ARYNews.tv | Urdu – Har Lamha Bakhabar

Tag: Power Tariff

  • بجلی صارفین کو بڑا جھٹکا، 5روپے فی یونٹ اضافے کا امکان

    بجلی صارفین کو بڑا جھٹکا، 5روپے فی یونٹ اضافے کا امکان

    اسلام آباد : بجلی کی قیمت میں پونے 5 روپے اضافے کا امکان ہے ، نیپرا سینٹرل پاورپرچیزنگ ایجنسی کی درخواست پر آج سماعت کرے گی۔

    تفصیلات کے مطابق بجلی کی قیمت میں پونے 5 روپے اضافے کی درخواست پرسماعت آج ہوگی، چیئرمین نیپرا کی سربراہی میں عوامی سماعت کی جائے گی۔

    درخواست اکتوبرکی فیول پرائس ایڈجسٹمنٹ کی مدمیں دی گئی ، سینٹرل پاورپرچیزنگ ایجنسی نےاضافےکی درخواست دی۔

    درخواست میں کہا گیا ہے کہ اکتوبرمیں11ارب 29کروڑیونٹ بجلی پیداہوئی، اکتوبرمیں10ارب98کروڑیونٹ بجلی تقسیم کارکمپنیوں کوفروخت ہوئی۔

    سی پی پی اے نے کہا کہ اکتوبرمیں ڈیزل سے25روپے22پیسےفی یونٹ اور فرنس آئل سے22روپے21پیسےفی یونٹ بجلی پیداکی گئی۔

    درخواست میں کہا گیا کہ پانی سے بجلی پیداوار 23.26 فیصد اور کوئلے سے 16.69 فیصد ، فرنس آئل سے 10.88اورڈیزل سے پیداوار0.51 فیصد رہی۔

    اضافے کی درخواست کےالیکٹرک کےسواتمام بجلی تقسیم کارکمپنیوں کیلئےہے ، نیپرا سے منظوری کی صورت میں صارفین پر61 ارب کا بوجھ منتقل ہوگا۔

    یاد رہے رواں ماہ کے آغاز میں نیشنل الیکٹرک پاور ریگولیٹری اتھارٹی (نیپرا) نے بجلی ٹیرف میں 1روپے 68 پیسے فی یونٹ اضافے کی منظوری ‏دی تھی۔

    اضافےکے بعد بجلی کی فی یونٹ اوسط قیمت15.36روپے ہو گئی تھی ، تاہم ماہانہ200 یونٹ تک استعمال ‏کرنے والوں پراضافہ لاگونہیں ہوگا۔

  • بجلی کی قیمت میں پونے 5 روپے اضافے کی درخواست

    بجلی کی قیمت میں پونے 5 روپے اضافے کی درخواست

    اسلام آباد: نیشنل الیکٹرک پاور ریگولیٹری اتھارٹی (نیپرا) کو بجلی کی قیمت میں پونے 5 روپے اضافے کی درخواست دی گئی ہے، نیپرا سے منظوری کی صورت میں صارفین پر 61 ارب روپے کا بوجھ منتقل ہوگا۔

    تفصیلات کے مطابق نیشنل الیکٹرک پاور ریگولیٹری اتھارٹی (نیپرا) کو بجلی کی قیمت میں پونے 5 روپے اضافے کی درخواست دی گئی ہے، نیپرا کا کہنا ہے کہ درخواست اکتوبر کی فیول پرائس ایڈجسٹمنٹ کی مد میں دی گئی۔

    نیپرا کی جانب سے سے کہا گیا ہے کہ سینٹرل پاور پرچیزنگ ایجنسی نے اضافے کی درخواست دی ہے جس کی سماعت 30 نومبر کو ہوگی۔

