ARYNews.tv | Urdu – Har Lamha Bakhabar

Tag: power play

  • ماضی میں ن لیگ کا دفاع کرنے پر ہم قومی مجرم ہیں، چوہدری عبد الغفور

    ماضی میں ن لیگ کا دفاع کرنے پر ہم قومی مجرم ہیں، چوہدری عبد الغفور

    لاہور: مسلم لیگ ن کے باغی رہنما چوہدری عبد الغفور نے کہا ہے کہ ہم نے ماضی میں ن لیگ کا دفاع کیا، اس پر ہم قومی مجرم ہیں۔

    ان خیالات کا اظہار انھوں نے اے آر وائی نیوز کے پروگرام پاور پلے میں کیا، ان کا کہنا تھا کہ ن لیگی قیادت قوم اور پاکستان دوست نہیں، یہ اداروں میں تصادم کی مرتکب ہوئی ہے۔

    باغی رہنما نے پروگرام میں گفتگو کرتے ہوئے کہا مجھ سمیت ن لیگ کے لوگ در بَدر اور پارٹی سے دور بیٹھے ہیں، ن لیگ میں کیا ہو رہا ہے کسی کو کچھ معلوم نہیں، قیادت اپنی مرضی کے فیصلے کر رہی ہے۔

    چوہدری عبد الغفور کا کہنا تھا کہ پاکستان کی قسمت سے کھیلنے والوں کو عوام اب مسترد کر چکی ہے، ن لیگ کے ٹکٹ اسی وجہ سے واپس ہو رہے ہیں، پاکستان کے عوام جاگ چکے ہیں اب فیصلے ملک کے لیے ہوں گے۔

    انھوں نے کہا مسلم لیگ ن نے ملک اور اداروں کو برباد کیا ہے، کس چیز پر ہم دردی کا ووٹ ملے گا، ن لیگی قیادت کس حیثیت سے ہم دردی کا ووٹ مانگ رہی ہے۔

    سابق صوبائی وزیر عبدالغفور میو نے بھی ن لیگ سے بغاوت کردی

    باغی رہنما نے مزید کہا کہ الیکشن کمیشن نے جیپ کا نشان رکھا ہے، اس نشان پر الیکشن لڑنے پر کوئی برائی نہیں ہے۔ خیال رہے کہ ن لیگ کے ناراض رہنما چوہدری نثار کا انتخابی نشان بھی جیپ ہے۔

    چوہدری عبد الغفور نے کہا کرپشن کیسز کی نوعیت کا اندازہ لگانا نیب کا کام ہے، ملک میں سب کا احتساب بلا امتیاز ہوگا، ملک کو برباد کرنے والوں کا پکڑا جانا ضروری ہے، حکمران عوام کا پیسا خود ہڑپ کریں گے تو مسائل کون حل کرے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نواز شریف نے مشرف کے ساتھ ڈیل اور معاہدہ کیا، اعتزاز احسن

    نواز شریف نے مشرف کے ساتھ ڈیل اور معاہدہ کیا، اعتزاز احسن

    اسلام آباد: پاکستان پیپلزپارٹی کے مرکزی رہنما اعتزاز احسن نے کہا ہے کہ نواز شریف نے مشرف کے ساتھ ڈیل اور معاہدہ کیا، مشرف سے این آر او کرکے اپنی خواہش پر جیل سے سعودی عرب منتقل ہوئے۔

    ان خیالات کا اظہار انہوں نے اے آر وائی نیوز کے پروگرام ’پاور پلے‘ میں گفتگو کرتے ہوئے کیا، اعتزاز احسن نے کہا کہ پاناما لیکس آنے سے پہلے حسین نواز کا انٹرویو کرایا گیا تھا، نواز شریف نے لاعلمی کا موقف اختیار کیا اب وہ گواہ نہیں لاسکتے ہیں، بچوں کے نام پر فلیٹس کی ملکیت ایک مذاق ہے کہ پیسہ کہاں سے آیا۔

