ARYNews.tv | Urdu – Har Lamha Bakhabar

Tag: Priyanka Chopra

  • ’پریانکا کو پاکستان بھیج دو‘ انتہا پسند ہندوؤں کی پکار

    ’پریانکا کو پاکستان بھیج دو‘ انتہا پسند ہندوؤں کی پکار

    ممبئی: بالی ووڈ کی اسٹائلش اداکارہ پریانکا چوپڑا کے خلاف امریکی ٹی وی سیریز ’کوانٹیکو‘ کی تازہ قسط کی کہانی کے سلسلے میں انتہا پسند ہندوؤں نے شدید احتجاج شروع کردیا ہے۔

    تفصیلات کے مطابق بین الاقوامی سطح پر مشہور بھارتی اداکارہ پریانکا چوپڑا امریکی ٹی وی شو ’کوانٹیکو سیزن 3‘ میں بھارتیوں کو دہشت گرد دکھائے جانے پر سخت مشکلات میں گھر گئی ہیں، مداحوں کا کہنا ہے کہ پریانکا کو پاکستان بھیج دیا جائے۔

    امریکی ٹی وی شو، جس میں سابقہ ملکہ حسن مرکزی کردار نبھا رہی ہیں، کی تازہ قسط میں بھارتی قوم پرستوں کو دہشت گردی کے ایک ایسے واقعے کی منصوبہ بندی کرتے دکھایا گیا ہے جس کا الزام بعد میں پاکستان پر تھوپا جانا تھا۔

    کوانٹیکو کی تازہ قسط کے خلاف سخت آن لائن احتجاج کے بعد امریکی ٹی وی اسٹوڈیو اے بی سی کو باضابطہ طور پر بھارتیوں سے معافی بھی مانگنی پڑی۔

    دو روز قبل اے بی سی کی طرف سے آفیشل معافی کے بعد انتہا پسند تنظیم ’ہندو سینا‘ نے اداکارہ پریانکا چوپڑا کے خلاف منظم احتجاج کا سلسلہ شروع کردیا ہے، انتہا پسند گروپ کا کہنا ہے کہ پریانکا نے ہندوؤں کو دہشت گرد دکھا کر تذلیل کی ہے۔

     پریانکا کے خلاف احتجاج کے دوران ان کی تصاویر بھی جلائی گئیں، مظاہرین نے پلے کارڈز اٹھارکھے تھے جن پر لکھا تھا پریانکا غدار ہے، اسے پاکستان بھیج دیا جائے۔ خیال رہے کہ بھارتی اسٹار اداکارہ کو اپنے ہم وطنوں سے معافی بھی مانگنی پڑی۔

    پریانکا چوپڑا نے گزشتہ روز اپنے ٹوئٹر اکاؤنٹ پر لکھا کہ مجھے سخت دکھ ہوا اور میں معذرت خواہ ہوں کہ کوانٹیکو کی تازہ قسط کے باعث لوگوں کے جذبات مجروح ہوئے۔ میں نے یہ جان بوجھ کرنہیں کیا، نہ ہی ایسا کبھی کروں گی، مجھے بھارتی ہونے پر فخر ہے اور ہمیشہ رہے گا۔

    کوانٹیکو کی تازہ قسط چلنے پر پریانکا کو اپنے مداحوں کی جانب سے سخت حملوں کا سامنا ہے، چند مداحوں نے ان کے کام کا بائی کاٹ کرنے کی دھمکی بھی دے دی ہے اور کہا ہے کہ وہ جن برانڈز کی تشہیر کرتی ہیں ان کا بھی بائی کاٹ کیا جائے۔

    کوانٹیکو کی عکس بندی: پریانکا گھٹنے کی ہڈی تڑوا بیٹھیں

    مداحوں نے حکومت سے بھی مطالبہ کیا ہے کہ ٹی وی شو کے اُن مناظر کو بلیک آؤٹ کیا جائے جن میں نیو یارک میں جوہری بم پھاڑنے کی منصوبہ بندی کرنے والے کو بھارتی قوم پرست دکھایا گیا ہے۔

    انتہا پسند تنظیم ’ہندو سینا‘ نے ایک پریس ریلیز جاری کرتے ہوئے کہا ہے کہ ایک ایسی عورت جو ایک بھارتی آرمی آفیسر کی بیٹی ہے اور مس ورلڈ رہی ہے، اور اقوام متحدہ کی سفیر بھی ہے، نے اپنے ملک کو محض چند پیسوں کے لیے بدنام کرنے کی کوشش کی ہے۔