    درخواست میں کہا گیا ہے کہ اکتوبر میں کل 11 ارب 29 کروڑ یونٹ بجلی پیدا ہوئی، اکتوبر میں 10 ارب 98 کروڑ یونٹ بجلی تقسیم کار کمپنیوں کو فروخت ہوئی۔ اضافے کی درخواست کے الیکٹرک کے سوا بجلی کی تمام تقسیم کار کمپنیوں کے لیے ہے۔

    ذرائع کے مطابق نیپرا سے منظوری کی صورت میں صارفین پر 61 ارب روپے کا بوجھ منتقل ہوگا۔

  • ایک ماہ میں 3 بار قیمت میں اضافے کے بعد بجلی مزید مہنگی کرنے کی تجویز

    ایک ماہ میں 3 بار قیمت میں اضافے کے بعد بجلی مزید مہنگی کرنے کی تجویز

    اسلام آباد: رواں ماہ بجلی کی قیمت میں 3 بار اضافے کے بعد مزید اضافے کی درخواست پیش کردی گئی، بجلی کی قیمت میں 2 روپے سے زائد فی یونٹ اضافہ کرنے کی سفارش کی گئی ہے۔

    تفصیلات کے مطابق سینٹرل پاور پرچیزنگ ایجنسی (سی پی پی اے) نے نیشنل الیکٹرک پاور ریگولیٹری اتھارٹی (نیپرا) سے ایک ماہ کے لیے بجلی 2 روپے 66 پیسے فی یونٹ مہنگی کرنے کی درخواست کی ہے۔

    سی پی پی اے نے نیپرا کو ستمبر کی فیول ایڈجسٹمنٹ کی مد میں درخواست دی ہے۔ سی پی پی اے کا کہنا ہے کہ ستمبر میں بجلی کی پیداواری لاگت 7 روپے 68 پیسے فی یونٹ رہی جبکہ اسی ماہ بجلی کی پیشگی پیداواری لاگت 5 روپے 2 پیسے فی یونٹ تھی۔

    درخواست میں کہا گیا کہ ستمبر میں بجلی کی پیداوار میں پانی سے 36.2 فیصد بجلی پیدا کی گئی، کل بجلی کی پیداوار میں کوئلے سے 17.05 فیصد بجلی پیدا کی گئی۔

    سی پی پی اے کا کہنا تھا کہ مقامی گیس سے 8.9 جبکہ درآمد ایل این جی سے 18.9 فیصد بجلی پیدا کی گئی۔ مہنگے فرنس آئل سے بجلی کی لاگت 19 روپے 23 پیسے فی یونٹ رہی۔

    یاد رہے کہ اکتوبر میں بجلی کی قیمتوں میں 3 بار اضافہ کیا جاچکا ہے، 15 اکتوبر کو بجلی کی قیمتوں میں 1 روپے 68 پیسے فی یونٹ اضافہ کیا گیا تھا۔

    گزشتہ روز بھی نیپرا نے کےالیکٹرک کے لیے بجلی کی قیمت میں 69 پیسے فی یونٹ کا اضافہ کیا ہے، مذکورہ اضافے کا اطلاق صرف نومبر کے بلوں پر ہوگا۔

  • بجلی صارفین رواں ماہ اضافی بل ادا کریں گے

    بجلی صارفین رواں ماہ اضافی بل ادا کریں گے

    اسلام آباد: بجلی کی قیمتوں میں 1روپے53 پیسے کا اضافہ کردیا گیا ، اضافے کا اطلاق صرف فروری کے بلز پرہوگا۔

    تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں 1روپے53 پیسے فی یونٹ اضافے کی منظوری دے دی اور اس حوالے سے نوٹی فکیشن جاری کردیا۔

    نوٹی فکیشن میں کہا گیا ہے کہ بجلی کی قیمت میں اضافے کا اطلاق صرف فروری کے بلز پر ہوگا، بجلی قیمت میں اضافےکی منظوری ماہانہ فیول چارجزایڈجسٹمنٹ پرہے۔