    انہوں نے کہا کہ نواز شریف منی ٹریل پیش نہیں کررہے اور لاتعلقی کا اظہار کررہے ہیں، صفائی پیش نہ کرنے پر کیس ایک ہفتے میں ختم ہوجانا چاہئے، اعتزاز احسن کے مطابق نواز شریف لندن میں ہی عید کریں گے ان کو کوئی روکنے والا نہیں ہے، ان کا نام ای سی ایل میں نہیں ڈالا جائے گا۔

    اعتزاز احسن کے مطابق میاں صاحب کو نکالا نہیں گیا اب بھی وہ پارٹی کی صدارت کرتے ہیں، میاں صاحب ایک طرف شہباز شریف اور دوسری طرف وزیر اعظم بیٹھا ہوتا ہے، نواز شریف اس وقت خوش تھے جب نگراں بینچ نے یوسف رضا گیلانی کو سزا سنائی تھی، وہ اس وقت گیلانی کو کہتے تھے پہلے گھر جاؤ پھر اپیل کرو، ان کے کیس میں تو صرف سپریم کورٹ نگرانی کررہا ہے۔

    انہوں نے کہا کہ مریم نواز کے لیے سوالات کچھ مختلف ہوں گے، ان سے کیلبری فونٹ والا سوال براہ راست ہوگا، جس فونٹ سے اور جس تاریخ کو ٹرسٹ ڈیڈ بنی وہ فونٹ اس وقت دستیاب نہیں تھا، مریم نواز نے ایک پروگرام میں کہا تھا میری کوئی جائیداد نہیں وہ سوال بھی ہوگا، مریم نواز سے یہ سوال ہوسکتا ہے جو بھی آمدن ہے اس پر ٹیکس کتنا دیا ہے۔

    اعتزاز احسن نے کہا کہ ہمارا ووٹر نہیں چاہتا تھا کہ ہم ن لیگ کو پارلیمنٹ میں سپورٹ کریں، بلاول بھٹو کے سیاست میں آنے سے کارکنان پرعزم ہیں، الیکشن وقت پر ہوتے نظر آرہے ہیں۔

    انہوں نے کہا کہ پی ٹی آئی کے چند تیر پی پی کے لوگوں کو لگے مگر زیادہ نقصان ن لیگ کو ہورہا ہے جبکہ شہباز شریف کی حکومت نے کارکنوں سے روزگار کے مواقع چھین لئے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • حکومت وہی بنا سکتا ہے جس کے ساتھ پیپلزپارٹی ہوگی، نبیل گبول

    حکومت وہی بنا سکتا ہے جس کے ساتھ پیپلزپارٹی ہوگی، نبیل گبول

    اسلام آباد: پاکستان پیپلزپارٹی کے رہنما نبیل گبول نے کہا ہے کہ حکومت وہی بنا سکتا ہے جس کے ساتھ پیپلزپارٹٓی ہوگی، تاثر دیا جارہا ہے کہ حکومت عمران خان بنائیں گے، میں نہیں سمجھتا کہ کوئی بھی قوت الیکشن کی تاخیر چاہے گی۔

    ان خیالات کا اظہار انہوں نے اے آر وائی نیوز کے پروگرام ’پاور پلے‘ میں گفتگو کرتے ہوئے کیا، نبیل گبول نے کہا کہ نواز شریف تو خود چاہتے ہیں کہ الیکشن جلد سے جلد ہوں، خدا نخواستہ 2007 والی صورتحال پیدا ہوئی تو الیکشن میں تاخیر ہوسکتی ہے۔

    انہوں نے کہا کہ میاں صاحب کے کیس میں مزید تاخیر نہیں ملنی چاہئے، نواز شریف کی خام خیالی ہے کہ اگلا الیکشن بھی وہ جیتیں گے، وہ جو سوچ رہے ہیں ایسا ممکن نہیں ہے۔

    پیپلزپارٹی کے رہنما نے کہا کہ میاں صاحب عالمی طاقتوں کے آلہ کار بنے ہوئے ہیں، نواز شریف اداروں کے خلاف کھل کر جو بات کرتے ہیں اس کی وجہ سامنے آرہی ہے، ان کے خلاف 4.9 ارب ڈالر بھارت بھیجنے کے الزام کی تحقیقات ہونی چاہئے، تفتیش ہونی چاہئے بھارت یہ پیسے کس مد میں بھیجے گئے ہیں، پاناما کیس کی طرح اس معاملے پر بھی جے آئی ٹی بننی چاہئے۔

