ARYNews.tv | Urdu – Har Lamha Bakhabar

Tag: Prime Minister

  • شہباز شریف پاکستان کے 24 ویں وزیراعظم منتخب

    شہباز شریف پاکستان کے 24 ویں وزیراعظم منتخب

    اسلام آباد: قومی اسمبلی نے مسلم لیگ ن کے صدر شہباز شریف کو 16 واں قائد ایوان اور ملک کا 24 واں  وزیراعظم منتخب کر لیا۔

    تفصیلات کے مطابق اسپیکر ایاز صادق کی زیر صدارت قومی اسمبلی میں وزیرِ اعظم کے انتخاب کے عمل کا آغاز ہوا جہاں شہباز شریف کو پاکستان کا 33واں وزیر اعظم منتخب کرلیا گیا۔

    اسپیکر قومی اسمبلی نے اعلان کیا کہ شہباز شریف 201 ووٹ لیکر وزیر اعظم پاکستان منتخب ہوئے جبکہ عمر ایوب نے 92 ووٹ حاصل کئے۔

    بلوچستان نیشنل پارٹی کے سربراہ سردار اختر جان مینگل نے ووٹ کاسٹ نہیں کیا وہ ایوان میں بیٹھے رہے۔

    قومی اسمبلی اجلاس

    قومی اسمبلی اجلاس کا وقت 11 بجے مقرر تھا لیکن اجلاس تاخیر کا شکار ہونے کے ایک گھنٹے بعد اسپیکر ایاز صادق کی زیرصدارت شروع ہوا۔

    وزارت عظمیٰ کے امیدوار

    وزارت عظمیٰ کے انتخاب میں حکومتی اتحاد کے امیدوار شہباز شریف اور تحریک انصاف کے حمایت یافتہ سنی اتحاد کونسل کے امیدوار عمرایوب مد مقابل تھے۔

    وزارت عظمیٰ کیلئے شہباز شریف کو پیپلزپارٹی، ایم کیو ایم، آئی پی پی اور دیگر جماعتوں کی حمایت حاصل تھی جبکہ جے یو آئی نے وزیراعظم کے انتخاب کے بائیکاٹ کا اعلان کیا تھا۔

    ایوان میں شور شرابہ

    قومی اسمبلی اجلاس شروع ہوتے ہی ایوان میں شور شرابہ شروع ہوگیا، اجلاس میں اتحادیوں اور سنی اتحاد کونسل کے ارکان نے شدید نعرے بازی کی، سنی کونسل کے اراکین نے سپیکر ڈائس کا گھیراؤ کرتے ہوئے بانی پی ٹی آئی کے حق میں نعرے بازی کی۔

    جام کمال کا حلف

    اجلاس کے دوران مسلم لیگ نواز کے رکن اسمبلی جام کمال نے حلف اٹھایا جبکہ اسپیکر قومی اسمبلی ایاز صادق نے ان سے حلف لیا تھا۔

    جے یو آئی کا انتخاب کا بائیکاٹ 

    جمعیت علمائے اسلام (ف) نے وزیرِ اعظم کے انتخاب کی کارروائی کا بائیکاٹ کیا ہوا ہے، جے یو آئی نے انتخابات میں بڑے پیمانے پر دھاندلی کے الزامات عائد کیے تھے۔ نواز شریف نے مولانا فضل الرحمٰن کو شہباز شریف کی حمایت کے لیے منانے کی کوششیں کی تھیں جو ناکام رہی تھیں۔

  • وزارت عظمیٰ کا الیکشن: اعجاز الحق کس کو ووٹ دیں گے؟

    وزارت عظمیٰ کا الیکشن: اعجاز الحق کس کو ووٹ دیں گے؟

    مسلم لیگ ضیاء کے سربراہ اعجاز الحق نے مسلم لیگ ن کے شہباز شریف کو وزارت عظمی کا ووٹ دینے کا فیصلہ کیا ہے۔

