Tag: praise

  • بالی ووڈ اداکار جونی لیور نے عمران اشرف کی تعریفوں کے پل باندھ دیئے

    بالی ووڈ اداکار جونی لیور نے عمران اشرف کی تعریفوں کے پل باندھ دیئے

    بالی ووڈ کے معروف اداکار جونی لیور نے پاکستانی اداکار عمران اشرف کی تعریفوں کے پل باندھ دیئے۔

    فوٹو اینڈ شیئرنگ ایپ انسٹاگرام پر پاکستانی اداکار عمران اشرف نے بالی ووڈ اداکار جونی لیور کی ایک ویڈیو شیئر کی ہے ساتھ ہی انہوں نے بالی ووڈ کامیڈین کی جانب سے تعریفی کلمات کو اپنے لیے سب سے بڑا ایوارڈ قرار دیا۔

     

    View this post on Instagram

     

    A post shared by Imran Ashraf (@imranashrafawan)

    بھارتی اداکار جونی لیور نے اپنی مختصر ویڈیو میں عمران اشرف کی تعریفیں کرتے ہوئے کہا کہ آپ ڈرامے میں بہت اچھی اداکاری کرتے ہیں خاص آپ کا بھولا کردار مجھے بہت پسند ہے۔

    جونی لیور نے عمران اشرف کو مخاطب ہوتے ہوئے کہا کہ آپ نہ صرف اچھے اداکار بلکہ بہترین ٹی وی میزبان بھی ہیں، ہوسٹنگ مشکل ترین کام ہے، اسے بھی آپ خوش اصلوبی سے نبھا رہے ہیں۔

    جونی لیور کا کہنا تھا کہ آپ اپنے شو میں شریک ہونے والے مہمانوں کا ٹیلنٹ بھی سامنے لا رہے ہیں، ساتھ ہی انہوں نے مرحوم کمال سردار کے لیے بھی تعریفی کلمات کہے اور ان کی مغفرت کی دعائیں بھی کیں۔

    بھارتی کامیڈین کی جانب سے عمران اشرف کی تعریفیں کرنے کی ویڈیو سوشل میڈیا پر وائرل ہوگئی، شوبز شخصیات سمیت مداحوں نےبھی جونی لیور کو لیجنڈ قرار دیا اور ان کی تعریفیں کیں۔

    ویڈیو شیئر کرتے ہوئے عمران اشرف نے لکھا کہ ’ یہ میرے لیے سب سے بڑا ایوارڈ ہے، آپ نے میرے کام کی اتنی تعریف کی ہے اب میں مزید محنت کروں گا‘۔

  • گووندا نے شاہ رخ کو خود سے بہتر اداکار قرار دے دیا

    گووندا نے شاہ رخ کو خود سے بہتر اداکار قرار دے دیا

    معروف بھارتی اداکار گووندا نے کنگ خان شاہ رخ کی تعریفوں کے پل باندھ دیے، انہوں نے کہا کہ شاہ رخ نے فلم انڈسٹری کے ماحول اور چیزوں کے بارے میں بہت کم عمری میں سمجھنا شروع کیا، جو کہ میرے جیسا اداکار بھی نہیں کر پایا۔

    بھارتی میڈیا کے مطابق بالی ووڈ کے سینیئر اداکار اور کئی سنجیدہ اور کامیڈی فلموں سے شہرت حاصل کرنے والے گووندا کا کہنا ہے کہ شاہ رخ خان فلم انڈسٹری کے سمجھدار ترین اداکار ہیں اور وہ ہمیشہ بالکل درست فیصلے کرتے ہیں، وہ بہت پڑھے لکھے آدمی ہیں۔

    معروف کامیڈین شو کپل شرما کے ایک پرانے شو میں کپل سے گفتگو کے دوران انہوں نے کہا کہ شاہ رخ نے سب سے پہلے پیار اپنے آپ سے کیا۔

    گووندا کے مطابق شاہ رخ نے فلم انڈسٹری کے ماحول اور چیزوں کے بارے میں بہت کم عمری میں سمجھنا شروع کیا، جو کہ میرے جیسا اداکار بھی نہیں کر پایا۔

    گووندا کی اس گفتگو پر بہت سارے پرستاروں نے سوشل میڈیا پر اپنے ردعمل کا اظہار کیا، لوگوں نے کہا کہ دونوں سیلف میڈ اور عظیم اداکار ہیں۔

