ARYNews.tv | Urdu – Har Lamha Bakhabar

Tag: price increase

  • پیٹرولیم مصنوعات کی قیمتوں میں بڑا اضافہ

    پیٹرولیم مصنوعات کی قیمتوں میں بڑا اضافہ

    اسلام آباد : حکومت نے پٹرولیم مصنوعات کی قیمتوں میں اضافہ کردیا، پٹرول کی قیمت میں 8روپے36روپے فی لیٹر اضافہ کیا گیا ہے۔

    ہائی اسپیڈ ڈیزل 10روپے 39پیسے روپے فی لیٹر مہنگا کیا گیا ہے، حکومت نےپٹرول وڈیزل کی نئی قیمتوں کااعلان کردیا۔

    وفاقی حکومت کی جانب سے پیٹرول کی قیمت میں 8 روپے 36 پیسے فی لیٹر اور ڈیزل کی قیمت میں 10 روپے 39 پیسے فی لیٹر اضافہ کیا گیا ہے۔

    قیمتوں میں اضافے کے بعد پیٹرول کی نئی قیمت 266 روپے 79 پیسے جبکہ ڈیزل کی قیمت 272 روپے 98پیسے فی لیٹر ہوگئی ہے۔

    نوٹیفکیشن کے مطابق پیٹرولیم مصنوعات کی قیمتوں میں اضافے کا اطلاق فوری طور پر ہوگیا ہے۔

    مزید پڑھیں : پیٹرول کتنے روپے مہنگا ہونے کا امکان تھا؟

    واضح رہے کہ عالمی سطح پر تیل کی قیمتوں میں تیزی سے اضافے کے پیش نظر پاکستان میں بھی یکم جولائی سے پیٹرول اور ڈیزل کی قیمتوں میں اضافہ متوقع تھا۔

    ذرائع نے پیٹرولیم مصنوعات 14 روپے 86 پیسے فی لٹر تک مہنگی ہونے کا امکان ظاہر کیا تھا۔ ذرائع نے بتایا تھا کہ ہائی سپیڈ ڈیزل 14 روپے 86 پیسے فی لیٹر اور پٹرول 11 روپے 43 پیسے فی لٹر مہنگا ہوسکتا ہے۔

  • پیٹرولیم مصنوعات کی قیمتوں میں اضافہ یا کمی، فیصلہ کب ہوگا؟

    پیٹرولیم مصنوعات کی قیمتوں میں اضافہ یا کمی، فیصلہ کب ہوگا؟

    آئندہ15روز کیلئے پیٹرولیم مصنوعات کی قیمتوں میں ردوبدل کا فیصلہ رات 12 بجے تک نہ ہوسکا، قیمتوں میں اضافے یا کمی کا اعلان آج کیا جانا تھا۔

    اے آر وائی نیوز کی رپورٹ کے مطابق حکومت پیٹرولیم مصنوعات کی قیمتوں سے متعلق تاحال کوئی فیصلہ نہ کرسکی۔

    پیٹرولیم مصنوعات کی قیمتوں میں ردوبدل رات12بجے سے ہونا تھی اور وزارت خزانہ نے وزیراعظم سے مشاورت کے بعد حتمی نوٹیفکیشن جاری کرنا ہے۔

    وزارت خزانہ کی جانب سے تاحال قیمتوں سے متعلق نوٹیفکیشن جاری نہ ہوسکا، تاہم اس حوالے سے ذرائع کا کہنا ہے کہ پیٹرولیم مصنوعات کی قیمتوں میں آج سے اضافے کی ورکنگ ہے۔

    واضح رہے کہ یکم جولائی سے پیٹرول کی قیمت میں بڑے اضافے کا امکان ہے، جس سے مہنگائی سے پریشان عوام کی مشکلات میں مزید اضافہ ہوگا۔

    مزید پڑھیں : پیٹرول کتنے روپے مہنگا ہونے والا ہے؟ 

    عالمی سطح پر تیل کی قیمتوں میں تیزی سے اضافے کے پیش نظر پاکستان میں یکم جولائی سے پیٹرول اور ڈیزل کی قیمتیں بڑھنے والی ہیں۔