    تفصیلات کے مطابق پاکستان مسلم لیگ ن کے اسحاق ڈار، رانا تنویر، اور احسن اقبال نے اعجاز الحق سے ملاقات کی، ملاقات کے بعد اعجاز الحق نے شہباز شریف کو وزارت عظمی کا ووٹ دینے کا فیصلہ کیا۔

    وزارت عظمیٰ کا تاج کس کے سر سجے گا؟ فیصلہ آج ہوگا

    مسلم لیگ ضیاء کے سربراہ نے کہا کہ مسلم لیگ ن نے وزارت اعظمی کے لیے  ووٹ مانگا ہے، سنی اتحاد کونسل نے اب تک امیدوار کیلئے ووٹ نہیں مانگا، جس نے ووٹ مانگا ہے اسے ہی ووٹ دیں گے۔

    یاد رہے کہ اس سے قبل متحدہ قومی موومنٹ (ایم کیو ایم) پاکستان نے مسلم لیگ (ن) کے صدر شہباز شریف کو وزارتِ عظمیٰ کے الیکشن میں ووٹ دینے کا فیصلہ کیا ہے۔

    واضح رہے کہ نومنتخب قومی اسمبلی آج کے خصوصی اجلاس میں قائد ایوان اور ملک کے نئے وزیراعظم کا انتخاب کرے گی۔

    قومی اسمبلی کے اجلاس میں شرکت کے لیے اراکین کی پارلیمنٹ ہاؤس آمد کا سلسلہ جاری ہے، حکمران اتحاد کی جانب سے وزارت عظمیٰ کے منصب کیلئے شہباز شریف امیدوار ہیں جبکہ سنی اتحاد کونسل کی جانب سے عمر ایوب خان ان کے مدمقابل ہوں گے۔

  • وزارت عظمیٰ کا تاج کس کے سر سجے گا؟ فیصلہ آج ہوگا

    وزارت عظمیٰ کا تاج کس کے سر سجے گا؟ فیصلہ آج ہوگا

    اسلام آباد: نومنتخب قومی اسمبلی آج کے خصوصی اجلاس میں قائد ایوان اور ملک کے نئے وزیراعظم کا انتخاب کرے گی۔

    تفصیلات کے مطابق ملک کے نئے وزیر اعظم کا انتخاب آج کیا جائے گا، قومی اسمبلی کا اجلاس اسپیکر ایاز صادق کی سربراہی میں دن گیارہ بجے پارلیمنٹ ہاؤس میں ہوگا جہاں نئے قائد ایوان کیلئے ووٹنگ ہوگی۔

    انوار الحق کاکڑ نے وزیر اعظم ہاؤس خالی کر دیا

    وزارت عظمیٰ کیلئے اتحادی جماعتوں کے امیدوار سابق وزیراعظم شہبازشریف جبکہ سنی اتحاد کونسل کے امیدوار عمر ایوب خان ہیں، شہباز شریف کو پیپلزپارٹی، ایم کیو ایم، آئی پی پی اور دیگر جماعتوں کی حمایت حاصل ہے جبکہ جے یو آئی نے وزیراعظم کے انتخاب کے بائیکاٹ کا اعلان کیا ہے۔

    336 رکنی ایوان میں وزیر اعظم بننے کیلئے ایک 179 ووٹ کی ضرورت ہے، ایوان میں اتحادیوں کو209  ارکان کی حمایت حاصل ہے جبکہ قومی اسمبلی میں سنی اتحاد کونسل کے ارکان کی تعداد 91 ہے اس کے علاوہ مخصوص نشستیں ابھی نہیں دی گئی ہیں۔

    نئے وزیر اعظم کا انتخاب کس طرح ہوگا؟

    اسپیکر کے حکم پر وزیراعظم کا انتخابی عمل شروع ہونے سے قبل پانچ منٹ تک گھنٹیاں بجائی جائیں گی، گھنٹیاں بجانے کا مقصد تمام ارکان کو اسمبلی کے اندر جمع کرنا ہوتا ہے، گھنٹیاں بجائے جانے کے بعد ایوان کے دروازے بند کر دیے جائیں گے، قائد ایوان کے انتخاب تک قومی اسمبلی ہال سے نہ کوئی باہر جا سکتا ہے نہ کسی کو آنے کی اجازت ہوتی ہے۔

