ARYNews.tv | Urdu – Har Lamha Bakhabar

Tag: Prince William

  • شہزادہ ہیری کا اختلافات کا انکشاف ، شہزادہ ولیم بھی میدان میں آگئے

    شہزادہ ہیری کا اختلافات کا انکشاف ، شہزادہ ولیم بھی میدان میں آگئے

    لندن : برطانوی شہزادہ ہیری کے انکشاف کے بعد شہزادہ ولیم نے کہا ہے کہ ہیری ذہنی بیماری کا شکار ہیں، امید ہے بھائی اور ان کی بھابھی کے مسائل جلد ٹھیک ہوجائیں گے۔

    برطانوی نشریاتی ادارے کے مطابق شاہی محل کے ذرائع نے بتایا کہ برطانوی شہزادہ ہیری کے بڑی بھائی سے اختلافات کا اعتراف کے بعد شہزادہ ولیم نے غصہ کرنے کے بجائے اپنے بھائی کی ذہنی صحت پر پریشانی دکھائی اور امید ظاہر کی کہ بھائی اور ان کی بھابھی کے مسائل جلد ٹھیک ہوجائیں گے ۔

    شاہی محل کے ذرائع نے اس تاثر کو مسترد کیا کہ شہزادہ ولیم اپنے چھوٹے بھائی کی باتوں پر غصے میں ہیں، رپورٹ کے مطابق اگرچہ شاہی محل کے ذرائع نے واضح طور پر یہ نہیں بتایا کہ شہزادہ ولیم اپنے چھوٹے بھائی کو ڈپریشن یا دیگر ذہنی بیماری کا شکار سمجھتے ہیں، تاہم ان کا خیال ہے کہ وہ ذہنی صحت کے مسائل سے دوچار ہیں۔

    مزید پڑھیں :  برطانوی شہزادہ ہیری کا بڑے بھائی ولیم سے اختلافات کا انکشاف

    یاد رہے گذشتہ ماہ شہزادہ ہیری نے بھائی سے اختلافات کا اعتراف افریقی دورے کے دوران برطانوی ٹی وی آئی ٹی وی کو دیے گئے ایک انٹرویو میں کیا تھا، جسے گزشتہ ہفتے دستاویزی فلم کے طور پر نشر کیا گیا۔

    برطانوی شہزادہ ہیری نے اپنے بڑی بھائی شہزادہ ولیم سے اختلافات کا اعتراف کرتے ہوئے کہا کہ اس وقت دونوں الگ الگ راہوں پر گامزن ہیں۔

    واضح رہے کہ اس سے قبل شہزادی کیٹ میڈلٹن اور میگھن مرکل کے درمیان بھی اختلافات کی خبریں سامنے آئی تھیں۔

    خیال رہے کہ چند روز قبل شہزادہ ولیم اور شہزادی کیٹ مڈلٹن نے پاکستان کا پانچ روزہ دورہ کیا تھا جس میں انہوں نے وزیراعظم، صدر مملکت سے ملاقات کی تھی، چترال، لاہور کے ایس او ایس ولیج کا بھی دورہ کیا تھا۔

  • برطانوی شہزادہ ہیری کا بڑے بھائی ولیم سے اختلافات کا انکشاف

    برطانوی شہزادہ ہیری کا بڑے بھائی ولیم سے اختلافات کا انکشاف

    لندن: برطانوی شہزادہ ہیری اور ان کے بڑے بھائی شہزادہ ولیم کے درمیان اختلافات کا انکشاف ہوا ہے۔

    غیرملکی خبررساں ادارے کے مطابق شاہی خاندان میں دراڑیں پڑنے لگی ہیں، شہزادہ ہیری نے بڑے بھائی ولیم سے تعلقات میں سرد مہری کا اعتراف کیا ہے۔

    شہزادہ ہیری کا کہنا ہے کہ ہم دونوں بھائی الگ الگ راستے پر ہیں، میں اپنے بھائی ولیم سے بہت محبت کرتا ہوں۔

