ARYNews.tv | Urdu – Har Lamha Bakhabar

Tag: PPP chairman

  • بغاوت ختم کرنے میں بھی 30 سیکنڈ لگیں گے، بلاول بھٹو

    بغاوت ختم کرنے میں بھی 30 سیکنڈ لگیں گے، بلاول بھٹو

    پاکستان پیپلز پارٹی چیئرمین بلاول بھٹو زرداری نے کہا ہے کہ بغاوت کرنے میں 30 سیکنڈ لگتے ہیں تو اسے ختم کرنے میں بھی 30 سیکنڈ لگیں گے۔

    چیئرمین پی پی پی نے موجودہ سیاسی صورتحال پر عوامی رابطوں کی ویب سائٹ ٹوئٹر پر اپنے جذبات کا اظہار کچھ اس طرح کیا ہے۔

    بلاول بھٹو نے اپنے ٹوئٹر پیغام میں لکھا ہے کہ بغاوت کرنے میں 30 سیکنڈ لگتے ہیں تو اسے ختم کرنے میں بھی 30 سیکنڈ لگیں گے، انصاف میں تاخیر انصاف سے انکار کے برابر ہے۔

     

    بلاول بھٹو نے مزید لکھا ہے کہ گزشتہ ہفتےاسلام آباد میں آئین شکنی کی گئی، انتخاب کےدن ڈپٹی اسپیکرپرپنجاب اسمبلی کے دروازے بند کردیے گئے اور عوامی ایوان کے گرد خاردار تار لگا دیے گئے ہیں۔

    بعد ازاں بلاول بھٹو نے ایک اور ٹوئٹ کرتے ہوئے لکھا کہ عمران خان کا کوئی بھی اقدام اب ان کو بچا نہیں پائے گا۔

    انہوں نے مزید کہا کہ عمران خان کی حکومت گئی ، سلیکٹڈ راج ختم، لوگ دیکھ رہے ہیں تاریخ میں لکھا جائے گا کہ کیسےغیر جمہوری طریقے سے عمران خان کولایا گیا اور جاتے جاتے انہوں نے آئین کو آگ لگا دی۔

  • عدلیہ کے فیصلے سے ملک کی قسمت لکھی جائےگی، بلاول بھٹو

    عدلیہ کے فیصلے سے ملک کی قسمت لکھی جائےگی، بلاول بھٹو

    پی پی پی چیئرمین بلاول بھٹو زرداری نے کہا ہے کہ عدلیہ کے فیصلے سے ملک کی قسمت لکھی جائےگی، ہماری درخواست ہے عمران خان نے جو کام کیا اسے روکا جائے۔

    پی پی پی چیئرمین بلاول بھٹو زرداری نے اسلام آباد میں نیوز کانفرنس کرتے ہوئے کہا کہ وزیراعظم کو ہٹانے کا عدم اعتماد جمہوری اور آئینی طریقہ ہے، وزیراعظم نے آئین توڑ کر عدم اعتماد کا سلسلہ سبوتاژ کرنے کی کوشش کی، انہوں نے اپنی انا کی وجہ سے آئین توڑا، صدر، اسپیکر، ڈپٹی اسپیکر نے آئین توڑ کر عمران خان کی انا کو سنبھالا،وزیراعظم کو اندازہ نہیں کہ ہوا کیا ہے، انھوں نے کل خود بندوق اٹھا کر اپنی حکومت ختم کرلی ہے۔

    انہوں نے کہا کہ وزیراعظم خود اگر استعفیٰ دیتے تو وہ آئینی ہوتا، عدم اعتماد پر ووٹنگ ہوتی تو یہ جمہوری عمل  ہوتا، جب قومی اسمبلی میں آئین لاگو نہیں ہوسکتا تو پاکستان میں بھی نہیں ہوسکتا۔

