لاہور: حلقہ این اے 120 کے ضمنی الیکشن کیلئے فوج کی نگرانی میں بیلٹ پیپرز کی پرنٹنگ کا کام شروع کر دیا گیا۔
تفصیلات کے مطابق لاہور کے حلقہ این اے 120 کے ضمنی الیکشن کیلئے بیلٹ پیپرز کی پرنٹنگ فوج کی نگرانی میں شروع کر دی گئی ہے جبکہ ترسیل بھی پاک فوج کی نگرانی میں ہوگی۔
ذرائع کے مطابق مجموعی طور پر 3 لاکھ 35 ہزار 700 بیلٹ پیپرز پرنٹ کئے جائیں گے۔ جن کی چھپائی کا عمل پرنٹنگ کارپوریشن آف پاکستان سر انجام دے رہا ہے۔
بیلٹ پیپرز کی ترسیل 14 ستمبر کو ڈی آر این اے 120 کے دفتر میں فوج کی نگرانی میں کی جائے گی جبکہ 16 ستمبر کو دیگر الیکشن میٹیریل کے ساتھ بیلٹ پیپرز بھی پریزائیڈنگ افسران کے حوالے کئے جائیں گے۔
خیال رہے کہ این اے 120 ضمنی الیکشن کیلئے پولنگ 17 ستمبر کو ہوگی، اس حلقے میں پاکستان تحریک انصاف ، مسلم لیگ ن پاکستان پیپلزپارٹی سمیت 44 امیدواروں میدان میں ہیں۔
