Tag: President Mamnoon

  • کالج  آف فزیشن ایڈنبرا نے صدرممنون حسین کو اعزازی ڈگری سے نوازا

    کالج آف فزیشن ایڈنبرا نے صدرممنون حسین کو اعزازی ڈگری سے نوازا

    ایڈنبرا : صدر ممنون حسین کو کالج آف فزیشن ایڈنبرا کی جانب سے اعزازی ڈگری سے نوازا گیا،صدرمملکت کا کہنا تھا کہ رائل کالج آف فزیشن جیسے ادارے سے ڈگری ملنا اعزاز کی بات ہے۔

    تفصیلات کے مطابق اسکاٹ لینڈ میں صدر ممنون حسین کواعزازی ڈگری دینے کی پروقارتقریب کالج آف فزیشن ایڈنبرامیں ہوئی، تقریب میں رائل کالج آف فزیشن کے صدر پروفیسر ڈیریک بل نے صدر مملکت کو اعزازی ڈگری سے نوازا۔

    صدر ممنون حسین نے کہا کہ رائل کالج آف فزیشن جیسے معتبر ادارے سے ڈگری ملنا اعزاز کی بات ہے، پاکستان اور رائل کالج آف فزیشن کے درمیان تعاون مستقبل میں بھی جاری رہے گا۔

    خیال رہے صدر ممنون حسین کی آئینی مدت 9 ستمبر 2018 کو پوری ہورہی ہے۔

    مزید پڑھیں : بدعنوانی والا کچھ دن بچتا ہے پھر اللہ کی پکڑ میں آجاتا ہے، صدر ممنون حسین

    یاد رہے صدر مملکت ممنون حسین کا رائل کالج آف فزیشن ایڈنبرا کی دعوت پر برطانیہ پہنچنے پر لندن ائیرپورٹ پر میڈیا سے گفتگو کرتے ہوئے کہنا تھا کہ ‘اللہ کا قانون ہے بدعنوانی کرنے والا کچھ دن بچتا ہے مگر پھر پکڑا جاتا ہے‘۔

    اُن کا کہنا تھا کہ پاناما پر جو بیان دیا تھا اُس کا اندازہ تھا مگر پاکستان میں جو احتساب کا عمل شروع ہوا وہ ٹھیک تو ہے مگر کچھ خامیاں بھی ہیں لیکن اب پاکستان پیچھے نہیں آگے کی طرف بڑھتے ہوئے مزید ترقی کرے گا۔

  • الیکشن کمیشن کی صدر کو عام انتخابات کی تاریخ مقرر کرنے کی سمری ارسال

    الیکشن کمیشن کی صدر کو عام انتخابات کی تاریخ مقرر کرنے کی سمری ارسال

    اسلام آباد : الیکشن کمیشن نے صدر مملکت کو عام انتخابات کی تاریخ مقرر کرنے کی سمری ارسال کردی، جس میں 25تا 27جولائی 2018 کی تاریخیں تجویز کی گئی۔

    تفصیلات کے مطابق ملک بھر میں عام انتخابات کی تیاریاں جاری ہے ، عام انتخابات کا مجوزہ شیڈول تیار کرلیا گیا اور الیکشن کمیشن نے عام انتخابات کی تاریخ مقرر کرنے کیلئے صدر مملکت ممنون حسین کو سمری بھجوا دی۔

    ذرائع الیکشن کمیشن کا کہنا ہے کہ عام انتخابات کے انعقاد کیلئے صدر کو3 تاریخیں تجویز کی ہیں، انتخابات کیلئے جولائی کے آخری ہفتے کی 3تاریخیں تجویز کی گئی ہے۔

    الیکشن کمیشن کے مطابق تجویز کردہ تاریخیں 25 تا 27 جولائی 2018 کی ہیں۔

    ذرائع کا کہنا ہے کہ عام انتخابات 2018 کے لئے الیکشن کمیشن یکم جون کو شیڈول جاری کرے گا جبکہ صدر مملکت ممنون حسین کی طرف سے سمری کی منظوری کے بعد الیکشن کمیشن عام انتخابات کی شیڈول کا باقاعدہ اعلان کرے گا۔

