ARYNews.tv | Urdu – Har Lamha Bakhabar

Tag: predict

  • سرفراز احمد کی افغان کرکٹ ٹیم سے متعلق بڑی پیش گوئی

    سرفراز احمد کی افغان کرکٹ ٹیم سے متعلق بڑی پیش گوئی

    قومی کرکٹ ٹیم کے سابق کپتان سرفراز احمد نے افغان کرکٹ ٹیم کے بارے میں اظہار خیال کرتے ہوئے کہا ہے کہ افغان ٹیم سیمی فائنل یا ٹاپ فور میں آسکتی ہے۔

    یہ بات انہوں نے اے آر وائی نیوز کے پروگرام ہرلمحہ پُرجوش میں بحیثیت مہمان گفتگو کرتے ہوئے کہی۔

    ان کا کہنا تھا کہ افغانستان کی ٹیم تین چار سال میں کافی بہتر کرگئی ہے، میں سمجھتا ہوں افغان ٹیم سیمی فائنل یا ٹاپ فور میں آسکتی ہے۔

    ایک سوال کے جواب میں ان کا کہنا تھا کہ چیمپئنز ٹرافی جیتے ہوئے 8سال ہوگئے ہیں، افتتاحی تقریب میں وائٹ کوٹ پہن کر اچھا لگا.

    سرفرازاحمد نے کہا کہ افتتاحی تقریب میں وائٹ کوٹ پہنا تو لگا کیریئر میں کچھ اچیو کیا ہے، اللہ تعالیٰ کا شکر ادا کیا کہ وہ ہماری زندگی میں ایسا لمحہ لایا۔

    سابق کپتان کا مزید کہنا تھا کہ بطور کرکٹر تنقید پر دھیان نہیں دینا چاہیے، بڑے کرکٹر کو میچ سے قبل ایسی باتیں نہیں بولنی چاہئیں۔ میرے نام پیغام دینے پرمکی آرتھر کاشکریہ ادا کرتا ہوں۔

    اس موقع پر سابق کرکٹر باسط علی نے کہا کہ کھیل میں ہار جیت ہوتی ہے مگر بڑی بڑی باتیں نہیں بولنی چاہئیں، کرکٹ ہے کبھی آپ جیت جاتے ہیں کبھی ہم، بابراعظم کو ون ڈے کرکٹ میں اوپنر بھیج کرضائع کیا جارہا ہے۔

    ہرلمحہ پرجوش میں پاکستان ٹیم کے سابق کوچ مکی آرتھرکا خصوصی پیغام پڑھ کر سنایا گیا، جس میں انہوں نے سرفراز احمد کو مخاطب کرتے ہوئے کہا کہ ہیلو کپتان سرفراز،2017کیسا وقت تھا ایک بار پھر مبارکباد دیتا ہوں۔

    مکی آرتھر نے کہا کہ آپ کیلئے، لڑکوں کیلئے ایک شاندار ٹورنامنٹ کیلئے آپ کی قیادت شاندار تھی، بطور کوچ ہمارا رشتہ بہترین تھا اور لڑکوں پراعتماد اور جیتنے کیلئے بھی اہم تھا۔

    انہوں نے مزید کہا کہ مبارک کو آپ کو دیکھ کر ہمیشہ خوشی ہوتی ہے، آپ نے پاکستان کرکٹ کیلئے جو کچھ کیا اس کیلئے آپ مکمل اسٹار ہیں۔

  • یہ تصویر زندگی میں آپ کی کامیابی یا ناکامی کی پیشگوئی کرسکتی ہے

    یہ تصویر زندگی میں آپ کی کامیابی یا ناکامی کی پیشگوئی کرسکتی ہے

    شخصیت کو پرکھنے کے کئی طریقے ہیں، کوئی ہاتھ کی لکھائی سے شخصیت پہچاننے کا گر جانتا ہے تو کوئی جملوں کو مکمل کر کے اس کے منفرد ہونے کے بارے میں آگاہ کرتا ہے۔

    نفسیات میں کسی بھی فرد کی ذہانت، رویہ اور شخصیت کو پہچاننے کے کچھ مختلف طریقے ہیں، ان ہی میں سے ایک تصویروں کی مدد سے شخصیت کی پہچان بھی شامل ہے۔

