ARYNews.tv | Urdu – Har Lamha Bakhabar

Tag: President

  • صدر نے قومی احتساب دوسرا ترمیمی آرڈیننس جاری کردیا

    صدر نے قومی احتساب دوسرا ترمیمی آرڈیننس جاری کردیا

    اسلام آباد: صدرنے آرٹیکل89 کے تحت قومی احتساب دوسرا ترمیمی آرڈیننس جاری کردیا ہے۔

    تفصیلات کے مطابق آرڈیننس کی مدد سے1999 کے آرڈیننس کےسیکشن4، 5 اور چھ میں ترامیم کی گئی ہے، آرڈیننس کی مددسے1999 کےآرڈیننس کےسیکشن4میں ترمیم کی گئی، آرڈیننس کا اطلاق وفاقی وصوبائی کابینہ،کمیٹیوں، ذیلی کمیٹیوں کےفیصلوں پرنہیں ہوگا اور وفاق ،صوبائی حکومتوں کےٹیکسوں پر خزانے کو نقصان پر آرڈیننس لاگو نہیں ہوگا۔

    اسی طرح مشترکہ مفادات کونسل، ایکنک، این ایف سی پربھی آرڈیننس کا اطلاق نہیں ہوگا، سی ڈی ڈبلیو پی، اسٹیٹ بینک کےفیصلوں پربھی آرڈیننس کااطلاق نہیں ہوگا۔

    صدارتی آرڈیننس کی مدد سے1999کےآرڈیننس کےسیکشن5 میں بھی ترمیم کی گئی ہے، جس کے تحت صدر اور چیف جسٹس کی مشاورت سےاحتساب عدالتوں کاقیام عمل میں لایاجائیگا، چیف جسٹس ہائیکورٹس کی مشاورت کے بعد احتساب عدالت کاجج تعینات کیاجائے، احتساب عدالت جج کی تعیناتی کی مدت تین سال ہوگی، آرڈیننس کے تحت چیف جسٹس کی مشاورت سے صدر کو احتساب عدالت کےجج کو ہٹانےکا اختیار ہوگا۔

    آرڈیننس کےتحت 1999 کےآرڈیننس کےسیکشن6میں بھی ترمیم کی گئی ہے جس کے تحت صدر قائد ایوان اور قائدحزب اختلاف کی مشاورت سےچیئرمین نیب تعینات کرینگے،قائد ایوان قائدحزب اختلاف میں اتفاق رائےنہ ہونے پرنام پارلیمانی کمیٹی جائیں گے۔

    آرڈیننس کےتحت اسپیکرقومی اسمبلی پارلیمانی کمیٹی کی سربراہی کریں گے، پارلیمانی کمیٹی کے50فیصد ممبران حکومت،50فیصداپوزیشن سےہوں گے، چیئرمین نیب کےعہدےکی مدت چار سال ہوگی۔

    چیئرمین نیب کوہٹانےکاطریقہ کارسپریم کورٹ کےجج کوہٹانےجیساہوگا، آرڈیننس کےتحت چار سال کی مدت کےخاتمے پرچیئرمین نیب دوبارہ تعینات کیاجاسکےگا،سبکدوش چیئرمین اس آرڈیننس کےتحت نئےچیئرمین کی تعیناتی تک کام کرتےرہیں گے، 1999کےنیب آرڈیننس میں نئےسیکشن31 ڈی ڈی کابھی اضافہ کیاگیاہے، گورنراسٹیٹ بینک کی منظوری کےبغیرکسی بینک کےبورڈکےخلاف انکوائری نہیں ہوگی۔

  • یوم عاشور: حضرت امام حسینؓ نے شہادت قبول فرمائی پر ظلم کے سامنے سر نہ جھکایا

    یوم عاشور: حضرت امام حسینؓ نے شہادت قبول فرمائی پر ظلم کے سامنے سر نہ جھکایا

    اسلام آباد: یوم عاشور کے موقع پر صدر مملکت ڈاکٹر عارف علوی اور وزیر اعظم عمران خان نے اپنے پیغامات میں کہا کہ حضرت امام حسینؓ نے ثابت کیا کہ حق و باطل کے معرکے میں ہمیشہ حق کا ساتھ دینا چاہیئے۔