    نبیل گبول نے کہا کہ ڈان لیکس ایک حملہ تھا اسے بالکل نظر انداز نہیں کیا گیا، چوہدری نثار نے ڈان لیکس کی رپورٹ پڑھی ہے تو عوام کو بتائیں، یہ نہ سمجھا جائے پاکستان کو کمزور کرنے والوں کے خلاف ادارے خاموش ہیں، حکمران پاکستان کو نقصان پہنچانے والوں کے آلہ کار بنے بیٹھے ہیں۔

    انہوں نے کہا کہ پاکستان کو مذاق بنانے والے خود مذاق بن چکے ہیں۔ جہلم جلسے میں مشکل سے ڈیڑھ ہزا لوگوں میں عجیب عجیب باتیں کرتے ہیں، خلائی مخلوق کی بات کرتے ہیں اصل ادارے کا نام نہیں لیتے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نواز شریف کو اس وقت اڈیالہ جیل میں ہی ہونا چاہئے، اسد عمر

    نواز شریف کو اس وقت اڈیالہ جیل میں ہی ہونا چاہئے، اسد عمر

    اسلام آباد: پاکستان تحریک انصاف کے رہنما اسد عمر نے کہا ہے کہ عوام کو نواز شریف کے بیانیے کو سنجیدہ نہیں لینا چاہئے، میاں صاحب کو اس وقت اڈیالہ جیل میں ہی ہونا چاہئے۔

    ان خیالات کا اظہار انہوں نے اے آر وائی نیوز کے پروگرام ’پاور پلے‘ میں گفتگو کرتے ہوئے کیا، اسد عمر نے کہا کہ نواز شریف کا پورا بیانیہ جھوٹ پر مبنی ہے اس لئے خود بھی بھول جاتے ہیں، نواز شریف کا بیانیہ ہے فیصلے کہیں اور لکھے جارہے ہیں۔

    پی ٹی آئی رہنما نے کہا کہ اصغر خان کیس میں پیسے دینے اور لینے والوں کے خلاف کارروائی ہونی چاہئے، مریم نواز کو بھی مطالبہ کرنا چاہئے اصغر خان کیس میں دستاویزات پیش کی جائیں، اصغر خان کیس منطقی انجام تک پہنچنا چاہئے، معلوم ہونا چاہئے کیس میں نواز شریف کا کردار کیا تھا۔

    انہوں نے کہا کہ نواز شریف ووٹ کو عزت دو کے بیانیے کی بات کرتے ہیں، وہ اس وقت اپنے سائے سے ہی لڑ رہے ہیں، ان دیکھی قوتیں نواز شریف کا ماضی ہیں جس سے وہ نکل نہیں پا رہے ہیں۔

    اسد عمر نے کہا کہ چوہدری نثار کو چاہئے کھل کر سامنے آئیں، چوہدری نثار سے کہنا چاہتا ہوں اشاروں سے کام نہیں چلے گا، ان کو کھڑے ہوکر پوزیشن لینا ہوگی، بیرونی دباؤ جب پاکستان پر بڑھ رہا تھا چوہدری نثار اس وقت کہاں تھے۔

    انہوں نے کہا کہ مفتاح اسماعیل کہہ رہے ہیں پاکستان تباہی کی طرف جارہا ہے تو بتائیں کیوں؟ سب کا موقف یہی ہے کہ پاکستان اس وقت مشکل دور میں کھڑا ہے، کل پرسوں اور وقت آنے پر بتاؤں گا اس موقف کا وقت اب ختم ہوچکا ہے۔

    پی ٹی آئی رہنما نے کہا کہ قانون میں ترمیم مسلم لیگ ن نے کی تھیں کسی اور نے نہیں۔ کیپٹن (ر) صفدر نے دو دن اسمبلی میں آکر اشتعال انگیز تقاریر کی تھیں، قوم کے ساتھ مذاق کیا جارہا ہے کسے بیوقوف بنانے کی کوشش ہورہی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تحریک انصاف میں جانے والے اسی تیزی سے واپس بھی آسکتے ہیں، نفیسہ شاہ