    نیپرا کا کہنا ہے کہ فیول پرائس ایڈجسٹمنٹ کا اطلاق کے الیکٹرک صارفین پر نہیں ہوگا۔

    سی پی پی اے جی نے1 روپے80پیسےفی یونٹ اضافےکی درخواست کی تھی ، نیپرا نے27 جنوری 2021 کو ایف سی اے پر عوامی سماعت کی تھی۔

    یاد رہے کہ 21 جنوری کو حکومت نے پیٹرول کے بعد بجلی کی قیمت میں ایک روپے 95 پیسے اضافے کا اعلان کیا تھا۔

    وفاقی وزیر توانائی عمر ایوب نے کہا تھا کہ ن لیگ کی غلط پالیسیوں کی وجہ سے بجلی کی قیمت میں دو روپے اٹھارہ پیسے اضافہ ہونا تھا لیکن ہم نے بجلی کی قیمت میں ایک روپے 95 پیسے اضافے کا کہا ہے۔

  • بجلی صارفین اضافی بل دینے کیلئے تیار ہوجائیں

    بجلی صارفین اضافی بل دینے کیلئے تیار ہوجائیں

    اسلام آباد : : نیپرا نے بجلی کی قیمتوں میں ایک روپے 6 پیسے فی یونٹ کا اضافہ کردیا ، سی پی پی اے نےایک روپے 52 پیسے فی یونٹ اضافےکی درخواست کی تھی۔

    تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے بجلی مزید مہنگی کرتے ہوئے اکتوبراورنومبرکےماہانہ فیول چارجزایڈجسٹمنٹ میں ایک روپے 6 پیسے کا اضافہ کردیا۔

    نوٹی فکیشن میں کہا گیا ہے کہ نیپرا نے فیول چارجزایڈجسٹمنٹ میں اضافے کی منظوری دیدی، سی پی پی اے نےایک روپے 52 پیسے فی یونٹ اضافےکی درخواست کی تھی۔

    نیپرا حکام کا کہنا ہے کہ اطلاق صرف جنوری کے مہینے کےبلوں پر ہوگا، اضافےکااطلاق ڈسکوز کےماسوائے لائف لائن صارفین سب پراطلاق ہوگا جبکہ فیول پرائس ایڈجسٹمنٹ کا اطلاق کےالیکٹرک صارفین پربھی نہیں ہوگا۔

    خیال رہے اتھارٹی نے30 دسمبر 2020کو2ماہ کی ایف سی اےپر عوامی سماعت کی تھی۔

    یاد رہے گذشتہ سال دسمبر میں حکومت نے بجلی کی قیمت میں اٹھارہ پیسے فی یونٹ اضافے کا نوٹیفکیشن جاری کیا تھا، جس کے بعد بجلی کا اوسط ٹیرف 13 روپے 35 پیسے سے بڑھ کر 13 روپے 53 پیسے فی یونٹ ہو گیا تھا۔

    نوٹیفکیشن کے مطابق ماہانہ 300 یونٹ تک استعمال کرنے والوں کے ٹیرف میں 15 پیسے فی یونٹ اضافہ کیا گیا ہے، 300 یونٹ سے زائد استعمال کرنے پر 3 پیسے فی یونٹ اضافی چارج ہوں گے۔

    وزارت توانائی کا کہنا تھا کہ بجلی کی قیمت میں اضافے کا اطلاق رواں ماہ کے بلوں سے ہوگا، یہ اضافہ 10 ماہ کے لیے کیاگیا ہے۔

  • بجلی پھر مہنگی ، اضافی وصولی نومبر کے بل میں کی جائے گی

    بجلی پھر مہنگی ، اضافی وصولی نومبر کے بل میں کی جائے گی

    اسلام آباد : نیپرا نے بجلی 48 پیسے فی یونٹ مہنگی کردی ، قیمت بڑھنے سے صارفین پر5ارب روپے سے زائد کا بوجھ پڑے گا جبکہ صارفین سے اضافی وصولی نومبر کے بل میں کی جائے گی۔

