ARYNews.tv | Urdu – Har Lamha Bakhabar

Tag: Price

  • ملک میں چینی کی فی کلو قیمت 195 روپے تک پہنچ گئی

    ملک میں چینی کی فی کلو قیمت 195 روپے تک پہنچ گئی

    اسلام آباد: ملک میں چینی کی قیمت 195 روپے فی کلو تک پہنچ گئی اور شہری مہنگی چینی خریدنے پر مجبور ہیں۔

    ملک میں چینی کی قیمتوں میں مزید اضافہ ہوگیا وفاقی ادارہ شماریات نے چینی کی قیمتوں کے نئے اعدادوشمار جاری کردیئے ہیں جس کے مطابق فی کلو چینی کی زیادہ سے زیادہ قیمت 195 روپے تک ہوگئی ہے۔

    رپورٹ کے مطابق اسلام آباد میں سب سے زیادہ مہنگی چینی 195 روپے فی کلو تک میں دستیاب ہے جبکہ راولپنڈی میں چینی فی کلو قیمت 190 روپے تک میں فروخت ہورہی ہے۔

    کراچی اور پشاور کے شہری بھی فی کلو چینی 190 روپے تک میں خریدنے پر مجبور ہیں، کوئٹہ میں فی کلو چینی 186 روپے، خضدار میں 185 روپے میں فروخت ہورہی ہے۔

    سیالکوٹ میں فی کلو چینی کی قیمت 185 روپے تک میں دستیاب ہے، حیدرآباد، بہاولپور اور ملتان میں فی کلو چینی کی قیمت 180 روپے تک ہے، سکھر اور لاڑکانہ میں چینی کی قیمت 175 روپے فی کلو تک ریکارڈ کی گئی ہے۔

    ملتان اور بنوں میں بھی فی کلو چینی کی زیادہ سے زیادہ قیمت 180 روپے تک ہے، حکومت گزشتہ روز چینی کی برآمد کے بعد ساڑھے سات لاکھ ٹن چینی درآمد کرنے کا فیصلہ کرچکی ہے۔

    وزارت فوڈ سیکیورٹی حکام کا کہنا ہے کہ یہ فیصلہ چینی کی قیمتوں میں توازن برقرار رکھنے کیلئے کیا گیا ہے، 2 لاکھ 50 ہزار میٹرک ٹن خام چینی درآمد کی منظوری کابینہ دے گی جبکہ 5 لاکھ میٹرک ٹن ریفائن چینی درآمد کرنے کی اصولی منظوری کابینہ سے لی جاچکی ہے۔

    https://urdu.arynews.tv/sindh-government-provide-all-facilities-to-chinese-company/

  • مرغی کا گوشت 900 روپے کلو ہوگیا

    مرغی کا گوشت 900 روپے کلو ہوگیا

    راولپنڈی کی مقامی انتظامیہ بااثر مرغی پولٹری فارم ایسوسی ایشن کی من مانیوں کے سامنے بے بس ہوگئے، گوشت کی قیمت 900 روپے فی کلو سے تجاوز کر گئی۔

    تفصیلات کے مطابق راولپنڈی میں برائلر مرغی کی قیمت میں ریکارڈ اضافہ ہوا ہے، برائلر مرغی کے گوشت کی قیمتوں میں 2 ہفتے میں 450 روپے فی کلو اضافہ ہوا ہے۔

    مرغی کے گوشت کی قیمت 450 روپے بڑھ کر 900 روپے فی کلو سے تجاوز کر گئی، زندہ برائلر مرغی 2 ہفتوں میں 285 سے بڑھ کر 530 روپے فی کلو تک پہنچ گئی۔

    آج مرغی منڈیوں میں زندہ برائلر مرغی 19200 روپے فی من فروخت کی گئی، زندہ برائلر مرغی 2 ہفتے قبل 11500 روپے فی من  فروخت ہوئی تھی۔

  • نئے آئی فون کی قیمت کیا ہوگی؟

    نئے آئی فون کی قیمت کیا ہوگی؟

    ٹیکنالوجی کمپنی ایپل نے اپنی آئی فون سیریز کے نئے ماڈل ’آئی فون 16‘ کو متعارف کروانے تیاریاں مکمل کرلی ہیں۔

    جیسے جیسے آئی فون 16 کی تعارفی تقریب کا دن قریب آرہا ہے ویسے ویسے صارفین کی دلچسپی میں بھی اضافہ دیکھنے میں آرہا ہے اور لوگ اس کی خریداری کے لیے بے تاب ہیں۔