    خیال رہے کہ 58 سالہ گووندا نے اپنے فلمی کیریئر کا آغاز 1986 کی فلم لو 86 سے کیا تاہم بعض افراد کا خیال ہے کہ ان کی ڈیبیو فلم تن بدن ہے جو اسی سال ریلیز ہوئی۔

    لو 86 کے بعد گوندا نے پیچھے مڑکر نہیں دیکھا اور اگلے 4 برسوں میں چالیس فلموں میں اداکاری کے جوہر دکھائے۔

    وہ 1980 اور 1990 کے عشرے کے صف اول کے اداکار رہے اور انہوں نے فلم الزام، آنکھیں، راجہ بابو، ہیرو نمبر ون، بڑے میاں چھوٹے میاں اور حسینہ مان جائے گی جیسی کامیاب فلمیں کیں۔

    بالی ووڈ کے کنگ خان شاہ رخ اور گووندا نے کبھی بھی اکٹھے کسی فلم میں کام نہیں کیا۔

  • غیرملکی سفارتکاروں کی کورونا کے خلاف پاکستانی اقدامات کی تعریف

    غیرملکی سفارتکاروں کی کورونا کے خلاف پاکستانی اقدامات کی تعریف

    اسلام آباد : غیرملکی سفارتکاروں نے این سی او سی کے دورے میں کورونا کے خلاف اور وائرس کے پھیلاؤ کو روکنے کیلیے پاکستانی اقدامات کی تعریف کی۔

    تفصیلات کے مطابق 20ممالک کے سفیروں اور سفارتکاروں نے نیشنل کمانڈ اینڈ آپریشن سینٹر کا دورہ کیا ، دورے میں عالمی تنظیموں کےنمائندوں بھی شامل تھے۔

    دورے کے دوران این سی اوسی نے سفارتکاروں کوکورونا کے خلاف اور کوروناکاپھیلاؤروکنےکیلئے اقدامات سمیت کوروناکیسز اور ہیلتھ اسٹرکچرکی اپ گریڈیشن پر بریفنگ دی۔

    غیرملکی سفارتکاروں کو کوروناکے دوران اہم اقدامات اور نیشنل ویکسی نیشن اسٹریٹیجی پر بھی بریفنگ دی گئی ، غیرملکی سفارتکاروں کی کورونا کے خلاف پاکستانی اقدامات ، کورونا کے مضر اثرات اور پھیلاؤ کو روکنے کی تعریف کی۔

    خیال رہے کہ حکومت کی مؤثر حکمت عملی کے باعث مہلک وبا پر کافی حد تک قابو پا لیا گیا اور کورونا کے پھیلاؤ میں کمی ریکارڈ کی گئی ہے، گزشتہ 24 گھنٹوں کے دوران کوروناوائرس کے 1097 نئے کیسز رپورٹ ہوئے جبکہ 38 مریضوں کی اموات ہوئیں۔

    ملک کے تمام صوبوں میں کورونا کے پھیلاؤ کی شرح کم ہونے کے بعد پابندیوں میں نرمی کی جارہی ہے۔

  • دانش تیمور کا خواتین کی خدمات کے لیے شکریہ

    دانش تیمور کا خواتین کی خدمات کے لیے شکریہ

    کراچی: معروف اداکار دانش تیمور نے اپنے گھر کی خواتین کی ان خدمات کے لیے شکریے کا نوٹ لکھا ہے جو اکثر نظر انداز کردی جاتی ہیں، ان کی پوسٹ کو سوشل میڈیا پر بے حد پذیرائی مل رہی ہے۔

    تفصیلات کے مطابق معروف اداکار دانش تیمور نے سماجی رابطے کی ویب سائٹ انسٹاگرام پر ایک پوسٹ شیئر کی جس میں انہوں نے اپنے گھر کی تمام خواتین کا شکریہ ادا کیا۔

    دانش نے لکھا کہ اس مشکل وقت میں مجھے احساس ہو رہا ہے کہ میرے گھر کی خواتین کتنی محنت کرتی ہیں، مرد باہر جاتے ہیں اور کام کرتے ہیں تو انہیں لگتا ہے کہ وہی سارا کام کرتے ہیں لیکن جب آپ اس طرح آئسولیشن میں گھر میں بیٹھتے ہیں تو احساس ہوتا ہے کہ خواتین کتنا کام کرتی ہیں۔

     

