Tag: Prices

  • اوپیک اعلان بے سود، خام تیل کی قیمتوں کو پر لگ گئے

    اوپیک اعلان بے سود، خام تیل کی قیمتوں کو پر لگ گئے

    نیویارک: تیل برآمد کرنے والے ملکوں کی تنظیم (اوپیک) کے اعلان کے باوجود خام تیل کی قیمتوں میں اضافے کا سلسلہ جاری ہے۔

    غیر ملکی میڈیا رپورٹ کے مطابق تیل برآمد کرنے والے ملکوں کی تنظیم اوپیک اور ان کے دیگر اتحادیوں کی جانب سے جولائی میں پیداوار بڑھانے کے اعلان کے باوجود امریکا میں خام تیل کے نرخوں میں ریکارڈ اضافہ ہوا ہے۔

    گذشتہ چوبیس گھنٹوں کے دوران نیویارک میں برنٹ نارتھ سی کروڈ کے وقفے پر نرخ 4 سینٹ بڑھ کر 119.76 ڈالر فی بیرل رہے جبکہ ویسٹ ٹیکساس انٹرمیڈیٹ کے سودے 8 سینٹ یعنی 0.1 فیصد اضافے کے ساتھ 118.95 ڈالر فی بیرل طے پائے۔

    یاد رہے کہ رواں ماہ کے آغاز پر دی آرگنائزیشن آف پیٹرولیم ایکسپورٹنگ کنٹریز (اوپیک) اور اُس کے اتحادی ممالک نے جولائی اور اگست کے مہینے میں تیل کی پیداوار بڑھانے کا فیصلہ کیا تھا۔

    اجلاس میں متفقہ فیصلہ کیا تھا کہ اوپیک اور روس روزانہ 6 لاکھ 48 ہزار بیرل اضافی تیل کی پیداوار کریں گے۔

    خیال رہے کہ اوپیک پلس میں 13 اصل اوپیک ممالک جبکہ 10 غیر الحاق شدہ تیل برآمد کرنے والے اتحادی ممالک شامل ہیں۔

  • آٹے کی فی کلو قیمت 55 روپے مقرر کرنے کا فیصلہ

    آٹے کی فی کلو قیمت 55 روپے مقرر کرنے کا فیصلہ

    اسلام آباد: وزیر اعظم عمران خان کے معاون خصوصی برائے فوڈ سیکیورٹی کا کہنا ہے کہ وزیر اعظم سے مشاورت میں گندم کی قیمت 19 سو 50 روپے فی من مقرر کرنے کا فیصلہ ہوا ہے، فیصلے سے آٹے کی فی کلو قیمت 55 روپے ہوگی۔

    تفصیلات کے مطابق وزیر اعظم عمران خان سے خزانہ، خوراک، فوڈ سکیورٹی اور دیگر وزارتوں کے حکام کی ملاقات ہوئی، ملاقات میں گندم، آٹے کی قیمت اور سرکاری گندم ریلیز کرنے کے معاملے پر تبادلہ خیال ہوا۔

    ملاقات میں معیاری آٹے کی سستے نرخوں پر فراہمی پر مشاورت کی گئی۔ معاون خصوصی برائے فوڈ سیکیورٹی جمشید اقبال چیمہ کا کہنا ہے کہ وزیر اعظم سے مشاورت میں گندم کی قیمت 19 سو 50 روپے فی من مقرر کرنے کا فیصلہ ہوا ہے، فیصلے سے آٹے کی فی کلو قیمت 55 روپے ہوگی، آٹے کے 20 کلو تھیلے کی قیمت 11 سو روپے تک ہوگی۔

    جمشید اقبال چیمہ کا کہنا تھا کہ بھارت میں فی کلو قیمت 56 روپے اور بنگلہ دیش میں 80 روپے ہے، افغانستان میں آٹے کی قیمتیں اس سے بھی زیادہ ہیں۔ پاکستان میں خطے بلکہ دنیا کے دیگر ممالک سے بھی کم قیمت ہے۔

    انہوں نے کہا کہ جو زیادہ غریب ہیں ہمارے پاس ان کا ڈیٹا ہے، انہیں 43 روپے فی کلو قیمت پر آٹا فراہم کریں گے۔ مرکز اور صوبے گندم اور آٹے کی ایک ہی قیمت رکھیں گے، صوبے اپنی اپنی کابینہ سے حتمی فیصلے لیں گے۔

