اسلام آباد : عوامی مسلم لیگ کے سربراہ شیخ رشید کا کہنا ہے کہ جھوٹ کی داستان اپنےانجام کوپہنچ گئی ہے ، ثابت ہوگیا پوراخاندان چور ہے۔
تفصیلات کے مطابق پاناما جے آئی ٹی رپورٹ کے بعد اپوزیشن حکومت پر تابڑ توڑحملے کررہی ہے، اسلام آباد میں پریس کانفرنس کرتے ہوئے عوامی مسلم لیگ کے سربراہ شیخ رشید نے کہا کہ پپوتمام پرچوں میں فیل ہوگیا ہے، وزیراعظم نوازشریف نے بیٹی کے نام پرقوم سے جھوٹ کہا، ن لیگ نومبر میں نئےالیکشن یا نوازشریف کی جگہ کسی اور کو لاسکتےہیں۔
شیخ رشید نے کہا کہ جھوٹ کی داستان اپنےانجام کوپہنچ گئی ہے، مریم نوازکی ملکیت سے متعلق بھی سب کچھ ثابت ہوگیا ہے، منصوبہ بندی کےتحت پریس کانفرنسزکی جارہی ہیں، ن لیگ میں شامل انسٹھ ایم این اے مشرف کے ساتھ بھی تھے، صاف صاف بتائیں کون سازش کررہاہے۔
عوامی مسلم لیگ کے سربراہ کا کہنا تھا کہ ثابت ہوگیا پوراخاندان چورہے، نوازشریف کی اپنی بھی آف شور کمپنی نکل آئی ہے، وزیراعظم کے نااہل ہونے میں اب کوئی گنجائش نہیں، نوازشریف عدلیہ اورفوج سےلڑائی چاہتےہیں، نوازشریف کو استعفیٰ دے کر گھر چلے جانا چاہیے۔
مزید پڑھیں : کیس حکومت نہیں بلکہ شریف خاندان کیخلاف ہے، تابوت اور ثبوت یہیں سے نکلے گا، شیخ رشید
انھوں نے کہا کہ کہا تھا، تابوت، ثبوت اور ن لیگ کا سیاسی جنازہ نکلے گا، نوازشریف نے قانون کے آگے سرنگوں نہ کیا تو جیل جائیں گے، ایس ای سی پی میں ٹیمپرنگ کس کے کہنے پر ہوئی، شیخ سعید نوازشریف لوگوں کا سوئٹزرلینڈ میں فرنٹ مین ہے۔
شیخ رشید نے کہا کہ خدا نہ کرے جو سزا ذوالفقار بھٹو کو ہوئی تھی وہ ان کو ہو، قوم سپریم کورٹ اور جے آئی ٹی کو سلیوٹ کرتی ہے، جےآئی ٹی نےثابت کیا ادارے زندہ ہیں، جےآئی ٹی ممبران کو دھمکیاں،بچوں کو اغوا کرنے کی دھمکیاں دی گئیں، جے آئی ٹی ممبران کو دبئی کے ذریعےخریدنے کی کوشش کی گئی۔
انھوں نے کہا کہ نوازشریف بے رحم انسان ہیں،اپنی بیٹی کا بھی سیاسی مستقبل تباہ کردیا، پورا گھرانا چور نکلا، سوائے کلثوم نواز صاحبہ کے۔
شیخ رشید کا کہنا تھا کہ گونوازگواب عالمی نعرہ بن چکا ہے، پاکستان کے دفاع کیلئے مجھے کسی عہدے کی ضرورت نہیں، جو بھی پاکستان کے دفاع کی قوت ہوگی میری آواز ان کے ساتھ ہوگی۔
عوامی مسلم لیگ کے سربراہ کا کہنا تھا کہ یہ چاہتے ہیں کوئی غیرآئینی ہاتھ آئے اور جمہوریت کو لپیٹ دے، حدیبیہ پیپرز مل کا کیس بھی کھلنے والا ہے، 18 گریڈ افسر وزیراعظم کو جیل بھیج سکتا ہے تو کسی کا بھی احتساب ہوسکتاہے، عدالت نے شریف خاندان کو پوری صفائی کا موقع دیا ہے، یہ جےآئی ٹی میں بکری اور باہر شیر بن جاتے تھے۔
انکا مزید کہنا تھا کہ عمران خان سے کل کہوں گاکہ تمام پارٹیاں گونوازگوکی کال دیں، ہم مدعی ہے، جےآئی ٹی رپورٹ کی کاپی پہلے ملنی چاہیے تھی۔