    ان تصاویر کو آپٹیکل الوژن یعنی نظری یا بصری وہم کہا جاتا ہے۔

    آج یہاں پر ایسی ہی ایک تصویر پیش کی جارہی ہے جو آپ کو اپنی ذات کے اس پہلو سے آگاہ کرے گی کہ آپ زندگی میں کتنے پرعزم ہیں۔

    اس تصویر میں جو آپ کو پہلے دکھائی دے گا وہی آپ کی شخصیت اہم پہلو کو اجاگر کرے گا کہ آپ کتنے پرعزم ہیں یا مشہور ہونے کی خواہش رکھتے ہیں۔

    اگر آپ نے اس تصویر میں پہلے کسی شخص کے چہرے کو دیکھا تو آپ اپنے دوست احباب میں خاصی شہرت رکھتے ہیں اور مشہور شخص ہیں۔

    آپ پرسکون رہتے ہیں جبکہ لوگ آپ کے پاس اپنے مسائل کے حل کے لیے بہت اعتماد سے رابطہ کرتے ہیں، انہیں لگتا ہے آپ ان کے مسائل کے حل کے لیے سب سے موزوں شخص ہیں اور وہ اپنے مسائل بیان کرنے میں کوئی عار محسوس نہیں کرتے۔

    اگر آپ کا شمار ان لوگوں میں ہوتا ہے جنہوں نے اس تصویر میں کسی کو چھڑی لیے کسی خوفزدہ شخص کے سامنے کھڑا دیکھا ہے تو جان لیں کہ آپ ایک پرعزم شخصیت کے مالک ہیں۔

    آپ جن کاموں میں حصہ لیتے ہیں انہیں اپنے لیے چیلنج کی طرح قبول کرتے ہیں، یہی وجہ ہے کہ آپ ہر کام کو دوسروں سے بہتر کرنے کی خواہش رکھتے ہیں اور نتیجتاً کامیاب ہوتے ہیں۔

  • آپ زندگی میں کامیاب ہوں گے یا ناکام؟ یہ تصویر بتائے گی

    آپ زندگی میں کامیاب ہوں گے یا ناکام؟ یہ تصویر بتائے گی

    کچھ تصاویر اور بصری دھوکے انسان کی شخصیت، اس کے سوچنے سمجھنے کی صلاحیت، اور ان کی بنیاد پر ناکامی یا کامیابی کا اشارہ دیتی ہیں، آج کی یہ تصویر بھی ایسی ہی ہے۔

    اس تصویر کو غور سے دیکھ کر بتائیں کہ آپ کو اس میں کیا دکھائی دے رہا ہے۔

    اگر آپ نے اس تصویر میں ایک پہاڑ اور چاند کو دیکھا ہے تو آپ کا شمار ان لوگوں میں ہوتا ہے جو عام انسانوں کی طرح ہیں، جو کسی معاملے پر زیادہ سوچتے نہیں بلکہ جو دکھائی دیتا ہے اسی پر یقین کر لیتے ہیں۔

    درحقیقت ایسے لوگ سوچنے کی صلاحیت کو استعمال ہی نہیں کرتے۔

    ایسے افراد رشتوں اور پروفیشنل معاملات میں دھوکے کھاتے ہیں اور یوں ذاتی اور عملی زندگی میں بے شمار نقصانات اٹھاتے ہیں۔

    لیکن اگر آپ نے اس تصویر میں ایک انسانی شکل نما پہاڑ کو دیکھا ہے جو کہ چاند کی طرف دیکھ رہا ہے، ایک خاتون کی شکل کا پہاڑ تو آپ ان لوگوں میں شامل ہیں جو ہر معاملے کو سنجیدگی سے دیکھتے ہیں۔