  • بھارتی دہشت گردی اور پاکستان پر الزام، چہرہ بے نقاب کرنے پر پریانکا زیرعتاب

    بھارتی دہشت گردی اور پاکستان پر الزام، چہرہ بے نقاب کرنے پر پریانکا زیرعتاب

    نیویارک: بالی ووڈ کی کامیاب ترین اداکارہ پریانکا چوپڑا نے دہشت گردی سے متعلق بھارت کا مکروہ چہرہ بے نقاب کیا تو بھارتی تلملا اٹھے اور انہوں نے طوفانِ  کھڑا کردیا۔

    تفصیلات کے مطابق بھارتی فلموں میں شاندار اداکاری دکھانے کے بعد ہالی ووڈ انڈسٹری میں جگہ بنانے والی پریانکا چوپڑا امریکی ٹی وی شو ’کوانٹیکو‘ کے ذریعے بھی صلاحیتوں کا لوہا منوار رہی ہیں جس کی تازہ قسط نے بھارتیوں کو بھڑکا کے رکھ دیا۔

    ٹی وی شو کی تازہ قسط میں ایک ایسا منظر  دکھایا گیا کہ نیویارک کے علاقے مین ہیٹن میں کچھ بھارتی حملہ کرتے ہیں اور اُن کا پلان یہ ہوتا ہے کہ دہشت گردی کا الزام پاکستان پر عائد کیا جائے۔

    پریانکا نے بھارت کا اصلی چہرہ بے نقاب کیا تو انڈین شہری اور خصوصاً ہندو مذہب سے تعلق رکھنے والے لوگ سیخ پا ہوگئے اور انہوں نے سوشل میڈیا پر شدید احتجاج کرتے ہوئے پروگرام کے بائیکاٹ کا اعلان کیا۔

    مزید پڑھیں: پریانکا چوپڑا شوٹنگ کے دوران زخمی، گھٹنے پر فریکچر

    ہندو امریکن نامی ٹویٹر سے پیغام شیئر کیا گیا کہ ’پریانکا نے اس حرکت کے ذریعے ہندوؤں پر بہت زیادہ سنگین حملہ کیا اور حاص طور پر اُن ہندو کو نشانہ بنایا جو امریکا میں مقیم ہیں، ایسے پروگراموں کا مکمل بائیکاٹ کرنا چاہیے‘۔

     

    روزی نامی صارف نے تنقید کرتے ہوئے کہا کہ ’پریانکا کو کس طرح کوانٹیکو کا مرکزی کردار دیا گیا، یہ اس بات سے واضح ہوتا ہے کہ انہوں نے بالی ووڈ میں کس طریقے سے کام کر کے اپنی جگہ بنائی‘۔

    سوشل میڈیا پر ادکارہ کے خلاف   کے نام سے ہیش ٹیگ چلایا گیا جو اب تک ٹرینڈنگ پر موجود ہے۔

    یاد رہے کہ پریانکا چوپڑا کو سماجی رابطوں کی دنیا میں مقبول شخصیت سمجھا جاتاہے، اس لیے وہ کنگ خان اور دبنگ خان جیسے سنیئر و باصلاحیت اداکاروں کے مد مقابل نظر آتی ہیں۔

    خیال رہے کہ برطانوی جریدے فوربز میگزین میں بالی ووڈ اداکارہ پریانکا چوپڑا کا نام زیادہ کمانے والے اداکاروں کی فہرست میں آٹھویں نمبر جبکہ جرمنی سے شائع ہونے والی 100 بااثر خواتین کی فہرست میں اُن کا 97واں نمبر آیا تھا۔

    یہ بھی پڑھیں: پریانکا چوپڑا غصے سے آگ بگولا، گلاس اپنے سر پر دے مارا، ویڈیو وائرل

    یاد رہے کہ پریانکا نے گزشتہ برس ہالی ووڈ فلم ہاؤس آف کارڈ میں رابن ورتھ کے ساتھ مرکزی کردار عمدہ طریقے سے نبھایا تھا، جسے مداحوں نے بہت پسند کیا اور فلم نے باکس آفس پر کامیابی کے جھنڈے لہرائے تھے۔

