اسلام آباد : پاکستانی آرٹسٹ رابعہ ذاکر کی جانب سے شہزادہ محمد بن سلمان کی پورٹریٹ کا تحفہ سعودی سفیر نے وصول کرلیا، سعودی سفارت خانہ پاکستانی آرٹسٹ کی یہ یادگار پورٹریٹ ولی عہد تک پہنچائے گا۔
تفصیلات کے مطابق سعودی ولی عہد محمد بن سلمان کے دورہ پاکستان کے موقع پر پاکستانی آرٹسٹ رابعہ ذاکر نے ان کے لیے پورٹریٹ کا تحفہ تیار کیا تھا۔
رابعہ ذاکر نے ولی عہد شہزادہ محمد بن سلمان کی آئل پینٹنگ سعودی سفیر کے حوالے کی، جس کے بعد سعودی سفارت خانہ پاکستانی آرٹسٹ کی یہ یادگار پورٹریٹ ولی عہد تک پہنچائے گا۔
اس موقع پر میڈیا سے گفتگو کرتے ہوئے رابعہ ذاکر نے کہا کہ میں انتہائی خوش ہوں کیونکہ میرا پورٹریٹ بنانے کا مقصد پورا ہوگیا، اس موقع پر رابعہ ذاکر کا کہنا تھا کہ وہ اب تک کئی اہم شخصیات کے پورٹریٹ تیار کرچکی ہیں، ولی عہد کےچہرے کےجلالی اور جمالی تاثرات بنانا مشکل کام تھا۔
Rabia zakir🇵🇰 Artist officially presented
The Portrait of His Royal Highness Crown Prince Mohammad Bin Salman
To the Embassy of KSA🇸🇦
Which was recived by His Excellency Amb of SaudiArabia🇸🇦.
Amb of KSA assured that soon the portrait will be present to #crownprince
🇵🇰❤🇸🇦 pic.twitter.com/cKggxLYJ5D— Rabia Zakir (@RabiaZakir4) February 28, 2019
واضح رہے کہ رابعہ ذاکر نامی آرٹسٹ نے یہ پورٹریٹ ہاتھ سے تیار کی ہے اور اس کی تیاری میں آرٹسٹ کو ولی عہد کی آئل پینٹنگ تصویر مکمل کرنے میں ایک ہفتہ کا وقت لگا۔ پورٹریٹ میں روایتی عرب لباس اور رومال کو بھی آئل پینٹنگ کی مدد سے حقیقی رنگ دیئے گئے ہیں۔
رابعہ ذاکر پاک رومانیہ دوستی ایسوسی ایشن کی چیئر پرسن ہیں اور ساتھ ہی ساتھ پیس آرٹس کونسل ترکی سے بھی منسلک ہیں، انہوں نے آرٹس کی تعلیم نیشنل کالج آف آرٹس لاہور سے حاصل کی ہے۔
