اسلام آباد: صدر پاکستان ممنون حسین چار روزہ سرکاری دورہ پر استنبول پہنچ گئے۔
صدرمملکت ممنون حسین خصوصی طیارے سے استنبول پہنچے تو استنبول کےگورنر، وزیر عدل و انصاف،سمیت اعلیٰ سطح کے وفد نے ان کا پرتپاک استقبال کیا۔
صدرپاکستان اپنے دورہ ترکی کے دوران ترک قیادت سے اہم ملاقاتیں کریں گے۔
جس میں دوطرفہ تعلقات، باہمی دلچسپی کے امور اور خطے کی صورتحال پر تبادلہ خیال کیا جائے گا۔
اسلام آباد: صدر ممنون حسین نے کہا کہ ملکی ترقی کیلئے جدید علوم سے آگاہی ضروری ہے تربیت کے بغیر تعلیم کا عمل نا مکمل رہتا ہے خواتین کی تعلیم کی راہ میں حائل رکاوٹیں دور کرنے کی ضرورت ہے۔
اسلام آباد میں سرحد یونیورسٹی کے کانووکیشن سے خطاب میں صدر مملکت نے کہا کہ تعلیم کے فروغ سے منفی سوچ کے حامل عناصرکی حوصلہ شکنی کی جاسکتی ہے،دنیا میں بغیر تعلیم انسانی ترقی ممکن نہیں ہے۔
انہوں نے کہا کہ سرحد یونیورسٹی کا نمایاں کارنامہ فاصلاتی نظام تعلیم ہے،ملالہ جیسی کئی بیٹیاں خیبر پختونخواہ میں تعلیم حاصل کررہی ہیں، فاٹا کی مختلف ایجنسیوں میں تعلیمی مراکز قائم کرنے کی ضرورت ہے۔
صدر کا کہنا تھا کہ خیبر پختونخواہ کے عوام نے زندگی کے ہر شعبے میں نمایاں کارکردگی دکھائی،مشکل حالات میں خیبر پختونخواہ کے طلباء اور اساتذہ نے حوصلہ نہیں ہارا،اقتصادی راہداری سے ترقی اور امکانات کے نئے باب کھلیں گے۔
یمن:جاری کشیدہ صورتحال پر صدر ممنون حسین نے پارلیمنٹ کا مشترکہ چھ اپریل کو بلالیا ہے۔
یمن کی صورتحال پر پارلیمنٹ کا مشترکہ اجلاس بلانے کا فیصلہ وزیرِاعظم کی زیرصدارت اجلاس میں کیا گیا، جس کے بعد صدر ممنون حسین نےوزیراعظم نواز شریف کی ایڈوائس پرپارلیمنٹ کا مشترکہ اجلاس چھ اپریل کوطلب کرلیا ہے۔
پارلیمنٹ کا مشترکہ اجلاس پیر کو صبح گیارہ بجے ہوگا۔
گزشتہ روز یمن کی صورتحال پر وزیرِاعظم نے پارلیمنٹ کا مشترکہ اجلاس پیر کو طلب کرلیا گیا، عمران خان اور اسفند یار کے یمن میں فوج بھیجنے پر تحفظات کا اظہار کیا۔
وزیرِدفاع خواجہ آصف اور مشیرخارجہ سرتاج عزیز نے دورہ سعودی عرب اور سعودی حکام سے ملاقاتوں کے بارے میں اجلاس کو بتایا۔
ذرائع کے مطابق اجلاس میں سعودی عرب کی درخواست پر پاک فوج کے دستے بھیجنے اور یمن سے پاکستانیوں کے محفوظ انخلاء کے بارے میں بھی غور کیا گیا۔
اس سے قبل وزیرِاعظم نواز شریف نے یمن کی صورتحال پر دوست ممالک کو اعتماد میں لینے کا فیصلہ کیا ہے۔
اسلام آباد: یومِ پاکستان کے موقع پرصدرممنون حسین اوروزیراعظم نواز شریف نے قوم کے نام اپنے پیغام میں کہا کہ ’’قوم دہشت گردی اورشدت پسندی کے خلاف اکھٹی ہوجائے ‘‘۔
یومِ پاکستان کے موقع پرعلیحدہ علیحدہ پیغامات میں وزیراعظم نوازشریف کا کہنا تھا کہ عوام دہشت گردی کے خلاف اٹھ کھڑے ہوئے ہیں اورانہوں نے دشمن کو شکستِ فاش دینے کا عزم کررکھا ہے۔
انہوں نے کہا کہ پاکستان کے پرامن شہریوں کو بدقسمتی سے دہشت گردی اور شدت پسندی کے خطرے کا سامنا کرنا پڑرہاہے۔
انہوں نے اس یقین کا اظہارکیا کہ متحد سیاسی قیادت اوربے باک افواج کے اتحاد سے دشمن پرغلبہ حاصل کیا جائے گا۔
صدر ممنون حسین کا کہنا تھا کہ بچوں، عورتوں، سیکیورٹی اہلکاروں، اسکولوں اورعبادت گاہوں کو نشانہ بنانے والے دہشت گردوں کو ہرصورت کیفرِ کردار تک پہنچایا جائے گا۔
