ARYNews.tv | Urdu – Har Lamha Bakhabar

Tag: power break down

  • ایران سے بجلی کی فراہمی بند، مکران میں 2 دن سے بجلی غائب

    ایران سے بجلی کی فراہمی بند، مکران میں 2 دن سے بجلی غائب

    گوادر: صوبہ بلوچستان کے علاقے مکران میں ایران سے آنے والی بجلی کی فراہمی ایک بار پھر بند کردی گئی، نیشنل گرڈ سے منسلک نہ ہونے پر مکران کی بجلی کا دار و مدار ایران پر ہے۔

    تفصیلات کے مطابق صوبہ بلوچستان کے علاقے مکران میں بجلی کی فراہمی گزشتہ روز سے بند ہے جس کے باعث مکران کے تینوں اضلاع متاثر ہیں۔

    مقامی افراد کا کہنا ہے کہ 24 گھنٹےمیں بجلی صرف رات میں 4 گھنٹے دستیاب ہوتی ہے۔

    واپڈا ذرائع کے مطابق کم پاور کی وجہ سے ایران نے مکران کی بجلی بند کردی ہے، نیشنل گرڈ سے منسلک نہ ہونے پر مکران کی بجلی کا دار و مدار ایران پر ہے۔

    مقامی افراد کا کہنا ہے کہ گزشتہ دنوں بھی 2 ہفتے تک مکران کی بجلی منقطع رہی تھی۔

  • فیصل آباد میں گزشتہ 40 گھنٹے سے بجلی بند

    فیصل آباد میں گزشتہ 40 گھنٹے سے بجلی بند

    لاہور: صوبہ پنجاب کے شہر فیصل آباد میں گزشتہ 20 سے 40 گھنٹے سے بجلی بند رہی جس پر وفاقی وزیر برائے توانائی حماد اظہر نے فیسکو کے متعدد افسران کو معطل کردیا۔

    تفصیلات کے مطابق صوبہ پنجاب کے شہر فیصل آباد میں 20 سے 40 گھنٹے کی بجلی بندش پر وفاقی وزیر برائے توانائی حماد اظہر نے نوٹس لے لیا۔

    وزیر توانائی حماد اظہر نے چیف ایگزیکٹو فیسکو ارشد منیر پر سخت برہمی کا اظہار کیا، انہوں نے ایس ڈی او مدینہ ٹاؤن فرخ پرویز، ایکسین آپریشن عبد اللہ پور امجد اور ایس ای فرسٹ مبشر حسین کو معطل کر دیا۔

    سماجی رابطے کی ویب سائٹ ٹویٹر پر ٹویٹ کرتے ہوئے حماد اظہر نے کہا کہ عید پر فیسکو افسران کی کارکردگی مایوس کن رہی، سستی کا مظاہرہ کرنے والے افسران کی معطلی کی ہدایات کردی ہے۔

    انہوں نے کہا کہ فیسکو بورڈ آف گورنرز کو بھی انکوائری کی ہدایات کی ہیں۔

  • پنجاب اور خیبر پختونخواہ کے بیشتر علاقے بجلی سے محروم

    پنجاب اور خیبر پختونخواہ کے بیشتر علاقے بجلی سے محروم

    لاہور : منگلا اور تربیلا ڈیم کے پاور ہاؤسز میں فنی خرابی کے باعث پنجاب اور خیبر پختونخواہ کے بیشتر علاقے بجلی سے محروم ہوگئے ہیں۔

    منگلا پاور ہاؤس میں فنی خرابی کی وجہ سے بجلی کی پیداوار مکمل طور پربند ہوگئی جبکہ تربیلا پاور ہاؤس کے کچھ یونٹس میں بھی فنی خرابی پیدا ہوگئی ہے۔

    دونوں ڈیموں کے پاور ہاؤسز میں فنی خرابی کے باعث پنجاب اور خیبر پختونخواہ کے متعدد علاقوں میں بجلی کی فراہمی بندہوگئی ہے۔ جس سے عوام کو شدید مشکلات کا سامنا ہے۔

    کئی گھنٹے گزرنے کے بعد بھی واپڈا انجینیئرز فنی خرابی دور نہیں کرسکے، جس سے متاثرہ علاقوں میں بجلی کی فراہمی بحال نہیں ہوسکی۔