    تفصیلات کے مطابق مہنگائی میں پسے عوام پر بجلی بم گرادیا گیا ، نیشنل الیکٹرک پاور ریگولیٹری اتھارٹی نے بجلی کی قیمت میں 48 پیسے فی یونٹ کا اضافہ کردیا۔

    نیپرا نے اگست کے ماہانہ فیول چارجز ایڈجسٹمنٹ کی مد میں 48 پیسے فی یونٹ اضافے کی منظوری دیتے ہوئے نوٹیفکیشن جاری کردیا، بجلی کی قیمت بڑھنے سے صارفین پر5ارب روپے سے زائد کا بوجھ پڑے گا۔

    نوٹیفکیشن میں کہا گیا کہ صارفین سے اضافی وصولی نومبر کے بل میں کی جائے گی، اس کا اطلاق ڈسکوز کے تمام صارفین ماسوائے لائف لائن صارفین پر ہوگا جبکہ فیول پرائس ایڈجسٹمنٹ کا اطلاق کے الیکٹرک صارفین پر بھی نہیں ہوگا۔

    نوٹیفکیشن کے مطابق سی پی پی اے جی نے 98 پیسے فی یونٹ اضافے کی درخواست کی تھی، اتھارٹی نے 30 ستمبر کو ایف سی اے پر عوامی سماعت کی تھی، جس کے بعد اتھارٹی نے گزشتہ ایڈجسٹمنٹس کی مد میں 404 ملین روپے اور پلانٹس کو آر ایف او/ایچ ایس ڈی پر چلانے کی مد میں 6.6 بلین روپے مشروط طور پر روک لیے۔

    نیشنل الیکٹرک پاور ریگولیٹری اتھارٹی کے مطابق اگست میں بجلی کی پیداواری لاگت3روپے68پیسےفی یونٹ رہی جبکہ اگست میں بجلی کی پیشگی فیول لاگت 3روپے20 پیسےفی یونٹ تھی۔

  • پٹرول کی قیمت بڑھنے کے بعد عوام کا ایک اور امتحان

    پٹرول کی قیمت بڑھنے کے بعد عوام کا ایک اور امتحان

    اسلام آباد : پیٹرول کے بعد بجلی کی قیمت میں اضافہ کردیا گیا، بجلی صارفین پر چوبیس ارب روپے کا اضافی بوجھ پڑے گا اور یہ اضافہ دسمبرکےبلوں میں لیا جائے گا۔

    تفصیلات کے مطابق مہنگائی کی ماری عوام کے ایک اورامتحان ، یشنل الیکٹرک پاور ریگولیرٹی اتھارٹی (نیپرا) نے بجلی کے نرخوں میں ایک روپے بیاسی پیسے کے اضافے کی منظوری دے دی۔

    نیپرا کے مطابق اضافہ ستمبر کی فیول ایڈجسٹ منٹ کی مدمیں کیا گیا اور یہ اضافہ دسمبرکےبلوں میں لیا جائےگا، تین سےکم یونٹ استعمال کرنےوالے،زرعی صارفین اور کے الیکٹرک کے صارفین پراطلاق نہیں ہوگا۔

    نیپرا نے ریزیڈیول فیول کے زائد استعمال کا جواز مانگتے ہوئے چوون پیسے کے مزید اضافے کے فیصلے کی منظوری مؤخرکردی ، نیپرا نے پندرہ روز میں ریزیڈیول فیول کے زائد استعمال کا ڈیٹا مانگا ہے۔

    مزید  پڑھیں:  بجلی کی قیمت میں ایک بار پھر اضافہ

    یاد رہے گذشتہ ماہ کے آغاز میں بجلی کی قیمت میں ایک روپے 66 پیسے فی یونٹ کا اضافہ کیا گیا تھا ، اضافہ ایک ماہ کے لئے اگست کی فیول ایڈجسٹمنٹ کی مد میں کیا گیا، جس سے صارفین پر 22 ارب 60 کروڑ کا بوجھ پڑا۔