    پی پی چیئرمین نے مزید کہا کہ کیا عمران خان کی انا اہم ہے یا پاکستان کا آئین اور سپریم کورٹ اہم ہے، یہ فیصلہ اب ہونے جارہا ہے، عدلیہ سے ہماری درخواست ہے عمران خان نے جو کام کیا اسے روکا جائے، عدلیہ کےفیصلے سے ملک کی قسمت لکھی جائےگی، سیاسی جماعتیں اس بات پر خوش نہیں ہونگی کہ غیرآئینی کام کیا جائے، فل کورٹ بینچ تشکیل دیا جائے جو اہم کیس کا فیصلہ سنائے۔

    بلاول بھٹو کا کہنا تھا کہ ہم سب جمہوریت پسند لوگ ہیں،1973 کے آئین کی بنیاد بھی ہم نے رکھی، ہم نے عدم اعتماد کےذریعے3ماہ اس حکومت کا جینا حرام کیا، عمران خان اوراسکی حکومت ہماری سیاسی بندوق کی نوک پر تھی۔ سلیکٹڈ حکومت کو گھربھیجنے میں ہم کامیاب ہیں۔ پیپلز پارٹی کے کارکنان جشن منا رہے ہیں کہ عمران خان کی حکومت ختم ہوگئی۔

    انہوں نے کہا کہ پہلے دن جب انھیں سلیکٹڈ کہا تو جشن منا رہے تھے، آج ان کی حکومت ختم ہوئی ہے تو اس پر بھی جشن منارہےہیں۔

  • "کھانےکو روٹی نہیں، پہننےکو کپڑا نہیں،سرپرچھت نہیں، عمران خان کہتے ہیں کہ گھبرانا نہیں”

    "کھانےکو روٹی نہیں، پہننےکو کپڑا نہیں،سرپرچھت نہیں، عمران خان کہتے ہیں کہ گھبرانا نہیں”

    کراچی: چیئرمین پاکستان پیپلز پارٹی بلاول بھٹو ایک بار پھر وفاقی حکومت پر برس پڑے۔

    تفصیلات کے مطابق پاکستان پیپلزپارٹی کےچیئرمین بلاول بھٹو زرداری نے اپنے بیان میں ایک بار پھر وفاقی حکومت پر کڑی تنقید کی اور کہا کہ پرویزمشرف کےدور میں پچاس فیصد عوام غربت کا شکار تھے، آج عمران خان نے پھر حالات کو اسی نہج پرپہنچا دیا ہے، ان حالات سے پی پی پی نے ملک کو نکالا تھا۔

    بلاول بھٹو نے کہا کہ کھانےکو روٹی نہیں، پہننےکو کپڑا نہیں،سرپرچھت نہیں، عمران خان کہتےہیں کہ گھبرانا نہیں، عمران خان کی نااہلی سےگھرگھرمعاشی تباہی کی داستان رقم ہورہی ہے۔

    اپنے بیان میں چیئرمین پیپلز پارٹی کا کہنا تھا کہ گندم دستیاب مگر آٹا مہنگا، گنا موجود مگر چینی کی قیمتیں قابو سے باہر ہیں، یہ عمران خان کی مافیاک ی سرپرستی کےنتائج نہیں تو اور کیا ہیں؟

    بلاول بھٹو نے الزام عائد کیا کہ پی ٹی آئی کو بجٹ میں تنخواہ دار سمیت عام آدمی کے ریلیف کی فکر نہیں، انکا ٹارگٹ صرف جی ڈی پی کےغلط ہندسےکو درست ثابت کرنا ہے،عمران کی فوٹو شاپ جی ڈی پی اضافے نےبرسرِروزگار کوبیروزگار کردیا، حقیقت یہ ہے کہ ہرپانچواں فرد یا تو نوکری سے محروم ہوا یا اسکی آمدنی میں کمی ہوئی۔

    چیئرمین پی پی پی کا کہنا تھا کہ ملکی ڈوبتی معیشت کو بچانا ہےتو عمران خان حکومت سےنجات حاصل کرناہوگی۔