    ذرائع کا کہنا ہے کہ پیٹرولیم مصنوعات 14 روپے 86 پیسے فی لٹر تک مہنگی ہونے کا امکان ہے۔ ذرائع نے بتایا کہ ہائی سپیڈ ڈیزل 14 روپے 86 پیسے فی لیٹر اور پٹرول 11 روپے 43 پیسے فی لٹر مہنگا ہوسکتا ہے۔

  • پیٹرولیم مصنوعات کی قیمتوں میں اضافہ

    پیٹرولیم مصنوعات کی قیمتوں میں اضافہ

    اسلام آباد : حکومت نے پیٹرولیم مصنوعات کی قیمتوں میں 15 روز کیلیے اضافے کا اعلان کردیا جس کا اطلاق رات 12 سے ہوگیا۔

    وزارت خزانہ نے قیمتوں میں اضافے کا نوٹیفکیشن جاری کر دیا، پیٹرولیم مصنوعات کی نئی قیمتوں کا اطلاق آئندہ 15روز کیلئے ہوگا۔

    اے آر وائی نیوز کی رپورٹ کے مطابق حکومت کی جانب سے پیٹرول کی قیمت میں 4 روپے 80 پیسے فی لیٹر اضافہ کیا گیا ہے جس کے بعد پٹرول کی نئی قیمت 258 روپے 43 پیسے فی لیٹر مقرر ہوگئی۔

    نوٹیفکیشن کے مطابق ہائی اسپیڈ ڈیزل 7روپے 95پیسے فی لیٹر مہنگا کردیا گیا ہے، ڈیزل کی نئی قیمت262 روپے59 پیسےفی لیٹر مقرر کی گئی ہے۔

    واضح رہے کہ اسرائیل ایران جنگ کے بعد عالمی منڈی میں خام تیل کی قیمت 75 ڈالر فی بیرل سے زیادہ ہو چکی ہے۔

  • پٹرول اور ڈیزل کی قیمتوں میں اضافہ کردیا گیا

    پٹرول اور ڈیزل کی قیمتوں میں اضافہ کردیا گیا

    اسلام آباد : وفاقی حکومت نے پیٹرولیم مصنوعات کی قیمتوں میں اضافہ کرتے ہوئے پیٹرول فی لیٹر تین روپے 72 پیسے مہنگا کردیا۔

    وزارت خزانہ کی جانب سے پٹرولیم مصنوعات کی قیمتوں میں اضافے کا نوٹیفکیشن جاری کردیا گیا ہے۔

    نوٹیفکیشن کے مطابق پیٹرول 3.725روپے، ہائی اسپیڈ ڈیزل آئل 3.29روپے فی لیٹر مہنگا ہوگیا ہے۔

    نوٹیفکیشن کے مطابق پٹرول کی قیمت میں3 روپے72پیسے فی لیٹر اضافے کے بعد پٹرول کی نئی قیمت 252روپے10پیسے فی لیٹر ہوگئی۔

    6997″ src=”https://www.youtube.com/embed/C9VEMg10V60″ title=”Government increases prices of petroleum products” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen>

    ہائی اسپیڈ ڈیزل کی قیمت میں3روپے 29پیسے فی لیٹر اضافہ ہوا جس کے بعد ہائی اسپیڈ ڈیزل کی نئی قیمت 258روپے43پیسے فی لیٹر ہوگئی ہے ۔

    اس کے علاوہ لائٹ ڈیزل 48پیسے سستا ہوکر151روپے73پیسے فی لیٹر ہوگیا جبکہ مٹی کا تیل62پیسے سستا ہوکر164روپے98پیسے فی لیٹر کا ہوگیا ہے۔

  • بجلی صارفین کیلئے بری خبر، قیمت میں اضافے کی تیاری

    بجلی صارفین کیلئے بری خبر، قیمت میں اضافے کی تیاری

    اسلام آباد : عوام پر پھر سے بجلی بم گرانے کی تیاری کی جارہی ہے، نیپرا سے بجلی مزید مہنگی کرنے کی درخواست دائر کردی گئی۔

    تفصیلات کے مطابق بجلی صارفین کیلئے بری خبر آگئی، قیمت میں 5 روپے فی یونٹ تک اضافہ ہو سکتا ہے، سی پی پی اے نے پیمرا سے اضافے کی درخواست کردی۔

