لندن: برطانوی شہزادے پرنس ہیری اور امریکا سے تعلق رکھنے والی میگن مارکل کی شادی کی تقریب 19 مئی کو جارج چیپل، ونڈسر کاسل میں منعقد کی جائے گی جس کی بڑے پیمانے پر تیاریاں زور و شور سے جاری ہیں۔
تفصیلات کے مطابق برطانیہ کے شہزادے اور لیڈی ڈیانا کے چھوٹے صاحبزادے پرنس ہیری نے امریکی اداکارہ میگھن مرکل سے منگنی گذشتہ برس دسمبر میں کی جس کی شاہی خاندان نے تصدیق کرتے ہوئے رواں سال شادی کا اعلان بھی کیا تھا۔
شاہی خاندان کی جانب سے شادی کے اعلان کا وعدہ پورا ہوا کہ جب برطانوی میڈیا نے لیڈی ڈیانا کے چھوٹے صاحبزادے پرنس ہیری اور میگن مارکل کی شادی کی تاریخ کا حتمی اعلان کیا۔
برطانوی نشریاتی ادارے کے مطابق شاہی خاندان کے چھوٹے نواب کی شادی 19 مئی کی دوپہر سینٹ جارج چیپل کے ونڈسر کاسل میں منعقد کی جائے گی اس ضمن میں تیاریاں زور و شور سے جاری ہیں۔
The invitations follow many years of Royal tradition and have been made by @BarnardWestwood. They feature the Three-Feathered Badge of the Prince of Wales printed in gold ink. pic.twitter.com/cd7LBmRJxO
— Kensington Palace (@KensingtonRoyal) March 22, 2018
پرنس ہیری کی شادی کے خصوصی دعوت نامے تیار کیے جارہے ہیں جن کا رنگ سنہری ہے، تقریب میں شرکت کے لیے 6 سو افراد کو یہ کارڈ ارسال کیے جاچکے ہیں۔
شاہی خاندان کے مطابق شادی کی تقریب کے سلسلے میں مہمانوں کے لیے ظہرانے کا اہتمام بھی کیا جائے گا جس کی میزبانی ملکہ برطانیہ الزبتھ خود کریں گی بعد ازاں مذہبی رسم بھی منعقد کی جائے گی۔
A 24 year old who made the 600 #royalwedding invites told us of her surprise when she was handed the job.
Lottie Small said she was “unbelievably excited” and “squealed a little bit” when she found out one Friday afternoon.
It took her two days to print all the invitations. pic.twitter.com/64QuYpEkRR
— Chris Ship (@chrisshipitv) March 22, 2018
لیڈی ڈیانا کے چھوٹے صاحبزادے اور اُن کی اہلیہ کا تصویری سیشن ونڈسر کیسل کے باہر واقع پارک میں ہوگا، اس ضمن میں ملک کے نامور فوٹو گرافرز کے انٹرویوز بھی کیے گئے ہیں۔
واضح رہے کہ شہزادہ ہیری نے کسی شہزادی کا چناؤ نہیں کیا بلکہ انہوں نے بڑے بھائی کی طرح ایک عام سی اداکارہ کو اپنا شریک سفر بنانے کا اعلان کیا تھا کیونکہ لیڈی ڈیانا کے بڑے صاحبزادے پرنس ولیم نے بھی ایک عام سی لڑکی کیٹ مڈلٹن کو اپنی شریک حیات بنا کر ملکہ کا رتبہ دیا تھا۔
برطانوی میڈیا کے مطابق شہزادہ ہیری کی عمر32سال ہے جبکہ ان کی منگیترامریکی اداکارہ میگھن مرکل ان سے چار سال بڑی ہیں، یہ دونوں آپس میں گہرے دوست بھی ہیں۔
یاد رہے کہ دونوں شہزادوں کی والدہ لیڈی ڈیانا بھی کسی سلطنت کی شہزادی نہ تھیں۔
