کراچی: عالمی منڈی میں سونے کی قیمت میں سات ماہ کی کم ترین سطح پر آنے کے بعد مقامی منڈیوں میں سونے کی قیمت میں کمی ریکارڈ کی گئی۔
مقامی منڈی میں سونےکی فی تولہ قیمت دو سو روپے کمی کے بعد سینتالیس ہزار نو سو جبکہ دس گرام سونے کی قیمت ایک سو اکہتر روپے کمی کے بعد اکتالیس ہزار ستاون روپے ہو جبکہ مقامی مارکیٹ میں چاندی کی قیمت میں بھی کمی ریکارڈ کی گئی، نیو یارک مرکنٹائل ایکس چینج میں سونے کی فی اونس قیمت چھ ڈالر کمی کے بعد بارہ سو پینتیس ڈالر فی اونس ہوگئی ہے۔
کراچی: عالمی منڈیوں میں ڈالرکی قدر میں اضافے کے باعث بین الاقوامی منڈیوں میں سونے کی قیمت تین ماہ کی کم ترین سطح پر پہنچ گئی ہے جس کے باعث مقامی منڈی میں بھی سونے کی قیمت میں ریکارڈ کمی دیکھی گئی ۔
نیویارک مرکنٹائل ایکسچینج میں سونے کی فی اونس قیمت نو ڈالر کمی کے بعد بارہ سو چھپن ڈالر رہی جس کے بعد مقامی منڈی میں بھی سونے کی فی تولہ قیمت میں دوسو پچاس روپے کمی کے بعد اڑتالیس ہزارایک سو پچاس روپے ہوگئی ۔
دس گرام سونے کی قیمت دو سوچودہ روپے کمی کے بعد اکتالیس ہزاردوسو اکہتر روپے ہوگئی ہے جبکہ مقامی صرافہ مارکیٹ میں چاندی کی قیمت میں بھی کمی ریکارڈ کی گئی ہے۔
اسلام آباد: اوگرا نے پیٹرولیم مصنوعات کی قیمتوں میں ایک سے ڈیڑھ روپے فی لیٹرکمی کی سمری تیار کر کے وزارت پیٹرولیم کو ارسال کردی ہے۔اوگرا ذرائع کےمطابق یکم ستمبر سے پیٹرولیم مصنوعات کی قیمتوں میں کمی کا امکان ہے۔
اطلاعات کےمطابق پیٹرول ایک روپے 40پیسے،ڈیزل ایک روپےاور ہائی اُوکٹین ایک روپے60 پیسےفی لیٹر سستا ہونےکاامکا ن ہے۔ جس کے بعد فی لیٹر پیٹرول کی قیمت 106 روپے 37 پیسے۔ڈیزل ایک سو آٹھ روپے 34پیسے اور ہائی اُوکٹین کی قیمت 129 روپے 66 پیسےفی لیٹر پر آجائیگی۔جبکہ مٹی کےتیل کی قیمت برقرار رکھےجانےکا امکان ہے۔
اسلام آباد: نیپرا نے بجلی کی قیمتوں میں اضافے کیلئے عوامی سماعت شروع کردی۔تقسیم کار کمپنیوں نے فی یونٹ قیمت میں تینتالیس پیسے اضافے کی درخواست کی ہے۔ٹیرف میں اضافے کیلئے سنٹرل پاور پرچیزنگ ایجنسی نے نیپرا کو درخواست دی تھی۔
تقسیم کار کمپنیوں نے نیپراکو ماہ جولائی کے لئے تینتالیس پیسے فی یونٹ اضافے کیلئے درخواست دی ہے۔ یہ اضافہ فیول ایڈجسٹمنٹ کی مد میں کیاجائےگا۔
درخواست کےمطابق جولائی کیلئے فی یونٹ قیمت سات روپے چھ پیسے مقرر کی گئی تھی لیکن لاگت سات روپےانچاس پیسے رہی جس کے باعث قیمتوں میں اضافے کیلئے درخواست کی گئی ہے
اسلام آباد: مہنگائی سے تنگ عوام کو آئندہ ماہ سے کچھ ریلیف ملنے کی امید ہے۔ پیٹرولیم مصنوعات کی قیمتوں میں تین روپے چھیاسٹھ پیسے تک کمی کاامکان ہے ۔
آئل اینڈ گیس ریگیولیٹری اتھارٹی ذرائع کے مطابق پیٹرول کی فی لیٹرقیمت میں دو روپے اٹھتر پیسے اور ہائی اُوکٹین کی قیمت میں تین روپے اڑسٹھ پیسے فی لیٹر کمی متوقع ہے جبکہ ہائی اسپیڈ ڈیزل کی قیمت میں دو روپے تیس پیسےاور لائٹ ڈیزل کی قیمت میں ایک روپے اٹھانوے پیسے کمی کا امکان ہے۔
ذرائع کے مطابق غریبوں کے ایندھن یعنی مٹی کے تیل کی قیمت بھی دو روپے فی لیٹرکم ہوجانے کا امکان ہے ۔ گزشتہ ماہ بھی حکومت نے پیٹرولیم مصنوعات کی قیمتوں میں کمی کے بجائے ان کو مستحکم رکھا تھا۔
اسلام آباد : عالمی مالیاتی ادارے نے قرض کی نئی قسط کیلئے بجلی کی قیمتوں میں چارفیصد اضافے کی شرط عائد کردی۔ایک طرف تو آزادی اورانقلاب مارچ کی جانب سے وزیر اعظم کے استعفےکی مانگ ہےتودوسری جانب آئی ایم ایف نے بھی قرض کی نئی قسط کیلئےبجلی کی قیمت میں چار فیصد اضافے کی شرط لگادی۔