    حکومت نے بجلی صارفین پر310ارب روپے کا مزید اضافی بوجھ ڈالنے کی تیاریاں کرلیں۔

    سینٹرل پاور پرچیزنگ ایجنسی (سی پی پی اے) نے آئندہ مالی سال کیلئے پاور پرچیز پرائس کے تعین کی درخواست کردی جس کے بعد بجلی کے بنیادی ٹیرف میں5روپے فی یونٹ تک اضافے کا قوی امکان ہے۔

    رپورٹ کے مطابق نیپرا سی پی پی اے کی درخواست پر23مئی کو سماعت کرے گا، سی پی پی اے نے اپنی درخواست میں پاور پرچیز پرائس کے 7منظر نامے پیش کئے ہیں۔

    پاور پرچیز پرائس25روپے3 پیسے سے27 روپے 11 پیسے فی یونٹ کا تخمینہ لگایا گیا ہے، منظوری کے بعد پاور پرچیز پرائس کا بوجھ 3.58 ٹریلین روپے تک پہنچ جائے گا۔

  • پیاز کے بحران نے خلیجی ممالک کو بھی لپیٹ میں لے لیا

    پیاز کے بحران نے خلیجی ممالک کو بھی لپیٹ میں لے لیا

    جدہ : عالمی منڈی سمیت سعودی عرب اور خلیجی ممالک میں پیاز کا بحران پیدا ہو گیا جہاں قیمت میں کم و بیش 65 فیصد اضافہ ہوگیا ہے۔

    سبق ویب سائٹ کے مطابق عالمی منڈی میں پیاز کی پیدوار والے ممالک بھارت اور مصر کی جانب سے برآمدات میں کمی سے سعودی عرب اور خلیجی ممالک میں پیاز کا بحران پیدا ہو گیا ہے۔

    بحیرہ احمر میں جاری بحران کی وجہ سے چین سے خلیج اور یورپ میں سپلائی متاثر ہوگئی ہے۔مبصرین کا کہنا ہے کہ چین میں پیاز کی قیمت میں 30 فیصد جبکہ بنگلہ دیش میں 25 فیصد اضافہ ہوگیا ہے۔

    یہی کیفیت جرمنی میں ہے جہاں درآمدات نہ ہونے کے باعث مقامی پیاز کی قیمت برھ گئی ہے جبکہ اٹلی میں پیاز انتہائی مہنگے داموں فروخت ہو رہا ہے۔

    اس حوالے سے مبصرین کا کہنا ہے کہ رواں برس کے وسط تک پیاز کی قیمت میں اضافہ رہے گا جبکہ خود پیدواری ملکوں میں بھی پیاز کا بحران ہوگا۔

    واضح رہے کہ گزشتہ ماہ بھارت کی جانب سے مقامی مارکیٹ میں پیاز کی دستیابی کو ممکن بنانے اور اپنی عوام کو سستے داموں پیاز کی فراہمی کے لیے بھارت سے پیاز کی برآمد پر پابندی عائد کردی گئی۔

    مزید پڑھیں : ملک میں پیاز کی بڑھتی قیمتوں کی وجہ سامنے آگئی

    دوسری جانب پاکستان میں معاشی بحران اور تاریخ کی بدترین مہنگائی کے باوجود ایکسپورٹرز کو پیاز کی ذخیرہ اندوزی اور ایکسپورٹ سے سرمایہ کمانے کی کھلی چھٹی دے دی گئی ہے۔

  • چکن اور انڈوں کی قیمت نے لوگوں کے ہوش ٹھکانے لگا دیئے

    چکن اور انڈوں کی قیمت نے لوگوں کے ہوش ٹھکانے لگا دیئے

    لاہور کی اوپن مارکیٹ میں مرغی کا گوشت مزید 13 روپے مہنگا ہوگیا جبکہ انڈوں نے بھی چار سو کا ہندسہ عبور کرلیا ہے۔

    تفصیلات کے مطابق لاہور میں برائلر مرغی کے گوشت کی قیمت 13 روپے مہنگا ہونے سے 637 روپے تک پہنچ گیا۔

    دیسی مرغی بھی ڈیڑھ ہزار روپے کلو سے زائد کے حساب سے فروخت ہونے لگی، جبکہ انڈے بھی 410روپے فی درجن کی بلند ترین سطح پر پہنچ گئے ہیں۔