    تفصیلات کے مطابق یوم عاشور کے موقع پر صدر مملکت ڈاکٹر عارف علوی نے اپنے پیغام میں کہا کہ یوم عاشور نہایت عظمت اور احترام کا حامل ہے، شہادت امام حسین رضی اللہ تعالیٰ عنہ امت مسلمہ کے لیے ایک عظیم درس ہے۔

    صدر مملکت کا کہنا تھا کہ حضرت امام حسینؓ کی شہادت رہتی دنیا تک عزم و استقلال کی علامت ہے، ہمیں اپنے اندر نظم و ضبط اور ایثار و قربانی کا جذبہ پیدا کرنا ہوگا۔

    وزیر اعظم عمران خان نے بھی یوم عاشور کے موقع پر اپنے پیغام میں کہا کہ امام عالی مقام کی شہادت پر امت آج بھی افسردہ ہے، سینکڑوں برس گزر جانے کے باوجود یہ زخم، غم اور واقعہ تازہ ہے۔

    وزیر اعظم کا کہنا تھا کہ نواسہ رسول ﷺ نے یزید کے جبر و استبداد اور ظلم و ستم کو ماننے سے انکار کیا، امام عالی مقام نے شہادت قبول فرمائی پر ظلم کے سامنے سر نہ جھکایا۔

    انہوں نے اپنے پیغام میں مزید کہا کہ امام حسینؓ نے ثابت کیا حق و باطل کے معرکے میں ہمیشہ حق کا ساتھ دینا چاہیئے۔

    یاد رہے کہ آج دنیا بھر میں یوم عاشور 10 محرم الحرام مذہبی عقیدت و احترام سے منایا جارہا ہے۔

    ملک کے مختلف علاقوں میں سخت سیکیورٹی میں ماتمی جلوس نکالے جائیں گے جس میں عزاداران ماتم اور نوحہ خوانی کرتے ہوئے شہدائے کربلا پر ڈھائے گئے مظالم کو یاد کریں گے، جلوسوں کے راستوں میں بڑی تعداد میں نذر و نیاز کا سلسلہ بھی ہوگا۔

  • مالی میں فوجی بغاوت : صدر اور وزیر اعظم گرفتار

    مالی میں فوجی بغاوت : صدر اور وزیر اعظم گرفتار

    بماکو : افریقی ملک مالی میں بغاوت کرنے والے فوجیوں نے مالی کے عبوری صدر اور وزیر اعظم کو گرفتار کرلیا۔ یورپی یونین نے عبوری صدر باہ نداو اور وزیر اعظم مختار وان کے "اغواء” کی مذمت کی ہے۔

    تفصیلات کے مطابق مالی کے فوجی عہدیداروں نے صدر باہ نداو اور وزیر اعظم مختار وان کو گرفتار کرلیا جبکہ وزیر دفاع سلیمان دوکور کو بھی حراست میں لے لیا گیا ہے عالمی برادری نے گرفتاریوں کی سخت مذمت کی ہے۔

    غیر ملکی خبر رساں ادارے کے مطابق ان رہنماوں کو گرفتار کرنے کے بعد مالی کے دارالحکومت بماکو کے قریب واقع فوجی اڈے کاٹی لے جایا گیا ہے۔ یہ گرفتاریاں کابینہ میں رد و بدل میں فوج کے دو اراکین کے اپنے عہدوں سے محروم ہوجانے کے چند گھنٹوں کے اندر ہوئیں۔

    اس اقدام کے رد عمل میں بین الاقوامی برداری نے اپنی گہری تشویش کا اظہار کیا ہے، اقوام متحدہ، افریقی یونین اور مغربی افریقی ریاستوں کی اقتصادی کمیونٹی (ای سی او ڈبلیو اے ایس) نے اس کارروائی کی مذمت اور رہنماؤں کو فوری طور پر رہا کرنے کی اپیل کی ہے۔

    یورپی یونین، امریکا اور برطانیہ نے بھی اس ”ممکنہ بغاوت” پر مذمت کرتے ہوئے بیانات جاری کیے ہیں جبکہ یورپی یونین نے اس اقدام کو "اغواء” قرار دیا ہے۔