    بعد ازاں اسی دن اسلام آباد میں منعقد ہونے والے ایکنک اجلاس میں بجلی کی قیمت میں ایک بار پھر ، تیس پیسے فی یونٹ اضافے کی منطوری دی گئی تھی۔

    اس سے قبل ستمبر میں بھی نیشنل الیکٹرک پاور ریگولیٹری اتھارٹی (نیپرا) نے بجلی ایک روپے اٹھہترپیسےفی یونٹ مہنگی کرنےکی منظوری دی تھی۔

  • بجلی ایک روپے 78 پیسے مہنگی

    بجلی ایک روپے 78 پیسے مہنگی

    اسلام آباد : نیشنل الیکٹرک پاور ریگولیٹری اتھارٹی (نیپرا) نے بجلی فی یونٹ ایک روپے اٹھہترپیسے مہنگی کردی ، بجلی جولائی کے لیےفیول ایڈجسٹمنٹ مد میں مہنگی کی گئی ہے۔

    تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے بجلی ایک روپے اٹھہترپیسےفی یونٹ مہنگی کرنےکی منظوری دے دی ، بجلی صارفین پرچوبیس ارب ساٹھ کروڑ روپے کا بوجھ پڑے گا۔

    بجلی جولائی کے لیےفیول ایڈجسٹمنٹ مد میں مہنگی کی گئی ہے،اضافے کا اطلاق کے الیکٹرک لائف لائن زرعی صارفین پر نہیں ہوگا۔

    سی پی پی اے نے کہا جولائی میں ہائیڈل سے 32.53 فیصد، کوئلے سے 14.33 فیصد ، مقامی گیس سے 11.81 فیصد، درآمدی ایل این جی سے24.71 فیصد بجلی پیدا کی گئی جبکہ فرنس آئل سے 5.50 فیصد بجلی پیدا کی گئی۔

    نیپراحکام کا کہنا تھا کلہ فرنس آئل سے پلانٹس چلائے جاتے تو5 ارب60 کروڑکی بچت ہوسکتی تھی، بہتر صلاحیت والے پلانٹس چلائے جاتے تو ریلیف فراہم کیا جاسکتا تھا۔

    چیئرمین نیپرا نے کہا کوٹ ادوپاورپلانٹ کی کیپسٹی کی تفصیلات فراہم کریں، جس پر ممبرنیپرا کا کہنا تھا کہ میرٹ کیا تھااور کیا تبدیلی کی گئی تفصیلات فراہم کریں، میرٹ آرڈرتبدیل کرنے سے نقصانات ہوتا ہے، اس کی تفصیلات دیں۔

    یاد رہے گذشتہ ماہ نیپرا نے بجلی فی یونٹ 9 روپے سستی کردی تھی، جس سے صارفین کو ایک ارب 10 کروڑ روپے کا ریلیف ملا، کمی کی منظوری جون کےماہانہ فیول ایڈجسٹمنٹ کی مدمیں دی گئی تھی۔

    خیال رہے سی پی پی اے نے بجلی 6 پیسے فی یونٹ مہنگی کرنے کی درخواست کی تھی۔

  • نیپرا نے بجلی 9پیسے فی یونٹ سستی کردی

    نیپرا نے بجلی 9پیسے فی یونٹ سستی کردی

    اسلام آباد : نیشنل الیکٹرک پاور ریگولیٹری اتھارٹی (نیپرا) نے بجلی فی یونٹ 9 روپے سستی کردی ، کمی کی منظوری جون کےماہانہ فیول ایڈجسٹمنٹ کی مدمیں دی گئی۔

    تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے بجلی مہنگی کرنے کی درخواست مسترد کرتے ہوئے فی یونٹ بجلی 9 پیسے سستی کرنے کی منظوری دے دی۔

