Tag: Priyanka Chopra

بالی ووڈ اور ہالی ووڈ کی معروف اداکارہ پرینکا چوپڑا نے ایک عام مگر دل کو چھو لینے والا واقعہ اپنے مداحوں کے ساتھ شیئر کیا ہے۔

بھارتی میڈیا کے مطابق اداکارہ پرینکا چوپڑا ہدایت کار ایس ایس راجامولی کے ساتھ اپنی اگلی فلم کی شوٹنگ میں مصروف ہیں، بدھ کے روز اداکارہ نے اپنے انسٹاگرام اکاؤنٹ پر سیٹ کی چند تصاویر شیئر کی اور بتایا کہ وہ پچھلے کچھ دن سے بھارت کے شہر اڈیشہ میں رہ رہی ہیں، تاہم ان کے ساتھ وشاکھاپٹنم ہوائی اڈے کے راستے میں یہ ایک چھوٹا سا واقعہ پیش آیا جس نے انہیں ‘بہت متاثر’ کر دیا، اور اب اداکارہ نے اس کہانی کو اپنے مداحوں کے ساتھ شیئر کی ہے۔

 

View this post on Instagram

 

A post shared by Instant Bollywood (@instantbollywood)

انسٹاگرام اسٹوری پر ایک ویڈیو شیئر کی جس میں پریانکا چوپڑا نے اس واقعہ کا ذکر کیا جو ان کے دل کو چھو گیا، میں اس طرح کبھی ویڈیو بنا کر شیئر نہیں کرتی لیکن آج میں ایک خاتون سے بہت متاثر ہوئی۔

اداکارہ کے مطابق”میں ممبئی سے وشاکاپٹنم جاتے ہوئے گاڑی چلا رہی تھی، راستے میں ایک عورت کو میں نے امرود بیچتے دیکھا، مجھے کچے امرود بے حد پسند ہیں اس لیے میں نے گاڑی روکی اور اس عورت سے پوچھا کہ ان امرودوں کی قیمت کیا ہے؟ اس نے کہا 150 روپے، میں نے اسے 200 کا نوٹ دیا اور باقی پیسے رکھنے کو کہا کیونکہ میں سمجھ سکتی تھی کہ وہ اپنی روزی روٹی کے لیے محنت کر رہی ہے۔”

پرینکا نے‌حیرت‌کا اظہار کرتے ہوئے کہا لیکن اس عورت نے وہ پیسے اپنے پاس رکھنے کے بجائے تھوڑی دور جا کر دو مزید امرود توڑ کر مجھے دے دیے،  یہ اس بات کی علامت تھی کہ وہ امداد لینے کے بجائے اپنی محنت کا صلہ چاہتی تھی۔

اداکارہ نے‌ لکھا ”یہ لمحہ میرے لیے بہت خاص تھا, میں نے اس عورت کی خودداری دیکھی اور بے حد متاثر ہوئی۔ میں چاہتی ہوں کہ میرے فالوورز اور پرستار بھی اس کہانی سے کچھ سیکھیں۔

بالی ووڈ کی معروف اداکارہ پریانکا چوپڑا کی والدہ مادھو چوپڑا نے انکشاف کیا ہے کہ پریانکا کی کامیابی نے ان کے بیٹے کو کافی نقصان پہنچایا ہے۔

بالی ووڈ کی معروف اداکارہ پریانکا چوپڑا نے جب شوبز انڈسٹری میں اپنے کیریئر کا آغاز کیا تو ان کی عمر 18 سال تھیں، اداکارہ کی والدہ ڈاکٹر مادھو چوپڑا نے اپنی بیٹی کے کیرئیر کے خاظر اپنا ڈاکٹر کا پیشہ چھوڑ دیا تھا۔

اب ایک انٹرویو کے دوران اداکارہ پریانکا چوپڑا کی والدہ نے اپنے بیٹے سدھارتھ چوپڑا کی جدوجہد اور ان کی بہن پریانکا کی کامیابی کے اثرات پر روشنی ڈالتے ہوئے کہا کہ سدھارتھ ابھی نوعمر تھے جب انہیں پرینکا کے ساتھ رہنے کے لیے بیٹے کو گھر میں چھوڑنا پڑا۔

اداکارہ کی والدہ نے کہا کہ سدھارتھ پریانکا کی کامیابی کے باعث ’قربانی کا بکرا‘ بن گیا کیونکہ جب وہ نو عمر تھا تو اس وقت میں پریانکا کے ساتھ تھی اور ان کے والد بھی ڈاکٹر تھے اور اپنے کام میں مصروف تھے، جس کا مطلب ہے سدھارتھ والدین کے بغیر تنہا خود سے بڑا ہوا۔

پریانکا کی والدہ نے مزید کہا کہ میں اپنے بیٹے کو ہر روز جدوجہد کرتے ہوئے دیکھتی ہوں، اور دل ہی دل میں کہتی ہوں کہ خدا نے جو عطا کیا ہے اس پر ہمیں شکر ادا کرنا چاہیے۔

پریانکا کی والدہ مدھو چوپڑا نے مزید کہا کہ میرے دونوں بچے بہت عظیم ہیں، جو مجھ سے محبت کرتے ہیں اور میرا خیال رکھتے ہیں۔

خیال رہے کہ پریانکا چوپڑا کے بھائی سدھارتھ چوپڑا نے حال ہی میں دوسری  منگنی کی ہے اس سے قبل 2019 میں وہ اشتیا کمار سے منسلک تھے مگر شادی سے قبل ہی ان کی منگنی ختم ہوگئی تھی۔