حکومت کو امید تھی کہ مذاکرات میں اس شرط سے چھوٹ حاصل کرلے گی مگر ایسا نہ ہوسکا۔آئی ایم ایف اور پاکستان کے درمیان مذاکرات بےنتیجہ رہے۔ مزید مذاکرات واشنگٹن سےوڈیو لنک سے ہوں گے۔ آئی ایم ایف نے پاکستاں کو باور کرادیا ہےکہ جب تک بجلی کی قیمت نہیں بڑھے گی میٹنگ نہیں ہوگی۔
تجزیہ کاروں کے مطابق عمران خان کی سول نافرمانی کی تحریک میں عوام جہاں بجلی گیس کے بل دینے کوتیار نہیں وہاں بجلی مزیدمہنگی کرنا حکومت کیلئے سیاسی خودکشی ثابت ہوگی۔دوسری جانب اضافہ نہ کیا تو قرض کی قسط ملنے میں مزید تاخیرہوسکتی ہے۔
کراچی: اوگرا کو صنعتی اداروں سےگیس کی اضافی قیمت وصول کرنے سے روک دیاگیا۔سندھ ہائیکورٹ نےوفاق،وزارت پیٹرولیم اور اوگراسےجواب طلب کرلیا۔ تین ٹیکسٹائل ملوں کی جانب سےاُن کےوکیل نےسندھ ہائیکورٹ میں موقف اختیار کیاکہ صنعتی اداروں سےگیس کی فی یونٹ قیمت تیرہ روپےوصول کی جاتی تھی،
گذشتہ حکومت نے اسےبڑھاکر سو روپےفی یونٹ کردیا تھا،جس پر صنعتی اداروں کےدعوے پرسندھ ہائیکورٹ نے اضافےکانوٹیفکیشن معطل کردیا تھا۔اب موجودہ حکومت نےبھی یہ قیمت اچانک بڑھاکردو سو روپےفی یونٹ کردی ہے۔ٹیکسٹائل ملزکے وکیل کاکہنا تھاکہ اس قدر اضافے سےانڈسٹری کودس کروڑروپےیومیہ اضافی بوجھ برداشت کرنا پڑےگا۔
عدالت نے آئندہ حکم تک صنعتی اداروں سےاُوگرا کوگیس کی فی یونٹ قیمت تیرہ روپےسےزیادہ وصول نہ کرنےکی ہدایت کی ہے۔
کراچی : حکومت کی جانب سے یوٹیلیٹی اسٹورز پر آئندہ چند روز میں چینی پر سبسڈی ختم کرنے کا امکان ہے۔تفصیلات کے مطابق ملک بھر کے یوٹیلیٹی اسٹورز پر چینی کی قیمت میں 6 روپے سے لے 11 روپے کا اضافہ متوقع ہے۔ سندھ بلوچستان اور ضلع رحیم یار خان میں چینی کی فی کلو قیمت 6 روپے اضافے کے بعد 55 روپے ہوگئی۔
پنجاب کے مختلف شہروں میں یوٹیلیٹی اسٹورز پر چینی 56 روپے کی ہوگئی۔ گلگت چترال میں چینی 67 روپے ،ایبٹ آباد میں 60 اور پشاور میں 58 روپے کی ہوگئی یوٹیلٹی اسٹورز میں گھی اور تیل کی قیمت میں 5سے 7 روپے کی کمی یوٹیلیٹی اسٹورز پر گھی کی قیمت 5 روپے کمی کے بعد 140 روپے فی کلو ہوگی .تیل کی قیمت 7 روپے کمی کے بعد 150 روپے فی لیٹر ہوگئی ۔ برانڈڈ تیل اور گھی کی قیمت میں2سے 3 روپے کی کمی ریکارڈ کی گئی ہے۔
کراچی میں بجلی کے صارفین کو چار سو چالیس واٹ کا جھٹکا، نیپرا نے فی یونٹ قیمت میں ایک روپے چورانوے پیسے اضافے کی منظوری دے دی ,نیشنل الیکٹریک پاور ریگیولیٹری اتھارٹی نے کے الیکٹرک کیلئے بجلی ایک روپے چورانوے پیسے فی یونٹ تک مہنگی کرنے کی منظوری دے ۔
قیمتوں میں اضافہ ماہانہ فیول ایڈجسٹمنٹ کی مد میں کیا گیا ہے ۔ بجلی کی قیمتوں میں اضافے کیلئے کے الیکٹرک کی درخواستوں کی سماعت کے بعد منظوری دی گئی،
نیپرا کے مطابق اکتوبر کیلئے چوالیس پیسے،نومبر کیلئے تریسٹھ پیسے، اورمارچ کیلئے ستاسی پیسے فی یونٹ اضافہ کی منظوری دی گئی ہے، پچاس یونٹ ماہانہ استعمال کرنے والے صارفین پر اضافے کا اطلاق نہیں ہوگا
اسلام آباد: گزشتہ مالی سال 14-2013 میں باسمتی چاول کی برآمدات میں سولہ فیصد اضافہ ریکارڈ کیا گیا ۔رائس ایکسپورٹرز ایسوسی ایشن کے مطابق بھارت کے مقابلے میں پاکستانی باسمتی چاول اچھی کوالٹی اور ویلیو ایڈیشن کے باعث اچھی قیمت کے باعث پینتیس فیصد اضافی قیمت پر برآمد کیا گیا۔
باسمتی چاول کی برآمدات میں سولہ فیصد اضافہ جبکہ نان باستمی چاول کی برآمدات میں آٹھ فیصد کمی رونما ہوئی ہے۔گزشتہ مالی سال کے اختتام پر ایک ارب نواسی کروڑ ڈالر مالیت کا پاکستانی باسمتی اور نان باسمتی چاول برآمد کیا گیا۔