    تحریک انصاف میں جانے والے اسی تیزی سے واپس بھی آسکتے ہیں، نفیسہ شاہ

    لاہور: پیپلز پارٹی کی رہنما نفیسہ شاہ نے کہا ہے کہ جس تیزی سے لوگ تحریک انصاف میں جارہے ہیں، ہوسکتا ہے اسی تیزی سے واپس بھی آئیں۔

    یہ بات انھوں نے اے آر وائی کے پروگرام پاور پلے میں کہی۔ ان کا کہنا تھا کہ ندیم افضل چن کو ابتدا ہی سے شناخت پیپلزپارٹی سے ملی، انھیں اگر شرجیل میمن کی سیاست سے مسئلہ تھا تو پہلے احتجاج کرتے۔

    نفیسہ شاہ نے کہا کہ اگر پی ٹی آئی کے ساتھ افضل چن کے تعلقات نظریاتی ہیں تو انھیں پہلے ہی وہاں چلے جانا چاہیے تھا، پیپلز پارٹی میں بھی انھیں لوگوں نے ہمیشہ نظریاتی ہی سمجھا، انھیں ماننا چاہیے کہ انتخابات قریب دیکھ کر پارٹی تبدیل کی۔

    پیپلز پارٹی کی خاتون رہنما نے احسن اقبال کے حوالے سے پروگرام میں گفتگو کرتے ہوئے کہا کہ پاکستان میں بھی پی ایچ ڈی کے بغیر کوئی پروفیسر نہیں بن سکتا، پتا نہیں وہ کیسے پروفیسر بن گئے۔ احسن اقبال کا رویہ اور باتیں بالکل غیر مناسب ہیں۔

    ووٹ کی عزت کی بات وہ کررہا ہے، جو خود ووٹ کی توہین کا مرتکب رہا: نفیسہ شاہ

    سابق وزیر اعظم نواز شریف کے بارے میں انھوں نے کہا کہ نااہلی کے بعد ایک دن بھی ایسا نہیں ہوگا جومیاں صاحب نےعدلیہ پرتنقید نہ کی ہو، کیس تو پاناما کی تفتیش کا تھا، بیانیہ ’ووٹ کو عزت دو‘ میں کیسے بدلا، اس سے قبل ان کا بیانیہ تھا ’مجھے کیوں نکالا۔‘

    خیال رہے کہ سابق پی پی رہنما ندیم افضل چن نے کہا ہے کہ اگرپی پی کے نظریے کا نام شرجیل میمن ہے، تو میں پھانسی چڑھ جاؤں گا۔ دوسری طرف آج وزیر منصوبہ بندی احسن اقبال نے چیف جسٹس پر برستے ہوئے کہا تھا کہ اگر عدلیہ کی عزت ہے تو ہماری بھی عزت ہے۔

     خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پارٹی کے مزید لوگ بھی نواز شریف کے بیانیے کو نہیں مانتے، رانا قاسم نون

    پارٹی کے مزید لوگ بھی نواز شریف کے بیانیے کو نہیں مانتے، رانا قاسم نون

    لاہور: مسلم لیگ ن کے منحرف رہنما رانا قاسم نون نے کہا ہے کہ پارٹی کے مزید لوگ بھی نواز شریف کے بیانیے کو نہیں مانتے ہیں، پارٹی میں بہت سے ایسے لوگ ہیں جو ضمیر فروش نہیں ہیں۔

    ان خیالات کا اظہار انہوں نے اے آر وائی کے پروگرام ’پاور پلے‘ میں گفتگو کرتے ہوئے کیا، رانا قاسم نون نے کہا کہ ہمیں تو اعلیٰ قیادت تک رسائی بھی نہیں تھی اور نہ ہی شنوائی ہوتی تھی، پارٹی کے زیادہ تر لوگ ٹکراؤ کی سیاست کے حق میں نہیں ہیں۔

    جنوبی پنجاب محاذ کے رہنما نے کہا کہ اس اسمبلی اور ممبران کی جتنی بے توقیری ہوئی اتنی کبھی نہیں ہوئی ہے، جمہور کی آواز ہم ہیں جب ہماری عزت نہیں تو جمہور کی کیسے ہوگی۔