    View this post on Instagram

     

    👏

    A post shared by Danish Taimoor (@danishtaimoor16) on

    انہوں نے کہا کہ صبح جلدی اٹھ کر ناشتہ بنانے سے لے کر، سارا دن بچوں کا خیال رکھنا، صفائی ستھرائی کرنا، کھانے پکانا اور گھر کے اندرونی و بیرونی معاملات سب کا خیال رکھنے تک یہ سب کچھ نظر انداز کردیا جاتا ہے۔

    دانش نے اپنی والدہ، اہلیہ اور بیٹی کا شکریہ ادا کرتے ہوئے کہا کہ آج میں جہاں ہوں وہ ان کی وجہ سے ہے۔ ’میں آپ کا قرض دار ہوں اور کبھی آپ کا احسان چکانے کے قابل نہیں ہو سکوں گا‘۔

    بعد ازاں دانش کی اہلیہ اور معروف اداکارہ عائزہ خان نے ان کی پوسٹ ری شیئر کرتے ہوئے کہا کہ ایک عورت ہونے کی حیثیت سے ہمیں ہمیشہ تعریف کی ضرورت رہتی ہے۔ انہوں نے مزید کہا کہ ہر معاملے میں ہماری مدد کرنے کا شکریہ۔

  • پیراگوائے نے حزب اللہ، حماس، القاعدہ اور داعش کو دہشت گرد تنظیمیں قرار دےدیا

    پیراگوائے نے حزب اللہ، حماس، القاعدہ اور داعش کو دہشت گرد تنظیمیں قرار دےدیا

    آسین:لاطینی امریکا کے ملک پیراگوائے نے القاعدہ، حزب اللہ، داعش اور حماس کو دہشت گرد تنظیموں کی فہرست میں شامل کر لیا۔

    تفصیلات کے مطابق وزیرداخلہ جاﺅن نے اس حوالے سے ایک پریس کانفرنس میں بتایا کہ حزب اللہ اور حماس کی جانب سے بین الاقوامی سطح پر کارروائیوں کا سلسلہ جاری ہے ، اس کا بڑا حصہ کرہ ارض کے مغرب میں ہے۔

    انہوں نے کہاکہ داعش اور القاعدہ تنظیمیں بھی اندرون و بیرون ملک سنگین نوعیت کے انفرادی اور اجتماعی خطرے کا باعث ہیں، اس موقع پر وزیر داخلہ کی جانب سے صحافیوں میں تقسیم کیے گئے بیان کے ساتھ ایک صدارتی فرمان کی 4 کاپیاں بھی شامل تھیں۔ اس فرمان پر پیراگوائے کے صدر نے دستخط کیے ۔

    بیان میں مزید کہا گیا کہ پیراگوائے دہشت گردی کے خلاف عالمی جنگ میں بھرپور طور پر تعاون کر رہا ہے۔ اس سلسلے میں وہ بین الاقوامی معاہدوں اور سمجھوتوں میں شامل ہے اور اقوام متحدہ میں بھی انسداد دہشت گردی کے تمام اقدامات کو سپورٹ کرتا ہے۔

    پیراگوائے کے (لبنانی نڑاد) صدر ماریو عبدو بینیٹز کی حکومت دہشت گردی کے انسداد کے سلسلے میں مزید مالی اقدامات کرے گی۔

    غیر ملکی میڈیا کا کہنا تھا کہ پیراگوائے کے سیکورٹی اور انٹیلی جنس اداروں کے پاس معلومات حزب اللہ کے سرحدی شہروں میں جرائم پیشہ تنظیموں کے ساتھ تعلقات کو واضح کرتی ہیں۔ اس میں برازیل اور ارجنٹائن کے ساتھ سرحدی تکون کی جانب اشارہ ہے۔ یہاں 10 ہزار سے زیادہ عرب رہتے ہیں جن میں زیادہ تر لبنانی ہیں۔

    پیراگوائے کے وزیر داخلہ کے مطابق یہاں حزب اللہ منشیات کی اسمگلنگ، مالکانہ حقوق کے سرقے اور منی لانڈرنگ میں شریک ہے۔

  • افریقی ملک برکینا سے بازیاب ہونے والے فرانسیسی شہری وطن پہنچ گئے

    افریقی ملک برکینا سے بازیاب ہونے والے فرانسیسی شہری وطن پہنچ گئے

    پیرس : افریقی ملک برکینا فاسو میں باغیوں کی قید سے بازیاب کرائے گئے مغوی فرانسیسی شہری وطن واپس پہنچ گئے۔