    صارفین کے ذہنوں میں اب یہ سوال زور پکڑ رہا ہے کہ آئی فون کے نئے ماڈل کی قیمت کیا ہوگی؟ تاہم ان کی یہ مشکل کسی حد تک ’ٹرینڈ فورس‘ نے حل کردی۔

    نئے ایپل موبائل فونز کی قیمتوں سے متعلق ٹرینڈ فورس نامی ویب سائٹ نے پیش گوئی کردی ہے جس کے مطابق آئی فون 16 کے انٹری ماڈل کی ابتدائی قیمت 799 ڈالر توقع کی جا رہی ہے۔

    آئی فون 16 پلس کے لیے بھی یہی قیمت توقع کی جا رہی ہے۔ یہ بھی توقع کی جا رہی ہے کہ یہ آئی فون16 ، آئی فون 15 پلس سے قریباً ملتا جلتا ہی ہوگا۔

    ٹرینڈ فورس نے آئی فون 16 ماڈلز کی قیمتیں کا ایک چارٹ شیئرکیا ہے جس کے مطابق آئی فون 16(128 جی بی) کی قیمت 799ڈالر

    ، آئی فون 16 (256 جی بی) کی قیمت 899 ڈالر، آئی فون 16 (512 جی بی) کی قیمت 1,099 ڈالر، آئی فون 16 پلس (128 جی بی) کی قیمت 899 ڈالر، آئی فون 16 پلس (256 جی بی) کی قیمت 999 ڈالر ، آئی فون 16 پلس (512 جی بی) کی قیمت1,199ڈالر، آئی فون 16 پرو (256 جی بی) کی قیمت 1,099 ڈالر، آئی فون 16 پرو (512 جی بی) 1,299ڈالر ہوگی۔

    اسی طرح آئی فون 16 پرو (1 ٹی بی) کی قیمت 1,499، آئی فون 16 پرو میکس (256 جی بی) 1,199ڈالر، آئی فون 16 پرو میکس (512 جی بی) کی قیمت 1,399ڈالر، آئی فون 16 پرو (1 ٹی بی)کی قیمت 1,599ڈالر بتائی گئی ہے۔

    ٹرینڈ فورس کے مطابق ایسا لگتا ہے کہ آئی فون 16 اور آئی فون 16 پلس اپنے بیشتر اور پرانے ماڈل کی ابتدائی قیمت سے مطابقت رکھتے ہیں۔ تاہم آئی فون 16 پرو کی قیمت میں اضافہ کیا جارہا ہے ۔

    ٹرینڈ فورس کے مطابق آئی فون 16 پرو سیریز کے ساتھ آپ اب 999 ڈالر میں 128 جی بی ماڈل کو نہیں خرید سکتے ہیں۔

  • عید کی تعطیلات کے بعد ڈالر کی قیمت میں اضافہ

    عید کی تعطیلات کے بعد ڈالر کی قیمت میں اضافہ

    کراچی: عید الفطر کی تعطیلات کے بعد 3 روزہ کاروباری ہفتے کے دوران غیر ملکی کرنسی کی قیمت میں اضافہ ہوا، اس دوران ڈالر 37 پیسے مہنگا ہوا۔

    تفصیلات کے مطابق عید الفطر کی تعطیلات ختم ہونے کے بعد 3 روز کے دوران انٹر بینک میں ڈالر 37 پیسے مہنگا ہوا۔

    26 سے 28 اپریل 2023 (بدھ تا جمعہ) کے دوران انٹر بینک میں ڈالر 283 روپے 47 پیسے سے بڑھ کر 283 روپے 84 پیسے پر بند ہوا۔

    ایک ہفتے کے دوران اوپن مارکیٹ میں ڈالر 2 روپے سستا ہو کر 290 روپے کا ہوگیا۔

    اس عرصے میں اوپن مارکیٹ میں یورو 2 روپے مہنگا ہو کر 317 روپے کا ہوگیا، برطانوی پاؤنڈ 1 روپے 50 پیسے اضافے سے 360 روپے، امارتی درہم 5 پیسے کم ہو کر 79 روپے 20 پیسے اور سعودی ریال 15 پیسے اضافے سے 76 روپے 60 پیسے کا ہوگیا۔