    اس کے علاوہ زندہ برائلر مرغی کی قیمت9روپے اضافے سے439روپے کلو جبکہ مختلف مقامات پر فارمی انڈے 430 روپے درجن تک فروخت ہو رہے ہیں۔

    ملک کے دیگر شہروں میں بھی مرغی کا گوشت اور انڈے کی قیمتیں بلند ترین سطح پر ہیں، جس کی وجہ سے خوراک کی یہ بنیادی اشیا غریبوں کی پہنچ سے مزید دور ہو گئی ہیں۔

    دوسری جانب سردی میں اضافہ ہوتے ہی عوام ملک بھر میں بجلی اور گیس کی لوڈ شیڈنگ کے عذاب میں بھی مبتلا کردیے گئے ہیں، کراچی، کوئٹہ، لاہور، فیصل آباد، ملتان، اور پشاور سمیت بیش تر شہروں میں 6 سے 8 گھنٹے کی بجلی اور گیس لوڈ شیڈنگ کی جارہی ہے۔

  • بھارت میں بھی چینی کی قیمت کو پر لگ گئے

    بھارت میں بھی چینی کی قیمت کو پر لگ گئے

    بھارت میں بھی چینی کی قیمت کو پر لگ گئے، ٹماٹر اور پیاز کے بعد اب چینی بھی عوام کی پہنچ سے دور ہوتی جارہی ہے۔

    انڈیا میں مہنگائی پر قابو پانے کی کوششوں میں حکومت کو ناکامی کا سامنا ہے، ضروریات زندگی کی تمام اشیاء کی قیمتیں رکنے کا نام نہیں لے رہیں بلکہ کچھ خوردنی اشیاء کی قیمتیں آسمان پر پہنچ چکی ہیں۔

    بھارتی میڈیا کے مطابق کچھ دنوں پہلے ٹماٹر کی قیمت بے تحاشہ اضافہ ہوا جو لوگوں کی وقت خرید سے باہر ہوکر پکوانوں سے تقریباً غائب ہو گیا تھا، پھر پیاز کی قیمت میں اضافہ دیکھا گیا، اور اب گزشتہ دو ہفتوں کے درمیان چینی کی قیمت میں 3 فیصد سے زیادہ کا اضافہ ریکارڈ کیا گیا ہے۔

    میڈیا رپورٹس کے مطابق بھارت میں چینی کی قیمت اکتوبر 2017 کے بعد سب سے اب تک کی سب سے اونچی سطح پر پہنچ چکی ہے۔

    اس حوالے سے تاجر برادری اور ماہرین معاشیات کا کہنا ہے کہ بارش کی کمی سے گنے کی فصل متاثر ہونے کا قوی امکان ہے جو اگلے سیزن میں پیداوار میں مزید کمی کا اشارہ ہے اگر ایسا ہوا تو تہواروں کے موقع پر چینی کی قیمتوں پر اس کا اثر دکھائی دے سکتا ہے۔

  • مرغی غریب عوام کی پہنچ سے دور، چار روز میں کتنا اضافہ ہوا؟

    مرغی غریب عوام کی پہنچ سے دور، چار روز میں کتنا اضافہ ہوا؟

    کراچی / لاہور/ پشاور : ملک کے مختلف شہروں میں چکن فروشوں نے غریب اور متوسط طبقے کے منہ سے مرغی کے گوشت کا نوالہ بھی چھین لیا۔

    چند دن قبل کراچی میں فارمی مرغی کا گوشت 500 سے ساڑھے 5سو کے درمیان فروخت کیا جارہا تھا جسے اچانک پر لگے اور قیمت750 روپے فی کلو کے قریب جاپہنچی۔

    اس حوالے سے ذرائع کا کہنا ہے کہ چکن فروشوں نے قیمتوں میں خود ساختہ اضافہ کیا ہے لیکن پرائس کنٹرول کمیٹیاں دکانداروں کے سامنے بےبس ہیں۔

    گھر میں مرغی کا سالن بنانا ہو یا چکن بریانی یہ بات اب کراچی کے عام شہریوں کے لیے خواب بنا دی گئی، کراچی میں چکن کی قیمت نے نیا ریکارڈ بنالیا، گوشت فی کلو 750روپے ہوگیا۔