    یاد رہے 8 جولائی کو اسلام آباد میں چیف الیکشن کمشنر کی زیرصدارت عام انتخابات کی تیاریوں سے متعلق اہم اجلاس منعقد ہوا تھا، اجلاس میں عام انتخابات کی پولنگ کے لیے دو تاریخوں پر غور اور پولنگ اسٹیشنز پر بنیادی سہولیات کی عدم دستیابی پر پیش رفت کا جائزہ لیا گیا تھا۔


    مزید پڑھیں : الیکشن کمیشن نے عام انتخابات کی دو تاریخوں پرغور شروع کردیا


    ذرائع کا کہنا تھا کہ الیکشن کمیشن آف پاکستان نے عام انتخاب 2018 کے انعقاد کیلئے دو مجوزہ تاریخوں پر غور شروع کردیا ہے، جس میں سے ایک تاریخ کا حتمی فیصلہ جلد کرلیا جائے گا۔

    ذرائع کے مطابق الیکشن 2018 کی پولنگ کے لیے 25 یا 26 جولائی کی تاریخوں پر غور کیا جارہا ہے۔

    واضح رہے کہ موجودہ حکومت کی آئینی مدت جون کے مہینے میں ختم ہورہی ہے جس کے بعد جولائی کے مہینے میں انتخابات کے انعقاد کا امکان ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • آج ہم ایک ایٹمی قوت ہیں اور آج کا پاکستان 1965کے مقابلےمیں کہیں زیادہ مضبوط ہے، وزیراعظم

    آج ہم ایک ایٹمی قوت ہیں اور آج کا پاکستان 1965کے مقابلےمیں کہیں زیادہ مضبوط ہے، وزیراعظم

    اسلام آباد : یوم دفاع پر صدر اور وزیراعظم نے قوم کے نام خصوصی پیغامات میں کہا ہے کہ آج کاپاکستان 1965کےمقابلےمیں کہیں زیادہ مضبوط ہے، چھ ستمبر کا دن ہرقسم کےخطرات کیخلاف ہماراعزم مضبوط کرتا ہے۔

    تفصیلات کے مطابق یوم دفاع کے موقع پر وزیر اعظم شاہد خاقان عباسی نے اپنے پیغام میں کہا کہ آج کاپاکستان 1965کےمقابلےمیں کہیں زیادہ مضبوط ہے، آج ہم ایٹمی قوت ہیں اور ہماری پاک فوج پہلے سے زیادہ تربیت یافتہ اور چوکس ہے، آپریشن ضربِ عضب، ردالفساد اور خیبرفور نے دشمن کی کمر توڑ دی ہے۔

    نہوں نے کہا کہ دشمن مذہب، رنگ ونسل یاعلاقائی تشخص کے نام پر ہماری وحدت کو نقصان نہ پہنچائے، اس کے لئے اتحاد،ایمان اور تنظیم سے دشمن کی ریشہ دوانیوں کا مقابلہ کرنا ہے۔

    مقبوٖٖضہ کشمیر کے حوالے سے وزیر اعظم نے کہا جبر سے کشمیری عوام کی آواز کو دبایا نہیں جاسکتا، پاکستان کشمیریوں کی سیاسی، اخلاقی، سفارتی حمایت جاری رکھے گا۔پاکستانی قوم کسی بھی جارحیت سے نمٹنے کی بھرپور صلاحیت رکھتی ہے۔

    قوم دشمن کی جارحیت کے خلاف مسلح افواج کےشانہ بشانہ کھڑی ہے، صدر ممنون

    صدر ممنون حسین یوم دفاع کے موقع پر اپنے پیغام میں کہا ہے کہ چھ ستمبرایک یادگار دن ہے، اس روز اہل پاکستان نے  مثال قومی اتحاد کا مظاہرہ کیا، چھ ستمبر کا دن ہرقسم کےخطرات کیخلاف ہماراعزم مضبوط کرتا ہے۔

    صدرمملکت کا کہنا ہے کہ قوم دشمن کی جارحیت کے خلاف مسلح افواج کےشانہ بشانہ کھڑی ہے، آپریشن ردالفساد کامیابی سے جاری ہے، جو آخری دہشت گرد کے خاتمے تک جاری رہے گا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سماجی تنظیمیں ٹی بی کی روک تھام میں حکومت کا ساتھ دیں: صدر مملکت