    شہزادہ ہیری کا مزید کہنا تھا کہ میں اور اہلیہ میگھن مرکل اپنا مقام حاصل کرنا چاہتے ہیں۔

    ذرائع کا یہ بھی کہنا ہے کہ شہزادہ ہیری اور ان کی اہلیہ میگھن مرکل ان ہی اختلافات کی وجہ سے جنوبی افریقہ منتقل ہونے کا ارادہ رکھتے ہیں۔

    مزید پڑھیں: برطانوی شہزادی دورہ پاکستان کے ذکر پر جذباتی ہوگئیں

    میگھن مرکل کا کہنا ہے کہ شاہی رسم و رواج میں خود کو ڈھالنا خاصا مشکل ہے، میں اب تک خود کو ان رسم و رواج میں نہیں ڈھال سکی ہوں۔

    ادھر شہزادہ ولیم نے چھوٹے بھائی کے انٹرویو پر تشویش کا اظہار کیا ہے،شہزادہ ولیم کا کہنا تھا کہ میں چھوٹے بھائی کے لیے ہمیشہ حاضر ہوں۔

    واضح رہے کہ اس سے قبل شہزادی کیٹ میڈلٹن اور میگھن مرکل کے درمیان بھی اختلافات کی خبریں سامنے آئی تھیں۔

    خیال رہے کہ چند روز قبل شہزادہ ولیم اور شہزادی کیٹ مڈلٹن نے پاکستان کا پانچ روزہ دورہ کیا تھا جس میں انہوں نے وزیراعظم، صدر مملکت سے ملاقات کی تھی، چترال، لاہور کے ایس او ایس ولیج کا بھی دورہ کیا تھا۔

  • شاہی جوڑا بھی کرکٹ کا شوقین، نیشنل کرکٹ اکیڈمی میں بیٹنگ کے جوہر

    شاہی جوڑا بھی کرکٹ کا شوقین، نیشنل کرکٹ اکیڈمی میں بیٹنگ کے جوہر

    لاہور: برطانوی شاہی جوڑے نے نیشنل کرکٹ اکیڈمی کے دورے کے دوران بیٹنگ کے جوہر دکھائے جبکہ چیف ایگزیکٹوپی سی بی وسیم خان نے انھیں بریفنگ دی، کھلاڑی بھی شاہی جوڑے سے گرم جوشی سے ملے۔

    تفصیلات کے مطابق برطانوی شاہی جوڑے نے نیشنل کرکٹ اکیڈمی کا دورہ کیا، جہاں چئیرمین پی سی بی احسان مانی، پی سی بی آفیشلز اوراسکول کے بچوں نےشاہی جوڑے کا استقبال کیا۔

    چیف ایگزیکٹو وسیم خان نےشاہی مہمانوں کو اکیڈمی کا دورہ کرایا، بولنگ کوچ وقار یونس، مینز اورویمنز ٹیم کے کھلاڑی بھی شاہی جوڑے سے گرم جوشی سے ملے۔

    شہزادہ ولیم اور شہزادی کیٹ مڈلٹن نے قومی اور نوجوان کرکٹرز کے ساتھ کرکٹ کا رنگ بھی خوب جمایا اور کرکٹ کے خوب جوہر دکھائے ، شہزادہ ولیم نے چھکے لگائے جبکہ شہزادی بھی پیچھے نہ رہی اور زور دار شاٹس لگائے۔

    اس سے قبل شاہی جوڑے نے ایس اوایس ولیج کا دورہ کیا ، جہاں وہ بچوں میں گھل مل گئے، شاہی جوڑے نے بچوں کو سلام کیااورتین یتیم بچوں کی سالگرہ کا کیک بھی کاٹا جبکہ بچوں کی بنائی تصاویر کو بھی سراہا۔

    شہزادہ ولیم اور شہزادی کیٹ مڈلٹن نے بچوں کو دی جانے والی سہولتوں کا جائزہ لیا۔

    یاد رہے پاکستانی روایتی سفید شلوارقمیض میں ملبوس برطانوی شہزادی اورشہزادہ زندہ دلان شہر لاہورپہنچے تو جہاں گورنراوروزیراعلیٰ پنجاب نےان کا ریڈکارپٹ استقبال کیا۔

