Tag: PPL

  • پاکستان پیٹرولیم کمپنی میں بدعنوانی کی رپورٹ عدالت میں پیش

    پاکستان پیٹرولیم کمپنی میں بدعنوانی کی رپورٹ عدالت میں پیش

    اسلام آباد: پاکستان پیٹرولیم کمپنی (پی پی ایل) میں بدعنوانی و بے ضابطگیوں سے متعلق رپورٹ سپریم کورٹ میں جمع کروادی گئی۔ رپورٹ میں برطانوی کمپنی کے اثاثوں کی خریداری میں گھپلوں کا انکشاف ہوا ہے۔

    تفصیلات کے مطابق قومی احتساب بیورو (نیب) نے پاکستان پیٹرولیم کمپنی میں بدعنوانی و بے ضابطگیوں سے متعلق رپورٹ سپریم کورٹ میں جمع کروادی۔

    رپورٹ میں برطانوی کمپنی کے اثاثوں کی خریداری میں گھپلوں کا انکشاف ہوا۔

    نیب رپورٹ میں بتایا گیا کہ پی پی ایل نے اثاثے 12 کروڑ ڈالر کی زائد قیمت پر خریدے، اثاثوں کی مالیت 6 کروڑ ڈالر تھی، 18 کروڑ ڈالر میں خریدے گئے۔

    رپورٹ میں کہا گیا کہ نیب نے ذمے داران و ملزمان کے خلاف انکوائری مکمل کرلی۔ انکوائری میں چیک ری پبلک کے شہری کی بطور بینی فشری نشاندہی کی گئی۔

    رپورٹ میں پی ایس او اور آئل کمپنی کے معاہدے پر بھی سوالات کیے گئے۔ رپورٹ میں کہا گیا کہ معاہدے سے آئل کمپنی کو مالی فائدہ پہنچایا گیا۔

    نیب کا کہنا ہے کہ قانونی تقاضے پورے کرنے کے بعد ریفرنس دائر کیا جائے گا، وزارت پیٹرولیم، پی ایس او، او جی ڈی ایس ایل اور دیگر کی تحقیقات بھی جاری ہیں۔

  • نقص امن : پاکستان پیٹرولیم نے یمن میں دو میں سے ایک کنویں پرکام بند کردیا

    نقص امن : پاکستان پیٹرولیم نے یمن میں دو میں سے ایک کنویں پرکام بند کردیا

    کراچی : پاکستان پیٹرولیم کے ایم ڈی سعید اللہ شاہ نے کہا ہے کہ پاکستان پیٹرولیم نے یمن میں امن و امان کی خراب صورتحال کے باعث دو میں سے ایک کنویں پرکام بند کردیا ہے۔

    یہ بات انہوں نے کراچی میں پی پی ایل کے67ویں سالانہ اجلاس سے خطاب کرتے ہوئے کہی۔ اجلاس سے خطاب کرتے ہوئے سعید اللہ شاہ کا مزید کہنا تھا کہ موجودہ حکومت پیٹرولیم کے شعبے کی بہتری کیلئے سنجیدہ ہے۔

    رواں مالی سال تیل و گیس کی دریافت پر بارہ ارب روپے کی سرمایہ کاری کی جائے گی۔ ان کا کہنا تھا کہ پی پی ایل نے دو ہزار سترہ اور اٹھارہ میں کے دوران45.7بلین روپے منافع حاصل کیا ہے، یہ منافع کمپنی کی تاریخ کا دوسراسب سے زیادہ منافع ہے۔

    پی پی ایل کے سالانہ اجلاس سے خطاب میں چیئرمین پی پی ایل سلمان اختر کا کہنا تھا کہ رواں مالی سال پی پی ایل21 کنوؤیں پر کام کرے گا ، پیٹرولیم کے کل33کنوئیں کھودے گئے جن میں 18دریافت کنوئیں شامل ہیں۔

    مزید پڑھیں: پی پی ایل نے گیس کی پیداوار میں ریکارڈ ہدف حاصل کرلیا

    سالانہ اجلاس میں شیئر ہولڈرز کے لیے عمومی شیئرز پر15فیصد نقد منافع کے ساتھ 15فیصد بونس شیئرز کی بھی منظوری دی گئی۔

  • پی پی ایل نے گیس کی پیداوار میں ریکارڈ ہدف حاصل کرلیا

    پی پی ایل نے گیس کی پیداوار میں ریکارڈ ہدف حاصل کرلیا

    کندھ کوٹ: وزیر اعظم پاکستان شاہد خاقان عباسی نے کہا ہے کہ پی پی ایل نے کندھ کوٹ میں یومیہ 230 ایم ایم ایس سی ایف ریکارڈ پیداوار کا ہدف حاصل کر لیا، پی پی ایل نے 1 سال میں پیداوار بڑھا کر بڑا کارنامہ انجام دیا ہے۔

    یہ بات انہوں نے پاکستان پیٹرولیم لمیٹڈ کی جانب سے کندھ کوٹ گیس فیلڈ سے پیداوار میں نمایاں اضافے کے حوالے سے منعقدہ تقریب سے خطاب میں کہی۔

    وزیراعظم شاہد خاقان عباسی کا کہنا تھا کہ کندھ کوٹ گیس فیلڈ کی اضافی گیس گدو پاور اسٹیشن کو فراہم کی جا رہی ہے جو پاور پلانٹ گیس سے 450 میگا واٹ بجلی بنا رہا ہے۔3

