ARYNews.tv | Urdu – Har Lamha Bakhabar

Tag: positivity rate of-corona-cases

  • کراچی میں کورونا کیسز کی شرح 40 فیصد سے کم ہو کر 28 فیصد پر آگئی

    کراچی میں کورونا کیسز کی شرح 40 فیصد سے کم ہو کر 28 فیصد پر آگئی

    کراچی : شہر قائد میں کورونا کی شرح 40 فیصد سے کم ہو کر 28 فیصد پر آگئی ، ایک روز میں 1652 کیسز سامنے آئے۔

    تفصیلات کے مطابق کراچی میں کوروناکیسزکی تعداد میں کمی کا سلسلہ جاری ہے ، محکمہ صحت کے حکام کا کہنا ہے کہ سندھ میں گزشتہ 24 گھنٹوں میں 2469 کیسز رپورٹ ہوئے، رپورٹ ہونےوالے1652کیسزکاتعلق کراچی سے ہے۔

    حکام نے بتایا کہ اس دوران شہر میں مثبت کیسزکی شرح27.92فیصد رہی جبکہ صوبے میں20مریض انتقال کرگئے۔

    محکمہ صحت کے مطابق صوبے بھر میں 440مریض مختلف اسپتالوں میں زیر علاج ہیں ، جس میں سے 391مریضوں کی حالت تشویشناک ہے اور 26مریض وینٹیلیٹر پرزیرعلاج ہیں۔

    یاد رہے 26 فروری کو کراچی میں کورونا کیسز کی شرح40.91 ریکارڈ کی گئی تھی۔

    دوسری جانب دیگر شہروں اسلام آبادمیں یومیہ کورونا کی شرح 17.13 فیصد ، راولپنڈی میں 10.21فیصد ، لاہور میں 20.58 فیصد ، بہاولپور میں 8.26، گجرات میں 2.88، ملتان میں 8.40 فیصد ریکارڈ کی گئی۔

    اسی طرح سرگودھا میں شرح 4.17، فیصل آبادمیں 7.59فیصد ، کوئٹہ میں کوروناکیسزکی شرح 6.54فیصد اور پشاورمیں کوروناکی شرح 29.65 فیصد رہی۔

  • کورونا کی چوتھی لہر ،پاکستان کے 3 اضلاع میں کورونا کیسز کی شرح 20 فیصد سے تجاوز کر گئی

    کورونا کی چوتھی لہر ،پاکستان کے 3 اضلاع میں کورونا کیسز کی شرح 20 فیصد سے تجاوز کر گئی

    اسلام آباد : کورونا کی چوتھی لہر میں پاکستان کے 3 اضلاع میں کوروناکیسز کی شرح 20 فیصد سے تجاوز کر گئی ، کیسز کی بلند ترین شرح 23.17 فیصد گلگت میں ہے۔

    تفصیلات کے مطابق وزارت صحت کی جانب سے ملک میں کورونا کے مثبت کیسز سے متعلق تفصیلات جاری کردی گئی ہے ، جس میں کہا گیا ہے کہ ملک کے 3 اضلاع میں کوروناکیسز کی شرح 20 فیصدسےزیادہ ہے۔

    ذرائع وزارت صحت نے بتایا کہ ملک کے 22اضلاع کوروناکےحوالے سے اہم ہیں جبکہ کورونا کیسز کی بلند ترین شرح 23.17 فیصد گلگت میں اور مظفرآبادمیں کوروناکیسزکی شرح 21.3فیصد ہے۔

    ذرائع کے مطابق کراچی میں کوروناکیسز کی شرح 19.29،حیدرآبادمیں 5فیصد ہوگئی جبکہ وفاقی دارالحکومت میں مثبت کیسزکی یومیہ شرح 6 فیصد سے تجاوز کرگئی ہے۔

    ذرائع کا کہنا ہے کہ پشاورمیں مثبت کوروناکیسز کی یومیہ شرح 9.42فیصد ، نوشہرہ میں 4.31فیصد، مردان میں 2.25 فیصد ، صوابی میں 2.16، سوات میں 1.53 ، ایبٹ آبادمیں 1.80،چارسدہ میں0.15فیصدہے۔

    اسی طرح ملتان میں کورونا کیسز کی شرح 0.84، بہاولپورمیں 1.21فیصد ، راولپنڈی میں 11.97، لاہور میں3.85فیصد ، جہلم میں 9.09، فیصل آباد میں 2.36فیصد ، فیصل آبادمیں 2.36 ، گجرات میں0.45 فیصد ہوگئی ہے۔