    اسپیکر قومی اسمبلی وزارت عظمیٰ کے نامزد امیدواروں کے نام پڑھ کر سنائیں گے، ایک نامزد امیدوار کیلئے دائیں اور دوسرے کیلئے بائیں جانب لابی مختص کردیں گے، قومی اسمبلی کا ہر رکن لابی کے دروازے پر اپنے ووٹ کا اندراج کرائے گا اور انتخابی عمل مکمل ہونے تک لابی میں رہے گا۔

    وزیراعظم کی تقریب حلف برداری پیر کو منعقد کرنے کا فیصلہ

    بعدازاں اسپیکر قومی اسمبلی ووٹنگ مکمل ہونے کا اعلان کریں گے، جس کے بعد ایک بار پھر دو منٹ تک گھنٹیاں بجائی جائیں گی تاکہ ارکان لابی سے ایوان میں واپس آجائیں پھر اسپیکر قومی اسمبلی ایوان کے اتنخابی نتائج کا اعلان کریں گے۔

    اس طرح کامیاب امیدوار قومی اسمبلی میں قائد ایوان اور ملک کا نیا وزیراعظم بن جائے گا، انتخاب کے بعد وزیر اعظم منتخب ہونے والے امیدوار کی تقریب حلف برداری پیر کو ایوان صدر میں ہوگی۔

  • پی ٹی آئی نے عمر ایوب کو وزارت عظمیٰ کیلئے نامزد کردیا

    پی ٹی آئی نے عمر ایوب کو وزارت عظمیٰ کیلئے نامزد کردیا

    پاکستان تحریک انصاف(پی ٹی آئی) کے بانی نے عمر ایوب کو وزارت عظمیٰ کیلئے نامزد کردیا۔

    اے آر وائی نیوز کے مطابق تحریک انصاف کے رہنما اسد قیصر نے بانی پی ٹی آئی سے ملاقات کے بعد میڈیا سے گفتگو کرتے ہوئے بتایا کہ وزارتِ عظمیٰ کے لیے عمر ایوب ہمارے امیدوار ہوں گے۔

    اسد قیصر نے کہا کہ ملک بھر میں انتخابات میں دھاندلی کیخلاف ریلیاں بھی نکالیں گے، مجھے تمام سیاسی جماعتوں کے ساتھ بات کرنے کا ٹاسک دیا گیا ہے، الیکشن میں دھاندلی کے خلاف احتجاج کرنے والی جماعتوں سے رابطہ کریں گے۔

    انہوں نے کہا کہ جے یو آئی، اے این پی، آفتاب شیر پاؤ سمیت دیگر پارٹیوں سے رابطہ کر رہے ہیں، یہ پاکستان کی تاریخ کا سب سے بدترین الیکشن ہوا ہے، ہم چاہتے ہیں آپس میں مل بیٹھ کر لائحہ عمل بنائیں، ان الیکشن کو پاکستان اور دنیا میں کوئی نہیں مان رہا۔

    اسد قیصر نے کہا کہ دھاندلی سے بننے والی حکومت کی کوئی حیثیت نہیں ہوگی، ہم اسمبلی میں بیٹھ کر قانونی اور عوامی جنگ لڑیں گے، ایک دو دن میں پارلیمانی پارٹی کا اجلاس بلالیں گے۔

    انہوں نے مزید کہا کہ دنیا میں امریکا خود کو جمہوریت کا چیمپئن ظاہر کرتا ہے، ہم تو امریکا کو اس کی ذمہ داری یاد دلانا چاہتے ہیں، فارم 45 میں جو رزلٹ آیا اسے فارم 47 میں تبدیل کردیا گیا، اس قسم کے الیکشن کو الیکشن کہنا زیادتی ہے۔