    سماجی تنظیمیں ٹی بی کی روک تھام میں حکومت کا ساتھ دیں: صدر مملکت

    اسلام آباد : صدر مملکت ممنون حسین نے وطنِ عزیز سے تپِ دق ( ٹی بی ) کے مرض کے خاتمے اور اس کی روک تھام کےلئے بھرپور اقدامات کی ضرورت پر زور دیتے ہوئے کہا ہے کہ حکومت کے ساتھ سماجی تنظیمیں عوام کو صحت کی بہتر سہولیات فراہم کرنے کےلئے اپنا اہم کردار ادا کر سکتی ہیں۔

    انہوں نے یہ بات پیر کو انڈس ہیلتھ نیٹ ورک کے چیف ایگزیکٹو آفیسر ڈاکٹر عبدالباری سے ایوان صدر میں گفتگو کرتے ہوئے کہی۔ چیف ایگزیکٹو آفیسر ڈاکٹر عبدالباری نے صدر مملکت کو ٹی بی کے بارے میں بریفنگ دیتے ہوئے بتایا کہ پاکستان ٹی بی کے مریضوں کے لحاظ سے دنیا کا پانچواں بڑا ملک ہے۔

    ڈاکٹر عبدالباری نے کہا کہ پاکستان میں اس وقت ٹی بی کے تین لاکھ سے زائد مریض ہیں اور ہر سال 10 ہزار مریضوں کا مزید اضافہ ہو رہا ہے۔

    انہوں نے صدر مملکت کو بتایا کہ وہ کراچی سے ٹی بی کے خاتمہ کےلئے اس مہینے سے مہم کا آغاز کر رہے ہیں۔ صدر مملکت نے کہاکہ پاکستان جیسے ترقی پذیر ملک میں حکومت کے ساتھ سماجی تنظیمیں عوام کو صحت کی بہتر سہولیات فراہم کرنے کےلئے اپنا اہم کردار ادا کر سکتی ہیں۔


    ٹی بی کی تشخیص میں سائنس دانوں کی اہم پیش رفت


     ایک رپورٹ کے مطابق پاکستان میں ہر سال لگ بھگ 2 لاکھ 40 ہزار افراد ٹی بی کا شکار ہو جاتے ہیں۔ ٹی بی کے باعث موت کا شکار ہونے والے افراد میں زیادہ تعداد خواتین کی ہے۔

    عالمی ادارہ صحت ڈبلیو ایچ او کا کہنا ہے کہ ٹی بی کا مرض دنیا بھر میں ہر روز 5 ہزار جانیں لے لیتا ہے۔ اعداد و شمار کے مطابق دنیا بھر میں ایک تہائی ٹی بی کے مریضوں میں مرض کی تشخیص ہی نہیں ہو پاتی، یا وہ علاج کی سہولیات سے محروم ہیں۔

    کچھ عرصہ قبل جاری کی جانے والی ایک رپورٹ کے مطابق ٹی بی کے شکار ممالک میں پاکستان کا نمبر 5 واں ہے۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • ریفرنڈم میں کامیابی، صدر ممنون اور وزیراعظم نواز شریف کی ترک صدر کو مبارکباد

    ریفرنڈم میں کامیابی، صدر ممنون اور وزیراعظم نواز شریف کی ترک صدر کو مبارکباد

    اسلام آباد : صدر ممنون حسین اور وزیر اعظم نواز شریف نے ترکی میں ریفرنڈم میں کامیابی پر ترک صدر رجب طیب اردگان کو مبارکباد پیش کی ہے ۔

    تفصیلات کے مطابق دفتر خارجہ کے مطابق صدر اور وزیر اعظم نے ترک صدر کے نام اپنے پیغام میں امید ظاہر کی ہے کہ گزشتہ روز ہونے والا ریفرنڈم ترکی کے استحکام اور خوشحالی کا باعث ہوگا، آئینی ریفرنڈم میں دلچسپی عوام کی مستحکم ترکی کی خواہش کی عکاس ہے۔

    پیغام میں مزید کہا گیا ہے کہ پاکستان ترکی کی موجودہ قیادت سے مضبوط تعلقات کا خواہاں ہے، امید ہے ریفرنڈم کے بعد ترکی میں خوش حالی اور استحکام آئے گا۔

