ممبئی: آنجہانی سری دیوی کی زندگی اور موت سے متعلق بنائی جانے والی فلم کا ٹریلر آتے ہی تنازع کا شکار ہوگیا، اداکارہ کے شوہر بونی کپور نے ہدایت کار کو قانونی نوٹس ارسال کردیا جبکہ فلم میں پریا پرکاش مرکزی کردار ادا کررہی ہیں۔
تفصیلات کے مطابق ملیالم زبان میں گزشتہ برس ریلیز ہونے والی فلم ’اورو آدارلو‘ میں مرکزی کردار ادا کرنے والی پریا پرکاش واریئر نے گانے میں دل لبھانے کی ادائیں دکھا کر ہزاروں لوگوں کی توجہ اپنی جانب کھینچ لی تھی وہی اس فلم میں مرکزی کردار ادا کررہی ہیں۔
گزشتہ برس فلم کی ریلیز سے قبل وہ اپنے ویڈیو کلب کی وجہ سے شہرت کی بلندیوں پر پہنچ گئیں تھیں اور اُن کے بارے میں بالی ووڈ اداکار رشی کپور نے بھی کامیاب اداکارہ بننے کی پیش گوئی کی تھی۔ سوشل میڈیا پر اپنی رومانوی ویڈیو کے ذریعے مقبولیت حاصل کرنے اور لاکھوں فلمی مداحوں کی توجہ اپنی جانب مبذول کرانے والی اداکارہ پریا پرکاش ایک بار پھر موضوع بحث بن گئیں۔
مزید پڑھیں: سری دیوی کی بیٹی کا آنجہانی ماں کو جذباتی خط
گزشتہ برس ممبئی کے ہوٹل میں اچانک انتقال کرنے والی بالی ووڈ اداکارہ کی زندگی اور موت پر بننے والی بالی ووڈ فلم کا ٹریلر ریلیز کردیا گیا، پریا پرکاش آنجہانی اداکارہ کا کردار ادا کر کے بالی ووڈ میں ڈیبیو کررہی ہیں۔
اس فلم کو ’سری دیو بنگالو‘ کا نام دیا گیا جس میں آنجہانی اداکارہ کی زندگی کے مختلف پہلوؤں اور بالخصوص موت کے منظر کو دکھایا گیا کہ وہ کیس غسل خانے کے ٹب میں ڈوب کر مر گئی تھیں۔
دوسری جانب سری دیوی کے شوہر بونی کپور نے فلم ڈائریکٹر کو قانونی نوٹس بھیجنے کا اعلان کرتے ہوئے کہا کہ ’کسی کو یہ حق نہیں پہنچتا وہ اداکارہ کی زندگی سے متعلق کوئی فلم بنا اجازت کے بنائے، یہ نا صرف خاندان بلکہ مداحوں کے لیے بھی تکلیف دہ عمل ہے‘۔
مزید پڑھیں: چاہتی ہوں لوگ آنکھ مارنے والی لڑکی کے طور پر نہ پہچانیں، پریا پرکاش
فلم ڈائریکٹر پرشانت مامپولے نے بونی کپور کی جانب سے بھیجے جانے والے قانونی نوٹس ملنے کی تصدیق کرتے ہوئے کہا کہ ’میری بونی کپور سے بات ہوئی جس میں انہیں بتا دیا کہ ہم نے اداکارہ کی زندگی سے متعلق کوئی منفی پہلو نہیں دکھایا، سری دیوی ایک نامور اداکارہ اور خاتون تھیں اُن کی زندگی کے بارے میں جاننا ہر کسی کی خواہش ہے۔
ڈائریکٹر نے اس بات کی تصدیق بھی کی کہ فلم کی شوٹنگ لندن میں جاری ہے، ہم ’سری دیو بنگلو‘ کو رواں سال ہی ریلیز کرنے کی کوشش کریں گے۔
واضح رہے کہ گذشتہ برس ملیالم فلم میں شامل گانے کا ایک چند سیکنڈ کا کلپ وائرل ہوا تھا جس میں ایک لڑکی اور لڑکے کی چھیڑ چھاڑ کو دکھایا گیا۔منظر کو عکس بند کرنے میں شوخیاں، نادانیاں اور معصومیت کا عنصر شامل تھا جس نے صرف بھارت ہی نہیں بلکہ دنیا بھر کے صارفین کو متاثر کیا۔
ویڈیو دیکھیں: پریا پرکاش پاکستانی گانے پر جھوم اٹھیں، ویڈیو وائرل
اسے بھی دیکھیں: نٹ کھٹ پریا پرکاش کا دل کش انداز میں سری دیوی کو خراج تحسین، ویڈیو وائرل
وائرل ہونے والے ویڈیو کلپ کے بعد پریا پرکاش کو سوشل میڈیا صارفین نے تلاش کر کے فالو کرنا شروع کیا، محض چند ہی گھنٹوں میں اُن کے انسٹا گرام پر اُن کے فالورز کی تعداد چودہ لاکھ سے تجاوز کرگئی تھی۔
سری دیوی کا بنگالو کا ٹریلر