  • عمران خان کا نیا پاکستان عوام کیلئے ڈراؤنا خواب بن چکا ہے، بلاول بھٹو

    عمران خان کا نیا پاکستان عوام کیلئے ڈراؤنا خواب بن چکا ہے، بلاول بھٹو

    کراچی : پیپلز پارٹی چیئرمین بلاول بھٹو کا کہنا ہے کہ آئی ایم ایف کےپاس نہ جانے کا اعلان کرنے والے قرضہ لے رہے ہیں،  عمران خان کانیاپاکستان عوام کیلئےڈراؤناخواب بن چکا ہے۔

    تفصیلات کے مطابق چیئرمین پیپلز پارٹی بلاول بھٹو نے اپنے بیان میں تنقید کرتے ہوئے کہا حکومت کی معاشی پالیسی کی کوئی سمت ہی نظرنہیں آ رہی، آئی ایم ایف کےپاس نہ جانےکااعلان کرنےوالےقرضہ لےرہےہیں۔

    بلاول بھٹو کا کہنا تھا کہ مہنگائی کے علاوہ حکومت کی کوئی پالیسی نہیں، ہم نے اپنے دور میں بدترین مالی مشکلات کا سامنا کیا، معاشی زبوں حالی کے باوجود عوام کو مہنگائی سے محفوظ رکھا۔

    انھوں نے کہا کہ حکومت معاشی پالیسی کے بجائے عوام کی جیبوں پر ڈاکے ڈال رہی ہے، حکومت نےدن بدن مہنگائی کرکےعوام کاجینااجیرن کردیاہے، عمران خان کانیاپاکستان عوام کیلئےڈراؤناخواب بن چکاہے۔

    مزید پڑھیں : پی ٹی آئی حکومت نے معاشی سونامی چھوڑ دیا ہے، بلاول بھٹو

    یاد رہے چند روز قبل بلاول بھٹو کا حکومت پر تنقید کرتے ہوئے کہنا تھا کہ ملک کے معاشی حالات عوام کے لیے مشکلات پیدا کررہے ہیں، گیس کی قیمت میں 140 فیصد سے زائد کا اضافہ کیا گیا ہے حکومت کو چلانے کا یہ طریقہ کار نہیں ہوتا ہے۔

    ان کا کہنا تھا کہ پی ٹی آئی حکومت نے معاشی سونامی چھوڑ دیا ہے، غیر ذمہ دارانہ روئیے، جھوٹ سے ملک کا نقصان ہورہا ہے، حکومت کی پالیسیوں سے سب سے زیادہ عوام متاثر ہورہے ہیں، خطرہ ہے پاکستان کو بلیک لسٹ نہ کردیا جائے۔

    اس سے قبل بھی پی پی چیرمین نے کہا تھا کہ پاکستان کے عوام نئے پاکستان کے پرانے نعروں سے مایوس ہیں، حکومت اصل مسائل سے توجہ ہٹا کر ڈرامہ بازی کرتی رہے گی۔

  • منی بجٹ سے اگر فائدہ ہوا تو خان صاحب کے اے ٹی ایم کو فائدہ ہوا ،بلاول بھٹو

    منی بجٹ سے اگر فائدہ ہوا تو خان صاحب کے اے ٹی ایم کو فائدہ ہوا ،بلاول بھٹو

    اسلام آباد : چیئرمین پیپلزپارٹی بلاول بھٹو کا کہنا ہے کہ منی بجٹ میں غریبوں کےساتھ صرف ظلم ہواہے، اگر فائدہ ہوا ہے تو خان صاحب کے اے ٹی ایم کو فائدہ ہوا ہے، بھینسیں اور گاڑیاں بیچ کر پاکستان کا مذاق اڑایا جارہا ہے۔