    خیال رہے کہ ترک حکومت نے اعلیٰ اختیارات وزیر اعظم سے صدر کومنتقل کئے جانے کے سوال پر ریفرنڈم کرایا تھا جس میں اکثریتی ووٹ نے حکومت کو یہ اختیار دے د یا ہے ۔ ریفرنڈم میں عوامی حمایت حاصل کئے جانے کے ساتھ ساتھ موجودہ صدر رجب طیب اردگان کے دور اقتدار میں بھی سنہ دوہزار انتیس تک توسیع ہوگئی ہے۔


    مزید پڑھیں : ترک عوام نے صدارتی نظام کے حق میں فیصلہ سنا دیا


    صدارتی نظام کے تحت ترک صدر پارلیمنٹ کو برخاست ، ایمرجنسی کا نفاذ کرسکیں گے اور پارلیمنٹ کی اجازت کے بغیر وزارتوں کو احکامات دے سکیں گے جبکہ صدارتی نظام میں وزیراعظم کا عہدہ بھی ختم کیا جائے گا، ریفرینڈم کے نتائج کے بعد صدراردوگان کے حامیوں نے جشن منایا۔

    دوسری جانب اپوزیشن جماعتوں نے نتائج چیلنج کرنے کا اعلان کرتے ہوئے ساٹھ فیصد ووٹوں کی گنتی دوبارہ کرانے کا مطالبہ کیا ہے۔

    واضح رہے گزشتہ برس ترکی میں فوج کے ذریعے صدارتی تختہ الٹنے کی کوشش کی گئی تھی اور آرمی کے لوگ ٹینکوں پر بیٹھ کر سڑکوں پر نکل آئے تھے تاہم طیب اردگان کے ویڈیو پیغام کے بعد عوام نے مزاحمت کی اور بغاوت کو ناکام بنایا۔

  • جسٹس جواد ایس خواجہ نے چیف جسٹس کا حلف اٹھالیا

    جسٹس جواد ایس خواجہ نے چیف جسٹس کا حلف اٹھالیا

    اسلام آباد: جسٹس جواد ایس خواجہ نے آج ملک کےتئیسویں چیف جسٹس کی حیثیت سے حلف اٹھالیا۔

    تفصیلات کے مطابق جسٹس ناصرالملک 13 ماہ تک چیف جسٹس آف پاکستان کے عہدے پرفائز رہنے کے بعد ریٹائرڈ ہوگئے ہیں۔

    ناصر الملک کی ریٹائرمنٹ کے بعد سپریم کورٹ کے سینئرترین جج جسٹس جواد ایس خواجہ نے آج نئے چیف جسٹس آف پاکستان کا حلف اٹھالیا ہے۔

     صدر ممنون حسین نے جسٹس جواد ایس خواجہ سے ان کے عہدے کا حلف لیا۔ حلف برداری کی تقریب میں  وزیرِ اعظم نواز شریف، وفاقی وزراء اور اعلیٰ افسران شریک تھے۔

    جسٹس جواد ایس خواجہ 23 روز چیف جسٹس کے عہدے پر رہنے کے بعد رواں سال ہی 10 ستمبرکو سبکدوش ہو جائیں گے۔

    جسٹس جوادکا ملک کی عدالتی تاریخ میں سب سے کم عرصہ چیف جسٹس رہنے والے افراد کی فہرست میں دوسرا نمبر ہوگاان سے پہلے چیف جسٹس محمد شہاب الدین صرف 10 روز کیلئے چیف جسٹس رہے ہیں۔ وہ 3 مئی 1960 میں چیف جسٹس بنے اور 12 مئی1960 کو سبکدوش ہوگئے تھے۔

  • اسلامی بینکاری کا نظام غیر سودی بینکاری کی طرف پہلا قدم ہے، صدر ممنون حسین

    اسلامی بینکاری کا نظام غیر سودی بینکاری کی طرف پہلا قدم ہے، صدر ممنون حسین

    کراچی: صدر مملکت ممنون حسین نے کہا ہے کہ اسلامی بینکاری کا نظام شروع کر کے غیر سودی بینکاری کی طرف پہلا قدم کامیابی سے اٹھا دیا گیا ہے۔

    صدر ممنون حسین نے کراچی میں اسلامی بینکاری پر کانفرنس سے خطاب کرتے ہوئے کہا کہ علماء اور بینکنگ ماہرین پر مشتمل محققین کا ایک ایسا پینل تشکیل دیا جائے جو اسلامی بینکاری پر کام کرے، محققین کے اس پینل کے ذریعے اسلامی بینکنگ نظام کے دفاع میں مدد مل سکئے گی۔