    ایسے لوگ کامیابی ملنے تک کام جاری رکھتے ہیں۔

  • امریکا میں سیاہ فام شخص کے قتل کی پیشگوئی بھی 27 سال قبل ہوگئی تھی؟

    امریکا میں سیاہ فام شخص کے قتل کی پیشگوئی بھی 27 سال قبل ہوگئی تھی؟

    امریکا میں سیاہ فام شخص جارج فلائیڈ کے قتل کے بعد سوشل میڈیا پر وائرل ہونے والی کئی پوسٹس اور ویڈیوز میں ایک منظر دکھایا جا رہا ہے اور کہا جارہا ہے کہ یہ دی سمپسنز سے لیا گیا ہے اور دیگر کئی واقعات کی طرح سمپسنز نے جارج فلائیڈ کے قتل اور اس کے نتیجے میں ہونے والے مظاہروں کی بھی پیشنگوئی کردی تھی، تاہم اب اس منظر کی حقیقت سامنے آگئی ہے۔

    مشہور ٹی وی کارٹون سیریز دی سمپسنز کو دنیا بھر میں دیکھا اور پسند کیا جاتا ہے لیکن حال ہی میں یہ کچھ متنازعہ اور کسی حد تک خوفزدہ کردینے والی سیریز بن گئی جس میں دکھائے گئے مناظر حقیقت بن رہے ہیں۔

    دی سمپسنز کے کچھ ویڈیو کلپس گزشتہ 2 ماہ میں بے حد وائرل ہوئے ہیں جس میں کرونا وائرس کے پھیلنے اور امریکا و یورپ کے قاتل مکھیوں سے متاثر ہونے کی پیش گوئی کی گئی تھی، اس سے قبل اس سیریز میں ڈونلڈ ٹرمپ کے امریکا کا صدر بننے کی بھی پیشنگوئی کی گئی تھی۔

    اب گزشتہ چند روز سے دی سمپسنز کے نام سے ایک اور منظر سوشل میڈیا پر وائرل ہورہا ہے جس میں کارٹون کا ایک کردار ایک سیاہ فام شخص کی گردن پر گھٹنا رکھے دکھائی دیتا ہے جبکہ ایک اور کردار ایک بینر اٹھائے کھڑی ہے جس پر جسٹس فار جارج کے الفاظ درج ہیں۔

    یہ بالکل وہی واقعات ہیں جو چند روز قبل امریکا میں پیش آئے جب 4 پولیس اہلکاروں نے ایک سیاہ فام شہری جارج فلائیڈ کو پکڑا اور ایک اہلکار اس کی گردن پر گھٹنا رکھ کر کھڑا ہوگیا۔

    پولیس اہلکار کی اس حرکت سے جارج فلائیڈ دم گھٹنے سے مرگیا جس کے بعد پورا امریکا پرتشدد مظاہروں کی زد میں آگیا۔

     

    View this post on Instagram

     

    Normally you’re used to see colorful and cheerful drawings from me, but since i’ve got quite a good audience, i’d like to use it as much as i can in the right way when the situation requires it, and bring something good, and useful with my drawings, and you guys know it. Especially in this exact moment. With this piece i’d like you to think deeply, Taking the chance to bring The Simpsons as an example for the cause. The Simpsons has always been everyone’s childhood, so the message will be clear and strong enough i suppose. Imagine you’re sat with you daughter/son watching the Simpsons, and all of a sudden this scene happens in the show, as cruel as it has been, no jokes, no irony, nothing that the Simpsons normally has, and what it’s loved for. Imagine that, how would you feel? … Think about that deeply, and give yourself an answer, no need to add anything else! 🙏🏻 • • • • • • #noracism #georgefloyd #justiceforgeorgefloyd #ripgeorgefloyd #georgefloyd🙏🏾 #noracismo #equality #humanrights #art #artist #simpsons #simpson #thesimpsons #illustration #illustrationartists #digitalart #digitalillustration #yuripomo #cartoon #cartoonist #icantbreathe #blacklivesmatter #blacklives #blacklivesmatter✊🏾 #blacklivesmatters #racism #colinkaepernick #riots

    A post shared by Yuri Pomo (@yuripomo) on

    دی سمپسنز کے اس منظر کے سوشل میڈیا پر وائرل ہونے کے بعد کہا جارہا ہے کہ اس کارٹون سیریز میں اس تمام منظر نامے کی بھی پیشنگوئی کردی گئی تھی تاہم جلد ہی علم ہوا کہ یہ منظر ایک مصور کا تخلیق کردہ ہے۔

