ARYNews.tv | Urdu – Har Lamha Bakhabar

Tag: prices of petroleum products

  • پیٹرولیم مصنوعات کی قیمتوں میں اضافے کیلئے ٹیکسز کی بھرمار

    پیٹرولیم مصنوعات کی قیمتوں میں اضافے کیلئے ٹیکسز کی بھرمار

    اسلام آباد : حکومت کے پیٹرولیم مصنوعات کی قیمتوں میں اضافے کیلئے ٹیکسز کی بھرمار کردی اور پیٹرولیم لیوی کی انتہائی حد 30 روپے مقرر کردی۔

    تفصیلات کے مطابق حکومت کے پیٹرولیم مصنوعات کی قیمتوں میں اضافے کیلئے ٹیکسز کی بھرمار کردی ، ذرائع کا کہنا ہے کہ پیٹرول،ڈیزل پر پیٹرولیم لیوی کی انتہائی حد 30روپے مقرر کی گئی ہے۔

    ذرائع کے مطابق پٹرول پر زیادہ سے زیادہ 30 روپے فی لیٹرپیٹرولیم لیوی کی وصولی کی جارہی ہے جبکہ پیٹرول پر سیلز ٹیکس کی شرح 17فیصد مقرر کی گئی ہے۔

    اسی طرح ہائی اسپیڈ ڈیزل پر زیادہ سے زیادہ 30روپےفی لیٹر پیٹرولیم لیوی کی وصولی کی جارہی ہے اور سیلز ٹیکس کی شرح 17فیصد مقرر کی گئی ہے جبکہ مٹی کے تیل پر6روپے فی لیٹر پیٹرولیم لیوی کی وصولی اور سیلز ٹیکس کی شرح 17فیصد مقرر کی گئی۔

    ذرائع کا کہنا تھا کہ لائٹ ڈیزل پر سیلز ٹیکس کی شرح 17فیصد مقرر کی گئی اور 3روپے فی لیٹر پیٹرولیم لیوی کی وصولی کی جارہی ہے۔

    یاد رہے گذشتہ روز حکومت نے اچانک پیٹرولیم مصنوعات کی قیمتوں میں پچیس روپے سے زائد کا ریکارڈ اضافہ کردیا اور قیمتوں کا اطلاق بھی فوری ہوگیا تھا، فنانس ڈویژن کی جانب سے جاری کردہ نوٹس کے مطابق پیٹرول 25 روپے58 پیسے فی لیٹر مہنگا ہوکر 100 روپے10 پیسے ، ہائی اسپیڈ ڈیزل 21 روپے 31 پیسے اضافے سے101 روپے 46 پیسے اور مٹی کا تیل ساڑھے 23 روپے بڑھ کر انسٹھ روپے چھ پیسے پر پہنچ گیا۔

  • پٹرول کی قیمت کے حوالے سے عوام کیلیے بڑی خوشخبری

    پٹرول کی قیمت کے حوالے سے عوام کیلیے بڑی خوشخبری

    اسلام آباد : پٹرول کی فی لیٹرقیمت میں 7  روپے6 پیسے کمی کا امکان ہے ، اوگرانے پیٹرولیم مصنوعات کی قیمتوں میں کمی کی سفارش کردی۔

    تفصیلات کے مطابق عالمی منڈی میں خام تیل کی قیمت میں کمی کےبعدپاکستان میں پیٹرولیم مصنوعات کی قیمتوں میں نمایاں کمی متوقع ہے، آئل اینڈگیس ریگولیٹری اتھارٹی اوگرا نے پیٹرولیم مصنوعات کی قیمتوں میں کمی کی سمری وزارت خزانہ نے ارسال کردی۔

    سمری میں پٹرول کی فی لیٹرقیمت میں سات روپےچھ پیسے کمی اور مٹی کےتیل کی فی لیٹرقیمت میں 11 روپے88پیسے کی کمی کرنےکی تجویزدی ہے جبکہ لائٹ ڈیزل بھی 9روپے37 پیسےسستاکرنے اور ڈیزل 5 پیسے مہنگا کرنے کی سفارش کی ہے۔

    سمری کی منظوری کے بعد ڈیزل کی نئی قیمت80 روپے 10پیسے، پٹرول کی نئی قیمت 74روپے52 پیسے، مٹی کے تیل کی نئی قیمت35روپے56 پیسے اور لائٹ ڈیزل کی نئی قیمت 38روپے 14پیسے ہونے کا امکان ہے۔

    پٹرولیم مصنوعات کی قیمتوں کاحتمی فیصلہ وزارت خزانہ ،وزیراعظم کی مشاورت سے کرے گی، نئی قیمتوں کا اطلاق یکم جون سےہوگا۔

    انڈسٹری ماہرین کےمطابق کورونا وائرس کے باعث عالمی منڈیوں میں خام تیل کی قیمتوں میں نمایاں کمی ہوئی، جس کے بعد مقامی قیمتوں میں کمی کا رجحان دیکھنے میں آیا۔