     انھوں نے کہا کہ وہ اسلامی بینکنگ کے نظام پر ہونے والی تحقیق سے مطمئن نہیں ہیں، صدر مملکت نے اس شعبے میں مزید کام کرنے کی ضرورت پر زور دیا۔

     ممنون حسین نے اسٹیٹ بنک کی ایک رپورٹ کا حوالہ دیتے ہوئے کہا کہ اسلامی بینک اپنے صارفین کو سماجی انصاف کی فراہمی میں ابھی تک کامیاب نہیں ہوسکے، انھوں نے اس امر کو خوش آئند قرار دیا کہ اسٹیٹ بینک نے اسلامی بینکاری کے اس پہلو پر توجہ دے کر وقت کی ایک اہم ضرورت کی نشان دہی کی ہے۔

     انھوں نے اس صورتحال کو حوصلہ افزا قرار دیا کہ بائیس بینکوں کی تقریباً ڈیڑھ ہزار شاخیں عوام کو اسلامی بنکاری سہولت فراہم کر رہی ہیں۔

  • وزیرِاعظم نواز شریف کا صدرممنون حسین کو خط

    وزیرِاعظم نواز شریف کا صدرممنون حسین کو خط

    اسلام آباد: وزیرِاعظم نواز شریف نے صدر ممنون حسین سے پانچ دہشتگردوں کی رحم کی اپیلیں مسترد کرنے کی سفارش کی ہے۔

    وزیرِاعظم نواز شریف نے صدر ممنون حسین کو خط بھیجا ہے، خط میں پانچ دہشتگردوں کی رحم کی اپیلیں مسترد کرنے کی سفارش کی گئی ہے۔

    پانچوں دہشتگردوں کو سزائے موت سنائی جا چکی ہے۔

    مجرموں نے سزائے موت پر صدر ممنون حسین سے رحم کی اپیل کی ہے، دہشتگردوں میں اکرام الحق عرف فاروق حیدر، احمدعلی عرف شیش ناگ ، ذوالفقار علی، محمد طیب عرف سجاد،غلام شبیرعرف ڈاکٹر شامل ہیں۔

  • ’قائد اعظم‘کے نظریے پر عمل کیا جائے، صدر، وزیراعظم کا پیغام

    ’قائد اعظم‘کے نظریے پر عمل کیا جائے، صدر، وزیراعظم کا پیغام

    اسلام آباد: قائد اعظم کے یومِ ولادت کے موقع پرصدرِ پاکستان ممنون حسین اور وزیرِاعظم پاکستان نوازشریف نے قوم کے نام اپنے میں پیغام میں کہا ہے کہ موجودہ حالات میں اس وقت قائد اعظم کا سا عزم اور جرات دکھانے کی ضرورت ہے۔ إ

    بانی پاکستان کی ا138 ویں سالگرہ کے موقع پردونوں رہنماؤں نے اپنے علیحدہ علیحدہ بیان میں کہا ہے کہ قائد اعظم کے فرمان’اتحاد، یقینِ محکم اورتنظیم‘ پر عمل پیرا ہونے کی جتنی ضرورت آج ہے پہلے کبھی نہ تھی۔

    صدر ممنون کا کہنا تھا کہ ’ہمیں اپنے عظیم بانی کی فکر کے ساتھ ایک بار پھر تجدیدِ عہد وفا کرنا چاہئیے اور اس وقت ضروری ہے کہ سب اجتماعی طور پر ملک کو پرامن بنانے اور ترقی کی راہ پرگامزن کرنے میں اپنا کردارادا کریں۔
    ۔
    وزیر اعظم نے اپنے بیان میں کہاکہ ’اس وقت پورے دل کے ساتھ ہمیں ایک مضبوط اور مستحکم پاکستان بنانے کے لئے اپنی توانائیاں صرف کرنی ہیں‘۔۔

    انہوں نے مزید کہا کہ موجودہ حالت میں قائد اعظم کو خراجِ تحسین پیش کرنے کا اس سے بہتر طریقہ کوئی ہو ہی نہیں سکتا کہ’ حب الوطنی اور جانفشانی کے ساتھ ملک کی ترقی کے لئے ذاتی مقاصد کو بالائے طاق رکھ کرکام کی جائے‘۔ا