    بھارتی اداکارہ پریانکا چوپڑا یونیسیف کی خیر سگالی سفیر ہیں وہ دنیا بھر میں تعلیم کے فروغ کے لیے کام سرگرم ہیں اور چند روز قبل شام سے اردن ہجرت کرنے والے مہاجرین کے کیمپس میں متاثرہ بچوں سے ملاقاتیں بھی کیں تھیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پریانکا چوپڑا نے شاہی شادی میں مدعو ہونے کی تصدیق کردی

    پریانکا چوپڑا نے شاہی شادی میں مدعو ہونے کی تصدیق کردی

    برطانوی شاہی خاندان کے چھوٹے شہزادے ہیری اگلے ماہ امریکی اداکارہ میگھن مرکل سے رشتہ ازدواج میں بندھنے جارہے ہیں۔ اداکارہ کی بہترین دوست اور بالی ووڈ کی معروف اداکارہ پریانکا چوپڑا نے شاہی شادی میں مدعو کیے جانے کی تصدیق کردی ہے۔

    امریکی جریدے سے گفتگو کرتے ہوئے معروف بالی ووڈ اداکارہ پریانکا چوپڑا نے بتایا کہ انہیں شاہی شادی میں شرکت کا دعوت نامہ موصول ہوچکا ہے۔

    پریانکا چوپڑا امریکی ٹی وی سیریز کوانٹیکو اور ہالی ووڈ فلم بے واچ میں کام کرچکی ہیں۔ میگھن مرکل سے ان کی پہلی ملاقات ایک تقریب میں ہوئی جس کے بعد وہ دونوں بہت اچھی دوستیں بن گئیں۔

    پریانکا چوپڑا کا کہنا ہے کہ وہ اپنی دوست کے لیے بہت خوش ہیں۔ ’میں اسے 3 سال سے جانتی ہوں۔ وہ ایک مضبوط اور پرعزم عورت ہے‘۔

    وہ کہتی ہیں کہ میگھن کو صرف یہ کہہ کر نہیں پکارا جاسکتا کہ یہ شہزادے کی گرل فرینڈ ہے، ’اس کی ایک اپنی مضبوط شخصیت ہے جو اس پہچان سے کہیں زیادہ ہے‘۔

    گو کہ شاہی شادی میں ایک مہینے سے بھی کم وقت رہ گیا ہے تاہم پریانکا چوپڑا کے مطابق انہوں نے شادی میں پہننے کے لیے تاحال لباس کا انتخاب نہیں کیا۔

    خیال رہے کہ شہزادہ ہیری اور میگھن مرکل 19 مئی کو شادی کے بندھن میں بندھ جائیں گے۔ ان کی شادی میں برطانوی وزیر اعظم تھریسا مئے اور امریکی صدر ڈونلڈ ٹرمپ کو بھی مدعو نہیں کیا گیا۔

    شاہی شادی میں صرف خاص مہمانوں کو مدعو کیا گیا ہے جن کی تعداد 600 کے قریب ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سنیل گروور اب سلمان خان اور پرینکا چوپڑا کے ساتھ فلم ’بھارت‘ میں نظر آئیں‌ گے

    سنیل گروور اب سلمان خان اور پرینکا چوپڑا کے ساتھ فلم ’بھارت‘ میں نظر آئیں‌ گے

    ممبئی: بالی ووڈ کے معروف کامیڈین اداکار سنیل گروور اب سلمان خان اور پرینکا چوپڑا کے ساتھ آنے والی فلم ’بھارت‘ میں جلوہ گر ہوں گے۔

    تفصیلات کے مطابق سنیل گروور کو بالی ووڈ کے سلطان کی فلم ’بھارت‘ میں کاسٹ کرلیا گیا ہے جہاں وہ سلمان خان کے قریبی دوست کا کردار ادا کریں گے جب کہ ان کا یہ کردار ان کی اب تک کی تمام فلموں سے دلچسپ اور اہم ہوگا۔

    خیال رہے کہ اداکار سنیل گروور گجنی، ہیروپنتی، ضلع غازی آباد، گبر از بیک اور باغی جیسے کامیاب فلموں میں کام کرچکے ہیں لیکن ان میں وہ مختصر کردار میں ہی دکھائی دیے جب کہ ان کی پہلی فلم ’کافی ود ڈی‘ ناکامی سے دوچار ہوئی تھی تاہم اب وہ فلم ’بھارت‘ میں اپنی اداکاری کے جوہر دکھائیں گے۔