    اٹلی سے تعلق رکھنے والے مصور یوری پومو نے بین الاقوامی میڈیا سے گفتگو کرتے ہوئے تصدیق کی کہ یہ ڈرائنگ انہی کی بنائی ہوئی ہے۔

    انہوں نے بتایا کہ وہ اکثر و بیشتر دی سمپسنز کی تھیم پر مختلف واقعات کی منظر کشی کرتے رہتے ہیں جن کا مقصد اس کے بارے میں آگاہی پیدا کرنا ہے۔ انہوں نے کہا کہ اس وقت جو کچھ ہم دیکھ رہے ہیں وہ حقیقت ہے، اور نہایت خوفناک ہے۔

     

    View this post on Instagram

     

    •”On February 23, 2020, Ahmaud Marquez Arbery, an unarmed 25-year-old African-American has been chased and gunned down by two white men claiming they were conducting a citizen’s arrest for a burglary. Ahmaud was simply just going for a run.” 🙏🏾 •”In the middle of the night on March 13 in Louisville, KY, two police officers and one sergeant entered the wrong home without knocking or announcing themselves. They claim they were executing a search warrant for a suspected drug dealer, but this person did not live at Breonna’s address and had actually already been arrested. Breonna’s boyfriend fired a shot when he thought people were trying to break in. The police then fired 20 shots, 8 of which hit and killed Breonna.”🙏🏾 •”on 25th May 2020 George Floyd yelled “I can’t breathe” and pleaded for his life as a white Minneapolis police officer violently pinned him down with his knee on his neck. George died after.”🙏🏾 This must stop! We gotta fight racism all together, together we’ll end this endless tragical and abominable situation! This is my homage to these three poor souls, may you rest in piece! The world won’t let it slip, and justice will be served! ❤️✊🏻✊🏾 • • • • • • • • • • • • #noracism #georgefloyd #justiceforgeorgefloyd #ripgeorgefloyd #georgefloyd🙏🏾 #noracismo #equality #humanrights #art #artist #simpsons #simpson #thesimpsons #illustration #illustrationartists #digitalart #digitalillustration #yuripomo #cartoon #cartoonist #icantbreathe #blacklivesmatter #blacklives #blacklivesmatter✊🏾 #blacklivesmatters #racism #colinkaepernick #riots #breonnataylor #ahmaudarbery

    A post shared by Yuri Pomo (@yuripomo) on

  • کیا دی سیمپسنز نے ٹام ہینکس کے حوالے سے بھی پیشنگوئی کی تھی؟

    کیا دی سیمپسنز نے ٹام ہینکس کے حوالے سے بھی پیشنگوئی کی تھی؟

    لاس اینجلس : معروف امریکی کارٹون دی سمپسن میں کورونا وائرس سے متعلق پیش گوئی کی گئی تھی، جس میں بتایا گیا تھا کہ ٹام ہینکس کورونا وائرس سے متاثر ہوگا۔

    مشہور ٹی وی کارٹون سیریز دی سیمپسن کو دنیا بھر میں دیکھا اور پسند کیا جاتا ہے لیکن موجودہ دور میں اس کی شہرت کی وجہ یہ ہے اس کارٹون کی کہانی میں کورونا وائرس کے بارے میں پیشن گوئی کی گئی تھی۔

    ٹام ہینکس کو کورونا وائرس سے دوچار کرنے کی خبر نے دنیا بھر کے شائقین کو حیرت میں مبتلا کردیا ہے۔ سال 2007کی کارٹون سیریز میں دکھایا گیا ہے کہ اداکار ٹام ہینکس کو ایک بیماری لاحق ہے جس کی وجہ سے اس نے خود کو سب سے الگ تھلگ کرلیا ہے اور کہتا ہے کہ تم اگر مجھے دیکھ رہے ہو تو مجھے چھوڑ دو۔ لیکن کیا یہ سچ ہے؟