انہوں نے اس موقع پر شہریوں سے استدعا کی کہ ہوم ِ پاکستان پر قوم ایک بار پھر دہشت گردوں کو شکست دینے اور امن قائم کرنے کے عہد کی تجدیدِ نو کرے۔
اسلام آباد: صدرِ مملکت سید ممنون حسین نے فاٹا سینٹ ارکان کے انتخاب کیلئے ضوابط میں ترمیم کرتے ہوئے سابق صدارتی آرڈیننس دو ہزار دو کو منسوخ کردیا ہے۔
صدرِ مملکت ممنون حسین نے فاٹا میں سینٹ الیکشن سے متعلق نئے ترمیمی آرڈیننس کی منظوری دیدی ہیں، اس سے قبل فاٹا سینٹ الیکشن سے متعلق صدارتی آرڈیننس دوہزاردو نافذ تھا۔
صدرمملکت نے صدارتی آرڈیننس دوہزاردومنسوخ کرکے نئے ترمیمی آرڈیننس کی منظوری دی ہے، نئے صدارتی ترمیمی آرڈیننس کے تحت فاٹا رکن اسمبلی کواب چارکے بجائے صرف ایک ووٹ ڈالنے کاحق حاصل ہوگا۔
آرڈیننس سے متعلق سمری وزارت سیفران کی جانب سے بھیجی گئی تھی۔ فاٹا کے تین ارکان مل کرایک سنیٹرمنتخب کرسکیں گے۔
کراچی: صدر مملکت ممنون حسین نے کہا ہے کہ اسلامی بینکاری کا نظام شروع کر کے غیر سودی بینکاری کی طرف پہلا قدم کامیابی سے اٹھا دیا گیا ہے۔
صدر ممنون حسین نے کراچی میں اسلامی بینکاری پر کانفرنس سے خطاب کرتے ہوئے کہا کہ علماء اور بینکنگ ماہرین پر مشتمل محققین کا ایک ایسا پینل تشکیل دیا جائے جو اسلامی بینکاری پر کام کرے، محققین کے اس پینل کے ذریعے اسلامی بینکنگ نظام کے دفاع میں مدد مل سکئے گی۔
انھوں نے کہا کہ وہ اسلامی بینکنگ کے نظام پر ہونے والی تحقیق سے مطمئن نہیں ہیں، صدر مملکت نے اس شعبے میں مزید کام کرنے کی ضرورت پر زور دیا۔
ممنون حسین نے اسٹیٹ بنک کی ایک رپورٹ کا حوالہ دیتے ہوئے کہا کہ اسلامی بینک اپنے صارفین کو سماجی انصاف کی فراہمی میں ابھی تک کامیاب نہیں ہوسکے، انھوں نے اس امر کو خوش آئند قرار دیا کہ اسٹیٹ بینک نے اسلامی بینکاری کے اس پہلو پر توجہ دے کر وقت کی ایک اہم ضرورت کی نشان دہی کی ہے۔
انھوں نے اس صورتحال کو حوصلہ افزا قرار دیا کہ بائیس بینکوں کی تقریباً ڈیڑھ ہزار شاخیں عوام کو اسلامی بنکاری سہولت فراہم کر رہی ہیں۔
اسلام آباد: صدر ممنون حسین نے کہا ہے کہ پاکستان اور چین دہشتگردی، انتہاپسندی اور علیحدگی کی تحریکوں کے خلاف تعاون جاری رکھیں گے۔
اسلام آباد میں صدر ممنون حسین نے چین کے وزیر خارجہ وانگ ژی سے ملاقات میں ان کے دورہ پاکستان کا خیرمقدم کرتے ہوئے کہا ہے کہ دونوں ملک دوستی کے لازوال رشتے میں بندھے ہوئے ہیں اوریہ رشتہ ہرآزمائش پرپورا اترا ہے۔
صدر مملکت کا کہناتھا کہ دہشتگردوں کے خاتمے کے لیے آپریشن ضرب عضب پوری قوت سے جاری ہے اور تمام دہشتگرد تنظیموں کے خلاف بلاتفریق کارروائی کی جارہی ہے۔
انہوں نے کہا کہ پاکستان میں کام کرنے والے چینی باشندوں کی سیکیورٹی حکومت کی ترجیح ہے، چینی وزیر خارجہ نے کہا کہ خطے میں آنے والی تبدیلیوں پر پاکستان اور چین دونوں کی نظر ہے، پاک چین اسٹریٹیجک شراکت داری اور اقتصادی تعاون وقت کے ساتھ بڑھے گا۔
اسلام آباد: صدرِ مملکت ممنون حسین نے اکیسویں آئینی ترمیم کے مسودہ پر سینیٹ اور قومی اسمبلی سے منظور کے بعد دستخط کر دیئے ہیں، جس کے بعد اکیسویں آئینی تر میم آئین کا حصہ بن گئی ہے۔