    برطانوی شاہی جوڑےسےگورنراوروزیراعلیٰ پنجاب نے ایئرپورٹ لاؤنج میں ملاقات کی، وزیراعلیٰ پنجاب نےشہزادہ ولیم کوزیتون کی لکڑی سےبنی چھڑی اور پینٹگ اورشہزادی کیٹ میڈلٹن کو شال تحفے میں دی۔ گورنر پنجاب چوہدری محمد سرور نے بھی معزز مہمانوں کو تحائف پیش کیے۔

  • پرنس ولیم کی شیروانی کتنے دن میں تیار کی گئی؟

    پرنس ولیم کی شیروانی کتنے دن میں تیار کی گئی؟

    اسلام آباد : پرنس ولیم کی شیروانی ڈیزائن کرنے والے پاکستانی فیشن ڈیزائنرنعمان عارفین نے بتایا شیروانی صرف دودن میں تیار کی گئی، پاکستان کے لئے یہ فخرکی بات ہے کہ روایتی شیروانی پہنی گئی، جس پر شہزادہ ولیم کے شکر گزار ہے۔

    تفصیلات کے مطابق فیشن ڈیزائنر نعمان عارفین نے سماجی رابطے کی ویب سائٹ فیس بک پر اپنے پیغام میں کہا پرنس ولیم کی شیروانی صرف2روزمیں تیارکی، شہزادے نے نیلے رنگ پر سبز بٹن لگانے کی فرمائش تھی، میں نے اپنی مرضی سے دوسری شیروانی بھیجی تو پرنس نے دونوں رکھ لیں۔

    نعمان عارفین نے کہا پاکستان کے لئے یہ فخرکی بات ہے کہ روایتی شیروانی پہنی گئی اور شہزادہ ولیم کے شکر گزار ہے ، انھوں نے ہمارے ورثے اور روایت کو خوبصورتی سے پیش کیا۔

    یاد رہے گذشتہ روز شاہی جوڑے کے اعزاز میں اسلام آباد مونیومنٹ پر عشائیہ دیا گیا ، شہزادہ ولیم اورکیٹ رکشے میں پہنچے، شاہی جوڑے نے خوبصورت روایتی لباس زیب تن کررکھا تھا۔

    ولیم نے شیروانی اور کیٹ نے گہرے سبز رنگ کی میکسی پہنی، شاہی جوڑے کا قومی ترانے اور روایتی موسیقی کے ساتھ استقبال کیا گیا۔

    کنگسٹن پیلس سےبھی ٹک ٹک میں آمد اورشاندار استقبال پر ٹوئٹ کیا گیا جبکہ آئرش ولاگر نے شاہی جوڑے کی تصویر شیئر کرتے ہوئے لکھا ان دونوں نے روایتی مشرقی لباس کا میلہ لوٹ لیا۔

  • برطانوی شاہی جوڑا 15 اکتوبر کو وزیر اعظم عمران خان سے ملاقات کرے گا

    برطانوی شاہی جوڑا 15 اکتوبر کو وزیر اعظم عمران خان سے ملاقات کرے گا

    اسلام آباد: برطانوی شاہی جوڑے شہزادہ ولیم اور ان کی اہلیہ کیٹ مڈلٹن کے دورہ پاکستان کا شیڈول طے ہوگیا، شاہی جوڑا 15 اکتوبر کو وزیر اعظم عمران خان سے ملاقات کرے گا۔

    تفصیلات کے مطابق برطانوی شاہی جوڑے کے دورہ پاکستان کا شیڈول طے ہوگیا۔ برطانوی ولی عہد شہزادہ ولیم اور ان کی اہلیہ کیٹ مڈلٹن پرسوں یعنی 14 اکتوبر کی شب ساڑھے 9 بجے پاکستان پہنچے گا۔