    دوسری جانب اسٹیٹ بینک آف پاکستان کا کہنا ہے کہ اسٹیٹ بینک کے ذخائر میں 3 کروڑ ڈالر کا اضافہ ہوا۔

    اسٹیٹ بینک کے زرمبادلہ ذخائر 4.43 ارب ڈالر سے بڑھ کر 4.46 ارب ڈالر ہوگئے۔ کمرشل بینکوں کے ذخائر 3 کروڑ ڈالر اضافے سے 5.56 ارب ڈالر ہوگئے۔

  • بے تحاشہ مہنگائی نے بائیک بھی غریب کی پہنچ سے دور کردی

    بے تحاشہ مہنگائی نے بائیک بھی غریب کی پہنچ سے دور کردی

    موٹر سائیکل کو غریب کی سواری سمجھا جاتا ہے لیکن ڈالر کی قیمتوں اور معاشی تنزلی نے اس سواری کو بھی غریب سے دور کردیا ہے۔

    تفصیلات کے مطابق موٹر سائیکل مارکیٹ ایسوسی ایشن کے صدر محمد عقیل شیخ نے اے آر وائی نیوز کے مارننگ شو باخبر سویرا میں شرکت کی اور بائیک کی بڑھتی ہوئی قیمتوں کے بارے میں بتایا۔

    محمد عقیل شیخ کا کہنا تھا کہ گزشتہ 6 سے 7 ماہ میں موٹر سائیکل کی قیمت 50 ہزار سے چھلانگ لگا کر 1 لاکھ سے بھی اوپر پہنچ چکی ہے۔

    انہوں نے کہا کہ اس کی بڑی وجہ ڈالر کی قیمت میں اتار چڑھاؤ ہے۔

    عقیل شیخ نے بتایا کہ بائیکس کی زیادہ تر مینو فیکچرنگ مقامی سطح پر ہو رہی ہے لیکن اس کا خام مال بیرون ملک سے امپورٹ کیا جاتا ہے اور اس پر لگنے والے ٹیکس اور ڈیوٹیز کی وجہ سے بھی بائیکوں کی قیمت میں بے تحاشہ اضافہ ہوگیا ہے۔

    انہوں نے مزید بتایا کہ پیٹرول کی بڑھتی قیمت کی وجہ سے اچھے خاصے مالدار لوگ بھی گاڑیاں فروخت کر کے موٹر سائیکل پر آگئے ہیں لیکن غریب موٹر سائیکل خریدنے سے بھی قاصر ہوتا جارہا ہے۔

  • فی کلو چکن کی قیمت 700 روپے سے بھی تجاوز، دکاندار بھی پریشان

    فی کلو چکن کی قیمت 700 روپے سے بھی تجاوز، دکاندار بھی پریشان

    کراچی / لاہور: ملک بھر میں مرغی کی قیمتیں آسمان پر جا پہنچی ہیں، کراچی میں فی کلو چکن کی قیمت 700 روپے سے بھی تجاوز کر گئی۔

    تفصیلات کے مطابق صوبہ سندھ کے دارالحکومت کراچی میں مرغی کے گوشت کی قیمت تاریخ کی بلند ترین سطح پر پہنچ گئی۔

    کراچی میں 3 روز کے دوران مرغی کے گوشت کی قیمت میں 100 روپے اضافہ ہوا جس کے بعد شہر میں مرغی کا گوشت 700 سے 720 روپے فی کلو میں فروخت ہورہا ہے۔

    زندہ مرغی 480 روپے فی کلو اور بون لیس گوشت 1 ہزار 50 روپے فی کلو ہوگیا۔

    صوبہ پنجاب کے دارالحکومت لاہور میں بھی مرغی کا گوشت 620 روپے فی کلو تک پہنچ گیا، زندہ مرغی کا گوشت 410 روپے فی کلو فروخت ہورہا ہے۔

    صوبہ بلوچستان کے دارالحکومت کوئٹہ میں بھی مرغی کے گوشت کی قیمتوں میں ایک ہفتے کے دوران 150 روپے اضافہ ہوا۔

    کوئٹہ میں مرغی کے گوشت کی فی کلو قیمت 700 روپے تک پہنچ گئی۔

    چکن کی قیمت بڑھنے سے شہریوں کو خریداری میں مشکلات کا سامنا ہے، لوگوں کا کہنا ہے کہ عام آدمی اب چکن بھی نہیں کھا سکتا، موجودہ حکومت مہنگائی کو کنٹرول کرنے میں ناکام ہو چکی ہے۔

