ARYNews.tv | Urdu – Har Lamha Bakhabar

Tag: president of azad kashmir

  • بیرسٹر سلطان محمود چوہدری آزاد کشمیر کے صدر منتخب

    بیرسٹر سلطان محمود چوہدری آزاد کشمیر کے صدر منتخب

    مظفر آباد : بیرسٹر سلطان محمود چوہدری آزاد کشمیر کے 28ویں صدر منتخب ہوگئے ، پی ٹی آئی امیدوار بیرسٹر سلطان محمود کو 34 ووٹ ملے۔

    تفصیلات کے مطابق آزادکشمیر قانون سازاسمبلی کا اجلاس ہوا ، جس میں نئے صدر کے انتخاب کیلئے پولنگ ہوئی ، تمام موجود 51 اراکین اسمبلی نے ووٹ پول کئے ، صرف ایک رکن شاہ غلام قادرایوان میں موجودنہیں تھے۔

    جس کے بعد بیرسٹر سلطان محمود چوہدری آزاد کشمیر کے 28ویں صدر منتخب ہوگئے، پی ٹی آئی امیدواربیرسٹر سلطان محمود کو34 ووٹ ملے جبکہ متحدہ اپوزیشن کےامیدوار میاں عبدالوحید نےووٹ 16حاصل کئے۔

    خیال رہے صدر آزاد کشمیر سردار مسعود خان کی آئینی مدت 24اگست کوختم ہو رہی ہے، صدر کے انتخاب کے لیےچیف الیکشن کمشنر نے آراوکے فرائض سرانجام دیئے ، 13ویں آئینی ترمیم کےبعدصدر کےانتخاب میں اراکین کشمیر کونسل ووٹ نہیں دے سکتے۔

    یاد رہے رواں ماہ کے آغاز میں وزیر اعظم عمران خان کے نامزد کردہ عبدالقیوم نیازی آزاد کشمیر کے وزیر اعظم منتخب ہوئے تھے ، انھیں قانون، ساز اسمبلی سے 33 ووٹ ملے، جب کہ متحدہ اپوزیشن کے چوہدری لطیف اکبر کو 15 ووٹ ملے۔

  • بیرسٹرسلطان محمود کو صدر آزاد کشمیر بنانے کا فیصلہ

    بیرسٹرسلطان محمود کو صدر آزاد کشمیر بنانے کا فیصلہ

    میرپورآزاد کشمیر: سابق وزیراعظم آزاد کشمیر بیرسٹر سلطان محمود کو آزاد کشمیر بنانے کا فیصلہ کیا گیا ہے۔

    ذرائع کے مطابق بیرسٹرسلطان محمود ایل اے تھری میرپورسے ممبراسمبلی منتخب ہوئےتھے، پہلے پہل ان کا نام وزارت عظمیٰ کی ڈور میں سب سے مضبوط سمجھا جارہا تھا مگر چیئرمین پی ٹی آئی اور وزیراعظم پاکستان عمران خان نے سردار عبدالقیوم نیازی کو اس منصب کے لئے موزوں ترین قرار دیا اور انہیں وزیراعظم آزاد کشمیر بنادیا۔

    بیرسٹر سلطان محمود کو منفرد اعزاز حاصل ہے کہ وہ مسلسل نو بار رکن آزاد کشمیر اسمبلی منتخب ہوئے، حال ہی میں ہونے والے الیکشن میں وہ ایل اےتھری میرپور سے ممبراسمبلی منتخب ہوئے۔

    یاد رہے کہ بیرسٹر سلطان محمود نے پانچ سال قبل پاکستان تحریک انصاف میں شمولیت اختیار کی تھی، اس سے قبل وہ پیپلز پارٹی میں بھی رہے، اور وزرات عظمی کے منصب پر بھی فائر رہے۔

    یاد رہے کہ رواں ماہ کی چار تاریخ کو پاکستان تحریک انصاف کے سردار عبدالقیوم نیازی وزیراعظم آزاد کشمیر منتخب ہو ئے تھے، سردار عبدالقیوم نیازی کا تعلق ضلع پونچھ کی تحصیل عباس پور سے ہے، وہ دو ہزار چھ میں مسلم کانفرنس کے پلیٹ فارم سے منتخب ہوئے اور دو ہزار گیارہ تک وزیر خوراک بھی رہے۔ اُنہوں نے دو سال قبل پی ٹی آئی میں شمولیت اختیار کی تھی۔

    اس سے قبل انوار الحق آزاد کشمیر کے اسپیکر منتخب ہوئے تھے، ان کا تعلق بھی پاکستان تحریک انصاف سے ہے۔

  • مودی صرف کشمیر نہیں پوری اسلامی دنیا کے ساتھ جنگ کررہا ہے، مسعود خان

    مودی صرف کشمیر نہیں پوری اسلامی دنیا کے ساتھ جنگ کررہا ہے، مسعود خان

    مظفر آباد : صدر آزاد کشمیر مسعود خان نے کہا ہے کہ نریندر مودی صرف کشمیری مسلمان ہی نہیں پوری اسلامی دنیا کے ساتھ جنگ کررہا ہے جبکہ ہماری جنگ ہندوؤں نہیں بلکہ آر ایس ایس کے نظریے کیخلاف ہے۔