    ذرائع برطانوی ہائی کمیشن کا کہنا ہے کہ شاہی جوڑا بچوں کے بغیر پاکستان کا دورہ کرے گا۔ ان کے ساتھ محافظین، طبی ماہرین اور 40 سے زائد صحافی بھی پاکستان پہنچیں گے۔

    ذرائع کے مطابق برطانوی شاہی جوڑا نور خان ائیر بیس پہنچے گا جہاں ان کا ریڈ کارپٹ استقبال کیا جائے گا۔ وفاقی وزیر، حکام دفتر خارجہ اور برطانوی ہائی کمیشن کے حکام جوڑے کا استقبال کریں گے۔ نور خان ایئر بیس پر برطانوی شاہی جوڑے کو گارڈ آف آنر پیش کیا جائے گا۔

    ذرائع کا کہنا ہے کہ اگلے روز منگل کو شاہی جوڑے کی صدر مملکت اور وزیر اعظم عمران خان سے ملاقاتیں ہوں گی، بعد ازاں شاہی جوڑا سیکٹر ایف 7 میں خواتین کے کالج کا دورہ کرے گا۔ منگل کو ہی جوڑا غیر سرکاری تنظیم کے توسط سے عوام سے ملاقاتیں کرے گا۔

    ذرائع کے مطابق دوسرے دن کا اختتام شاہی جوڑے کا پاکستان مونومنٹ کے دورے پر ہوگا۔ تیسرے دن بدھ کے روز شاہی جوڑا لاہور روانہ ہوگا۔ لاہور میں جوڑا ایس او ایس ولیج، ایچی سن کالج اور شوکت خانم اسپتال کا دورہ کرے گا۔ شاہی جوڑے کا بدھ کو بادشاہی مسجد اور مینار پاکستان جانے کا امکان بھی ہے تاہم سیکیورٹی کی وجہ سے اسے حتمی طے نہیں کیا گیا۔

    جمعرات کو شہزادہ اور شہزادی چترال روانہ ہوں گے۔ اسی روز ان کے درہ خیبر اور قلعہ خیبر کا دورہ بھی متوقع ہے تاہم یہ بہتر موسمی حالات سے مشروط ہوگا۔

    برطانوی شاہی جوڑا جمعرات کی رات واپس وفاقی دارالحکومت پہنچے گا۔ 18 اکتوبر یعنی جمعے کو ان کے فیصل مسجد کے دورے کا بھی امکان ہے۔ برطانوی شاہی جوڑا 18 اکتوبر دوپہر ڈیڑھ بجے نور خان ائیر بیس سے وطن واپس روانہ ہو جائے گا۔

  • برطانوی شہزادہ ولیم اوران کی اہلیہ رواں سال خزاں میں پاکستان آئیں گے

    برطانوی شہزادہ ولیم اوران کی اہلیہ رواں سال خزاں میں پاکستان آئیں گے

    لندن: برطانوی شاہی خاندان کے شہزادہ ولیم اپنی اہلیہ کیٹ مڈلٹن کے ہمراہ رواں سال موسم خزاں میں پاکستان کا دورہ کریں گے۔

    تفصیلات کے مطابق برطانی شاہی محل کی جانب سے جاری بیان کے مطابق ڈیوک اینڈ ڈچز آف کیمبرج پاکستان کا دورہ دفترخارجہ کی دعوت پر کررہے ہیں۔


    برطانیہ میں تعینات پاکستانی ہائی کمشنر نفیس زکریا نے شہزادہ ولیم اور ان کی اہلیہ کیٹ مڈلٹن کی جانب سے دورہ پاکستان ترتیب دیے جانے کا خیرمقدم کرتے ہوئے کہا کہ پاکستان کی حکومت اور عوام ان کے استقبال کے منتظر ہیں۔


    نفیس ذکریا نے کہا کہ شاہی جوڑے کا دورہ برطانیہ اور پاکستان کے تعلقات کی عکاسی کرے گا، پاکستان اور برطانیہ کے تاریخی روابط ہیں جنہیں دونوں مزید مستحکم کرنے کی خواہش رکھتے ہیں۔