    ذرائع کے مطابق میرپورآزاد کشمیرمیں مثبت کوروناکیسزکی شرح 1.52فیصد ہوگئی جبکہ اسکردومیں کوروناکیسزکی شرح 21.26 اور دیامرمیں 2.20 فیصد ہے۔

  • پنجاب میں کورونا کیسز کی شرح ایک فیصد سے بھی نیچے آگئی

    پنجاب میں کورونا کیسز کی شرح ایک فیصد سے بھی نیچے آگئی

    لاہور : پنجاب میں کورونا کیسز کی شرح ایک فیصد سے بھی نیچے آگئی ، ایک دن میں صوبہ بھر میں کورونا وائرس سے کل7 اموات ہو ئیں اور 144 نئے کیسز رپورٹ ہوئے۔

    تفصیلات کے مطابق پنجاب میں کورونا وائرس کے کیسز میں واضح کمی ریکارڈ کی گئی ، سیکرٹری محکمہ پرائمری اینڈ سیکنڈری ہیلتھ کیئر سارہ اسلم نے کہا ہے کہ گزشتہ روز صوبہ بھر کے تمام شہروں میں کرونا مثبت کیسز کی شرح 0.8 رہی۔

    سیکرٹری محکمہ پرائمری اینڈ سیکنڈری ہیلتھ نے بتایا صوبائی دارالحکومت لاہور میں مثبت شرح ایک اعشاریہ چار فیصد رہی جبکہ راولپنڈی میں 0.5، فیصل آباد میں0.6 ، ملتان میں0.8ریکارڈ کی گئی۔

    ان کا کہنا تھا کہ پنجاب میں گزشتہ 24 گھنٹوں میں کورونا وائرس کے 144 نئے کیسزسامنے آئے، جس سےکل تعداد تین لاکھ چھیالیس ہزار 180 ہو گئی جبکہ صوبہ بھر میں کورونا وائرس سے کل7 اموات ہو ئیں، جس میں سے لاہور میں 2 افراد جان سے گئے۔

    سارہ اسلم نے کہا گزشتہ 24 گھنٹوں میں لاہور میں 70، راولپنڈی میں 23، ملتان میں10،گجرانوالہ میں8 ، سرگودھا میں7، فیصل آباد میں 6، خانیوال میں 4، گجرات میں 3، اٹک میں 2، ڈیرہ غازی خان میں 2 اور خوشاب میں 2 کرونا وائرس کے کیسز رپورٹ ہوئے۔

  • اسلام آباد میں کورونا کی خطرناک صورتحال، مثبت کیسز کی شرح8.5 فیصد تک جاپہنچی

    اسلام آباد میں کورونا کی خطرناک صورتحال، مثبت کیسز کی شرح8.5 فیصد تک جاپہنچی

    اسلام آباد: ملک بھر میں کورونا کی تیسری لہر شدت اختیار کرنے لگی ہے ، اسلام آباد میں مثبت کورونا کیسز کی شرح ریکارڈ 8.5 فیصد تک پہنچ گئی ہے۔

    تفصیلات کے مطابق وفاقی دارالحکومت میں کورونا کیسز میں ریکارڈ اضافہ جاری ہے ، ڈی ایچ او اسلام آباد کا کہنا ہے کہ 24گھنٹےمیں 620 کوروناکیس سامنے آئے اور اسلام آباد میں مثبت کورونا کیسز کی شرح ریکارڈ 8.5 فیصد تک پہنچ گئی ہے۔

    ڈی ایچ او نے کہا کہ 24 گھنٹے کے دوران اسلام آباد میں کورونا سے مزید5 مریض انتقال کرگئے، جس کے بعد اسلام آباد میں اب تک 50 ہزار 096 کیسز رپورٹ اور 536 مریض انتقال کرچکے ہیں۔

    ڈی ایچ او اسلام آباد کے مطابق اسلام آباد میں کورونا کیلئے مختص 51 فیصد وینٹی لیٹرز اور 40 فیصد آکسیجن بیڈز زیراستعمال ہیں۔

    خیال رہے پاکستان میں صرف ایک دن میں 3 ہزار 449 افراد میں وائرس کی تصدیق ہوئی اور موذی وائرس مزید چالیس افراد کی جان لے گیا، جس کے بعد وبا سے اب تک جاں بحق افراد کی تعداد تیرہ ہزارسات سو ستاون ہوگئی ہے۔