اسلام آباد : یکم جنوری سے یوٹیلٹی اسٹورز پرگھی، تیل اور دالوں کی قیمتوں میں پانچ سے دس روپے فی کلو تک کمی متوقع ہے۔
ذرائع کے مطابق ملک بھر میں تیل مصنوعات کی قیمتوں میں کمی کے باعث یکم جنوری سےتیل اور گھی کی قیمتوں میں دس روپے تک کمی کا امکان ہےجبکہ مختلف اقسام کی دالیں پانچ سے آٹھ روپےفی کلو تک سستی ہونےکا امکان ہے۔
دوماہ کےدوران سرکاری اسٹورز پرگھی کی قیمت پہلے ہی دس روپےکی کمی سے 130 روپےکلو اورکھانا پکانےکےتیل کی قیمت بیس روپےکی کمی سے 135 روپےفی کلو پر آچکی ہے۔
اسلام آباد : حکومت نےعوام پربجلی گرادی۔آئی ایم ایف کی ایک اورشرط پوری کردی، ملک بھرکےبجلی صارفین کیلئےایکولائیزیشن سرچارج کےنام پر بجلی ساٹھ پیسےفی یونٹ مہنگی کردی گئی۔
تیل کی قیمتوں میں نمایاں کمی کےثمرات عوام تک پہنچانےکے بجائے نون لیگ کی حکومت نےاُلٹی گنگا بہادی۔ملک میں نایاب بجلی مہنگی کرکےعوام پربجلی گرادی گئی ہے۔
قرض اُتارنا ہو یاکوئی نیا منصوبہ تعمیر کرنا ہو موجودہ حکومت نےرقم کابندوبست عوام کی جیبیں خالی کرکے ہی کرنےکی روش اپنالی ہے۔وزارت پانی و بجلی نےعوام کیلئےبجلی 60پیسے فی یونٹ مہنگی کرنےکا اعلان کردیا ہے۔
وزارت پانی و بجلی نےایکولائزیشن سرچارج کےنام پر بجلی مہنگی کرنےکا نوٹیفکیشن جاری کردیا ہے۔نوٹی فیکیشن کےمطابق سرچارج کی رقم سینٹرل پاور پرچیزنگ ایجنسی کے یونیورسل اُوبلی گیشن فنڈ‘‘میں رکھی جائیگی۔
وازرت پانی و بجلی کےذرائع کےمطابق آئی پی پیزکوادائیگیوں کیلئے یہ ایکولائزیشن سرچارج عائدکیا گیا۔ جبکہ ایساکرنا آئی ایم ایف کی شرط پوری کرنےکیلئے بھی ضروری تھا۔اس سرچارج کےبعدعوام پر ماہانہ چارسےچھے ارب روپےکا اضافی بوجھ پڑے گا۔
اسلام آباد: حکومت نے آئی ایم ایف کو گیس اور بجلی کی قیمتوں میں اضافے کی یقین دہانی کروادی۔ آئی ایم ایف نے اگلی قسط کے حصول کیلئے بجلی اور گیس کی قیمت میں اضافے کی شرط عائد کر دی۔
حکومت نےآئی ایم ایف کو خوش کرنے کیلئے جنوری میں بجلی اور گیس کی قیمتوں میں اضافے کی یقین دہانی کروادی۔ ذرائع کے مطابق بجلی کی قیمت میں پانچ اعشاریہ چار فی صد جبکہ صنعتی اور تجارتی شعبے کو گیس کی قیمت میں تیس فیصد تک اضافہ متوقع ہے ۔
فنڈ نے توانائی کے شعبے میں اصلاحات جاری رکھنے کا مشورہ دیا ہے جب کہ بجلی پرسبسڈی کم کرکے جی ڈی پی کے صفر اعشاریہ سات فیصد تک کرنے کا کہاہے ۔