  • نجم سیٹھی کو وزیر اعظم کی جانب سے کیا ہدایات ملیں؟

    نجم سیٹھی کو وزیر اعظم کی جانب سے کیا ہدایات ملیں؟

    اسلام آباد: چیئرمین مینجمنٹ کمیٹی پی سی بی نجم سیٹھی نے وزیر اعظم شہباز شریف کے ساتھ ملاقات کے بعد میڈیا سے گفتگو میں کہا کہ ان کی ملاقات بڑے خوش گوار ماحول میں ہوئی، اور انھوں نے وزیر اعظم کو 2014 کے کرکٹ آئین کی بحالی پر مفصل بریفنگ دی۔

    تفصیلات کے مطابق وزیر اعظم پاکستان کی جانب سے ملنے والی ہدایات سے متعلق گفتگو کرتے ہوئے نجم سیٹھی نے کہا کہ ان پر اعتماد کا اظہار کرتے ہوئے وزیر اعظم نے انھیں مزید ذمہ داریاں سونپی ہیں۔

    نجم سیٹھی نے کہا وزیر اعظم چاہتے ہیں کہ دنیا بھر میں پاکستانی کرکٹ ٹیم ہر شعبے میں بہترین ثابت ہو، اس لیے انھوں نے کھلاڑیوں کو مزید سہولیات دینے کے حوالے سے ہدایات دی ہیں۔

    نجم سیٹھی کے مطابق وزیر اعظم نے ہدایت کی ہے کہ کرکٹ انفرا اسٹرکچر پر کام کیا جائے، کھلاڑیوں کو ملازمت کے مواقع فرام کیے جائیں، ڈیپارٹمنٹل کرکٹ کے ڈھانچے کو مضبوط بنایا جائے۔

    وزیر اعظم نے نجم سیٹھی کو چیئرمین پی سی بی کے لیے امیدوار نامزد کر دیا

    انھوں نے بتایا کہ وزیر اعظم چاہتے ہیں کہ پی سی بی تمام ڈیپارٹمنٹس کی سہولت کاری کرے، اور زیادہ سے زیادہ کھلاڑیوں کو بھرتی کر کے کھیلنے کے مواقع دے۔

    نجم سیٹھی کا کہنا تھا کہ انھوں نے وزیر اعظم پاکستان کو انٹرنیشنل ٹیموں سے متعلق بھی بریفنگ دی، اور انھیں ایشیا کپ اور ورلڈ کپ کے حوالے سے بھی اعتماد میں لیا۔

  • وزیراعظم آج بزنس کانفرنس سے خطاب کریں گے

    وزیراعظم آج بزنس کانفرنس سے خطاب کریں گے

    اسلام آباد: وزیراعظم شہباز شریف آج بزنس کانفرنس سے خطاب کرینگے، جہاں وہ میثاق معیشت کیلئے نیشنل ڈائیلاگ کا آغاز کریں گے۔

    تفصیلات کے مطابق وفاقی وزیراطلاعات مریم اورنگزیب کی جانب سے جاری بیان میں بتایا گیا کہ وزیراعظم آج بزنس کانفرنس سے خطاب کریں گے، کانفرنس میں ملک بھر سےکاروباری برادری شریک ہوگی، کانفرنس کا مقصد کاروباری برادری سے بجٹ پر اہم مشاورت کرنا ہے۔

    یہ بھی پڑھیں: شہبازشریف کے غیرملکی دوروں پر مریم نواز کا جواب

    مریم اورنگزیب نے بتایا کہ وزیراعظم کانفرنس میں میثاق معیشت کیلئےنیشنل ڈائیلاگ کا آغاز کریں گے اور معاشی ترقی اور خوشحالی کیلئے اپنا ویژن کاروباری افراد کے سامنے رکھیں گے اس دوران وزیراعظم شہبازشریف کاروباری شخصیات سے تجاویز لیں گے۔