    اقوام متحدہ کے سکریٹری جنرل انٹونیو گوٹیرس نے کہا کہ ”انہیں نداو اور وان کی گرفتاری پر ”انتہائی تشویش” ہے۔ انہوں نے ٹوئٹر پر کہا کہ میں امن و سکون اور ان کی غیر مشروط رہائی کی اپیل کرتا ہوں۔

    یورپی کونسل کے صدر چارلس مشیل نے برسلز میں یورپی یونین سربراہی کانفرنس کے دوران نامہ نگاروں سے بات چیت کرتے ہوئے کہا کہ جو کچھ بھی ہوا ہے وہ انتہائی غلط اور سنگین ہے اور ہم اس کے خلاف ضروری اقدامات پر غور کرنے کے لیے تیار ہیں۔

  • وزیراعظم صدر مملکت کی قوم کو عید الفطر کی مبارکباد، کرونا ایس او پیز پر عمل کی ہدایت

    وزیراعظم صدر مملکت کی قوم کو عید الفطر کی مبارکباد، کرونا ایس او پیز پر عمل کی ہدایت

    اسلام آباد: صدر مملکت، وزیراعظم عمران خان نے قوم کو عید الفطر کی مبارک باد دیتے ہوئے قوم سے کرونا ایس او پیز پر عمل کرنے کی اپیل کی ہے۔

    تفصیلات کے مطابق وزیراعظم عمران خان نے عیدالفطر پر قوم کےنام اپنے پیغام میں کہا کہ عید پر اہل وطن اور ملت اسلامیہ کو مبارک باد پیش کرتا ہوں، اللہ کاشکر ہے کہ اس نے رمضان کےفیوض وبرکات سےمستفیدہونےکا موقع دیا، ہم نے رمضان صبروشکر اور عملی تربیت سے گزارا ہے، اللہ ہمارے روزوں اور عبادات کو اپنی بارگاہ میں قبول فرمائے۔

    وزیراعظم نے اپنے پیغام میں کہا کہ احساس ریاست مدینہ کا خاصہ تھا جو ہمارا رول ماڈل ہے، احساس اور دوسروں کا درد ہی انسانی معاشرے کی اصل طاقت ہوتے ہیں، ہمیں چاہیےکہ ہم پورا سال احساس کےجذبےکو ساتھ لےکرچلیں، معاشرےکو انسان دوست بنانےمیں اپنا بھرپورکردار ادا کریں۔

    عید الفطر کے موقع پر قوم کے نام اپنے پیغام میں وزیراعظم نے کہا کہ ہم اس وقت کرونا وبا کی تیسری لہرسےنبردآزماہیں، موجودہ حالات کےپیش نظر درخواست ہے کہ عیدپرایس اوپیزپر عمل کریں، احتیاط ہمارے دین کا حکم بھی ہےاورسنت رسول ﷺبھی، عیدمیں اپنےاردگردبسنےوالےبےکس وبےسہاراکاخیال رکھیں، عیدپردعائیں اور نیک تمنائیں کشمیری وفلسطینی بھائیوں کےساتھ ہیں۔

    یہ بھی پڑھیں: ملک بھر میں نماز عید کے روح پروراجتماعات، فلسطین کے لئے خصوصی دعائیں

    صدر مملکت عارف علوی نے بھی عید الفطر کے موقع پر قوم کومبارکباد کا پیغام دیتے ہوئے کہا کہ پر مسرت موقع پر قوم اور عالم اسلام کو مبارکباد پیش کرتاہوں، دعاہے کہ عیدہماری زندگیوں میں ڈھیروں خوشیاں لےکرآئے، عیدپر ضرورت مندوں اور محتاجوں کو خوشیوں میں شریک کریں۔

    صدرعارف علوی نے قوم سے اپیل کی کہ عید پرکرونا سےبچاؤ کی تدابیر کوہرگز نظرانداز نہ کیاجائے، عید کےاجتماعات میں کرونا ایس اوپیز پر مکمل عملدرآمدیقینی بنایاجائے، مصافحہ،معانقہ سے گریز کرتے ہوئےسماجی فاصلےکاخیال رکھاجائے۔