    پاکستانی ہائی کمشنر نے کہا کہ پاکستان کے عوام برطانوی ملکہ کے 1961 اور 1997 کے دورے کو تاحال نہیں بھولے، دونوں ممالک تاریخی تعلقات کو مزید مضبوط کرنے کے خواہش مند ہیں۔

    واضح رہے کہ 2006ء میں شہزادہ چارلس نے اپنی اہلیہ کمیلہ پارکر کے ہمراہ پاکستان کا دورہ کیا تھا۔

  • اولاد ہم جنس پرست ہوئی تو ساتھ دوں گا، شہزادہ ولیم کا شرمناک انکشاف

    اولاد ہم جنس پرست ہوئی تو ساتھ دوں گا، شہزادہ ولیم کا شرمناک انکشاف

    لندن : شہزادہ ولیم نے ہم جنس پرستوں کی حمایت کرتے ہوئے کہا ہے کہ ’میرے بچے ہم جنس پرست ہوئے تو ان کی حمایت کروں گا، مجھے معلوم ہے اس معاملے پرمیرے خاندان اور رتبے سے مجھے پریشانیاں اٹھانی پڑ سکتی ہیں۔

    تفصیلات کے مطابق برطانوی شہزادہ ولیم نے کہاہے کہ اگر ان کے بچے ہم جنس پرست ہوئے تو وہ ان کی پوری طرح سے حمایت کریں گے تاہم اس کے لیے ان پر آنے والے دباؤ پر پریشان ہوں گا۔

    شہزادہ ولیم کا کہنا تھا کہ میں نے یہ والد بننے سے قبل ہی سوچ لیا تھا، کاش ہم ایسی دنیا میں رہتے جہاں یہ عام اور اچھی بات ہوتی مگر میرے خاندان اور رتبے سے مجھے پریشانیاں اٹھانی پڑ سکتی ہیں۔

    غیرملکی خبررساں ادارےکا کہنا تھا کہ یہ بات انہوں نے لندن میں منعقدہ البرٹ کینیڈی ٹرسٹ (اے کے ٹی) کی ایل جی بی ٹی یوتھ چیریٹی تقریب سے خطاب کرتے ہوئے کہی۔

    واضح رہے کہ یہ ٹرسٹ ان ہم جنس پرستوں کی مدد کرتا ہے جنہیں بے گھر ہونے کے خدشات ہوتے ہیں۔

    برطانوی خبر رساں ادارے کے مطابق شہزادہ ولیم کا کہنا تھا کہ میرے بچے جو بھی فیصلہ کریں گے میں ان کی پشت پناہی کروں گا۔

    ان کا کہنا تھا کہ کتنی رکاوٹیں ہیں آپ جانتے ہیں، نفرت آمیز جملے اور تفرقہ جھیلنا پڑ سکتا ہے، یہ بات بھی مجھے پریشان کرتی ہے۔

    شہزادہ ولیم کا کہنا تھا کہ ہم سب کو مل کر اسے ٹھیک کرنا ہوگا اور اس بات کی یقین دہانی کرانی ہوگی کہ یہ ساری باتیں ماضی کا حصہ بن جائیں۔

  • برطانوی شہزادے ولیم کا کرائسٹ چرچ کی النور مسجد کا دورہ، شہداء کو خراج عقید ت پیش

    برطانوی شہزادے ولیم کا کرائسٹ چرچ کی النور مسجد کا دورہ، شہداء کو خراج عقید ت پیش

    میلبرن : برطانوی شہزادے ولیم نے نیوزی لینڈ کی وزیراعظم جیسنڈا آرڈرن کےہمراہ کرائسٹ چرچ کی النور مسجد کا دورہ کیا،اور سانحہ کے شہداء کو خراج عقید ت پیش کرتے ہوئے کہا نیوزی لینڈ نے ثابت کردیا کہ نفرت کی جنگ کو محبت سے جیتا جاسکتا ہے۔