آئی ایم ایف رپورٹ کے مطابق رواں مالی سال مہنگائی کی شر ح آٹھ فیصد سے کم اور معاشی شرح نمو پانچ فیصد رہنے کی توقع ہے۔ زرمبادلہ ذخائر چودہ ارب ڈالر زائد سے رہنے کی توقع ہے۔ جاری کھاتوں کا خسارہ جی ڈی پی کے گیارہ فیصد سے زائد رہنے کا خدشہ ہے
اسلام آباد : ایل پی جی کمپنیوں کی بلیک مارکیٹنگ عروج پر پہنچ گئی۔اُوگراخاموش تماشائی بن گئی۔رواں ماہ قیمتوں میں چوتھی بار اضافہ۔
تفصیلات کے مطابق ایل پی جی پندرہ دن میں سو روپےفی کلو مہنگی کردی گئی۔ملک بھرمیں جاری گیس بحران کا فائدہ اٹھاتے ہوئے رواں ماہ ایل پی جی کی قیمتوں میں چوتھی بار اضافہ کردیاگیا ہے۔
ایل پی جی ڈسٹری بیوٹرز ایسوسی ایشن کے چئیرمین عرفان کھوکھرکے مطابق ایل پی جی کمپنیاں یومیہ 5کروڑ روپےناجائز منافع کمارہی ہیں۔جبکہ اُنہیں ریگولیٹ کرنےوالی اُوگراکریک ڈاؤن کے زبانی دعوؤں کےساتھ مکمل خاموش تماشائی بنی ہوئی ہے۔ ایل پی جی کی قیمت میں ایک مرتبہ پھر 20 سے 50 روپے فی کلو کا من مانا اضافہ کردیا گیا ہے۔
دو ہفتوں میں ایل پی جی 100روپےفی کلومہنگی کی جاچکی ہے۔اُوگرا نےایل پی جی کی قیمت95روپےفی کلو مقررکررکھی ہےتاہم بڑےشہروں میں ایل پی جی 140تا170روپےفی کلو فروخت کی جارہی ہےجبکہ سرد ترین علاقوں میں ایل پی جی کی قیمت دو سو روپےفی کلو سےتجاوزکرگئی ہے۔
اسلام آباد: وزیراعظم نواز شریف کی جانب سے گیس کی قیمتوں میں اضافہ نہ کرنے کے حکم کے باوجود اوگرا کوگیس کی قیمت میں اضافہ کی ہدایات جاری کر دی گئیں ہیں۔
تفصیلات کے مطابق وزارت خزانہ ذرائع نے بتایا ہے کہ وزیراعظم کی جانب سے گیس کی قیمتوں میں اضافہ نہ کرنے کے حکم کے باوجوداقتصادی رابطہ کمیٹی نے اوگرا کو گیس پرائسنگ فارمولے میں تبدیلی کیلئے ہدایات جاری کر دی ہیں۔
پرائسنگ فارمولے میں تبدیلی سے گیس کی قیمتوں میں خاطر خواہ اضافہ متوقع ہے۔ نئی ہدایات کے تحت سسٹم سے چوری اور ضائع ہونے والی گیس کی تمام تر وصولی صارفین کو منتقل کردی جائے گی ۔
اس طر ح آئندہ تین مالی سال میں صارفین سے ستر ارب روپے تک وصول کئے جائیں گے ۔اس ضمن میں اوگرا کو جلد از جلد اسٹڈی مکمل کر کے اقدامات کرنے کے احکامات جاری کر دئیے گئے ہیں۔
ویانا : امریکہ اور اوپیک کے درمیان جاری جنگ کے باعث آئندہ سال میں خام تیل برینٹ کی قیمت پچاس ڈالر تک پہنچ جانے کا امکان ہے۔
عالمی منڈیوں میں خام تیل کی قیمت گزشتہ چھ ماہ میں نصف سے بھی کم ہوگئی ہے۔ آئل سیکٹر کے تجزیہ کاروں کے مطابق سال دوہزار پندرہ کے آغاز پر خام تیل برینٹ کی قیمت پچاس ڈالر کی کم ترین سطح پر پہنچ جانے کا امکان ہے۔