  • اسلامی نظریاتی کونسل میں تقرریوں کی منظوری

    اسلامی نظریاتی کونسل میں تقرریوں کی منظوری

    اسلام آباد: صدر مملکت عارف علوی نے اسلامی نظریاتی کونسل میں تقرریوں کی منظوری دے دی ہے۔

    تفصیلات کے مطابق صدر مملکت ڈاکٹر عارف علوی کی جانب سے اسلامی نظریاتی کونسل کے چیئرمین اور ممبران کی تعیناتی کی منظوری دے دی گئی ہے، صدر مملکت نےآئین کے آرٹیکل 228 کے تحت تقرریاں کیں اور کونسل کی بارہ خالی نشستوں پر تقرری کی منظوری دی۔

    ڈاکٹر قبلہ ایاز کو ایک بار پھر بطور چیئرمین اسلامی نظریاتی کونسل تعینات کیا گیا ہے، جبکہ ڈاکٹرعمیر محمود ،پیرابوالحسن محمد شاہ آف بھیرہ شریف کو بطور رکن اسلامی نظریاتی کونسل تعینات کیا گیا ہے، اس کے علاوہ محمد حسن حسیب الرحمان، دارالعلوم حقانیہ،اکوڑہ خٹک کے مولاناحمیدالحق حقانی بھی ممبر تعینات کئے گئے ہیں۔

    علامہ محمد حسین اکبر، سید ضیااللہ شاہ بخاری اور پیرزادہ جنید امین کی بطور ممبر منظوری دی گئی ہے، وزیراعظم کے معاون خصوصی برائے مذہبی امور علامہ طاہر اشرفی، مفتی محمد زبیر، سید محمدحبیب عرفانی،مولانا نسیم علی شاہ بھی اسلامی نظریاتی کونسل کے ممبر تعینات کئے گئے ہیں۔

    اسلامی نظریاتی کونسل کیا ہے؟

    اسلامی نظریاتی کونسل پاکستان کا آئینی ادارہ ہے، 1973ء کے آئین میں جب شق نمبر 227 شامل کی گئی جس کے مطابق پاکستان میں کوئی بھی قانون قرآن وسنت کے مخالف نہیں بنایا جائے گا تو عملاً اس کا باقاعدہ نظام وضع کرنے کی غرض سے اسی آئین میں دفعہ نمبر 228، 229 اور 230 میں اسلامی نظریاتی کونسل کے نام سے 20 اراکین پر مشتمل ایک آئینی ادارہ بھی تشکیل دیا گیا جس کا مقصد صدر، گورنر یا اسمبلی کی اکثریت کی طرف سے بھیجے جانے والے معاملے کی اسلامی حیثیت کا جائزہ لے کر 15 دنوں کے اندر اندر انہیں اپنی رپورٹ پیش کرنا تھا۔

    شق نمبر 228 میں یہ قرار دیا گیا کہ اس کے اراکین میں جہاں تمام فقہی مکاتب ِفکر کی مساوی نمائندگی ضروری ہوگی وہاں اس کے کم از کم چار ارکان ایسے ہوں گے جنہوں نے اسلامی تعلیم وتحقیق میں کم وبیش 15 برس لگائے ہو اور انہیں جمہورِ پاکستان کا اعتماد حاصل ہو۔

     

  • جبوتی نیشنل پارلیمنٹ کے صدر کی نیول چیف ایڈمرل محمد امجد خان نیازی سے ملاقات

    جبوتی نیشنل پارلیمنٹ کے صدر کی نیول چیف ایڈمرل محمد امجد خان نیازی سے ملاقات

    اسلام آباد: مشریقی افریقی ملک جبوتی کی نیشنل پارلیمنٹ کے صدر محمد علی حمید نے وفد کے ہمراہ نیول ہیڈ کوارٹرز اسلام آباد کا دورہ کیا اور نیول چیف ایڈمرل محمد امجد خان نیازی سے ملاقات کی۔

    تفصیلات کے مطابق مشریقی افریقی ملک جبوتی کی نیشنل پارلیمنٹ کے صدر محمد علی حمید نے کمانڈر جبوتی بحریہ اور وفد کے دیگر اراکین کے ہمراہ نیول ہیڈ کوارٹرز اسلام آباد کا دورہ کیا۔

