عید کا دن خوشیوں کا دوسرا نام ہے لیکن ضروری نہیں عید سب لوگوں کیلیے ہی ایک جیسی ہو کچھ لوگ ایسے بھی ہوتے ہیں جو عید کے دن اپنے اہل خانہ سے دور ہوتے ہیں۔
عید کے اس پر مسرت موقع پر کچھ سیاست دان ایسے بھی ہیں جو یہ دن جیل میں گزار چکے ہیں ، ان میں ایک پیپلز پارٹی کے رہنما نیئر بخاری بھی ہیں۔
اے آر وائی نیوز کے پروگرام باخبر سویرا عید اسپیشل میں پی پی رہنما نیئر بخاری نے عیدالاضحیٰ جیل میں گزارنے کی یادگار کہانی سنائی۔
انہوں نے اپنی یادگار عید کے حوالے سے بتایا کہ مجھے وہ عیدالاضحیٰ ہمیشہ یاد رہے گی جب مارشل لاء کے دور میں اور میرے کچھ ساتھی پنڈی جیل میں تھے۔
انہوں نے کہا کہ جہاں تک جیل میں کھانا پکانا سیکھنے کی بات ہے اس کی ضرورت کبھی پیش نہیں آئی کیونکہ جو لوگ میرے ساتھ تھے وہی صبح کا ناشتہ وغیرہ بنا لیا کرتے تھے اور کھانا گھر سے آجاتا تھا۔
