک سنگھ منتقل کردیا گیا، جہاں اسے طبی امداد فراہم کی جارہی ہے، جبکہ زیادتی کی تصدیق کے لیے اس کا میڈیکل بھی کروایا گیا ہے۔

    یاد رہے کہ ابھی کچھ دن قبل ہی پنجاب کے علاقے چونیاں میں معصوم بچوں کے ساتھ زیادتی کے پے درپے واقعات پیش آئے تھے، جن میں بچوں کو اغوا کیا گیا اور ان کے ساتھ زیادتی کی، زیادتی کے بعد بچے کو قتل کردیا۔

    ڈھائی ماہ کے دوران 4 بچوں کو اغوا کیا گیا جن میں فیضان، علی حسنین، سلمان اور 12 سالہ عمران شامل تھے۔پولیس نے بتایا کہ1700 افراد کا ڈی این اے لیا گیا جن میں سے ایک ملزم سہیل شہزاد کا ڈی این اے فیضان نامی بچے کی لاش سے ملنے والے ڈی این اے سے میچ کرگیا تھا۔

  • ماضی پر کوئی شرمندگی نہیں: سنی لیون

    ماضی پر کوئی شرمندگی نہیں: سنی لیون

    بالی وڈ کی خوبرو اورمتنازعہ اداکارہ سنی لیون نے بالغ فلموں کے حوالے سے اپنے ایک حالیہ انٹرویو میں کہا ہے کہ انہیں اپنے ماضی ہر کوئی شرمندگی نہیں ہے۔

    جہاں بالی وڈ کے بیشتر بڑے اداکار، ہدایت کار اور پروڈیوسر سنی لیون کے ماضی کی وجہ سے ان کے بارے میں منفی خیالات رکھتے ہیں، وہاں سنی لیون کا کہنا ہے کہ انہیں بالغ فلموں میں اداکاری کرنے پر کوئی شرمندگی نہیں ہے۔

    ان کا کہنا تھا کہ ’’میں جو ہوں سو ہوں۔ میرا ماضی ہی مجھے یہاں لایا ہے جہاں آج میں ہوں‘‘۔

    ان کا کہنا تھا کہ انہوں کوئی شرمندگی نہیں ہے، وہ بھارت میں ایک نئی زندگی شروع کرنے ، زیادہ بہتر کام کرنے اوردنیا کا حصہ بننے آئی ہیں جو وہ پہلے کبھی نہیں بن سکیں‘‘۔

    ان کا کہنا تھا کہ زیادہ سے زیادہ جو وہ کر سکتی ہیں وہ یہ ہے کہ پہلے سے بہتر اداکاری کریں اور بہتر فلموں میں کام کریں جب لوگ انہیں مختلف کردار ادا کرتے دیکھیں گے تو ان کے بارے میں اپنا نظریہ خود تبدیل کرلیں گے۔

    واضح رہے کہ بالی وڈ کے بہت سے اے کلاس اداکار سنی لیون کے ماضی کی وجہ سے انکے ساتھ کام کرنے سے انکارکرچکے ہیں۔