    تفصیلات کے مطابق اسلام آباد میں چیئرمین پیپلزپارٹی بلاول بھٹو نے میڈیا سے گفتگو کرتے ہوئے کہا پہلے ہی کہا تھا حکومت اچھا کام کرے گی تو تعریف کروں گا، بجٹ میں کوئی نئی چیز نہیں لائی گئی، کوئی انقلابی کام نظر نہیں آیا، صرف انقلابی باتیں کی گئیں، اقدامات نہیں اٹھائے گئے۔

    بلاول بھٹو کا کہنا تھا کہ اس بجٹ سے تو بیروزگاری میں اضافہ ہوگا، بجلی،گیس کی قیمتیں بڑھانےسےغریب عوام متاثرہوں گے، وعدہ کیا گیا تھا عوام کی زندگی آسان بنائی جائے گی۔

    بھینسیں اور گاڑیاں بیچ کر پاکستان کا مذاق اڑایاجارہاہے،بلاول

    چیئرمین پی پی نے کہا بھینسیں اور گاڑیاں بیچ کر پاکستان کا مذاق اڑایاجارہاہے، یہ دیکھا جائے کہ اس کی تشہیر پر کتناپیسہ خرچ کیاگیاہے، میکرو اکنامکس کے حوالے سے بھی کوئی چیز پیش نہیں کی گئی۔

    ان کا کہنا تھا کہ منی بجٹ میں غریبوں کےساتھ صرف ظلم ہواہے، اگر فائدہ ہوا ہے تو خان صاحب کے اے ٹی ایم کو فائدہ ہوا ہے۔

    بلاول بھٹو نے کہا کہ ہم نے پبلک اکاؤنٹس کمیٹی کی چیئرمین شپ اپوزیشن کو دی تھی، لگ رہاہےتبدیلی والےاحتساب کےسلسلےسےبھاگ رہےہیں، اپوزیشن کا پبلک اکاؤنٹس چیئرمین شپ کا حق چھیناجارہاہے۔

    چیئرمین پیپلز پارٹی کا کہنا تھا کہ ہم نےکڑےاحتساب کیلئےچوہدری نثارکوکمیٹی کاچیئرمین بنایاتھا، پبلک اکاؤنٹس کمیٹی کی چیئرمین شپ اپوزیشن کودی جائے۔

    اگر میڈیا اتنا آزادنہ ہوتا تو خان صاحب آج وزیراعظم بھی نہ ہوتے،بلاول

    انھوں نے مزید کہا کہ پیپلزپارٹی اے پی این ایس کے ساتھ کھڑے ہیں، ہمارےخیال میں 18ویں ترمیم لپیٹنے کی کوشش ہورہی ہے، رائٹ آف انفارمیشن پر کس طرح عمل کریں گے، جب میڈیا کو آزادانہ کام کرنے کی اجازت نہیں جارہی، انسانی حقوق وزیر اور دیگر کی توجہ اس جانب مبذول کرانا چاہتا ہوں۔

    پی پی چیئرمین کا کہنا تھا اصل ایشوز سے توجہ ہٹانے کیلئے پروپیگنڈے کرتے ہیں، اگر میڈیا اتنا آزادنہ ہوتا تو خان صاحب آج وزیراعظم بھی نہ ہوتے، حکومت کو یقینی بنانا چاہیے کہ آزای اظہار رائے کا حق محفوظ رہے، امید کرتے ہیں آئندہ بجٹ میں عوام کے لیے بہتری آئے گی۔

    فواد چوہدری کے بیان کے حوالے سے بلاول بھٹو کا کہنا تھا کہ منتخب نمائندےکی جانب سے منتخب نمائندے کیخلاف غلط گفتگو کی گئی،منتخب نمائندےایسی گفتگوکریں گےتوماحول خراب ہوگا، آج تک عوام کیلئے کوئی بھی کلیئر پلان نہیں دیا گیا۔