ایوانِ صدر سے اکیسویں ترمیم کی منظوری کے بعد وزیرِاعظم ہاؤس، سینیٹ سیکر یٹریٹ، قومی اسمبلی سیکر یٹریٹ اور وزارتِ قانون کو آگاہ کردیا گیا ہے ۔
اکیسویں آئینی ترمیم اور آرمی ایکٹ میں ترمیم فوری طور نافذ العمل ہوگی، جس کے بعد انسدادِ دہشت گردی کیلئے فوجی عدالتوں کے قیام اورقومی ایکشن پلان پر عملد آمد پر فوری آغاز کردیا جائے گا۔
اس سے قبل اکیسویں آئینی ترمیم کی سمری وزیرِاعظم ہاؤس کی جانب سے صدر ممنون حسین کو بھیجی گئی تھی، جس کی صدر ممنون حسین آج منظوری دینی تھی۔
گزشتہ روز قومی اسمبلی میں اکیسویں آئینی ترمیم دو سو سینتالیس اراکین کی حمایت سے منظور کر لی گئی تھی، ایوان میں موجود کسی رکن نے مخالفت میں ووٹ نہیں دیا، بعدازاں ایوان نے آرمی ایکٹ انیس سو باون میں ترامیم کی منظوری بھی دے دی گئی تھی۔
قومی اسمبلی کے آج کے اجلاس میں اکیسویں آئینی ترمیم کا ترمیم شدہ مسودہ منظوری کیلئے پیش کیا گیا ، جسے بحث کے بعد دو سو پینتالیس اراکین کی متفقہ رائے سے منظورکر لیا گیا جبکہ مخالفت میں کوئی ووٹ نہیں پڑے۔
حکومت نے مسودہ میں جے یو آئی کی جانب سے مذہب اور فرقے کا لفظ نکالنے کا مطالبہ مسترد کردیا، رائے شماری میں جماعت اسلامی، جے یوآئی ف، تحریکِ انصاف اور شیخ رشید احمد نے حصہ نہیں لیا۔
کوئٹہ: صدر مملکت ممنون حسین بلوچستان کے تین روزہ دورے پر کوئٹہ پہنچ گئے۔
کوئٹہ ایئر پورٹ پر گورنر بلوچستان محمد خان اچکزئی ،صوبائی وزراء عبدالرحیم زیارتوال ،ڈاکٹر حامد خان اچکزئی ،نواب ایاز خان جوگیزئی ،نواب محمد خان شاہوانی ،رحمت صالح بلوچ چیف سیکرٹری بلوچستان سیف اللہ چٹھہ نے صدر مملکت کا استقبال کیا،صدر ممنون حسین سے کوئٹہ میں قیام کے دوران صوبائی وزراء،اراکین اسمبلی اور قبائلی عمائدین ملاقاتیں کریں گے ،صدر کل زیارت کا دورہ کرکے قائد اعظم ریزیڈنسی کامعائنہ بھی کریں گے جبکہ چھبیس دسمبر کو بولان میڈیکل کمپلیکس کے کنونشن میں مہمان خصوصی کی حیثیت سے شرکت بھی کریں گے۔
اسلام آباد: صدرممنون حسین اور وزیر اعظم نواز شریف نے قوم کوعیدالاضحی کی مبارکباد دی ہے، اپنے الگ الگ پیغامات میں صدر مملکت اور وزیر اعظم کا کہنا ہے کہ مسائل سے نمٹنے کیلئے اخوت اور ہمدردی کے جذبے کی ضرورت ہے۔
عید الاضحی کے موقع پر اپنے پیغام میں صدر ممنون حسین کا کہنا ہےکہ سنت ابراہیمی ایثارو قربانی کا درست دیتی ہے،جس کی زندگیوں میںعملی مثال قائم کرناہوگی۔ ان کا کہنا ہے کہ مسائل سے نمٹنے کیلئےاخوت اورہمدردی کےجذبےکی ضرورت ہے۔
اپنے پیغام میں وزیر اعظم نواز شریف کا کہنا ہے کہ ترقی کے مشن کیلئے کوششیں جاری رکھیں گےاورسیلاب متاثرین کومشکل کی گھڑی میں تنہانہیں چھوڑیں گے،متاثرین کی بحالی کیلئےتمام وسائل بروئےکار لائے جائیں گے۔ وزیراعظم کا کہنا ہے کہ پاک فوج نےدہشتگردی اور انتہا پسندی کا ڈٹ کر مقابلہ کیا،ملکی خوشحالی وعزت کیلئےافسران اور جوانوں نےبہت قربانیاں دیں۔
وزیراعظم کا کہنا ہے کہ قوم ضرب عضب سے بےگھرافرادکی قربانیوں سےبخوبی آگاہ ہےاور متاثرین کی مشکلات کے حل کیلئےکوئی غفلت نہیں برتی جائےگی۔ ان کا کہنا ہے کہ جمہوری قوتوں نےدانشمندی کامظاہرہ کیا اور ملکی خوشحالی کاایجنڈاجاری رکھنےکیلئےاعتماد پرقوم کےمشکورہیں۔