    ان خیالات کا اظہار انہوں نے مظفر آباد میں میڈیا سے گفتگو کرتے ہوئے کہی، انہوں نے کہا کہ دنیا کی7ارب آبادی میں دو ارب آبادی مسلمانوں پر مشتمل ہے۔

    بھارت کا وزیر اعظم صرف کشمیری مسلمانوں ہی نہیں پوری اسلامی دنیا کے ساتھ جنگ کررہا ہے اس کے علاوہ نریندر مودی نے نچلی ذات کے ہندوؤں اور عیسائیوں کے خلاف بھی اعلان جنگ کردیا ہے۔

    صدر آزاد کشمیر کا مزید کہنا تھا کہ ہماری جنگ ہندوؤں نہیں بلکہ آرایس ایس کے ہندوتوا نظریے کیخلاف ہے، اسلام کسی کی زمین پر قبضے کی خاطر جنگ کو جہاد نہیں کہتا۔

    انہوں نے کہا کہ کشمیری عوام کا آرٹیکل370سے کوئی لینا دینا نہیں ہے یہ ایک شیطانی سمجھوتہ تھا، بھارت میں بڑی سول سوسائٹی بھی مودی کیخلاف اٹھ کھڑی ہوئی ہے۔

  • اقوام متحدہ مسئلہ کشمیر کے حل کیلئے خصوصی نمائندہ مقرر کریں، صدر مسعود خان

    اقوام متحدہ مسئلہ کشمیر کے حل کیلئے خصوصی نمائندہ مقرر کریں، صدر مسعود خان

    نیویارک : آزاد کشمیر کے صدر مسعود خان نے کہا ہے کہ اقوام متحدہ کے جنرل سیکریٹری مسئلہ کشمیر کے حل کیلئے خصوصی نمائندہ مقرر کریں، بھارت امن کی طرف بڑھنے کے بجائے دھمکیاں دے رہا ہے۔

    یہ بات انہوں نے نیو یارک میں او آئی سی کشمیر رابطہ گروپ کے اجلاس سے خطاب کرتے ہوئے کہی۔ مسعود خان نے کہا کہ بھارت کشمیر میں امن کی طرف بڑھنے کے بجائے دھمکیاں دے رہا ہے۔

    مقبوضہ کشمیر میں آبادی کا تناسب تبدیل کرنا قوانین کی خلاف ورزی ہے، بھارت مقبوضہ وادی میں نافذ کالے قوانین منسوخ کرے، صدر آزاد کشمیر نے کہا کہ بھارت کشمیر میں یو این مبصرین کے کام میں رکاوٹیں ڈال رہا ہے۔

    یو این سیکریٹری جنرل مسئلہ کشمیر پر خصوصی نمائندہ مقرر کریں، مسعود خان نے مطالبہ کیا کہ بھارت مسئلہ کشمیر پر پاکستان اور کشمیری قیادت سے بات کرے۔

    بھارتی حکومت اقوام متحدہ کے انسانی حقوق کمیشن کو دورہ مقبوضہ کشمیر کی اجازت دے، کشمیری قیادت کو فوری طور پر جیلوں سے رہا کیا جائے۔

  • ن لیگ کے کارکنان تیار ہو جائیں، ملک بھر میں جلسے جلوس کریں گے، نواز شریف

    ن لیگ کے کارکنان تیار ہو جائیں، ملک بھر میں جلسے جلوس کریں گے، نواز شریف

    لاہور : سابق وزیراعظم کا کہنا ہے کہ ن لیگ کے کارکنان تیار ہو جائیں، ملک بھر میں جلسے جلوس کریں گے، آئندہ انتخابات میں ووٹ کے تقدس اور عدل کی بحالی کے لیے میدان میں نکلیں گے۔

    تفصیلات کے مطابق جاتی امرا رائیونڈ میں مسلم لیگ ن کے صدر نواز شریف سے آزاد کشمیر کے صدر سردار مسعود خان نے ملاقات کی، جس میں دو طرفہ امور، کشمیر کی کشیدہ صورتحال اور سیاسی حالات سمیت دیگر اہم ایشوز پر تبادلہ خیال کیا گیا۔

    سابق وزیر اعظم نواز شریف کی رہائش گاہ جاتی امرا میں محفل میلاد کا بھی انعقاد کیا گیا، جس میں کارکنان کی بڑی تعداد نے شرکت کی جبکہ نواز شریف نے نماز جمعہ بھی جاتی امرا میں ادا کی، جس کے بعد اپنے والد کی قبر پر حاضری دی اور فاتحہ خوانی بھی کی۔

    نوازشریف نے جاتی امرا میں لیگی کارکنوں سے بھی ملے اور غیر رسمی گفتگو کرتے ہوئے کہا کہ عوام سازشی عناصر کو 2018 کے انتخابات میں جواب دیں گے، لیگی کارکن متحرک ہو جائیں، عوامی رابطہ مہم میں تیزی لائیں گے۔

    مزید پڑھیں: سمجھ نہیں آرہا میرے خلاف کیس کیا ہے،نوازشریف

    انہوں نے کارکنوں کو تیار رہنے کی ہدایت کرتے ہوئے کہا کہ ملک بھر میں جلسے جلوس کریں گے، مسلم لیگ ن آئندہ انتخابات میں ووٹ کے تقدس اور عدل کی بحالی کے لیے میدان میں نکلے گی، کھوکھلے نعرے لگانے والے ہمارے ترقیاتی کاموں کا مقابلہ کر کے دکھائیں۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