  • پیپلز پارٹی کی مقبولیت نےمخالفین کی نیندیں حرام کردی ہیں،بلاول بھٹو

    پیپلز پارٹی کی مقبولیت نےمخالفین کی نیندیں حرام کردی ہیں،بلاول بھٹو

    کراچی : چیئرمین پیپلز پارٹی بلاول بھٹو کا کہنا ہے کہ پیپلز پارٹی کی مقبولیت نےمخالفین کی نیندیں حرام کردی ہیں، مخالفین اوچھے ہتھکنڈے پر اتر آئے ہیں، پیپلزپارٹی آئندہ الیکشن میں ملک بھرسےکامیاب ہوگی۔

    تفصیلات کے مطابق چیئرمین پی پی بلاول بھٹو کی زیرصدارت پیپلز پارٹی کے اہم رہنماؤں کا اجلاس ہوا، اجلاس میں خورشید شاہ،فریال تالپور،نثارکھوڑو،مرادعلی شاہ شریک ہوئے جبکہ مولا بخش چانڈیو،وقار مہدی ،سعیدغنی اوردیگر رہنما بھی موجود تھے۔

    پیپلزپارٹی کے اجلاس میں ملک کی سیاسی صورتحال پر غور کیا گیا۔

    اس موقع پر چیئرمین پی پی بلاول بھٹو نے کہا کہ پیپلز پارٹی کی مقبولیت نےمخالفین کی نیندیں حرام کردی ہیں، مخالفین اوچھے ہتھکنڈے پر اتر آئے ہیں۔

    بلاول بھٹو کا کہنا تھا کہ پیپلزپارٹی آئندہ الیکشن میں ملک بھرسےکامیاب ہوگی، پیپلزپارٹی کےعلاوہ باقی سب علاقائی یابلبلا پارٹیاں ہیں۔

    مزید پڑھیں : جمہوریت کے بغیر وفاق قائم نہیں رہ سکتا، بلاول بھٹو

    دوسری جانب بلاول بھٹو آج سندھ کے بارہ شہروں میں ہولوگرام ٹیکنالوجی کے ذریعے خطاب کرینگے، بلاول بھٹو شام پانچ بجے جیکب آباد کے شہر ٹھل میں خطاب کرینگے جبکہ شام چھ بجے مٹیاری ضلع کے اڈیرولال اسٹیشن میں خطاب کرینگے۔

    بلاول بھٹوزرداری کراچی،نوشہروفیروز،مورو،عمرکوٹ،لاڑکانہ،حیدرآبادمیں بھی خطاب کرینگے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شادی کی جلدی کیا ہے، ابھی تو انتیس سال کا ہی ہوں، بلاول

    شادی کی جلدی کیا ہے، ابھی تو انتیس سال کا ہی ہوں، بلاول

    لاہور : شادی کی تقریب کے دوران صحافی کے شادی کے سوال پر بلاول بھٹو شرما گئے اور کہا کہ شادی کا ابھی ارادہ نہیں، جلدی کیا ہے، ابھی تو انتیس سال کا ہی ہوں۔

    تفصیلات کے مطابق پیپلزپارٹی کے چیرمین بلاول بھٹو زرداری نے سماجی تقریبات میں بڑھ چڑھ کر حصہ لینا شروع کردیا۔ لاہور میں ہونے والی دو شادیوں میں شرکت کی۔

    چیرمین پیپلز پارٹی دوپہر میں مرکزی سیکرٹری اطلاعات چودھری منظور کے بھتیجے کی شادی میں شریک ہوئے جبکہ رات کو پیپلز پارٹی کے رہنما منظور مانیکا کی بیٹی کی شادی میں شرکت کی۔

    شادی کی تقریب کے دوران صحافی نے ان کی شادی سے متعلق سوال کرلیا، جس پر ماحول خوشگوار ہوگیا، بلاول بھٹو شادی سے متعلق سوال پر شرما گئے اور کہا شادی کا ارادہ ابھی نہیں، جلدی کیا ہے، ابھی انتیس سال کا ہوں، شادی بھی ہوجائے گی۔