    سیریز کے شائقین کا کہنا ہے کہ اس سے پہلے سال 1993 میں کارٹون سیریز میں کرونا وائرس کا دعویٰ کرتے ہوئے دکھایا گیا تھا کہ یہ وائرس مشرقی بعید میں پھیلے گا اس کے آبائی شہر اسپرنگ فیلڈ کو خطرہ لاحق ہے ۔

    اس کے علاوہ پھر سمپسن سیریز میں ایک حفاظتی دیوہیکل گنبد کی شکل میں اس کا علاج بھی فراہم کیا گیا تھا جو ایک بار ماحولیاتی تحفظ ایجنسی نے متاثرہ مقام اسپرنگ فیلڈ کے اوپر رکھ دیا تھا۔

  • موت کی پیشگوئی کرنے والا بلڈ ٹیسٹ

    موت کی پیشگوئی کرنے والا بلڈ ٹیسٹ

    برلن : جرمن سائنسدانوں نے بلڈ ٹیسٹ سے موت کی پیشگوئی کا دعویٰ کردیا ، فی الحال یہ بلڈ ٹیسٹ عام استعمال کے لیے متعارف نہیں کرایا گیا۔

    تفصیلات کے مطابق جرمن سائنسدانوں نے ایک ایسا بلڈ ٹیسٹ تیار کیا ہے جو اگلے 10 برسوں میں کسی فرد کی موت کے امکانات کی پیشگوئی کرسکے گا۔

    سائنسدانوں نے 44 ہزار افراد کا تجزیہ کرنے کے بعد خون کے 14 ایسے بائیومیکر دریافت کیے ہیں جو موت کے خطرے پر اثرانداز ہوتے ہیں۔یہ بائیومیکر قوت مدافعت سے لے کر گلوکوز کنٹرول، چربی کی گردش اور ورم وغیرہ پر مشتمل ہیں۔

    غیرملکی خبررساں ادارے کے مطابق ان بائیو میکر پر کیے جانے والے تجربات کے دوران 2 سے 16 برسوں کے دوران کسی کی موت کے بارے میں 83 فیصد درستگی پر مبنی پیشگوئیاں کی گئیں۔

    یہ بلڈ ٹیسٹ فی الحال عام استعمال کے لیے متعارف نہیں کرایا گیا مگر سائنسدانوں کو توقع ہے کہ تحقیق کے نتائج سے مستقبل میں کسی مریض کے علاج کے لیے اسے استعمال کرنے میں مدد مل سکے گی۔

    ماہرین نے اسے پیشرفت قرار دیتے ہوئے زور دیا ہے کہ اس حوالے سے مزید تحقیق کی ضرورت ہے جس کے بعد ہی اسے حقیقی زندگی میں استعمال کے لیے پیش کیا جائے۔

    میکس پلانک انسٹیٹوٹ آف بائیولوجی آف ایجنگ کی اس تحقیق میں 18 سے 109 سال کی عمر کے ہزاروں افراد کے خون کے نمونوں کا تجزیہ کیا گیا اور اس کے نتائج طبی جریدے جرنل نیچر کمیونیکشن میں شائع ہوئے۔

    اس سے قبل گزشتہ سال امریکا کی یالے یونیورسٹی کے ماہرین نے ایک تحقیق میں دعویٰ کیا تھا کہ انہوں نے بلڈ ٹیسٹ کا ایسا طریقہ کار تیار کیا ہے، جس کے ذریعے پیشگوئی کی جاسکتی ہے کہ کسی فرد کی کتنی زندگی باقی ہے۔

    تحقیق میں محققین کا اصرار تھا کہ کسی فرد کی عمر کے حوالے سے پیشگوئی کرنے والا یہ بلڈ ٹیسٹ سے انتہائی مستند، عملی اور آسان ہے۔

    ان کا کہنا تھا کہ مستقبل قریب میں اسے عملی طور پر آزمایا جاسکے گا تاہم جینیاتی ٹیسٹ کی بجائے یہ نتائج پتھر پر لکیر کی طرح نہیں ہوں گے، اب وہ ان عناصر کا تعین کرنا چاہتے ہیں جن کی وجہ سے خلیات کی عمر بڑھتی ہے، تاکہ لمبی عمر کے لیے لوگوں کی مدد کی جاسکے، نوجوان یا درمیانی عمر کے افراد، سب کو لگتا ہے کہ وہ صحت مند ہیں مگر ایسا ہمیشہ نہیں ہوتا۔