    رانا قاسم نون نے کہا کہ ہم عوام کی خدمت کے لیے منت اور ووٹ لے کر اسمبلیوں میں آتے ہیں، آج قومی اسمبلی کے قائمہ کمیٹی کے اجلاس کی صدارت کی تھی، اجلاس میں پولیس فورس کا بے استعمال بند کرنے پر اہم امور پر غور کیا گیا۔

    مسلم لیگ ن کے منحرف رہنما کا کہنا تھا کہ رانا افضل نے فلاحی زمین پر ناجائز قبضہ کرکے اسپتال بنایا جبکہ صوبہ جنوبی پنجاب محاذ کے لیے دو سیکریٹریٹ بن گئے ہیں، ہمارے دروازے تمام پارٹیوں کے لیے کھلے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سپریم کورٹ کے باہر احتجاج پلاننگ کے تحت کرایا گیا، بابر اعوان

    سپریم کورٹ کے باہر احتجاج پلاننگ کے تحت کرایا گیا، بابر اعوان

    کراچی: پاکستان تحریک انصاف کے رہنما بابر اعوان نے کہا ہے کہ سپریم کورٹ کے باہر احتجاج بھی پلاننگ کے تحت کرایا گیا ہے، ملک سب کا ہے قصور میں جو احتجاج ہوا اس پر سیشن جج نوٹس لے سکتا ہے، قصور کے سیشن جج چاہیں تو اس قسم کے احتجاج پر پرچہ درج ہوسکتا ہے۔

    ان خیالات کا اظہار انہوں نے اے آر وائی کے پروگرام ’پاور پلے‘ میں گفتگو کرتے ہوئے کیا، بابر اعوان نے کہا کہ پنجاب پولیس انتہائی ناکارہ ہے جبکہ پنجاب کا خادم اعلیٰ 302 کا ملزم ہے۔

    انہوں نے کہا کہ رات کو فائرنگ کے بعد پھر صبح فائرنگ کرنے والے کو کیوں نہیں پکڑا گیا، کسی جج کے گھر پر فائرنگ کا واقعہ اتنا سنگین تھا جتنا شہید بینظیر بھٹو پر ہوا، بظاہر رات کو فائرنگ کرنے والے کو سیف ایگزیٹ کا موقع دیا گیا، سیکورٹی فراہم کرنا وزیر داخلہ اور وزیر اعلیٰ پنجاب کی ذمہ داری ہے۔

    بابر اعوان نے کہا کہ پہلے دو قطری خط آئے تھے اب یہ تیسرا شرمناک خط ہے، خواجہ آصف کیس میں کسی نجی کمپنی کا خط اہمیت نہیں رکھتا، خواجہ آصف پاکستان میں وزیر خارجہ کے عہدے پر تعینات ہیں دوسری طرف وہ اقامہ کے ذریعے دبئی کی نجی کمپنی کے ملازم ہیں، میں سمجھتا ہوں خواجہ آصف کا یہ کیس تاحیات نااہلی کا ہے۔

    پی ٹی آئی رہنما نے کہا کہ جسٹس اعجاز الاحسن کے گھر کے باہر فائرنگ کرنے والا پکڑا جائے گا، دوسری طرف زبان سے بھی ہوائی فائرنگ کی جارہی ہے، قوم کو بتانا چاہتا ہوں اعلیٰ عدلیہ کے جج ڈرنے والے نہیں ہیں، پورا ڈراما پاکستان کے سب سے اہم ادارے کے خلاف رچایا جارہا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • ن لیگ پر دباؤ آیا ہے تو اب انہیں بھٹو یاد آگیا، مولا بخش چانڈیو

    ن لیگ پر دباؤ آیا ہے تو اب انہیں بھٹو یاد آگیا، مولا بخش چانڈیو

    اسلام آباد: پیپلزپارٹی کے سینیٹر مولا بخش چانڈیو نے کہا ہے کہ ن لیگ پر دباؤ آیا ہے تو اب انہیں بھٹو یاد آگیا ہے، ن لیگ لوگوں کو غلام بناتی ہے یہ لوگ نظریاتی نہیں بن سکتے ہیں۔