    ترجمان پاک بحریہ کا کہنا ہے کہ جبوتی نیشنل پارلیمنٹ کے صدر نے امیر البحر ایڈمرل محمد امجد خان نیازی سے ملاقات بھی کی، جبکہ کمانڈر جبوتی بحریہ نے بھی سربراہ پاک بحریہ سے خصوصی ملاقات کی۔

    ملاقات میں باہمی دلچسپی کے امور اور دو طرفہ بحری تعاون کے مزید فروغ پر تبادلہ خیال کیا گیا۔

    ترجمان پاک بحریہ کا کہنا ہے کہ کمانڈر جبوتی بحریہ کو دی جانے والی بریفنگ میں علاقاٸی میری ٹائم سیکیورٹی صورتحال میں پاک بحریہ کے کردار پر روشنی ڈالی گئی۔

    ترجمان کے مطابق جبوتی کے اعلیٰ سطحی وفد کے دورے سے دونوں ممالک بالخصوص بحری افواج کے مابین تعلقات کو مزید فروغ ملے گا۔

  • نواز شریف کی والدہ کے انتقال پر آرمی چیف، وزیراعظم اور صدر مملکت کا اظہار افسوس

    نواز شریف کی والدہ کے انتقال پر آرمی چیف، وزیراعظم اور صدر مملکت کا اظہار افسوس

    لاہور: آرمی چیف ، صدر مملکت، وزیراعظم سمیت ملک بھر کی سیاسی و مذہبی شخصیات نے نواز شریف، شہباز شریف کی والدہ شمیم بیگم کےانتقال پر تعزیت کا اظہار کیا ہے۔

    تفصیلات کے مطابق بیگم شمیم کے انتقال پر ڈی جی آئی ایس پی آر نے سماجی رابطے کی ویب سائٹ ٹوئٹر پر جاری اپنے بیان میں کہا کہ آرمی چیف جنرل قمر جاوید باجوہ نے نواز شریف، شہباز شریف کی والدہ کے انتقال پر اظہار تعزیت کیا، آرمی چیف جنرل قمرجاوید باجوہ نے اپنے تعزیتی پیغام میں کہا کہ اللہ تعالی ٰمرحومہ کےدرجات بلند کرے۔

    صدر مملکت عارف علوی نے سماجی رابطے کی ویب سائٹ ٹوئٹر پر جاری بیان میں میاں نواز شریف اور میاں شہباز شریف کی والدہ بیگم شمیم ​اختر کی وفات پر شریف خاندان سے اظہار تعزیت کرتے ہوئے کہا کہ اللہ تعالی مرحومہ کو جوار رحمت میں جگہ دے۔

    وزیر اعظم عمران خان کی جانب سے بھی نواز شریف اور شہباز شریف کی والدہ کےا نتقال پر تعزیت کا اظہار کیا گیا ہے، اپنے تعزیتی بیان میں وزیر اعظم نے کہا کہ اللہ مرحومہ کے درجات بلند فرمائے۔

    صدر پاکستان ڈیموکریٹک مولانا فضل الرحمان نے پشاور جلسے کے دوران اپنے خطاب کے آغاز پر بیگم شمیم کے انتقال پر نوازشریف ،شہباز شریف اور مریم نواز سے تعزیت کا اظہار کیا، مولانا فضل الرحمان نے دعا کی کہ اللہ تعالیٰ مرحومہ کی مغفرت فرمائے، اور ان کے درجات بلند کرے۔

    Nawaz Sharif's mother Begum Shamim Akhtar passes away in London

    وزیر اطلاعات شبلی فراز نے بھی بیگم شمیم کے انتقال پر اپنے تعزیتی بیان میں کہا کہ نواز شریف اور محمد شہباز شریف کی والدہ کے انتقال پر بہت افسوس ہے، اللہ مرحومہ کو جوار رحمت میں اعلی ٰمقام اور لواحقین کوصبر جمیل عطا فرمائے۔

    سابق وزیر اعظم پاکستان نواز شریف کی والدہ شمیم اختر 93 برس کی عمر میں خالق حقیقی سے جا ملیں، انتقال کے وقت وہ بیٹے نواز شریف کے ساتھ لندن میں تھیں۔