۔غیر ملکی جریدہ کی جانب سے کئے گئے سروے میں زیادہ تر تجزیہ کاروں کی پیش گوئی ہے کہ قیمتوں مین کمی کا سلسلہ آئندہ سال بھی جاری رہے گا۔
کراچی: متحدہ قومی موومنٹ کی رابطہ کمیٹی نے عالمی سطح پرپیٹرولیم مصنوعات کی قیمتوں میں ہونے والی کمی کے پیش نظروزیراعظم پاکستان کی جانب سے ملک بھرمیں بجلی کے نرخوں میں کمی کے واضح اعلان کے باوجودکے الیکٹرک ترجمان کی جانب سے بجلی کی قیمتوں میں کمی کا اطلاق کےالیکٹرک کےصارفین پرلاگونہ کرنے کی سخت ترین الفاظ میں مذمت کی ہے اوراسے کراچی کے غریب شہریوں کے ساتھ سراسرناانصافی اورکھلی کراچی دشمنی قراردیاہے۔
ایک بیان میں رابطہ کمیٹی نے کہاکہ وزیراعظم پاکستان میاں محمد نوازشریف نے اپنے حالیہ خطاب میں ملک بھر میں بجلی کے نرخوں میں2روپے32پیسے فی یونٹ کمی کااعلان کیاتھا تاہم کےالیکٹرک کی متعصب انتظامیہ وزیر اعظم کے اعلان کے برعکس ہٹ دھرمی کامظاہرہ کرتے ہوئے اعلان کررہی ہے کہ بجلی کی قیمتوں میں کمی کااطلاق کےالیکٹرک صارفین پرلاگونہیں ہوگا۔
رابطہ کمیٹی نے سوال کیا کہ کیاکراچی پاکستان کاحصہ نہیں جواس کے شہریوں کو بجلی کے نرخوں میں کمی کے اطلاق سے لا تعلق قراردیاجارہاہے؟
رابطہ کمیٹی نے کہاکہ جب بجلی کے نرخوں میں اضافے کااطلاق کراچی کے شہریوں پرلاگوکیاجاسکتاہے توکمی کے اطلاق سے لاتعلق قراردینا سراسر کراچی دشمنی ہے۔رابطہ کمیٹی نے کہاکہ ایک جانب کے الیکٹرک انتظامیہ کی ہٹ دھرمی اور نااہلی کے سبب کراچی کے شہریوں کو12سے14گھنٹے تک کی لوڈ شیڈنگ کاسامناہے ۔
جبکہ طویل لوڈشیڈنگ کے باوجودشہریوں کوہرماہ اضافی اوراووربلنگ کی مدمیں ہزاروں روپے کے بھاری بل ارسال کیے جارہے ہیں۔رابطہ کمیٹی نے کہاکہ کراچی کے شہری پہلے ہی ملک کی سب سے مہنگی ترین بجلی استعمال کرنے پرمجبورہیں اورتمام ترمالی مشکلات کے باوجودہرماہ باقاعدگی سے بجلی کے بھاری بل جمع کروارہے ہیں ۔
ایسے میں حکومت کی جانب سے بجلی کے نرخوں میں کمی سے کراچی کے غریب شہریوں کوبجلی میں کمی کے ثمرات سے محروم رکھناسراسرناانصافی اورکھلی کراچی دشمنی ہے جس کی جتنی بھی مذمت کی جائے کم ہے۔
رابطہ کمیٹی نے کے الیکٹرک انتظامیہ کوخبردارکرتے ہوئے کہاکہ وہ اپناقبلہ درست کرلے اوروزیراعظم کے احکامات مطابق کراچی میں بجلی کے نرخوں میں کمی کااعلان کرے۔