    ان خیالات کا اظہار انہوں نے اے آر وائی کے پروگرام ’پاور پلے‘ میں گفتگو کرتے ہوئے کیا، مولا بخش چانڈیو نے کہا کہ میاں صاحب جو روایت ڈال رہے ہیں وہ وفاق کے حق میں نہیں ہے، ن لیگ اپنے مخصوص مفادات کے لیے پاکستانی کی حکومت چاہتی ہے۔

    رہنما پیپلزپارٹی نے کہا ہے کہ میاں صاحب جس راستے پر ملک لے جارہے ہیں اس سے وفاق کو نقصان پہنچے گا، نواز شریف ماحول بنانے کی کوشش کررہے ہیں ان کی بات بن نہیں رہی، انہوں نے جس قانونی جنگ کے لیے ماحول پیدا کیا وہ ہار گئے ہیں، نواز شریف کو کیوں نکالا عوام کو اس سے کوئی سروکار نہیں، وہ 99 میں بھی جھوٹ پر جھوٹ بول کر ملک سے باہر گئے۔

    ایک سوال کے جواب میں مولا بخش چانڈیو نے کہا کہ جنوبی پنجاب کا صوبہ بننا وہاں کے لوگوں کا دیرینہ مطالبہ ہے، حالات یہاں تک پہنچ گئے ہیں کہ بڑی جماعتیں جنوبی پنجاب کی حمایت کرتی ہیں۔

    سینیٹر مولا بخش چانڈیو نے کہا کہ موجودہ وزیر اعظم لہجہ دیکھیں کہتے ہیں صادق سنجرانی کو کون جانتا ہے، کسی ملک میں اپوزیشن لیڈر ایسا نہیں کہتا کہ پارلیمنٹ اپنی افادیت کھو بیٹھی ہے، وزیر اعظم کو اپنے ملک کے ادارے کی عزت کرنی چاہئے، صادق سنجرانی کا کیا قصور ہے؟ سینیٹ سے ہارنے کے بعد بھی ان کا تکبر دور نہیں ہوتا۔

    شاہد خاقان عباسی کی امریکا میں تلاشی کے حوالے سے انہوں نے کہا کہ وزیر اعظم کی تلاشی لی جاتی ہے کیا یہ ہمارے ملک کی عزت ہے، ہم نے دنیا کو کبھی باور نہیں کرایا کہ ہم باعزت ملک کی قوم ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • علی ترین نے حلقہ این اے154میں ڈٹ کر مقابلہ کیا، اسدعمر

    علی ترین نے حلقہ این اے154میں ڈٹ کر مقابلہ کیا، اسدعمر

    کراچی : پاکستان تحریک انصاف کے رہنما اسد عمر نے کہا ہے کہ جہانگیر ترین کے صاحبزادے علی ترین نے حلقہ این اے154میں میدان میں اتر کر مقابلہ کیا ہے، ہوسکتا ہے کہ ان کی ناتجربہ کاری کے باعث نتیجہ مختلف آیا ہو۔

    ان خیالات کا اظہارانہوں نے اے آر وائی نیوز کے پروگرام پاور پلے میں میزبان ارشد شریف سے گفتگو کرتے ہوئے کیا، لودھراں الیکشن میں شکست کے حوالے سے ان کا کہنا تھا کہ موروثی سیاست کسی کو مفت میں کوئی چیز دینا ہوتی ہے۔

    اسد عمر نے کہا کہ لوگ سوچتے ہیں کہ علی ترین صرف ساڑھے3ماہ ایم این اے بن کرعلاقے کی کیا خدمت کرپائے گا اس لیے شاید لودھراں کے عوام نے سوچا3ماہ میں حکومت سے کچھ کام ہی کروالیں۔

    انہوں نے کہا کہ ادارے مفلوج کرنا میاں صاحب کا طریقہ واردات ہے، شریف خاندان کی خدمت کرنے والےلوگ اداروں میں بیٹھے ہیں، سانحہ ماڈل ٹاؤن میں ملوث افسران کوترقیاں دی گئیں، کرپٹ افراد کےخلاف ایکشن کی پہلی ذمہ داری نیب کی ہے۔