    معاون خصوصی کا کہنا تھا کہ امید ہے اگلے ہفتے سے سرکاری گندم کی ریلیز شروع کر دیں گے، نجی شعبے کو حکومت کے طے شدہ نرخ سے زائد فروخت کی اجازت نہیں۔ حکومت کے پاس گندم کے وافر ذخائر موجود ہیں، سرکاری گندم کی ریلیز کے لیے لبرل پالیسی ہوگی۔ عوام تسلی رکھیں، سستا اور معیاری آٹا فراہم کیا جائے گا۔

  • سعودی تیل تنصیبات پر حملے کے بعد خام تیل کی قیمت میں ردو بدل

    سعودی تیل تنصیبات پر حملے کے بعد خام تیل کی قیمت میں ردو بدل

    ریاض: سعودی آئل فیلڈ پر حملے کے بعد عالمی منڈی میں خام تیل کی فراہمی میں نمایاں کمی ہوئی ہے جبکہ قیمتوں میں بھی ردو بدل ہوا ہے، بین الاقوامی ماہرین کا کہنا ہے کہ سعودی خام تیل کی سپلائی بحال ہونے میں وقت لگے گا۔

    تفصیلات کے مطابق سعودی تیل کی تنصیبات پر حملے کے بعد گزشتہ روز خام تیل کی قیمت میں 15 فیصد کا نمایاں اضافہ ریکارڈ کیا گیا، حملے کے بعد سعودی خام تیل کی پیداوار کا بڑا حصہ بھی بند ہوگیا۔

    حملے کے بعد سعودی خام تیل کی پیداوار میں 57 لاکھ بیرل کی کمی ہوئی۔ بین الاقوامی ماہرین کے مطابق یہ تاریخ کی بدترین بندش ہے۔ تاحال سعودی آئل فیلڈ ابقائق سے پیداوار مکمل طور پر بند ہے۔

    حملے کے بعد گزشتہ روز خام تیل کی قیمت میں 15 فیصد کا اضافہ ہوا اور آج معمولی کمی دیکھی گئی۔ برینٹ خام تیل کی قیمت میں 17 سینٹس اور امریکی خام تیل کی قیمت میں 90 سینٹس کمی ہوئی۔

    خام تیل کی قیمت میں ردو بدل کے باعث ایشیائی اسٹاک مارکیٹس میں مندی دیکھی گئی۔ چین، ہانگ کانگ اور تائیوان اسٹاک مارکیٹس منفی زون میں نظر آئیں۔ گزشتہ روز امریکی، برطانوی اور فرانسیسی اسٹاک مارکیٹس کا اختتام بھی مندی میں ہوا۔

    معاشی ماہرین کا کہنا ہے کہ قیمتوں میں اضافے سے تمام درآمدی ممالک متاثر ہوں گے، پاکستان میں بھی پیٹرولیم مصنوعات کی قیمتوں میں اضافے کا خدشہ ہے۔

    خیال رہے کہ 2 روز قبل دمام کے قریب سعودی عرب کی آئل کمپنی آرامکو کی 2 فیکٹریز پر ڈرون حملے کیے گئے تھے، آئل ریفائنریز میں دھماکے کے بعد آگ لگ گئی تھی، حملے کی ذمہ داری یمن کے حوثی باغیوں نے قبول کر لی تھی۔

  • ایران پر امریکی پابندیاں، عالمی مارکیٹ میں تیل کی قیمتیں بلند ترین سطح پر پہنچ گئیں

    ایران پر امریکی پابندیاں، عالمی مارکیٹ میں تیل کی قیمتیں بلند ترین سطح پر پہنچ گئیں

    واشنگٹن /تہران : امریکی صدر کے فیصلے کے اثرات دنیا بھر میں ظاہر ہونے لگے، عالمی مارکیٹ میں تیل کی قیمتیں سنہ 2019 کی بلند ترین سطح پر پہنچ گئی ہیں ۔ نئی قیمت 74.25 ڈالر فی بیرل ہوگئی ہے۔

    تفصیلات کے مطابق ایران پر امریکی پابندیوں کے بعد عالمی مارکیٹ میں روزانہ 12 لاکھ بیرل تیل کی کمی ہوجائے گی، یورپی یونین نے امریکی صدر کے فیصلے پر شدید تنقید کرتے ہوئے اسے افسوسناک قرار دیدیا

    بین الاقوامی خبر رساں اداروں کا کہنا تھا کہ امریکہ کی جانب سے ایرانی تیل کے خریداروں پر پابندیوں کے اعلان کے بعد عالمی منڈی میں تیل کی قیمتیں چھ ماہ کی بلند سطح پر پہنچیں۔

    اس سے قبل ٹرمپ انتظامیہ نے کہا تھا کہ اب وہ ایسے کسی بھی ملک کو پابندیاں عائد کرنے سے استثنا نہیں دیں گے جو ایران سے تیل کی خریداری جاری رکھے گا۔