رابطہ کمیٹی نے وزیر اعظم پاکستان میاں محمدنوازشریف،وفاقی وزیرپانی وبجلی خواجہ آصف سے مطالبہ کیاکہ کےالیکٹرک کی جانب سے بجلی کے نرخوں میں کمی کے اطلاق کوکراچی کے صارفین پرلاگو کرنے سے انکارکانوٹس لیاجائے اورکراچی کے شہریوں کوبجلی کے نرخوں میں کمی کافائدہ پہنچانے میں اپناکرداراداکریں۔
کراچی: کے الیکٹرک نےاکتوبر کے مہینے کیلئےبجلی کے نرخوں میں کمی کے لئے نیپرا کو درخواست دے دی۔
ترجمان کے الیکٹرک کے ترجمان کے مطابق اکتوبر کے مہینے میں فیول ایڈجسٹمنٹ کی مد میں چوہتر پیسہ فی یونٹ بجلی سستی کرنے کی درخواست کی گئی ہے، یہ کمی ماہانہ فیول ایڈجسٹمنٹ کی مد میں کی جائے گی، اس درخواست پر نیپرا کی جانب سے سماعت کی جائے اور نیپرا کی جانب سے فیصلے کے بعد ہی صارفین کو ریلیف ملے گا۔
حویلیاں : وزیراعظم نوازشریف کاپٹرول کی قیمت میں نو روپےچھیاسٹھ پیسےکمی کااعلان،قوم بدتمیزی کاسبق سکھانےوالوں کودوہزاراٹھارہ کےالیکشن میں سزاد گی۔
تفصیلات کے مطابق حویلیاں میں ہزارہ موٹروے کے سنگ بنیاد کےبعد جلسےسےخطاب کرتے ہوئے وزیراعظم نوازشریف نے پیٹرول کی قیمت میں مزید نو روپے چھیاسٹھ پیسےکمی کا اعلان کردیا۔
کمی کے بعد پیٹرول کی قیمت دوہزار آٹھ کی سطح پر آجائے گی،نواز شریف نے کہا کہ دھرنے والوں نے معیشت کو تباہ کیا ہم معیشت کو بہتر بنا رہے ہیں۔
انہوں نے کہا کہ اب یہاں اپنے کئے گئے وعدے کے مطابق یہاں یونیورسٹی بھی قائم کی جائے گی،انہوں نے کہا کہ آئندہ ماہ کراچی تا لاہور موٹر وے کا افتتاح کیا جائے گا۔
انہوں نے کہا کہ دھرنوں میں نوجوانوں کو بد تمیزی کا سبق سکھایا جاتا ہے۔ آئندہ الیکشن میں قوم ان لوگوں کو مسترد کر دے گی ۔
ویانا: تیل برآمد کرنے والے گروپ اوپیک کی جانب خام تیل کی پیداوار میں کمی نہ کرنے کے باعث عالمی منڈی میں خام تیل کی قیمت میں کمی کاسلسلہ جاری ہے،ممبر ممالک کی جانب خام تیل کی پیداوار میں کمی کی درخواست کو سعودی عرب نے ایک بارپھرمسترد کر دیا ہے ۔
عالمی منڈی میں خام تیل کی قیمت چار سال کی کم ترین سطح پر ٹریڈ کر رہی ہے۔ کویت کے وزیر پیٹرولیم کے مطابق اجلاس میں فیصلہ کیا گیا ہے کہ رکن ممالک تیل کی پیداوار کم نہیں کریں گے ۔
مجموعی پیداوار تین کروڑ بیرلز یومیہ پر برقرار رکھی جائے گی۔ تجزیہ کاروں کے مطابق پیداوار میں کمی نہ کی تو خام تیل کی قیمتوں میں مزیدگرواٹ آئےگی, ماہرین نے خام تیل کی قیمت ساٹھ ڈالر تک آنے جانے کی پیش گوئی کی ہے۔