    مزید پڑھیں : شادی بہنوں کی پسند سے کروں گا،بلاول بھٹو زرداری

    اس سے پہلے گھوٹکی میں چئیرمین پیپلز پارٹی شادی کا اشارہ کرچکے ہیں کہا تھا کہ شادی کی کئی پیشکشیں ہوئی ہیں تاہم میں شادی اپنی بہنوں کی مرضی سے ہی کروں گا۔

    دوسری جانب شادی کی تقریب میں پیپلز پارٹی کے رہنماوں سمیت شیخ رشیدبھی شامل تھے ، سربراہ عوامی مسلم لیگ شیخ رشید نے کہا کہ عمران کا آصف زرداری پر تنقید حق ہے، بلاول کا وہ خود دفاع کریں گے، عمران بلاول پر نہیں زرداری پر تنقید کرتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بچےہمارے ملک کا سب سے قیمتی اثاثہ ہیں،بلاول بھٹو زرداری

    بچےہمارے ملک کا سب سے قیمتی اثاثہ ہیں،بلاول بھٹو زرداری

    کراچی : پیپلزپارٹی چیئرمین بلاول بھٹو زرداری نے کہا کہ بچےہمارے ملک کا سب سے قیمتی اثاثہ ہیں، بچوں کے لیے صحت و تعلیم کی سہولیات بہتربنانےکی ضرورت ہے۔

    تفصیلات کے مطابق پیپلزپارٹی چیئرمین بلاول بھٹو زرداری کاعالمی یوم اطفال پر اپنے پیغام میں کہا کہ بچے ہمارے ملک کا سب سے قیمتی اثاثہ ہیں، ریاست اور والدین بچوں کوتحفظ اور آگے بڑھنےکے مواقع فراہم کریں۔

    بلاول بھٹو کا کہنا تھا کہ پیپلزپارٹی نے ہمیشہ بچوں کے تحفظ کے لیے انقلابی اقدامات کیے، پولیواوردیگر بیماریوں سے حفاظتی ویکسی نیشن کی شروعات کی گئی۔

    پی پی چیئرمین نے کہا کہ سندھ واحد صوبہ ہے جہاں انٹرمیڈیٹ تک تعلیم مفت ہے، طلباکی داخلہ و امتحانی فیس کے اخراجات سندھ حکومت اٹھاتی ہے۔

    انکا مزید کہنا تھا کہ بچوں کے لیے صحت و تعلیم کی سہولیات بہتربنانےکی ضرورت ہے۔

    خیال رہے کہ پاکستان سمیت دنیا بھر میں بچوں کا دن آج منایا جا رہا ہے، آزادی کے ستر سال بعد بھی پاکستان بھر میں دو کروڑ سےزائد بچے تاحال تعلیم سےمحروم ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • علامہ اقبال کا فلسفہ ہمارے لئے مشعل راہ ہے،بلاول بھٹو

    علامہ اقبال کا فلسفہ ہمارے لئے مشعل راہ ہے،بلاول بھٹو

    کراچی : پیپلز پارٹی کے چیئرمین بلاول بھٹو کا یوم اقبال پر کہنا ہے کہ علامہ اقبال کا فلسفہ ہمارے لئے مشعل راہ ہے، نوجوان نسل کو علامہ اقبال کوضرور پڑھنا چاہئیں۔

    تفصیلات کے مطابق پیپلز پارٹی کے چیئرمین بلاول بھٹو نے علامہ اقبال کو خراج عقیدت پیش کرتے ہوئے کہا کہ علامہ اقبال نے برصغیر کے مسلمانوں کو جگایا، علامہ اقبال کا فلسفہ ہمارے لئے مشعل راہ ہے۔

    بلاول بھٹو کا کہنا تھا کہ نوجوان نسل کو علامہ اقبال کوضرور پڑھنا چاہئیں، علامہ اقبال کے خواب کی مکمل تکمیل کے لئے جدوجہد جاری رہے گی۔

