Tag: President

واشنگٹن: امریکی صدر ڈونلڈ ٹرمپ کی ایسی ویڈیو سامنے آئی ہے جس کی وجہ سے ان کی سب کے سامنے سبکی ہوگئی، سوشل میڈیا پر صارفین نے اس کا خوب مذاق بنایا۔

تفصیلات کے مطابق امریکی صدر ڈونلڈ ٹرمپ بعض اوقات ایسی احمقانہ بات کہہ جاتے ہیں جو سوشل میڈیا پر ٹرینڈ بن جاتی ہے، تاہم اب ان کی ایک ایسی ویڈیو سامنے آئی ہے جس کا سوشل میڈیا پر مذاق اڑایا جارہا ہے۔

صدر ٹرمپ امریکی ریاست مینیسوٹا میں ایک ریلی میں شرکت کے بعد واشنگٹن واپس لوٹنے کے لیے جب جہاز میں سوار ہونے لگے تو ان کے جوتے کے تلوے پر ٹیشو پیپر چپکا ہوا دکھائی دیا۔

منظر عام پر آنے والی ویڈیو میں دیکھا جاسکتا ہے کہ امریکی صدر بے خیالی میں جہاز پر سوار ہورہے ہیں لیکن انہیں یہ خبر نہیں ہے کہ ان کے جوتے کے تلوے پر ٹیشو پیپر چپکا ہوا ہے۔

سماجی رابطے کی ویب سائٹ ٹوئٹر پر ایک صارف نے اس ویڈیو پر ردعمل دیتے ہوئے کہا کہ اگر آپ آج دن بھر نہیں ہنسے تو یہ ویڈیو دیکھیں جو آپ کو ہنسے پر مجبور کردے گی۔

ایک اور صارف نے تبصرہ کرتے ہوئے کہا کہ میرے لیے تعجب کی بات یہ ہے کہ امریکی صدر ڈونلڈ ٹرمپ کے جوتے کے تلوے پر ٹیشو پیپر چپکا ہوا ہے لیکن انہیں کسی نے مطلاع نہیں کیا۔

خیال رہے کہ گذشتہ دنوں ہی امریکی صدر نے اقوام متحدہ کی جنرل اسمبلی میں خطاب کے دوران حاضرین کو ہنسے پر مجبور کردیا تھا۔

خطاب کے دوران انہوں نے کہا تھا کہ حکومت نے اتنا کچھ کیا ہے جو اس سے پہلے امریکا کی تاریخ میں کسی حکومت نے نہیں کیا، اس دعوے پر حاضرین ہنس پڑے تھے۔

WATCH: President Trump boards Air Force One with what appears to be toilet paper stuck to his shoe pic.twitter.com/A0AEYXXlXq

— Joel Franco (@OfficialJoelF) October 5, 2018