  • نصیرآباد: دہشت گردوں نے ٹرانسمیشن ٹاور تباہ کردیا، ملک بھرمیں بجلی کی فراہمی معطل

    نصیرآباد: دہشت گردوں نے ٹرانسمیشن ٹاور تباہ کردیا، ملک بھرمیں بجلی کی فراہمی معطل

    کوئٹہ:ڈسٹرکٹ نصیرآباد میں دہشت گردوں نے ٹرانسمیشن ٹاورکودھماکے سے اڑادیا جس کے باعث پنجاب، سندھ، بلوچستان خیبرپختونخواہ اورآزاد کشمیر کے بیشترشہروں کو بجلی کی فراہمی معطل ہوگئی۔

    تفصیلات کے مطابق رات گئے اچانک ملک کے بیشترشہرتاریکی میں ڈوب گئے جس کے سبب شہریوں کی زندگی عذاب بن گئی۔ بریک ڈاوٗن کا سبب بلوچستان میں ہونے والی دہشت گردی کی واردات بتایا گیا ہے۔

    وزیرمملکت برائے پانی و بجلی عابد شیرعلی کے ٹویٹ کے مطابق بلوچستان کے ضلع نصیرآباد میں ٹرانسمیشن ٹاورکو دہشت گردوں نے دھماکے سے اڑایا۔ ٹرانسمیشن ٹاورتباہ ہونے سے اوچ سبی کوئٹہ لائن شدید متاثر ہوئی اوردیگرگرڈاسٹیشنوں پردباؤ بڑھ گیا۔

    ملک بھرکے گرڈاسٹیشنوں اورٹرانسمیشن لائنوں میں مقررہ حدسےزیادہ لوڈآنےکے باعث سسٹم فیل ہوگیا جس کے سبب نیشل گرڈ اسٹیشن بیٹھ گیااورپورے ملک میں تاریکی چھا گئی۔

    سندھ ، پنجاب، بلوچستان اورخیبرپختونخوا کے مختلف شہروں سمیت اسلام آباد بھی بجلی سے محروم ہوگیا۔ وزیرمملکت برائے پانی و بجلی عابد شیر علی نےٹویٹ میں بتایا کہ بجلی بحالی کی کوشش کی جارہی ہے۔

    واردات کے تقریباً آٹھ گھنٹے بعد پورے ملک میں بجلی بحال ہوچکی ہے جبکہ کراچی میں صبح 6 بجے مکمل طور پر بحال ہوگئی تھی لیکن تاحال شہر کے واٹر پمپنگ اسٹیشنوں پر بجلی کی فراہمی بحال نہیں کی جاسکی جس کے سبب شہر میں پانی کی شدید قلت ہے۔

  • پنجاب اورخیبرپختونخواہ میں بجلی جان بوجھ کربند کی گئی، شاہ محمود

    پنجاب اورخیبرپختونخواہ میں بجلی جان بوجھ کربند کی گئی، شاہ محمود

    پنجاب اورخیبرپختونخواہ میں بجلی کےبدترین بریک ڈاؤن کو تحریک انصاف نے سیاسی چال بازی قراردے دیا۔ شاہ محمود قریشی کہتےہیں بجلی جان بوجھ کربند کی گئی جبکہ کارکن کہتےہیں کہ کپتان کی تقریرسننےسےمحروم کردیا گیا۔

    لاہور،اسلام آباد اورپشاور سمیت پنجاب اورخیبرپختونخوا کے کئی شہروں میں بجلی کے طویل بریک ڈاؤن کوپی ٹی آئی نےسازش قراردےدیا۔

    پنجاب اورخیبرپختونخوا میں بھی کپتان کےمتوالوں کا کہنا تھا کہ حکومت نے جان بوجھ کربجلی بند کی تاکہ وہ عمران خان کی تقریرنہ سن سکیں۔

    تحریک انصاف کا دعوٰی ہے کہ کراچی میں کامیاب دھرنےپرحکومت بوکھلا گئی وہ نہیں چاہتی کہ باقی ملک کےلوگ جان سکیں کہ پارٹی کراچی میں کتنی مقبول ہے اس لئےجان بوجھ کربجلی بند کی گئی، دوسری جانب حکومت کادعوٰی ہےکہ بجلی فنی خرابی کی وجہ سے بند ہوئی۔