    تفصیلات کے مطاقببرطانوی شہزادے ولیم نے کرائسٹ چرچ کی النور مسجد کا دورہ کیا اور کرائسٹ چرچ میں شہداء کے لواحقین اور زخمیوں سے ملاقات کی، نیوزی لینڈ کی وزیراعظم جیسنڈا آرڈرن بھی ان کے ہمراہ تھی۔

    شہزادہ ولیم نے سانحہ کے شہداء کو خراج عقیدت پیش کیا اور النور مسجد میں اپنے خطاب میں کہاکہ لواحقین کےدکھ درد سمجھ سکتا ہوں ان کے غم میں برابرکہ شریک ہوں ، نیوزی لینڈ نے ثابت کردیا کہ نفرت کی جنگ کو محبت سے جیتا جاسکتاہے ۔

    برطانیہ کے شہزادہ ولیمز نے تمام قسم کی انتہا پسندی کو شکست دینے پر زوردیتے ہوئے کہا نیوزی لینڈ نےحملہ آورکی جانب سے خوف کا ماحول پیدا کرنے کا منصوبہ ناکام بنادیا۔

    شہزادہ ویلم اوروزیراعظم جیسنڈا آرڈرن نے کرائسٹ چرچ حملے میں شہید ہونے والے پاکستانی ہیرو نعیم کی بیوہ امبرین سے بھی ملاقات کی۔

    واضح رہے کہ گزشتہ ماہ 15 مارچ کو نیوزی لینڈ کے شہر کرائسٹ چرچ میں سفیدفام دہشت گرد نے دومساجد میں فائرنگ کرکے 50 افراد کو شہید کردیاتھا، شہید ہونے والوں میں 9 پاکستانی بھی شامل تھے۔

  • شہزادہ ولیم اپنی بیٹی کے کس کام سے پریشان ہیں؟

    شہزادہ ولیم اپنی بیٹی کے کس کام سے پریشان ہیں؟

    بچوں کی تربیت یقیناً ایک مشکل امر ہے چاہے ان کے والدین کسی بڑے  ملک کے شاہی خاندان  کے وارث ہی کیوں نہ ہوں، ایسا ہی کچھ شہزادہ ولیم کے ساتھ بھی ہورہا ہے۔

    حال ہی میں برطانیہ کے شاہی خاندان کے وارث شہزادہ ولیم نے اس بات کا اظہار کیا ہے کہ ان کی بیٹی  شہزادی شارلٹ کا کونسا کام انہیں مشکل لگتا ہے۔

    اکثر والدین بالخصوص والد کے لیے بچوں کی نیپی تبدیل کرنا یا آدھی رات کو نیند سے بیدار ہوکر اپنے روتے ہوئےبچے کو خاموش کرانا ایک مشکل مرحلہ لگتا ہے، لیکن شہزادہ ولیم کے معاملے میں ایسا نہیں ہے۔

    حالانکہ بچوں کی نگہداشت ان کے لیے اتنا مشکل بھی نہیں ہے کہ ان کی اہلیہ کے علاوہ ایک فلم ٹائم ملازمہ بھی شہزادی شارلٹ کے کام انجام دینے کے لیے ہمہ وقت موجود رہتی ہیں، تاہم شہزادہ ولیم اورکیٹ مڈلٹن اپنے آپ کو ایسے والدین ثابت کرنا چاہتے ہیں جنہیں اپنے بچوں کے کام خود کرکے خوشی ملتی ہے۔

    شہزادہ ولیم اکثر شارلٹ کے اسکول کی سرگرمیوں میں بھی حصہ لیتے نظر آتے ہیں لیکن ایک کام ایسا ہےجو ان سے بالکل نہیں ہوپاتا۔

    حال ہی میں بلیک پول کے دورے میں شہزادہ ولیم اپنی بیٹی کے ساتھ پڑھنے والی ایک بچی کے والد سے گفتگو کررہے ت ھے جس نے کہا کہ اسے اپنی بیٹی کے بالوں میں کنگھا کرنا انتہائی مشکل کام ہے۔

