Tag: press conference

لاہور: وزیر ریلوے شیخ رشید کا کہنا ہے کہ وزیر اعظم 20 مارچ کو وی آئی پی جناح ایکسپریس کا افتتاح کریں گے۔ ساری دنیا بھارت کو انتہا پسند مانتی ہے، بھارت کے سارے اینکر میدان جنگ میں تھے۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا کہ ایم ایل ون، ٹو اور تھری کا ٹینڈر دینے جا رہے ہیں، سمجھوتہ ایکسپریس پیر سے بھارت روانہ ہوگی۔ ترکی سے معاہدے ترک کرنسی میں ہوں گے، 20 مارچ کو وی آئی پی جناح ایکسپریس کا وزیر اعظم افتتاح کریں گے۔

وزیر ریلوے کا کہنا تھا کہ ہم لوگ عالمی معیار کے مطابق پٹری کو اسٹینڈرڈ گیج پر کریں گے، بغیر ٹکٹ سفر کرنے سے نقصان کم کرنے کی کوشش کر رہے ہیں۔ رحمٰن بابا اور سکھر ایکسپریس بہت کامیابی سے چل رہی ہیں، 8 ٹرینیں 14 ٹرینوں تک پہنچ گئی ہیں۔

انہوں نے کہا کہ ریلوے نے 4 ماہ میں ایک ارب روپے کمائے، پاکستان کے اندر ریلوے کا جال بچھا دیں گے، ایئر پورٹ بند ہونے کے بعد ریلوے نے کمی پوری کی۔

شیخ رشید کا کہنا تھا کہ پاک فوج اور عمران خان متحد ہیں، میں وہ سیاستدان ہوں جو کشمیر کو اندر سے جانتا ہوں۔ بچہ بھی ان کا تھا، بارود بھی ان کا تھا جگہ بھی ان کی تھی۔ بھارت کے سارے اینکر میدان جنگ میں تھے، بھارت میں 400 چینل پاکستان کے چینلز کا مقابلہ نہیں کر سکے۔

انہوں نے کہا کہ بھارت کو کہتا ہوں تم امن سے رہو ہم امن سے رہیں گے، ڈی جی آئی ایس پی آر نے بڑا متحمل اور ذمے دارانہ بیان دیا۔ ہماری میزائل قوت بھارت سے زیادہ مضبوط ہے۔ ساری دنیا بھارت کو انتہا پسند مانتی ہے، بھارتی میڈیا اپنے مقام سے گر گیا، پاکستان کے الیکٹرانک اور پرنٹ میڈیا نے ذمے داری کا ثبوت دیا۔

شیخ رشید کا کہنا تھا کہ تھر ایکسپریس 600 مسافر لے کر کھوکھرا پار سے مونا باؤ روانہ ہوگئی، پیر کو سمجھوتہ ایکسپریس واہگہ سے بھارت جائے گی۔ پروازیں بند ہونے پر اضافی ویگنیں لگا کر مسافروں کی ضرورت پوری کی، ایمرجنسی کی صورت میں ملتان سمیت تمام اسٹشینوں پر ٹرینیں دی گئیں۔

انہوں نے کہا کہ ریلوے کے پاس 7 دن کا تیل تھا، وفاق نے 1.2 ارب کا ادھار تیل دیا، ایم ایل ون روک دیا ہے 27 اپریل کو چین جانے سے پہلے فیصلہ ہوجائے۔ رسالپور اور مغلپورہ ورکشاپ میں پرانی مشینوں پر روس سے معاہدہ کریں گے، مغربی محاذ ریلوے تبدیل کرنا ہے، کوئٹہ سے جیکب آباد تافتان کا ٹینڈر دیں گے۔

لاہور: وفاقی وزیر ریلوے شیخ رشید کا کہنا ہے کہ سعودی عرب کے فرماں روا آئیں گے تو سب کو سرمایہ کاری کا پتہ چلے گا، میں مستقبل میں امریکی صدر کو پاکستان کا دورہ کرتا دیکھ رہا ہوں۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا کہ صفائی کی مہم اور خوش اخلاقی کی مہم چلا رہے ہیں، اسلام آباد میں مرکز شکایات کھول رہے ہیں۔ ہم نے مزید 20 ٹرینیں چلانی ہیں۔ تمام اسٹیشن پر واٹر فلٹر پلانٹ لگائیں گے۔

انہوں نے کہا کہ 25 جنوری کو مال گاڑی کا افتتاح کرنے جا رہے ہیں۔ 2 نئی مال گاڑیاں چلا رہے ہیں۔ اپنے وسائل میں رہتے ہوئے اقدامات کر رہے ہیں۔ عمران خان کے علاوہ کوئی آپشن نہیں۔

شیخ رشید کا کہنا تھا کہ سعودی عرب کے فرماں روا آئیں گے تو سب کو سرمایہ کاری کا پتہ چلے گا، میں تو مستقبل میں امریکی صدر کو پاکستان کا دورہ کرتا دیکھ رہا ہوں۔ دوست ممالک سے فنڈز لینے پر وہ شرائط نہیں ہوں گی جو آئی ایم ایف کی ہیں۔

انہوں نے کہا کہ پاکستان کے پاس 6 ماہ کی درآمدات کے لیے ذخائر موجود ہیں۔ تمام ادارے اور قوم عمران خان کے ساتھ کھڑے ہیں۔ زرداری صاحب کا بہی کھاتہ کھلا ہے، انہیں رات کو نیند کیسے آتی ہوگی، بلاول کو پیغام بھیجا ہے بھٹو بنو زرداری مت بنو۔

شیخ رشید کا کہنا تھا کہ پیپلز پارٹی کے سینئر رہنماؤں کو بلاول کے ساتھ کھڑا ہونا چاہیئے، شریف اور زرداری خاندان کا کوئی فیوچر نہیں، شہباز شریف جتنی بھی کوشش کرلیں این آر او نہیں ملے گا۔

انہوں نے کہا کہ کرپٹ لوگوں کی ملک میں کوئی گنجائش نہیں، کرپٹ لوگوں کو پذیرائی ملی تو جمہوریت کو خطرات لاحق ہوں گے، کرپشن کو پھر پذیرائی ملی تو جمہوریت کو شدید نقصان ہوگا۔ منی بجٹ سے عام آدمی کو نقصان نہیں ہوگا۔