    نیپرا کی جانب سے بجلی سستی کرنے کی منظوری جون کی فیول پرائس ایڈجسٹمنٹ کی مد میں دی گئی ہے، جس سے صارفین کو ایک ارب 10 کروڑ روپے کا ریلیف ملے گا۔

    نیپرا کے فیصلے کا اطلاق کے الیکٹرک اور ماہانہ 300 یونٹ تک بجلی استعمال کرنے والے گھریلو صارفین پر نہیں ہوگا۔

    خیال رہے سی پی پی اے نے بجلی 6 پیسے فی یونٹ مہنگی کرنے کی درخواست کی تھی۔

    یاد رہے نیشنل الیکٹرک پاور ریگولیٹری اتھارٹی (نیپرا) نے تقسیم کار کمپنیوں کے بارے میں رپورٹ جاری کی تھی ، رپورٹ کے مطابق سنہ 18-2017 میں بجلی چوری اور نقصانات سے 45 ارب سے زائد کا نقصان پہنچا۔

  • نیپرا نے بجلی کی قیمت میں81 پیسے فی یونٹ کا اضافہ کردیا

    نیپرا نے بجلی کی قیمت میں81 پیسے فی یونٹ کا اضافہ کردیا

    اسلام آباد : نیپرا نے بجلی کی قیمت میں 81 پیسے فی یونٹ کا اضافہ کردیا اور بجلی مہنگی ہونے سے صارفین پر 5ارب 2 کروڑ کا اضافی بوجھ پڑے گا، اضافہ فروری کی فیول پرائس ایڈجسٹمنٹ کی مد میں کیاگیا۔

    تفصیلات کے مطابق پٹرول اور ایل پی جی کے بعد عوام کو بجلی کا جھٹکا لگنے والا ہے ،  نیشنل الیکٹرک پاور ریگولیرٹی اتھارٹی (نیپرا)  نےبجلی کی قیمت میں 81 پیسے فی یونٹ کا اضافہ کردیا، اضافے سے صارفین پر 5ارب2 کروڑ کا بوجھ ڈال دیاگیا ہے۔

    یہ اضافہ فروری کی فیول پرائس ایڈجسٹمنٹ کی مدمیں کیاگیا ہے۔

    نیپرا کا کہنا ہے گیس کی قیمتیں بڑھنے سے 3ارب کا بوجھ پڑا، فروری کے دوران پانی سے 22.77فیصد بجلی پیدا کی گئی، کوئلے سے 17.46فیصد اور گیس سے 23.85فیصد بجلی پیدا کی گئی۔

    فروری میں درآمدی ایل این جی سے16.89 فیصدبجلی پیداہوئی جبکہ ریفرنس فیول لاگت 3روپے 97 پیسےفی یونٹ رہی۔

    مزید پڑھیں : بجلی کی قیمت میں ایک روپے80 پیسے فی یونٹ اضافہ

    سی پی پی اےنےنرخ میں1روپے 23پیسےفی یونٹ اضافےکی تجویزدی ، تقسیم کارکمپنیوں کوفراہم بجلی کی فی یونٹ قیمت5روپے 20پیسے ہے۔

    یاد رہے فروری میں نیپرا نے بجلی ایک روپے 80 پیسے فی یونٹ مہنگی کی تھی، جس کے باعث صارفین پر آئندہ ماہ 13 ارب 50 کروڑ روپے کا بوجھ پڑا تھا، اضافہ جنوری کی فیول پرائس ایڈجسٹمنٹ کی مدمیں کیا گیا ہے۔

    اس سے قبل جنوری میں بھی نیشنل الیکٹرک پاور ریگولیٹری اتھارٹی نے بجلی کی فی یونٹ قیمتوں میں 57 پیسے اضافے کی منظوری دی تھی ،  اضافے کی منظوری دسمبر 2018 کے فیول ایڈجسٹمنٹ کی مد میں کی گئی تھی ۔