    تفصیلات کے مطابق فرانسیسی فورسز نے خصوصی فوجی آپریشن میں افریقی براعظم کے شورش زدہ علاقے ساحل میں قیدی بنائے گئے چار مغوی افراد کو رہا کرایا تھا۔

    غیر ملکی خبر رساں ادارے کا کہنا تھا کہ صدر ایمانویل میکرون نے پیرس کے جنوب مغرب میں واقع ایک فوجی اڈے پر خصوصی جہاز کے ذریعے واپس پہنچنے والے ان افراد کو خوش آمدید کہا۔

    غیر ملکی خبر رساں ادارے کے مطابق ان دو فرانسیسی شہریوں کو برکینا فاسو کی ہمسایہ ریاست بنین میں اغواء کر لیا گیا تھا، ان کے ساتھ جنوبی کوریا کی ایک خاتون بھی فرانس پہنچی ہے جسے اس کارروائی کے دوران رہائی دلائی گئی۔

    غیر ملکی خبر رساں ادارے کا کہنا تھا کہ مذکورہ فوجی آپریشن میں دو فرانسیسی فوجیوں کی ہلاکت بھی ہوئی تھی جبکہ آپریشن کے دوران رہائی پانے والوں میں ایک امریکی اور جنوبی کوریائی جب کہ دو فرانسیسی شہری شامل ہیں۔

    میڈیا اداروں کا کہنا تھا کہ اگر جلدی ہی انہیں ریسکیو نہ کیا جاتا تو اغواء کار انہیں مالی سے تعلق رکھنے والے مسلح گروہ کے حوالے کردیتے۔

    فرانسیسی جنرل نے بتایا کہ جمعرات کے روز ہونے والے رسیکیو آپریشن کو امریکی افواج کی مدد کے بعد شروع کیا گیا تھا۔

  • وزیراعظم کی نااہلی کا فیصلہ، بھارتی عوام کا بھرپورخیرمقدم

    وزیراعظم کی نااہلی کا فیصلہ، بھارتی عوام کا بھرپورخیرمقدم

    نئی دہلی : پاکستانی سپریم کورٹ کے ’’بھارت‘‘میں چرچے، وزیراعظم کی نااہلی کے فیصلے کا بھارتی عوام نے بھرپورخیرمقدم کیا ہے، عوام کا کہنا ہے سپریم کورٹ کا فیصلہ جرات مندانہ ہے۔

    تفصیلات کے مطابق سپریم کورٹ میں وزیراعظم کی نااہلی کا فیصلہ آیا تو بھارت کے عوام بھی قانون کی بالادستی پرخوش ہوگئے اور پاکستان میں فیصلے کو مثال بنا کر اپنی سرکار پر برس پڑے، بھارتی شہری کا کہنا تھا پاکستانی سپریم کورٹ کا فیصلہ قابل تعریف ہے۔

    سوشل میڈیا پربھارتیوں نے وزیراعظم مودی کو فیصلے سے سبق لینے کا مشورہ دے دیا۔

    بھارتی شہری کا کہنا تھا کہ مودی جی دیکھیں اسے کہتےہیں انصاف، پاکستان نے بھارت کیلئے مثال قائم کردی، پاکستان میں وزیراعظم کو سزا، یہاں عام وزیر بچ جاتاہے، بھارتی عدالت بھی مودی کے خلاف ایکشن لے۔

    ایک صارف نے لکھا بھارتی ہونے پر شرم آرہی ہے، بھارت میں معمولی مجرم بچ جاتا ہے، پاکستان میں وزیراعظم کو سزا سنا دی گئی، مودی غورکریں۔

    بھارتی صحافی راہول کنول کا کہنا تھا کہ پاناما نے 2وزیراعظم گھربھیج دیے، 500 بھارتیوں کے پاناما میں نام ہیں، کارروائی نہیں ہوئی۔

    راہول کنول نے کہا کہ پاکستان میں وزیراعظم کو پاناما پرسزا ہوگئی لیکن بھارت میں پاناما کے کردار بچے ہوئے ہیں۔

    ایک بھارتی نے مودی سرکار پر طنز کرتے ہوئے کہا نواز شریف بھارت آجائیں، یہاں پاناما اسکینڈل تمام کردار ہیرو ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