    خیال رہے کہ حکیم الامت ڈاکٹرعلامہ محمداقبال کا140واں یوم پیدائش آج منایا جارہا ہے اور یوم اقبال کےحوالے سے ملک بھرمیں تقریبات کا انعقاد کیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • حکومت نے ہرپاکستانی کے گھرپر پٹرول بم گرادیا،بلاول بھٹو

    حکومت نے ہرپاکستانی کے گھرپر پٹرول بم گرادیا،بلاول بھٹو

    کراچی : پیپلز پارٹی چیئرمین بلاول بھٹو زرداری کا کہنا ہے کہ حکومت نےہرپاکستانی کےگھرپرپٹرول بم گرادیا، وقت آگیا ہے کہ عوام اٹھ کھڑے ہوں۔

    تفصیلات کے مطابق پیپلز پارٹی کے چیئرمین بلاول بھٹو زرداری نے پیٹرول کی قیمت بڑھانے کی سخت مذمت کرتے ہوئے کہا کہ حکومت نےہرپاکستانی کےگھرپرپٹرول بم گرادیا، قیمتیں بڑھانا عوام کے خلاف انتقامی کارروائی ہے۔

    بلاول بھٹو کا کہنا تھا کہ کسینومعیشت کےذریعےعوام کو لوٹا جا رہا ہے، عوام غربت کی چکی میں پسے جا رہے ہیں ،حکمران بانسری بجا رہے ہیں۔

    چیئرمین پی پی نے کہا کہ پیٹرول کی قیمت فوری کم کی جائیں ورنہ عوامی احتجاج ہونگے، پیپلز پارٹی حکمرانوں کی عیاشیوں کابوجھ عوام پر ڈالنےنہیں دےگی۔

    انکا مزید کہنا تھا کہ نوازحکومت نے پاکستانی عوام کوقرضوں کے دلدل میں دھونس دیا، وقت آگیا ہے کہ عوام اٹھ کھڑے ہوں۔

    اس سے قبل آصف علی زرداری نے پیٹرولیم مصنوعات کی قمیتوں میں اضافے پر ردعمل کا اظہار کرتے ہوئے کہا پیٹرولیم مصنوعات کی قیمتوں میں اضافہ ظالمانہ اقدام ہے، پیٹرولیم مصنوعات کی قیمتوں میں اضافے سے مہنگائی بڑھےگی۔

    اد رہے کہ گذشتہ روز حکومت کی جانب سے پیٹرولیم مصنوعات کی قیمتوں میں ہوشربا اضافہ کیا گیا ، جس کے مطابق پیٹرول کی قیمت میں2روپے 49 پیسےفی لیٹراضافہ اور ڈیزل کی قیمت میں5روپے 19 پیسےفی لیٹراضافہ کیا گیا ہے۔

    مزید پڑھیں : پیٹرولیم مصنوعات کی قیمتوں میں اضافہ کردیا گیا

    اس کے علاوہ مٹی کے تیل کی قیمت میں 5 روپےفی لیٹر اور لائٹ ڈیزل کی قیمت میں 3 روپے فی لیٹرکا اضافہ کیا گیا ہے، قیمتوں میں اضافے کے بعد اب پیٹرول کی موجودہ قیمت 75.99 روپے فی لیٹر، ہوگئی ہے جس سے مہنگائی کے بوجھ تلے دبی عوام مزید مشکلات کا شکار ہوں گے۔

    حکومت کا کہنا ہے کہ قیمتوں میں اضافہ عالمی منڈی میں خام تیل کی قیمت میں اضافے کے باعث کیا گیا۔

    عوام نے قیمتوں میں اضافے کو یکسر مسترد کرتے ہوئے کہا کہ اس اقدام سےصرف پیڑول ہی نہیں سب کچھ مہنگا ہوجائے گا، عوام نے مطالبہ کیاکہ ٹیکسوں میں کمی اورپیٹرولیم مصنوعات کی قیمتوں میں کمی کی جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