    مرغی کے گوشت کی قیمت بڑھنے سے دکانوں پر بھی رش کم ہوگیا جس سے دکاندار پریشان ہیں۔

    دوسری جانب پولٹری فارمرز نے چکن فیڈ کی قیمت میں بے تحاشا اضافے اور پیداوار میں کمی کو قیمت بڑھنے کی وجہ قرار دیا ہے۔

  • 8 ماہ میں روزمرہ استعمال کی تمام اشیا کی قیمتیں آسمان چھونے لگیں

    8 ماہ میں روزمرہ استعمال کی تمام اشیا کی قیمتیں آسمان چھونے لگیں

    اسلام آباد: گزشتہ 8 ماہ میں روزمرہ استعمال کی تمام اشیا مہنگی ہوئیں، آٹا اور چاول سے لے کر پیٹرول تک کی قیمت آسمان پر پہنچ گئی۔

    تفصیلات کے مطابق گزشتہ 8 ماہ میں روزمرہ استعمال کی تمام اشیا مہنگی ہوئیں، گزشتہ 8 ماہ میں آٹا 20 روپے کلو مہنگا ہوا اور فی کلو آٹے کی قیمت 85 روپے سے بڑھ کر 105 روپے ہوگئی۔

    آٹے کا 20 کلو کا تھیلا 1700 روپے سے بڑھ کر 2100 روپے تک جا پہنچا۔

    ذرائع کا کہنا ہے کہ گزشتہ 8 ماہ میں انڈے 210 روپے درجن مہنگے ہوئے اور انڈوں کی فی درجن قیمت 170 روپے سے 290 روپے پر پہنچ گئی۔

    پیاز 210 روپے کلو مہنگی ہو کر 60 روپے سے 270 روپے کلو ہوگئی، ٹماٹر 40 روپے مہنگے ہو کر 140 روپے سے 180 روپے کلو ہوگئے، آلو 40 روپے مہنگے ہو کر 50 روپے سے 90 روپے کلو ہوگئے۔

    8 ماہ میں درجہ اول کا گھی 100 روپے کلو مہنگا ہو کر 460 روپے سے بڑھ کر 560 روپے ہوگیا۔

    درجہ اول کے چاول 120 روپے فی کلو مہنگے ہو کر 200 روپے سے 320 روپے کے ہوگئے، درجہ دوم کے چاول بھی 160 روپے سے 260 روپے فی کلو ہوگئے، درجہ سوم کا ٹوٹا چاول 80 روپے کلو مہنگے ہو کر 80 روپے سے 160 روپے کے ہوگئے۔

    گزشتہ 8 ماہ میں چھوٹا گوشت 400 روپے کلو مہنگا ہو کر 1400 سے 1800 روپے کا ہوگیا، بڑا گوشت 250 روپے کلو مہنگا ہو کر 700 روپے سے 950 روپے ہوگیا۔

    کھلا دودھ 30 روپے مہنگا ہو کر 140 سے 170 کا ہوگیا، دہی 40 روپے مہنگا ہو کر 150 سے 190 روپے کلو ہوگیا۔

    8 ماہ میں پیٹرول بھی 65 روپے فی لیٹر مہنگا ہوا، پیٹرول کی قیمت 150 سے بڑھ کر 215 روپے فی لیٹر ہوگئی، ڈیزل 83 روپے مہنگا ہو کر 144 سے 227 روپے فی لیٹر ہوگیا۔

  • اوگرا نے قیمتوں میں کمی کا نوٹیفکیشن جاری کردیا

    اوگرا نے قیمتوں میں کمی کا نوٹیفکیشن جاری کردیا

    اسلام آباد: آئل اینڈ گیس ریگولیٹری اتھارٹی (اوگرا) نے نومبر کے لیے درآمدی آر ایل این جی کی نئی قیمتوں کا اعلان کردیا۔

    تفصیلات کے مطابق آئل اینڈ گیس ریگولیٹری اتھارٹی (اوگرا) نے نومبر کے لیے درآمدی آر ایل این جی کی نئی قیمتوں کا اعلان کردیا جس کا نوٹی فکیشن جاری کردیا گیا۔