    سابق حسینہ عالم پرینکا چوپڑا اب سپراسٹار سلمان خان کی ہیروئین بنیں‌ گی

    فلم ’بھارت‘ کے ہدایت کار عباس ظفر کا سماجی رابطے کی ویب سائٹ ٹوئٹر پر فلم میں نئے کاسٹ کیے جانے والے اداکار سے متعلق کہنا تھا کہ ہمیں بہت خوشی ہے کہ سنیل گروور ہمارے اس پروجیکٹ کا حصہ ہوں گے، ردعمل میں اداکار نے بھی خوشی کا اظہار کیا۔

    واضح رہے کہ فلم ’بھارت‘ سلمان خان کی اب تک کی سب سے بڑی بجٹ کی فلم ہوگی جو 2018 میں عید کے موقع پر سینما گھروں کی زینت بنے گی۔

    فلم پنڈتوں کے مطابق سنیل گروور کو فلم میں کاسٹ کرنے اور سلمان خان، پرینکا چوپڑا کے فین فالوئنگ کو دکھاتے ہوئے یوں لگتا ہے کہ عباس ظفر کی یہ فلم سپرہٹ ثابت ہوگی، اپنے ایک تازہ بیان میں پرینکا نے فلم کی شوٹنگ کے آغاز اور سلمان خان کے مدمقابل دوبارہ کام کرنے پر خوشی کا اظہار کیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سابق حسینہ عالم پرینکا چوپڑا اب سپراسٹار سلمان خان کی ہیروئین بنیں‌ گی

    سابق حسینہ عالم پرینکا چوپڑا اب سپراسٹار سلمان خان کی ہیروئین بنیں‌ گی

    بولی وڈ: سابق مس ورلڈ پرینکا چوپڑا طویل عرصے بعد دبنگ خان سلمان خان کے مدمقابل جلوہ گر ہوں گے۔

    تفصیلات کے مطابق پرینکا چوپڑا اور سلمان خان عباس ظفر کی فلم آنے والی فلم ’’بھارت‘‘ میں ایک ساتھ دکھائی دیں گے۔ یہ 2014 میں ریلیز ہونے والی مشہور کورین فلم Ode to My Father کا ہندی ورژن ہے۔

    یاد رہے کہ سلمان خان کا شمار اس عہد کے کامیاب ترین اداکاروں میں ہوتا ہے، ان کی آخری فلم ’’ٹائیگر زندہ ہے‘‘ نے بڑے پردے پر شان دار بزنس کیا تھا۔

    دوسری طرف پرینکا چوپڑا کی گنتی اب بین الاقوامی اسٹارز میں ہونے لگی ہے، وہ ہالی وڈ میں بھی جلوے دکھائی چکی ہیں، فلم ”بے واچ“ میں پرینکا منفی کردار میں دکھائی دی تھیں۔ اس کے علاوہ وہ امریکی ٹی وی سیریز ”کوانٹیکو“ میں بھی مرکزی کردار نبھا رہی ہیں، جس کا تیسرا سیزن 26 اپریل سے اے بی سی پر شروع ہو رہا ہے۔

    فلم پنڈتوں کے مطابق سلمان خان کے فین فالوئنگ اور پرینکا کی بین الاقوامی شہرت کو دکھاتے ہوئے یوں لگتا ہے کہ یہ عباس ظفر کی فلم سپرہٹ ثابت ہوگی۔اپنے ایک تازہ بیان میں پرینکا نے فلم کی شوٹنگ کے آغاز اور سلمان خان کے مدمقابل دوبارہ کام کرنے پر خوشی کا اظہار کیا ہے۔

    فلمی پنڈت اس فلم سے متعلق بہت پرامید ہیں، توقع کی جارہی ہے کہ فلم بلاک بسٹر ثابت ہوگی۔ یاد رہے کہ پرینکا آخری بار 2016میں ریلیز ہونے والے جے گنگا جل میں نظر آئی تھیں۔

    جیل سے نکلتے ہی سلمان خان ریس تھری کے سیٹ پر پہنچ گئے

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کنگ خان کی ’ڈان 3‘ دپیکا اِن پریانکا آؤٹ؟