  • پٹرولیم مصنوعات کی قیمتوں میں کمی مسترد، شہبازشریف کا حکومت سے بڑا مطالبہ

    پٹرولیم مصنوعات کی قیمتوں میں کمی مسترد، شہبازشریف کا حکومت سے بڑا مطالبہ

    لاہور : اپوزیشن لیڈر شہبازشریف نے پٹرولیم مصنوعات کی قیمتوں میں کمی مسترد کردی اور مطالبہ کیا کہ حکومت پٹرول اورڈیزل کی قیمت 50 روپے فی لیٹرکرے۔

    تفصیلات کے مطابق مسلم لیگ ن کے صدر اور اپوزیشن لیڈر شہبازشریف نے حکومت کی پٹرول،ڈیزل کی قیمت میں کمی ناکافی قرار دے دی اور کہا کہ تیل کی قیمتوں میں کمی کاپورافائدہ عوام کومنتقل نہیں کیاجارہا، عالمی منڈی میں قیمتوں میں کمی پرپاکستان نےتیل نہیں خریدا، تیل نہ خریدنےکاخمیازہ عوام کو بھگتنا پڑرہا ہے۔

    شہبازشریف نے مطالبہ کیا کہ حکومت پٹرول اورڈیزل کی قیمت 50 روپے فی لیٹرکرے، عالمی منڈی سےانتہائی کم قیمت پرتیل نہ خریدناحکومت کی غفلت ہے، عالمی منڈی سےکم قیمت تیل خریدکرعوام کوریلیف دینا چاہیئے تھا۔

    صدرمسلم لیگ ن نے کہا کہ حکومت پھرموقع اوروقت ضائع کررہی ہے، بجلی وگیس کی قیمتوں میں 50فیصد یاکم ازکم ایک تہائی کمی کی جائے، بجلی وگیس قیمتوں میں کمی سےعوام کومشکلات میں ریلیف دیاجائے، پٹرول وڈیزل50روپےفی لیٹرکرنےسےبھی حکومت کو نقصان نہیں۔

    یاد رہے حکومت کی جانب سے مئی کے لیے پیٹرول کی فی لیٹر قیمت میں15 روپےکمی کا اعلان کیا، جس کے بعد نئی قیمت 81 روپے 58 پیسے تک پہنچ گئی۔ اسی طرح ہائی اسپیڈڈیزل میں 27روپے 15 پیسے کی کمی کا اعلان کیا گیا جس کے بعد فی لیٹر قیمت 80روپے 10 پیسے تک پہنچ گئی۔

    اعلان کے مطابق مٹی کا تیل 30روپےسستا ہوگیا جس کے بعد نئی قیمت 47روپے44پیسےہوگئی، اسی طرح لائٹ ڈیزل 15 روپےسستاہوکر 47 روپے 51 پیسے فی لیٹر تک پہنچ گیا۔

  • نہ حکومت،نہ وزیراعظم، پیٹرولیم مصنوعات کی قیمتوں میں ردوبدل کا معاملہ کھٹائی میں پڑ گیا

    نہ حکومت،نہ وزیراعظم، پیٹرولیم مصنوعات کی قیمتوں میں ردوبدل کا معاملہ کھٹائی میں پڑ گیا

    اسلام آباد : وزیر اعظم اور کابینہ کی عدم موجودگی کے باعث پیٹرولیم مصنوعات کی قیمتوں میں ردوبدل کا معاملہ کھٹائی میں پڑ گیا، وزارت پیٹرولیم شش وپنج کا شکار ہے۔

    تفصیلات کے مطابق پیٹرولیم مصنوعات کی قیمتوں کا فیصلہ کون کرے گا؟ نہ حکومت، نہ وزیراعظم، سمری کس کوبھیجیں، وزارتِ پٹرولیم مخمصے کا شکار ہیں ، ہرماہ کی طرح آج بھی پیٹرولیم مصنوعات کی قیمت میں ردوبدل متوقع ہے۔

    اوگراکی جانب سے پیٹرولیم مصنوعات کی قیمت میں ردوبدل کی سمری وزارتِ پٹرولیم کو ارسال کردی گئی، وزیراعظم کی عدم موجودگی پروزارت قانون سے مشورہ طلب کرلیا گیا ہے۔

    اوگرا نے یکم اگست سے پیٹرول کی قیمت میں تین روپے سرسٹھ پیسے کی کمی جبکہ ڈیزل کی قیمت میں پانچ روپے ستر پیسے اور مٹی کے تیل کی قیمت میں تیرہ روپے فی لیٹر اضافہ تجویز کیا ہے۔

    مزید پڑھیں : اوگرا کی پیٹرولیم مصنوعات کی قیمتوں میں کمی کی سفارش

    لائٹ ڈیزل کی قیمت10روپے1پیسے اضافے سے54روپے1پیسے کرنے کی تجویز دی گئی ہے۔

    پیٹرولیم مصنوعات کی قیمتوں میں ردوبدل کاحتمی فیصلہ وزیر اعظم کرتے ہیں تاہم نواز شریف کی نااہلی کے باعث امورِ حکومت بظاہر تعطل کا شکار ہیں۔

    ذرائع کے مطابق وزارت پیٹرولیم نے اس صورت حال میں وزارتِ قانون سے مشورہ طلب کیا ہے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