    وفاقی وزیر اطلاعات کا کہنا تھا کہ وزیراعظم کاویژن ایک ایسا پاکستان بناناہےجہاں معیشت پھلےپھولے، جہاںمستحکم اور پائیداربنیادوں پرترقی ہو، وزیراعظم ایسا پاکستان بناناچاہتےہیں جہاں سماجی، سیاسی اور معاشی حقوق میسر آئیں۔

  • وزیراعظم نےاقتصادی مشاورتی کونسل تشکیل دیدی

    وزیراعظم نےاقتصادی مشاورتی کونسل تشکیل دیدی

    وزیراعظم شہباز شریف نے اقتصادی مشاورتی کونسل تشکیل دے دی ہے جو 21 اراکین پر مشتمل ہوگی اور معیشت کا جائزہ لے کر اقدامات تجویز کریگی۔

    اے آر وائی نیوز کے مطابق وزیراعظم شہباز شریف نے 21 رکنی اقتصادی مشاورتی کونسل تشکیل دے دی ہے جو معیشت کا جائزہ لیکر اقدامات کی تجویز دے گی۔

    وزیراعظم کی تشکیل کردہ اقتصادی مشاورتی کونسل میں وفاقی وزرا شاہد خاقان عباسی، مفتاح اسماعیل، مریم اورنگزیب، مصدق ملک، سلیم مانڈی والا، فیصل اقبال، عائشہ غوث پاشا، طارق پاشا، عارف حبیب ،عاطف باجوہ ودیگر شامل ہیں۔

    اقتصادی مشاورتی کونسل کے قواعدوضوابط بھی جاری کردیئے گئے۔ یہ کونسل معیشت کا جائزہ لیکر اقدامات کی تجویز دے گی اس کے علاوہ مختلف سبسڈیز اور ماحولیاتی تبدیلی کا بھی جائزہ لے گی۔

    وزیراعظم کی اقتصادی مشاورتی کونسل معیشت کی بہتری کیلئے پالیسی سازی کی سفارشات بھی دے گی۔

    واضح رہے کہ حکومت نے ملک کی معیشت کی بہتری کیلیے سعودی عرب سے اضافی مالی امداد کے حصول کا فیصلہ کرلیا ہے اور  ذرائع وزارت خزانہ نے کہا ہے کہ دورہ سعودی عرب میں 3 ارب 20 کروڑ ڈالر اضافی پیکیج کی درخواست کا امکان ہے۔

    مزید پڑھیں: شہباز شریف کا دورہ ، پاکستان کا سعودی عرب سے اضافی مالی امداد کے حصول کا فیصلہ

    سعودی عرب کی جانب سے پاکستان کیلئے ڈیپازٹس ،ادھار تیل پر4 ارب 20 کروڑ ڈالر کی سعودی سہولت پہلے سے جاری ہے ، اس میں3ارب ڈالر کے ڈیپازٹس جبکہ 1.2 ارب ڈالر تیل کی سہولت شامل ہے۔

  • وزیراعظم آج صدر مملکت سے ملاقات کرینگے

    وزیراعظم آج صدر مملکت سے ملاقات کرینگے

    وزیراعظم شہباز شریف آج صدر مملکت ڈاکٹر عارف علوی سے ملاقات کرینگے جس میں گورنر پنجاب کو ہٹانے کی سمری پر بات ہوگی۔

    اے آر وائی نیوز کے مطابق وزیراعظم شہباز شریف آج صدر مملکت ڈاکٹر عارف علوی سے ملاقات کرینگے جس میں گورنر پنجاب کو ہٹانے کی سمری پر بات ہوگی۔

    ملاقات میں چاروں صوبوں کے گورنرز کی تعیناتی پر بھی گفتگو کی جائیگی۔

    واضح رہے کہ شہباز شریف نے وزارت عظمیٰ کا حلف اٹھانے کے بعد گورنر پنجاب عمر سرفراز چیمہ کو ہٹادیا تھا۔

