Tag: presidential system

لاہور: وزیر قانون فروغ نسیم نے کہا ہے کہ ایمنسٹی اسکیم کا مقصد پاکستانیوں کو ایک موقع دینا ہے.

ان خیالات کا اظہار انھوں نے پروگرام دی رپورٹرز میں خصوصی گفتگو کرتے ہوئے کیا، ان کا کہنا تھا کہ عمران خان کاہدف دو نمبری کے کلچر کا مکمل خاتمہ ہے.

[bs-quote quote=”ایمنسٹی اسکیم آخری موقع ہے، عمران خان کامشن ہے کہ کرپشن کے خلاف کارروائی ہوگی” style=”style-8″ align=”left” author_name=”وزیر قانون”][/bs-quote]

وزیر قانون فروغ نسیم نے کہا کہ ایمنسٹی اسکیم آخری موقع ہے، عمران خان کامشن ہے کہ کرپشن کے خلاف کارروائی ہوگی، کراچی چیمبر سمیت تاجر برادری نے ایک موقع کا مطالبہ کیا، اس کا مقصد محصولات میں اضافہ نہیں ہے.

فروغ نسیم نے کہا کہ ایمنسٹی اسکیم کے بعد ایکشن ہوگا، کوئی چانس نہیں ملے گا، کرپشن کے خلاف میڈیا کی ذمہ داریاں بڑھنے والی ہیں، ایمنسٹی اسکیم کا مقصد محصولات میں اضافہ نہیں، کرپشن نے معیشت کا جو حال کیا ہے، وہ بیان نہیں کیا جا سکتا.

انسداد دہشت گردی ایکٹ میں اکنامک ٹیررازم شامل کررہے ہیں، ایمنسٹی اسکیم سے کون فائدہ اٹھا سکتا ہے، اس پر مشاورت جاری ہے، آئینی ترمیم سے پارلیمانی سے صدارتی نظام کی طرف جا سکتے ہیں.

وزیرقانون ریفرنڈم کی آئینی حیثیت پارلیمنٹ سے زیادہ ہے، عوام اگرکوئی چیزچاہیں، تو اسے کوئی نہیں روک سکتا.