    تحقیق میں بتایا گیا کہ اس ٹیسٹ سے لوگوں کو حقیقی خطرے سے آگاہ کرنے میں مدد مل سکے گی اور ایسے عناصر کو مانیٹر کیا جاسکے گا جو مستقبل میں خطرہ بن سکتے ہیں۔

    محققین کا کہنا تھا کہ یہ ٹیسٹ کسی فرد کی عمر کی بہتر پیشگوئی میں مددگار ہے کیونکہ یہ انسانی جسم کے اندر عمر بڑھنے کے اثرات کا جائزہ لیتا ہے۔

  • کراچی میں‌ گرمی کی فوری لہر کا کوئی امکان نہیں

    کراچی میں‌ گرمی کی فوری لہر کا کوئی امکان نہیں

    کراچی: ملک کے مختلف حصوں میں گرج چمک کے ساتھ بارش ہوئی جب کہ کراچی میں گر آلود ہواؤں کا بسیرا رہا،کراچی میں چند روز میں گرمی کی لہر آنے کا امکان نہیں۔

    اطلاعات کے مطابق بارش سے ملک کے کئی شہروں کا موسم خوشگوار ہوگیا اور لوگ لطف اندروز ہوئے۔ ماہرین موسمیات کا کہنا ہے کہ آئندہ چوبیس گھنٹوں میں ملک کے کئی حصوں میں بارش ہوگی۔

    ایک ماہر موسمیات کے مطابق ملک کے بالائی علاقوں میں بھرپور بارش ہوئی ہے، میدانی علاقوں میں تیز ہوائیں اور آندھی بھی چلی جس کی وجہ سے پاکستان کے بیشتر علاقوں میں درجہ حرارت کافی کم ہوا ہے۔


    دریں اثنا کراچی میں بادل تو نہ برسے لیکن گرد آلود ہوائیں ضرور چلیں، شہری پریشان نہ ہوں، گرمی کی شدید لہر آنے کا امکان نہیں۔ ایک ماہر نے کہا کہ جب بھی بارش دینے والا سسٹم گزرتا ہے تو اس کے پیچھے تیز ہوا آتی ہے، یہ کوئی پریشانی کی بات نہیں۔

    واضح رہے کہ ہیٹ اسٹروک سے قبل از وقت نمٹنے کے لیے کراچی میں کئی جگہ ٹھنڈے پانی کے کیمپ لگائے جاچکے ہیں۔

  • پیر سے بالائی اور وسطی علاقوں میں‌ بارش کی پیش گوئی

    پیر سے بالائی اور وسطی علاقوں میں‌ بارش کی پیش گوئی

    اسلام آباد: پیر سے ملک کے بالائی اور وسطی علاقوں میں تیز ہواؤں کے ساتھ بارش کی پیشگوئی کردی گئی۔

    محکمہ موسمیات کے مطابق پیر سے جمعرات کے دوران خیبر پختونخوا،فاٹا،گلگت بلتستان کشمیر میں بارش کا امکان ہے، منگل سے بدھ کے روز مالاکنڈ ڈویژن اور کشمیر میں موسلادھار بارش ہوسکتی ہے۔

    پیر سے بدھ کے دوران اسلام آباد،راولپنڈی، سرگودھا میں کہیں کہیں بارش جب کہ گوجرانوالہ،لاہور،فیصل آباد ڈویژن میں کہیں کہیں تیز ہواؤں کے ساتھ بارش کا امکان ہےجب کہ پیر تا منگل کوئٹہ،ژوب،ڈی جی خان،ملتان میں گرج چمک کے ساتھ بارش متوقع ہے اور منگل سے جمعرات کے دوران راولپنڈی،اسلام آباد میں چند مقامات پر ژالہ باری ہوگی۔

    اسی طرح بالائی پنجاب،بالائی خیبر پختونخوا اور کشمیر میں بھی بعض مقامات پر ژالہ باری کا امکان ہے، آئندہ 24 گھنٹے کے دوران ملک کے بیشتر علاقوں میں موسم خشک رہے گا۔