    تفصیلات کے مطابق مسلم لیگ ن کے ڈپٹی سیکریٹری جنرل عطا تارڑ نے سماجی رابطے کی ویب سائٹ ٹویٹر پر اپنے ٹویٹ میں بتایا کہ میاں محمد نواز شریف اور میاں محمد شہباز شریف کی والدہ محترمہ وفات پا گئی ہیں۔

    بیگم شمیم اختر 9 مارچ سنہ 1927 کو لاہور میں پیدا ہوئی تھیں، ان کی شادی میاں شریف سے ہوئی جن سے ان کے 3 بیٹے عباس شریف، نواز شریف اور شہباز شریف تھے۔

  • آذر بائیجان کے صدر کی جنگ بندی سے متعلق اہم پیشکش

    آذر بائیجان کے صدر کی جنگ بندی سے متعلق اہم پیشکش

    باکو: آذر بائیجان کے صدر الہام علیوف کا کہنا ہے کہ نگورنو کارباخ سے متعلق ہم جنگ بندی کے لیے تیار ہیں، اب مزید حالات آرمینیا پر منحصر ہیں۔

    بین الاقوامی میڈیا کے مطابق آذر بائیجان کے صدر الہام علیوف نے کہا کہ نگورنو کارباخ سے متعلق باکو جنگ بندی کے لیے کوآرڈینیٹ کے لیے آذر بائیجان تیار ہے۔

    آذر بائیجان کے صدر نے اپنی جانب سے پہل کرنے کے بعد کہا کہ اب مزید حالات آرمینیا پر منحصر ہیں۔

    انہوں نے کہا کہ ہم تیار ہیں، ہم نے متعدد بار عوامی سطح پر کہا کہ ہم جنگ بندی کے لیے تیار ہیں۔ تمام علاقائی ممالک جو ہمارے خلاف ہیں، انہیں براہ راست اس تنازعہ میں شامل ہونے سے دور رہنا چاہیئے۔

    صدر نے مزید کہا کہ ہم اس معاملے کو عالمی مدعا بنانے کے مکمل طور پر خلاف ہیں۔

    خیال رہے کہ گزشتہ روز امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے ٹویٹ میں کہا تھا کہ آذر بائیجان اور آرمینیا نے انسانی ہمدردی کی بنیاد پر سیز فائر پر پھر اتفاق کر لیا ہے۔

    ٹرمپ کا کہنا تھا کہ دونوں ممالک کے سربراہان نے جنگ بندی معاہدے پر عمل پیرا ہونے پر اتفاق کیا ہے، اس معاہدے سے بہت سی جانیں بچ جائیں گی۔

    اس سے قبل روسی کوششوں کے نتیجے میں دونوں ممالک کے درمیان 2 مرتبہ جنگ بندی ہو چکی ہے، تاہم دونوں دفعہ جنگ بندی برقرار نہ رہ سکی تھی۔

  • پاکستان میں سبکدوش ہونے والے چینی سفیر کو ہلالِ پاکستان سے نواز دیا گیا

    پاکستان میں سبکدوش ہونے والے چینی سفیر کو ہلالِ پاکستان سے نواز دیا گیا

    اسلام آباد: صدرعارف علوی چین نے پاکستان میں سبکدوش ہونے والے چینی سفیر کو ہلال پاکستان سے نوازا جبکہ وزیراعظم نے پاک چین تعلقات کو مزید مضبوط بنانے میں چینی سفیر کےکردار کو سراہا تھا۔

    تفصیلات کے مطابق ایوان صدر میں چین کے سفیر یاؤ جنگ کو ایوارڈ دینے کی تقریب منعقد ہوئی ، جس میں وفاقی کابینہ کےارکان اور مختلف شعبوں سے تعلق رکھنے والے افراد نے شرکت کی، تقریب میں صدرعارف علوی چین نےچین کےسفیریاؤجنگ کوہلال پاکستان سےنوازا۔

    یاد رہے گذشتہ روز وزیراعظم عمران خان سے چینی سفیر یاؤ جنگ نے الوداعی ملاقات کی تھی ، جس میں وزیراعظم نے پاک چین تعلقات کومزیدمضبوط بنانےمیں چینی سفیر کےکردار کو سراہا۔

