Tag: price of crude oil

اسلام آباد : امریکہ اورایران میں جاری کشیدگی کے باعث عالمی منڈی میں بڑھنے والی خام تیل کی قیمت میں کمی دیکھی جارہی ہے، خام تیل کی قیمت52 سینٹس کی کمی ہوگئی۔

تفصیلات کے مطابق امریکہ اور ایران کی جانب سے ایک دوسرے پر حالیہ حملوں کے بعد عالمی منڈی میں خام تیل کی قیمت میں جو اضافہ سامنے آیا تھا اب اس میں نمایاں کمی دیکھی جارہی ہے۔

خام تیل کی قیمت میں52سینٹس کمی ہوئی ہے جس کے بعد امریکی خام تیل کی قیمت59ڈالرفی بیرل ہوگئی۔

اس کے علاوہ برینٹ خام تیل کی قیمت میں39سینٹس کی کمی ریکارڈ کی گئی ہے اس کمی کے بعد برینٹ خام تیل کی قیمت64ڈالر98 سینٹس فی بیرل ہوگئی۔

مزید پڑھیں : امریکا ایران کشیدگی، خام تیل کی قیمت 10 ماہ کی بلند ترین سطح پر پہنچ گئی

یاد رہے کہ گزشتہ دنوں امریکا اور ایران کے درمیان کشیدگی کے باعث خام تیل کی قیمت میں دو ڈالر 41 سینٹس کا اضافہ ہوا تھا، برینٹ خام تیل کی قیمت 68 ڈالر 70 سینٹس فی بیرل تک جاپہنچی تھی۔

اس کے علاوہ امریکی خام تیل کی قیمت میں 1 ڈالر 85 سینٹس فی بیرل اضافہ ہوا جس کے بعد امریکی خام تیل کی قیمت 63 ڈالر 3 سینٹس فی بیرل ہوگئی۔