    وزیر اعظم کا کہنا تھا کہ پی پی ایل کے نظام میں بڑی سرمایہ کاری کی گئی ہے وفاقی حکومت پی پی ایل کے معاملات میں مداخلت نہیں کر رہی ہے، ایندھن کی مد میں سالانہ 30 کروڑ ڈالر سرمائے کی بچت ہو گی۔

    شاہد خاقان عباسی نے کہا کہ موجودہ حکومت نے 100 کنویں کھودے ہیں، توانائی کی طلب و رسد کے درمیان فرق کو کم کرنے کے حکومتی عزم کو پورا کرنے میں پی پی ایل کی کاوشیں لائق تحسین ہیں۔

    ایم ڈی  اور سی ای او سید وامق بخاری نے بتایا کہ پیداوار کا یومیہ 1 بی سی ایف ای سے تجاوز کرنے کے ساتھ ساتھ رواں سال مختلف علاقوں میں 25 کنوؤں کی ریکارڈ کھدائی شامل ہیں۔

    پرانی فیلڈ کی پیداواری صلاحیت یومیہ 90 ایم ایم ایس سی ایف تک بڑھا دی گئی جو توانائی کی فراہمی میں شامل کر دی جائے گی۔

    پیداوار کو برقرار رکھنے کے لیے اس سا ل 3 اضافی پیداواری کنویں کھودنے کی منصوبہ بندی کی گئی ہے۔

    دریں اثنا تقریب میں وزیر مملکت برائے پٹرولیم ڈویژن، وزارت توانائی جام کمال خان، گورنر سندھ محمد زبیر بھی تقریب میں موجود تھے۔

  • سندھ میں کنوئیں سے گیس کے مزید ذخائردریافت

    سندھ میں کنوئیں سے گیس کے مزید ذخائردریافت

    سانگھڑ: پاکستان پیٹرولیم نے ضلع سانگھڑ سندھ میں نو دریافت شدہ کنوئیں فیض سے پانچویں گیس اور کنڈنسیٹ کے ذخائر دریافت کرنے کا اعلان کیاہے۔

    پی پی ایل کی سندھ میں وافق ، شہداد ، شرف اور کنزہ سے گیس اور کنڈنسیٹ کی دریافت کے بعد گمبٹ ساؤتھ میں یہ پانچویں دریافت ہے۔فیض کی کھدائی کا آغاز اکتوبرمیں ہوا۔

    ابتدائی جانچ کے دوران یومیہ آٹھ اعشاریہ چھ ایم ایم سی ایف ڈی گیس اور ایک سو پندرہ بیرل کنڈنسیٹ حاصل ہوئے جو تجارتی مقاصد کے لئے استعمال ہوں گے۔

    نو دریافت شدہ کنویں فیض سے یومیہ تقریباً تیرہ سو بیرل تیل کی ممکنہ پیداوار ہوگی جس سےاٹھتر ہزار امریکی ڈالر یومیہ کے زر مبادلہ کی بچت ہوگی۔

  • سند ھ سے گیس اور کنڈنسیٹ کا دوسرا ذخیرہ دریافت

    سند ھ سے گیس اور کنڈنسیٹ کا دوسرا ذخیرہ دریافت

    اسلام آباد: پی پی ایل نے گزشتہ ایک ماہ کے دوران ضلع مٹیاری، صوبہ سند ھ میں آدم ویسٹ سے گیس اور کنڈنسیٹ کا دوسرا ذخیرہ دریافت کرلیا ہے، پی پی ایل کے ترجمان کے مطابق ہالہ بلاک میں65 فیصد اور 35 فیصد حصہ ماری پیٹرولیم کمپنی کاہے۔

    نئے دریافت ہونے والے کنوئیں آ د م ویسٹ کی کھدائی کا آغاز مئی کو ہوا۔ پی پی ایل کے ترجمان کے مطابق ابتدائی جانچ کے دوران یومیہ 18.6MMscf گیس اور31 بیرل کنڈنسیٹ حاصل ہو گا۔

    آد م ویسٹ سے حاصل ہونے والی موجودہ پیداوار کی صلاحیت تقریباً یومیہ 3,200 بیرل تیل کے مساوی ہے،جس سے یومیہ ساڑھے تین لاکھ امریکی ڈالر زرمبادلہ کی بچت ہو گی۔

  • آئل اینڈ گیس ڈویپلمنٹ کمپنی نے اٹک میں تیل وگیس کا نیا ذخیرہ دریافت کرلیا

    آئل اینڈ گیس ڈویپلمنٹ کمپنی نے اٹک میں تیل وگیس کا نیا ذخیرہ دریافت کرلیا

    کراچی: آئل اینڈ گیس ڈویپلمنٹ کمپنی نے اٹک میں تیل وگیس کا نیا ذخیرہ دریافت کرلیا۔

    آئل اینڈ گیس ڈویپلمنٹ کمپنی کےاعلان کےمطابق پنجاب کے ضلع اٹک میں سوگھری نامی فیلڈ میں کنواں نمبر ون سےہائیڈروکاربن کا نیا ذخیرہ دریافت ہوا ہے، یہ گیس فیلڈ مکمل طور پر اُو جی ڈی سی ایل کی ملکیت ہے،ابتدائی نتائج کےمطابق اس کنویں سےیومیہ ایک کروڑ سترلاکھ کیوبک فٹ گیس اور دو سو بیس بیرل خام تیل نکلےگا،کمپنی کےمطابق اس نئی دریافت سےاُو جی ڈی سی ایل اور پاکستان کےہائیڈروکاربن ذخائر میں نمایاں اضافہ اور قیمتی زرمبادلہ کی بچت ہوگی۔