    سوئی ناردرن کے لیے فی یونٹ قیمت ترسیل میں 0.31925 ڈالر فی ایم ایم بی ٹی یو کمی کی گئی ہے، سوئی سدرن سسٹم پر آر ایل این جی کی قیمت ترسیل میں 0.32974 ڈالر فی ایم ایم بی ٹی یو کمی کی گئی ہے۔

    سوئی ناردرن سسٹم پر آر ایل این جی کی نئی قیمت 13.3888 ڈالر فی ایم ایم بی ٹی یو جبکہ قیمت تقسیم 14.4387 ڈالر فی ایم ایم بی ٹی یو مقرر کی گئی ہے۔

    سوئی سدرن سسٹم پر آر ایل این جی کی نئی قیمت 13.0157 ڈالر فی ایم ایم بی ٹی یو جبکہ قیمت تقسیم 14.8105 ڈالر فی ایم ایم بی ٹی یو مقرر کی گئی

  • عالمی مارکیٹ میں خام تیل کی قیمت 8 ماہ کی کم ترین سطح پر

    عالمی مارکیٹ میں خام تیل کی قیمت 8 ماہ کی کم ترین سطح پر

    اسلام آباد: بین الاقوامی مارکیٹ میں خام تیل کی قیمتوں میں کمی دیکھی جارہی ہے، خام تیل کی قیمتیں 8 ماہ کی کم ترین سطح پر پہنچ چکی ہیں۔

    تفصیلات کے مطابق عالمی مارکیٹ میں خام تیل کی قیمتوں میں کمی دیکھی جارہی ہے۔

    برینٹ خام تیل 4 ڈالر 31 سینٹ کمی کے ساتھ 86.15 ڈالر فی بیرل پر پہنچ گیا، ڈبلیو ٹی آئی خام تیل کی قیمت 4 ڈالر 75 سینٹ کمی کے بعد 78.74 ڈالر پر آگئی۔

    عالمی خام تیل کی قیمتیں 8 ماہ کی کم ترین سطح پر پہنچ چکی ہیں۔

    یاد رہے کہ 29 اگست سے اب تک امریکی ڈبلیو ٹی آئی کی قیمت میں تقریباً 14 ڈالر تک کمی ہوچکی ہے، عالمی منڈی میں پٹرولیم مصنوعات کی قیمتوں میں کمی دیکھنے میں آرہی ہے جبکہ پاکستان میں پیٹرول دن بدن مہنگا ہوتا جا رہا ہے۔

    اس سے قبل گزشتہ ماہ دنیا میں سب سے زیادہ تیل برآمد کرنے والے ممالک نے رواں ماہ ستمبر میں اپنی پیداوار میں قدرے اضافہ کرنے پر اتفاق کیا تھا تاکہ بڑھتی ہوئی قیمتوں کو کم کرنے میں مدد مل سکے۔

  • سندھ حکومت آٹے کی قیمت آسمان پر لے گئی، بقیہ شہروں میں قیمتیں کم

    سندھ حکومت آٹے کی قیمت آسمان پر لے گئی، بقیہ شہروں میں قیمتیں کم

    اسلام آباد: وفاقی ادارہ شماریات کے حالیہ جاری کردہ اعداد و شمار کے مطابق سندھ میں شہریوں کو مہنگا ترین آٹا خریدنے پر مجبور کیا جارہا ہے، بقیہ شہروں میں قیمتیں کنٹرول میں ہیں۔

    تفصیلات کے مطابق ادارہ شماریات نے اپنی رپورٹ میں کہا ہے کہ صوبائی دارالحکومت کراچی سمیت حیدر آباد، سکھر اور لاڑکانہ میں آٹے کی قیمتیں بلند ترین سطح پر ہیں۔

    ادارہ شماریات کا کہنا ہے کہ کراچی میں 20 کلو آٹے کے تھیلے کی قیمت 1960 روپے تک ہے، حیدر آباد میں 1940 روپے، سکھر میں 1720 روپے اور لاڑکانہ میں 1800 روپے ہے۔

    بلوچستان کے دارالحکومت کوئٹہ میں 20 کلو آٹے کا تھیلا 1800 روپے اور خضدار میں 1850 روپے کا ہے۔

    صوبہ پنجاب سمیت ملک کے دیگر شہروں میں آٹے کے تھیلے کی قیمت 980 روپے ہے جن میں راولپنڈی، اسلام آباد، گوجرانوالہ، لاہور، فیصل آباد، ملتان، بہاولپور اور صوبہ خیبر پختونخواہ کا دارالحکومت پشاور شامل ہے۔