    جیسے ہی اس شخص نے یہ بات کہی ، شہزادےکو لگا کہ یہ مسئلہ ان کا بھی ہے ، انہوں نے اس شخص کو مشورہ دیا کہ ’کبھی بھی پونی ٹیل بنانے کی کوشش مت کرنا ۔۔۔ وہ تو خوفناک ہے‘۔

    ان کی بات سن کر شہزادی کیٹ مڈلٹن نے بیچ میں مداخلت کرتے ہوئے کہا کہ’ کیا کبھی آپ نےلہراتے ہوئے بال بنانے کی کوشش کی ہے‘۔ جس پر شہزادے نے مسکراتے ہوئے جواب دیا کہ ’ میں پونی ٹیل بھی بنا سکتا ہوں لیکن اس کی مشق کرنے کے لیے میرے بال اتنے بڑےنہیں ہیں‘‘۔

  • شہزادہ ولیم کے جوتوں میں موجود سوراخ بھی میڈیا سے نہ چھپ سکا

    شہزادہ ولیم کے جوتوں میں موجود سوراخ بھی میڈیا سے نہ چھپ سکا

    لندن : برطانوی شہزادے ولیم نے عالمی اقتصاد کے حوالے سے منعقدہ کانفرنس میں شرکت کی تو ان کے جوتے میں موجود سوراخ میڈیا کی توجہ کا مرکز بن گئے۔

    تفصیلات کے مطابق برطانوی شہزادے ولیم نے سوئٹزرلینڈ کے شہر ڈاوس میں عالمی اقتصاد کے حوالے منعقدہ ایک کانفرنس میں شرکت کی، جہاں ان کے سوراخ والے جوتوں نے بھی میڈیا کی توجہ اپنی جانب مبذول کرلی۔

    غیر ملکی خبر رساں ادارے کا کہنا تھا کہ برطانوی شہزادہ ولیم کے جوتوں میں موجود سوراخ کیمرے کی آنکھ میں محفوظ تو ہوگئے لیکن اس وقت کسی کی توجہ شہزادے کے جوتوں پر نہیں گئی بعدازا معروف امریکی جریدے نے شہزادے کے جوتے میں موجود سوراخ کی خبر شائع کی۔

    غیر ملکی خبر رساں ادارے کا کہنا تھا کہ پرنس ولیم کانفرنس کے موقع پر بیسٹ مین بنے پینٹ کوٹ زیب تن کیے شریک ہوئے۔

    کانفرنس میں موجود میڈیا نے شہزادہ ولیم کے جوتے کے سول میں موجود سوراخ کو عقابی نگاہ سے دیکھتے ہوئے کیمرے کی آنکھ میں قید کرلیا۔

    غیر ملکی خبر رساں اداروں کا کہنا تھا کہ برطانیہ کے شہزادے ولیم کے سوراخ والے جوتوں کی تصاویر سماجی رابطے کی ویب سائٹ پر شائع ہوئی تو سوشل میڈیا صارفین کی جانب سے دلچسپ تبصروں کا سلسلہ شروع ہوگیا۔

    ٹوئٹر پر ایک صارف نے شہزادہ ولیم کے جوتے میں موجود سوراخ کو سوشل میڈیا پر ڈالنے پر کمنٹ کیا کہ شہزادہ ولیم انتہائی اہم گفتگو کررہے ہیں اور آپ جوتوں پر توجہ دے رہے ہیں، کیا آپ سنجیدہ ہیں۔

    مزید پڑھیں : شہزادہ ہیری کے جوتوں میں موجود سوراخ میڈیا کی توجہ کا مرکز بن گئے

    خیال رہے کہ اس سے قبل ایک شادی کی تقریب میں شریک برطانوی شہزادے ہیری کے جوتوں میں‌ موجود سوراخ بھی میڈیا کی توجہ کا مرکز بنے تھے اور شہزادہ ہیری کے سوراخ والے جوتوں پر سماجی رابطوں کی ویب سائٹس پر مزیدار تبصرے سامنے آئے تھے۔