    کنگ خان کی ’ڈان 3‘ دپیکا اِن پریانکا آؤٹ؟

    ممبئی: بالی ووڈ اداکار شاہ رخ خان کی نئی آنے والی فلم ڈان 3 کی کاسٹ سے پریانکا چوپڑا باہر ہوگئیں جبکہ ممکنہ طور پر ان کی جگہ کنگ خان کے ہمراہ دپیکا پڈوکون مرکزی کردار ادا کرتی نظر آئیں گی۔

    تفصیلات کے مطابق ڈائریکٹر آنند ایل رائے ان دنوں شاہ رخ خان، کترینا کیف اور انوشکا شرما کے ہمراہ بنائی جانے والی فلم زیرو کی تکمیل میں مصروف ہیں۔

    آنند ایل رائے نے زیرو کی ریلیز کے بعد آئندہ سال فلم ڈان 3 کی شوٹنگ کے آغاز کا عندیہ دے دیا ساتھ ہی انہوں نے کہا کہ اس بار شاہ رخ کے خان کے ہمراہ پریانکا چوپڑا مرکزی کردار ادا نہیں کریں گی۔

    فلمی پنڈٹ رمیش بالا نے سماجی رابطے کی ویب سائٹ ٹویٹر پر فلم ڈان 3 کی آئندہ سال شوٹنگ کے آغاز کا پہلے ہی بتادیا تھا ان کا یہ بھی کہنا تھا کہ فلم کی شوٹنگ دبئی اور ابو ظہبی میں ہوگی جبکہ اس بار پریانکا کی جگہ نئی ہیروئن کا انتخاب کیا جائے گا۔

    واضح رہے کہ ڈان سیریز کی پہلی دونوں فلمیں کامیابی سے ہمکنار ہوئی تھیں، ڈان فلم کے پہلے دونوں پارٹ  میں پریانکا چوپڑا نے مرکزی کردار ادا کیا تھا۔

    کمر کی تکلیف نے دیپکا کو انڈسٹری سے باہر کر دیا

    دپیکا پڈوکون اس سے قبل کنگ خان کے ہمراہ فلم اوم شانتی اوم، چنائی ایکسپریس اور ہیپی نیو ایئر میں اداکاری کے جوہر دکھا چکی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • رقم کی عدم ادائیگی، پریانکا کا عدالت جانے کا اعلان

    رقم کی عدم ادائیگی، پریانکا کا عدالت جانے کا اعلان

    ممبئی: بالی وڈ کی مقبول اداکارہ پریانکا چوپڑا نے رقم کی عدم ادائیگی پر عدالت جانے کا فیصلہ کر لیا، اداکارہ کا کہنا ہے کہ انہوں نے اشتہار میں کام کیا جس کا معاوضہ ایک سال گزرنے کے بعد بھی نہیں ادا کیا گیا۔

    تفصیلات کے مطابق معروف تاجر نیرو مودی نے گزشتہ سال اپنی کمپنی کے اشتہار کے لیے اداکارہ پریانکا اور نوجوان اداکار سدھارتھ ملہوترا کاسٹ کیا مگر ایک سال گزر جانے کے بعد بھی دونوں کو معاوضہ ادا نہیں کیا۔

    پریانکا چوپڑا دنیا کی 100 بااثر خواتین میں شامل

    بھارتی میڈیا کے مطابق پریانکا چوپڑا نے متعدد بار مالک سے رقم کا مطالبہ کیا مگر انہیں معاوضہ نہ مل سکا جس پر  اداکارہ نے پروجیکٹ کے مالک پر برہمی کا اظہار کرتے ہوئے عدالت جانے کا فیصلہ کیا۔

    واضح رہے کہ نیریو مودی پر پہلے ہی الزام ہے کہ وہ بھارت کے دوسرے سب سے بڑے پنجاب نیشنل بینک سے 11 ہزار کروڑ روپے کی دھوکا کرچکے ہیں۔

    بینک ترجمان کے مطابق نیریو مودی تین کمپنیوں کے مالک ہیں جس میں ان کے خاندان کے شیئرز بھی شامل ہیں، انہوں نے غیر قانونی اور دھوکا دہی سے آمدن سے زائد منافع کمایا اور بینک سے قرضہ بھی حاصل کیا جس کی اب تک ادائیگی نہیں کی گئی۔