    مزید پڑھیں: صدر کی گورنر پنجاب کو عہدے پر کام جاری رکھنے کی ہدایت

    تاہم صدر مملکت نے گورنر کی برطرفی کی سمری منظور ہونے تک گورنر پنجاب کو کام جاری رکھنے کی ہدایت کی تھی۔

  • وزیر اعظم کی زیر صدارت توانائی صورتحال پر ہنگامی اجلاس

    اسلام آباد: وزیر اعظم شہباز شریف کی زیر صدارت توانائی صورتحال پر ہنگامی اجلاس میں پیٹرولیم مصنوعات کی فراہمی یقینی بنانے اور بجلی کی لوڈ شیڈنگ پر قابو پانے کے اقدامات پر غور کیا گیا۔

    تفصیلات کے مطابق وزیر اعظم شہباز شریف کی زیر صدارت توانائی صورتحال پر ہنگامی اجلاس منعقد کیا گیا، اجلاس میں شاہد خاقان عباسی، مفتاح اسماعیل اور وزارت پیٹرولیم و خزانہ کے حکام شریک ہوئے۔

    اجلاس میں پیٹرولیم مصنوعات کی فراہمی یقینی بنانے کے اقدامات پر غور کیا گیا جبکہ بجلی کی لوڈ شیڈنگ پر قابو پانے کے اقدامات پر بھی غور کیا گیا۔

    خیال رہے کہ نو منتخب وزیر اعظم شہباز شریف نے 11 اپریل 2022 کو اپنے عہدے کا حلف اٹھایا ہے۔

    عہدہ سنبھالتے ہی انہوں نے رمضان بازاروں میں معیاری اور کم دام پر اشیا کی فراہمی یقینی بنانے کا حکم دیا جبکہ کم سے کم اجرت 25 ہزار روپے مقرر کرنے کا بھی اعلان کیا۔

  • وزیراعظم آج بلاسود قرضوں کے اجرا کا آغاز کرینگے

    وزیراعظم آج بلاسود قرضوں کے اجرا کا آغاز کرینگے

    وزیراعظم عمران خان آج کامیاب پاکستان پروگرام کے تحت بلاسود قرضوں کے اجرا کا آغاز کرینگے، دو سال میں407ارب کےقرضے دیے جائینگے۔

    اے آر وائی نیوز کے مطابق وزیراعظم عمران خان آج کامیاب پاکستان پروگرام کے تحت بلاسود قرضوں کے اجرا کا آغاز کرینگے جو وزیراعظم کے تخفیف غربت منصوبے کا حصہ ہے۔

    اس پروگرام میں نوجوانوں،خواتین،کسانوں کوبلاسودقرضے دینے کے علاوہ کم لاگت گھروں کی تعمیر اور کاروبار کیلئے بھی قرضے دیئے جائیں گے۔

    دو سالوں کے دوران اس پروگرام کے تحت 407 ارب روپے کےقرضےفراہم کئےجائیں گے اور اس مدت میں حکومت56 ارب روپےکی سبسڈی فراہم کرےگی۔

    تقریب فیصل مسجد اسلام آباد میں منعقد کی جائیگی جس سے وزیراعظم عمران خان خطاب بھی کرینگے۔

    کامیاب پاکستان پروگرام کا بنیادی مقصدریلیف اورمعاشی نموکوفروغ دینا ہے۔

    واضح رہے کہ وزیراعظم عمران خان نے ایک روز قبل ہی قوم سے خطاب میں مہنگائی میں کمی کے لیے اہم اقدامات کا اعلان کیا ہے۔

    مزید پڑھیں: وزیراعظم کا پیٹرول اور بجلی کی قیمتوں میں کمی کا اعلان

    وزیراعظم نے اپنے خطاب میں پٹرول کی قیمت میں دس روپے فی لیٹر کمی، بجلی کی قیمت میں پانچ روپے فی یونٹ کمی سمیت دیگر کئی اہم اعلانات کیے تھے۔