    نیب نےایکشن نہ لیا تو سپریم کورٹ کو ایکشن لینا پڑتاہے، صرف نوٹسز یا بیانات سے نہیں، مقدمات منطقی انجام تک پہنچیں گے تو بات بنے گی، شریف خاندان نے ادارے مفلوج کردیئے، اسی لیے فیصلے اب عدالتوں میں ہورہےہیں۔

    اسد عمر کا مزید کہنا تھا کہ پورٹ قاسم پر قطری شہزادے کا پروجیکٹ ہے، فواد حسن فواد نےقواعد سے ہٹ کرمنظوریاں دلوائیں۔

    پاکستان میں جمہوریت کی بنیادیں ن لیگ نےکھوکھلی کی ہیں، اسحا ق ڈاراشتہاری ہے،عدالتی حکم موجود ہے کہ اشتہاری الیکشن نہیں لڑسکتا۔

    متحدہ قومی موومنٹ کی موجودہ صورتحال پر ان کا کہنا تھا کہ ایم کیوایم 32سال میں بھی کراچی کیلئے کچھ نہ کرسکی، اس کےجتنے بھی ٹکڑے ہوئے ہیں وہ کبھی کراچی کو انصاف نہیں دلاسکتے۔

    ایم کیوایم بہادرآباد ہیڈکوارٹر سے چند گز دور ہمارا ممبرسازی کیمپ موجود ہے، ہزاروں لوگ کیمپ پر آکر پی ٹی آئی میں شمولیت اختیار کررہے ہیں، اندروں سندھ بہت بڑاسیاسی خلاموجودہے اسے صرف عمران خان ہی پُرکرسکتےہیں۔

  • آئی بی کے سربراہ کوفوری طورپراستعفیٰ دینا چاہئے،عمران خان

    آئی بی کے سربراہ کوفوری طورپراستعفیٰ دینا چاہئے،عمران خان

    اسلام آباد : پاکستان تحریک انصاف کے چیئرمین عمران خان نے کہا کہ آئی بی کے سربراہ کوفوری طورپراستعفیٰ دینا چاہئے، آئی بی سربراہ کی ڈیوٹی سرکار کیلئے ہونی چاہئے شریف خاندان کیلئےنہیں۔

    تفصیلات کے مطابق پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر پر اے آر وائی نیوز کے پروگرام”پاورپلے "میں آئی بی سربراہ سے متعلق انکشافات پر ردعمل کا اظہار کرتے ہوئے کہا کہ آئی بی کے سربراہ کو فوری طور پر استعفیٰ دینا چاہئے، ئی بی سربراہ کی ڈیوٹی سرکار کیلئے ہونی چاہئے شریف خاندان کیلئے نہیں۔

    عمران خان نے اپنے ٹوئٹ میں کہا کہ آئی بی سربراہ نے ٹیکس دہندگان کے پیسے سے نااہل وزیراعظم سے ملاقات کی، آئی بی کا سربراہ سرکاری تنخواہ لینے والا اہلکار ہوتا ہے۔

    پی ٹی آئی چیئرمین کا مزید کہنا تھا کہ بلیک میل کرنےکیلئےآئی بی کومتحرک کرناخطرےکی گھنٹی ہے، مافیا قوانین، جمہوری اصول توڑ کر سرکاری اداروں کو تباہ کرتی ہے، معاشرے کو غلط پیغام جاتا ہے کہ طاقتور قانون توڑ سکتا ہے۔

    یاد رہے کہ  اےآروائی نیوزکے پروگرام وار پلے میں نوازشریف کا ن لیگ اور حکومت پر تنقید کرنے والے سینتیس اراکین پارلیمنٹ کیخلاف آئی بی سے چھان بین کروانے کا انکشاف ہوا تھا، کالعدم دہشتگرد اور فرقہ وارانہ تنظیموں سے روابط کی بھی چھان بین کی گئی،  جن اراکین پارلیمنٹ کی چھان بین کی گئی ان میں ن لیگ کے اراکین بھی شامل ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