    اس کے علاوہ زندہ مرغی500روپے اور بون لیس ایک ہزار پچاس روپے میں فروخت کیا جارہا ہے، عوام کی بڑی تعداد مہنگے چکن کے باعث اسے خریدنے سے گریزاں ہے۔

    لاہور میں بھی مرغی کے گوشت نے عوام کا بُراحال کررکھا ہے، یہاں بھی چکن ساڑھے چھ سو روپے فی کلو ہوگئی، جس کے باعث لاہوریوں کی قوتِ خرید جواب دے گئی ہے۔

    خیبرپختونخوا کے شہر پشاور میں مرغی خریدنے کی سکت دکانداروں میں بھی نہیں رہی، چکن فروشوں نے قوت خرید نہ ہونے کے باعث اپنی دکانیں ہی بند کردیں۔

    مارکیٹ میں مرغی کے پنجرے خالی نظر آرہے ہیں، اس حوالے سے کراچی سے خیبر تک تمام پولٹری فارمرز کا بس ایک ہی جواب ہے کہ فیڈ مہنگی ہو گئی جناب۔

    ترجمان پولٹری ایسوسی ایشن ڈاکٹرعبدالکریم نے اے آر وائی نیوز سے گفتگو کرتے ہوئے کہا ہے کہ لوگوں نے اپنے آرڈرز منسوخ کردیئے ہیں، نئی بکنگ نہیں ہورہی، چکن کی قیمتیں پورے پاکستان میں بڑھیں،

    ان کا کہنا تھا کہ پہلے فیڈ سے متعلق مسائل تھے، اب امپورٹ نہ ہونے سے بھی مزید مشکلات درپیش ہیں، پولٹری کا کام بہت حد تک خراب ہوچکا ہے، فیڈ مہنگی ہونے کی وجہ سے بھی پولٹری سیکٹر تباہی کا شکار ہے۔

  • حکومت نے پیرا سیٹا مول گولی کی قیمت مقرر کردی

    حکومت نے پیرا سیٹا مول گولی کی قیمت مقرر کردی

    اسلام آباد : وفاقی کابینہ کی اقتصادی رابطہ کمیٹی کی منظوری کے بعد عام استعمال کی دوائی پیرا سیٹامول گولی کی قیمت میں اضافہ کردیا گیا۔

    اس حوالے سے ذرائع کا کہنا ہے کہ پیراسٹامول گولی کی قیمت میں اضافے کا نوٹیفکیشن ڈرگ ریگولیٹری اتھارٹی نےجاری کیا، حکومت کے جاری کردہ حکم نامے کے مطابق پیرا سیٹا مول500ملی گرام فی گولی کی قیمت2روپے35پیسے مقرر کی گئی ہے۔

    نوٹیفکیشن میں کہا گیا ہے کہ پیراسیٹا مول کیفین500ملی گرام فی گولی کی قیمت2روپے75پیسے جبکہ پیرا سیٹامول سسپنشن5ملی گرام کی قیمت117روپے مقرر کی گئی ہے۔

    واضح رہے کہ گزشتہ ماہ 27 اکتوبر کو وفاقی کابینہ کی اقتصادی رابطہ کمیٹی نے پیرا سٹامول قیمتوں میں اضافے کی منظوری دی تھی۔

    مزید پڑھیں : پیراسیٹا مول ایکسٹرا اور سیرپ مہنگا کرنے کی منظوری دے دی گئی

    وفاقی وزیر خزانہ اسحاق ڈار کی زیر صدارت اجلاس میں اراکین نے فارماسوٹیکل کمپنیوں کے ساتھ پیراسیٹا مول کیلئے طے پانے والی نظر ثانی شدہ قیمتوں کی بھی منظوری دی۔

    مزید پڑھیں : پیراسٹامول دوا کی قیمت سے متعلق حکومت کا بڑا فیصلہ

    اس سے قبل ماہ ستمبر میں وفاقی وزیر صحت عبدالقادر پٹیل نے پیرا سیٹامول کی قیمت میں اضافے سے صاف انکار کرتے ہوئے موقف اختیار کیا تھا کہ موجودہ ملکی حالات کے پیش نظر پیرا سیٹامول گولی کی قیمت میں فوری اضافہ ممکن نہیں۔