    غیر ملکی خبر رساں ادارے کا کہنا تھا کہ امریکہ نے گذشتہ برس نومبر میں ایران پر پابندیاں عائد کرنے کے بعد ایرانی تیل خریدنے والے ممالک کو آٹھ بار استثنا دیا تھا اور اب دو مئی کو یہ ختم کیا جا رہا ہے۔ سعودی عرب کی جانب سے امریکی فیصلے کو خوش آئند قرار دیا گیا ہے۔

    خبررساں ادارے اے پی کے مطابق ان پابندیوں کی وجہ سے ایران کی سالانہ 50 ارب ڈالر کی آمدن ختم ہو جائے گی۔

    غیر ملکی میڈیا کے مطابق امریکہ کی جانب سے الزام عائد کیا جاتا ہے کہ ایران تیل کی آمدن کا بڑا حصہ مشرق وسطی اور خطے میں عدم استحکام پھیلانے کے لیے خرچ کرتا ہے۔ اس وقت چین، انڈیا، جاپان، جنوبی کوریا اور ترکی ان ممالک میں شامل ہیں جو ایرانی تیل خریدتے ہیں۔

    ماہرین کے مطابق ایران پر امریکی پابندیوں کے بعد عالمی مارکیٹ میں روزانہ 12 لاکھ بیرل تیل کی کمی ہوجائے گی تاہم اس کا انحصار اس بات پر ہے کہ کتنے ممالک امریکی اعلان کے باوجود ایران سے تیل کی خریداری جاری رکھتے ہیں۔

    غیر ملکی خبر رساں ادارے کا کہنا تھا کہ امریکی فیصلے کو یورپی یونین پہلے ہی تنقید کا نشانہ بناچکا ہے، یورپین کمیشن کے ترجمان ماجا کوسیجانسیک نے امریکی فیصلے کو افسوسناک قرار دیا تھا۔

    میڈیا ذرائع کے مطابق ان کا کہنا تھا کہ اس فیصلے سے ایران کے ساتھ کیے جوہری معاہدے کو مزید نقصان پہنچے گا۔

    آن لائن تجارت کے ادارے آنڈا کے سینئر اینالسٹ کریگ ارلیم نے خبررساں ادارے اے پی کو بتایا کہ اس میں کوئی شک نہیں کہ ٹرمپ انتظامیہ کی ایرانی تیل خریداروں پر پابندی کے اعلان سے عالمی مارکیٹ میں تیل کی قیمتیں مزید بڑھیں گی۔

    ایک اعلی امریکی عہدیدار نے میڈیا نمائندوں سے گفتگو میں کہا کہ صدر ٹرمپ پر اعتماد ہیں کہ سعودی عرب اور متحدہ عرب امارات تیل کی منڈی میں رسد کو برقرار رکھنے کے لیے اپنے وعدے پورے کریں گے۔

    اس سے قبل سعودی وزیر توانائی خالد الفالیح نے کہا تھا کہ ان کا ملک تیل پیدا کرنے والے دیگر ملکوں کے ساتھ مل کر اقدامات کرے گا تاکہ ‘عالمی مارکیٹ میں تیل کی طلب و رسد کا توازن یقینی بنایا جا سکے۔

  • برطانیہ کے قومی مفادات پاکستان کی ترقی سے جڑے ہیں: تھامس ڈریو

    برطانیہ کے قومی مفادات پاکستان کی ترقی سے جڑے ہیں: تھامس ڈریو

    کراچی: برطانوی ہائی کشمنر تھامس ڈریو کا کہنا ہے کہ برطانیہ کے قومی مفادات پاکستان کی ترقی سے جڑے ہیں۔

    تفصیلات کے مطابق برطانوی ڈپٹی ہائی کمیشن میں ملکہ برطانیہ کی 93ویں سالگرہ کے حوالے سے تقریب منعقد کی گئی، اس موقع پر تھامس ڈریو نے پاک برطانیہ دوستی کو عظیم قرار دیا۔

    برطانوی ہائی کشمنر کا کہنا تھا کہ برطانیہ کے لیے پاکستان اہم ملک ہے، ہمارے قومی مفادات پاکستان کی ترقی اور خوش حالی سے جڑے ہیں۔

    ان کا مزید کہنا تھا کہ پاکستان کی دوسری بڑی ایکسپورٹ مارکیٹ برطانیہ ہے۔

    ملکہ برطانیہ کی 93ویں سالگرہ حوالے سے منعقد کی گئی تقریب میں گورنرسندھ، برطانوی ہائی کمشنرتھامس ڈریو اور ڈپٹی ہائی کمشنر سمیت پاکستان وومن کرکٹ ٹیم کے کھلاڑیوں نے بھی شرکت کی۔