    دریں اثنا سندھ اور جنوبی پنجاب کے بیشتر علاقوں میں موسم گرم رہےگا، مالاکنڈ ڈویژن،بالائی فاٹا،کشمیر اور گلگت بلتستان میں چند مقامات پر ہلکی بارش کا امکان ہے۔

  • سری لنکن صدر کی موت کی پیشگوئی کرنے والے ماہر نجوم گرفتاری کے بعد رہا

    سری لنکن صدر کی موت کی پیشگوئی کرنے والے ماہر نجوم گرفتاری کے بعد رہا

    کولمبو : سری لنکا میں صدر کی موت کی پیشگوئی کرنے والے ماہر نجوم کو گرفتاری کے بعد رہائی مل گئی ہے۔

    خبر ایجنسی کے مطابق ماہر نجوم وجیتا روہانہ کو سری لنکن صدرمیتھریپالا سری سینا کی حادثے یا بیماری کے باعث موت واقع ہونے کی پیشگوئی کرنے پر سی آئی ڈی کی جانب سے گرفتار کیا گیا تھا۔

    ماہر نجوم کو چیف مجسٹریٹ کولمبو کی عدالت میں ایک لاکھ روپے جرمانہ کی ادائیگی اور سفری پابندی کے بدلے رہائی ملی۔

    astro

    خیال رہے کہ گزشتہ چھ ماہ کے دوران ڈی سلوا نے اسوشل میڈیا کے ذریعے کئی پیغامات بھیجے، جن میں توقع ظاہر کی تھی کہ صدر سری سینا کو 26 جنوری 2017 کو ہلاک کر دیا جائے گا۔

    وجیتامونی روہانہ ڈی سلوا نامی نجومی بحریہ کا سابق عسکری اہل کار ہے اور ماضی میں ڈھائی برس جیل میں گزار چکا ہے، ڈی سلوا پر الزام تھا کہ اس نے 1987 میں کولمبو میں پہرے داری کی ذمے داری انجام دینے کے دوران سابق بھارتی وزیراعظم راجیو گاندھی کو ہلاک کرنے کی کوشش کی تھی۔

    خیال رہے کہ سری لنکا میں سیاسی شخصیات بڑے پیمانے پر نجومیوں کی پیش گوئیوں پر یقین رکھتے ہیں۔

  • نیا سال خطرناک ثابت ہوگا، پیرو کے نجومیوں‌ کی پیش گوئی

    نیا سال خطرناک ثابت ہوگا، پیرو کے نجومیوں‌ کی پیش گوئی

    پیرو: نجومیوں نے سال 2017ء کو دنیا کے لیے خطرناک سال قرار دیتے ہوئے دعویٰ کیا ہے نئے امریکی صدر ٹرمپ کی وجہ سے اس سال جنگوں میں مزید تیزی آئے گی، امریکا اور اسرائیل کے اتحاد میں بہتری آئے گی، ان نجومیوں نے سال 2016ء کے لیے جو پیش گوئیاں کی تھیں وہ ٹھیک ثابت ہوئیں۔

    غیر ملکی میڈیا کے مطابق ساحل سمندر پر موجود پیرو کے نجومیوں نے ہر بار کی طرح اس بار بھی پیش گوئیاں کی ہیں اور کہا ہے کہ نئے امریکی صدر ڈونلڈ ٹرمپ کی موجودگی کے سبب دنیا بھر میں جاری جنگوں میں مزید تیزی آئے گی ساتھ ہی امریکا اور اسرائیل کا اتحاد مزید بہتر ہوگا۔

    نجومیوں نے یہ بھی کہا ہے کہ نیا سال لاطینی امریکا کے لیے اچھا ثابت نہیں ہوگا، چلی میں مزید زلزے آئیں گے، انڈونیشیا میں آتش فشاں پھٹے گا، دنیا بھر میں دہشت گردی کے واقعات میں مزید اضافہ ہوگا۔

    یاد رہے کہ نجومیوں نے گزشتہ پیرس اور پورپ میں حملوں کی پیش گوئیاں کی تھیں جوکہ بالکل ٹھیک ثابت ہوئیں۔