    وزیراعظم نے کہا کہ سفیریاؤجنگ کےدور میں سی پیک دوسرےمرحلے میں داخل ہوا، سی پیک دوسرےمرحلےمیں صنعتی،زراعت،سماجی واقتصادی ترقی پر توجہ ہے، سی پیک کا دوسرا فیز علاقائی ترقی،خوشحالی کو فروغ دینے میں کلیدی کردار ادا کرے گا۔

    وزیراعظم عمران خان کا کہنا تھا کہ پاکستانی عوام صدرشی جن پنگ کاپاکستان میں خیرمقدم کرنےکےمنتظرہیں، چینی قیادت نےچین کی سماجی ومعاشی تبدیلی میں قابل ذکر کردار ادا کیا ہے، چین کی معاشی ترقی،غربت کےخاتمےکی مثال سے بہت کچھ سیکھنےکوملاہے۔

    اس موقع پر چینی سفیر نے کہا کہ وزیراعظم کاوژن اورقیادت پاکستان کی تبدیلی میں اہم کردار ہے، وزیراعظم کی توجہ کی بدولت سی پیک دوسرےمرحلےمیں داخل ہوچکا، سی پیک پاکستان سمیت پورےخطے کوبےپناہ فوائد فراہم کرے گا۔

  • صدر مملکت ڈاکٹر عارف علوی کا سندھ کے سیلاب سے متاثرہ علاقوں کا دورہ

    صدر مملکت ڈاکٹر عارف علوی کا سندھ کے سیلاب سے متاثرہ علاقوں کا دورہ

    میر پور خاص: صدر مملکت ڈاکٹر عارف علوی کا کہنا ہے کہ وزیر اعظم نے کہا ہے کہ اندرون سندھ کے شہروں کا خیال رکھا جائے، کراچی لاوارث نہیں ہے۔

    تفصیلات کے مطابق صدر مملکت ڈاکٹر عارف علوی نے صوبہ سندھ کے شہر میرپور خاص کا دورہ کیا، گورنر سندھ عمران اسماعیل بھی ان کے ہمراہ تھے۔

    صدر مملکت نے سندھ کے سیلاب سے متاثر علاقوں کا فضائی جائزہ لیا جبکہ میر پور خاص میں سیلاب متاثرین سے ان کے عارضی قائم کردہ خیموں میں ملاقات بھی کی۔

    وہاں منعقدہ تقریب سے خطاب کرتے ہوئے کہا کہ کرونا وائرس کے خلاف کامیابی عوام کے بغیر ممکن نہیں تھی۔ اس میں حکومت کے اسمارٹ لاک ڈاؤن جیسے اقدامات شامل تھے، مساجد کے اندر احتیاطی تدابیر اختیار کی گئیں۔

    صدر مملکت کا کہنا تھا کہ شفافیت اور انصاف وزیر اعظم عمران خان کی ترجیح ہے، عوامی حقوق کا تحفظ اور وسائل کا شفاف استعمال ریاست کی ذمے داری ہے۔

    انہں نے کہا کہ کرونا وائرس کے بعد بارش کی صورتحال کا سامنا تھا، کہا گیا کراچی لاوارث ہے، گورنر سندھ نے کہا کراچی لاوارث نہیں۔ وزیر اعظم نے کہا ہے کہ اندرون سندھ کے شہروں کا خیال رکھا جائے گا۔

    صدر مملکت کا کہنا تھا کہ بغیر بے ایمانی ایک کروڑ 69 لاکھ خاندانوں کو امداد پہنچائی گئی، حساب لگائیں تو ملک کی 60 فیصد آبادی کی مدد کی گئی۔ پاکستان سے اب ترقی یافتہ ملک سیکھنا چاہتے ہیں، ہم ٹھیک راستے پر ہیں۔

    انہوں نے مزید کہا کہ انصاف کا کوئی متبادل نہیں ہے، سندھ کا کوئی حصہ لاوارث نہیں رہ سکتا۔ وفاقی اور سندھ حکومت کے تعاون سے ہی بہتری آئے گی۔