    خیال رہے کہ گذشتہ دنوں برطانوی ہائی کشمنر نے پاک بھارت کشیدگی کے خاتمے پر زور دیتے ہوئے دوطرفہ روابط کو سراہا تھا۔

    تھامس ڈریو پاکستان میں برطانوی ہائی کمشنرتعینات

    پاکستان میں برطانوی ہائی کمشنر تھامس ڈریو نے کہا تھا کہ پاکستان اور بھارت کے درمیان ہر طرح کے براہ راست رابطے کو سراہتے ہیں۔

    یاد رہے کہ سماجی رابطے کی ویٹ سائٹ ٹوئٹر پر دفتر خارجہ کے ترجمان ڈاکٹر فیصل کے ایک ٹویٹ پر اظہار خیال کرتے ہوئے برطانوی ہائی کمشنر تھامس ڈریو نے کہا تھا کہ دونوں ملکوں کے براہ راست رابطے خوش آئند ہیں۔

  • فوم والے سینڈلز مقبول، قیمتیں آسمان پر جا پہنچیں

    فوم والے سینڈلز مقبول، قیمتیں آسمان پر جا پہنچیں

    لندن : باورچی خانوں میں استعمال ہونے والے اسفنج سے برطانوی خواتین کے لیے تیار گیے گئے سینڈلز کی فروخت میں اضافہ ہوتے ہی قیمتوں میں اضافہ ہوگیا۔

    تفصیلات کے مطابق مشہور فیشن ڈیزائنر کرسٹوفر کین کی جانب سے یورپی بالخصوص برطانوی خواتین کے لیے ایسے سینڈلز تیار کیے گئے ہیں جسے دیکھ کر باورچی خانے میں رکھے برتن صاف کرنے والے اسفنج کا گمان ہوتا ہے۔

    غیر ملکی میڈیا کا کہنا تھا کہ فورم سے بنائی گئی سینڈلز کو لوگوں نے جھوٹ سمجھا تاہم کرسٹوفر کین کی جانب سے سینڈلز کی فروخت شروع ہونے کے بعد عوام اسے تیزی سے خریدنا شروع کیا اور مذکورہ سینڈلز کی فروخت میں اس قدر اضافہ ہوگیا کہ بسا اوقات کرسٹوفر کی ویب سائٹ پر بھی ’اسٹاک ختم‘ کے الفاظ تحریر ہوتے ہیں۔

    یاد رہے کہ مذکورہ فیشن ڈیزائنر اس سے قبل بھی مختلف قسم کی عجیب و غریب سینڈلز فروخت کرچکی ہیں جس سے انہیں کافی منافع ہوا تھا۔

    غیر ملکی خبر رساں ادارے کا کہنا تھا کہ ڈیزانر نے مذکورہ سینڈلز پر کو چمڑے سے تیار کیا ہے جس کی سجاوٹ کے لیے زرد اور آسمانی رنگ کے فوم استعمال کیے استعمال کیے ہیں جبکہ بعض سینڈلز میں آگے کی جانب ہیرے کی پٹی بھی لگائی گئی ہے۔


    مزید پڑھیں : اپنے شہر کی خوشحالی کا اندازہ خواتین کی اونچی ہیل سے لگائیں


    غیر ملکی میڈیا کے مطابق فوم والی سینڈلز کی قیمت 800 برطانوی پاؤنڈ کے قریب ہیں جو تقریباً 1 لاکھ پاکستانی روپے سے زائد کی رقم بنتی ہے۔

    خیال رہے کہ فوم والی سینڈلز کی فروخت سنہ 2017 میں شروع کی گئی تھی جس کے بعد اسے آن لائن فروخت کیا جانے لگا تاہم اب ویب سائٹس کی جانب سے بھی اسٹاک ختم ہونے کا نوٹس لگا دیا گیا ہے۔

    غیر ملکی خبر رساں ادارے کا کہنا تھا کہ فوم والی سینڈلز تیار کرنے والی فیشن ڈیزائنر کرسٹوفر کین کی بہن 2017 میں مذکورہ سینڈلز پہن کر 10 ڈاؤننگ اسٹریٹ پہنچی تھی جس کے بعد فوم والی سینڈلز کی فروخت میں تحاشا اضافہ ہوا تھا۔

  • ڈالر کی قدر میں آج بھی 18 پیسے کی کمی

    ڈالر کی قدر میں آج بھی 18 پیسے کی کمی

    کراچی : ڈالر کی قدر میں کمی کا سلسلہ جاری ہے، اوپن مارکیٹ میں ڈالر مسلسل سستا ہوا رہا ہے، آج بھی 18 پیسے کی کمی ریکارڈ کی گئی، جس کے بعد ڈالر کی 124 روپے پر ٹریڈ کررہا ہے۔

    تفصیلات کے مطابق ڈالر کی قدرمیں کمی کا سلسلہ برقرار ہے، آج بھی ٹریڈنگ کےآغاز پر ڈالر کی قدر میں اٹھارہ پیسے کی کمی ریکارڈ کی گئی، جس کے بعد انٹر بینک میں ڈالر کی 124 روپے پر ٹریڈ کررہا ہے جبکہ اوپن مارکیٹ میں ڈالر122 روپے 50 پیسے میں فروخت ہورہا ہے۔

    اوپن مارکیٹ میں امریکی ڈالر کی قیمت خرید 120 اور 121 کے درمیان ہے جبکہ انٹربینک مارکیٹ میں ڈالر 124 روپے سے 124 روپے 20 پیسے پر فروخت ہورہا ہے۔

    گزشتہ روز ڈالر انٹر بینک میں ڈالر ایک روپے55 پیسے سستا ہوکر 124 روپے 18 پیسے پر بند ہوا تھا۔

    خیال رہے کہ گزشتہ سات روز میں روپے کی قدر میں تین اعشاریہ تین چھ فیصد کا اضافہ ہوا ہے۔ کرنسی مارکیٹ ڈیلز کے مطابق غیر ملکی قرضوں کے اجراء کے باعث ڈالر کی قدر میں مزید کمی متوقع ہے۔


    مزید پڑھیں : تحریک انصاف کی کامیابی کے ثمرات،4 سال بعد ایک ہی دن میں ڈالر کی قدر میں سب سے بڑی کمی


    یاد رہے دو روز قبل انٹر بینک مارکیٹ میں ڈالر کی قدر میں 5روپے35 پیسے کمی ریکارڈ کی گئی تھی، جو ساڑھے چارسال بعد ڈالر کی قیمت میں انتی بڑی کمی تھی اور ڈالر 122.50 کا ہوگیا تھا۔

    واضح رہے الیکشن 2018 میں پاکستان تحریک انصاف کی جیت کے بعد اوپن مارکیٹ میں روپے کی قدر مستحکم ہورہی ہے جبکہ ڈالر کی قیمت میں مسلسل کمی دیکھی جارہی ہے۔

    انتخابات سے قبل ڈالر ملک کی بلند ترین سطح 128 روپے کی حد عبور کرگیا تھا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • عالمی منڈی کی نسبت پاکستان میں مہنگائی عروج پر

    عالمی منڈی کی نسبت پاکستان میں مہنگائی عروج پر

    اسلام آباد : سال دو ہزار چودہ میں عالمی مارکیٹ میں اشیاء خوردونوش کی قیمتوں میں ساڑھے تین فیصد تک کی کمی ریکارڈ کی گئی،پاکستان میں اس کے برعکس قیمتیں آسمان پر پہنچ گئیں۔

    عالمی منڈی میں خام تیل کی قیمتوں میں کمی کا سلسلہ گزشتہ تین سال سے جاری ہے اور سال دوہزار چودہ میں بھی خام تیل کی قیمتوں میں تین اعشاریہ سات فیصد تک کی کمی ریکارڈ کی گئی ہے۔

    گزشتہ سال گندم چاول اور دیگر سیریلزکی اشیاءقیمتوں میں ساڑھے بارہ فیصد جب کہ ڈیری مصنوعات، خوردنی تیل اور چینی کی قیمتیں پانچ سال کی کم ترین سطح پر آگئی۔

    البتہ عالمی سطح پر گوشت کی قیمت آٹھ فیصد اضافے کے ساتھ بلند ترین سطح پر پہنچ گئی۔ پاکستان میں صورتحال بالکل الٹ رہی ۔ گیس کی قیمت میں اضافے سے تندوری روٹی دس روپے کی ہوگئی۔

    دالوں کی قیمت میں دس سے چھتیس روپے فی کلو کا اضافہ ہوا۔ بکرے کا گوشت سو روپے اور گائے کا گوشت چالیس روپے مہنگا ہوا۔ دودھ مقررہ قیمت سے چودہ روپے تک مہنگا فروخت ہوااور ٹیٹرا پیک ایک سال میں پچیس روپے فی لیٹر مہنگا کیاگیا۔