    پریانکا چوپڑا زیادہ کمانے والے اداکاروں کی فہرست میں شامل

    واضح رہے کہ بھارتی اداکارہ پریانکا چوپڑا یونیسیف کی خیر سگالی سفیر ہیں وہ دنیا بھر میں تعلیم کے فروغ کے لیے کام سرگرم ہیں اور گذشتہ سال شام سے اردن ہجرت کرنے والے مہاجرین کے کیمپس میں متاثرہ بچوں سے ملاقاتیں بھی کیں تھیں۔

    خیال رہے سال 2017 میں برطانوی جریدے فوربز کی جانب سے جاری کردہ دنیا کی 100 بااثر خواتین کی فہرست میں بالی وڈ اداکارہ پریانکا چوپڑا کا نام بھی شامل ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پریانکا چوپڑا چلتی گاڑی سے گر گئیں، ویڈیو وائرل

    پریانکا چوپڑا چلتی گاڑی سے گر گئیں، ویڈیو وائرل

    ممبئی: بالی ووڈ اداکارہ پریانکا چوپڑا چلتی گاڑی سے گرنے کی ویڈیو سوشل میڈیا پر وائرل ہوگئی۔

    بھارتی میڈیا کے مطابق پریانکا چوپڑا ان دنوں نیویارک میں موجود ہیں اور اپنے مقبول ترین سیریل ’کوانٹیکو‘ کے تیسرے سیزن کی شوٹنگ میں مصروف ہیں۔

    سخت شیڈول کے باوجود پریانکا اپنے مداحوں کو یاد رکھتی ہیں اور یہی وجہ ہے کہ انہوں نے سوشل میڈیا پر ایک ویڈیو شیئر کی ہے جس میں وہ اپنے شو کوانٹیکو میں شامل ساتھی اداکار روشیل چلتی گاڑی میں ہنسی مذاق کرتے نظر آرہے ہیں۔

    ویڈیو میں دیکھا جاسکتا ہے کہ پریانکا چلتی گاڑی کے دروازے پر لٹکی ہوئی ہیں اور روشیل انہیں پکڑ کر بچانے کی کوشش کررہے ہیں لیکن وہ پریانکا کو بچانہیں پائے اور پریانکا چلتی گاڑی سے گر گئیں۔

     

    تاہم گھبرانے کی کوئی بات نہیں ہے اداکارہ پریانکا چوپڑا کی یہ ویڈیو ان کے سیریل ’کوانٹیکو‘ کا ایک سین ہے جس کی شوٹنگ جاری تھی اور پریانکا چوپڑا چلتی گاڑی میں نہیں بلکہ رکی ہوئی گاڑی میں کھڑی تھیں جبکہ پیچھے صرف اسکرین چل رہی تھی، جسے دیکھ کر ایسا لگ رہا تھا جیسے گاڑی چل رہی ہو۔

    یہ پڑھیں: پریانکا چوپڑا دنیا کی 100 بااثر خواتین میں شامل

    واضح رہے کہ اس سے قبل پریانکا چوپڑا نے ایک اور اعزاز حاصل کیا تھا، پریانکا کو دنیا کی 100 بااثر خواتین کی فہرست میں شامل کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پریانکا چوپڑا دنیا کی 100 بااثر خواتین میں شامل

    پریانکا چوپڑا دنیا کی 100 بااثر خواتین میں شامل

    لندن : بالی ووڈ کی مشہور اداکارہ پریانکا چوپڑا نے ایک اور اعزاز اپنے نام کرلیا ، پریانکا کو دنیا کی 100 با اثرخواتین میں شامل کرلیا گیا ہے۔

    تفصیلات کے مطابق برطانوی جریدے فوربز کی جانب سے دنیا کی 100 بااثر خواتین کی فہرست جاری کی گئی ، جس میں بالی ووڈ کے بعد ہالی ووڈ میں اپنی صلاحیتوں کا لوہا منوانے والی بالی ووڈ اداکارہ پریانکا چوپڑا کا نام بھی شامل کیا گیا ، پریانکا کا نام 97 ویں نمبر پر ہے۔

    بااثر خواتین کی فہرست میں سب سے پہلے نمبر پر جرمنی کی چانسلر انجیلا مرکل ہیں جب کہ دوسرے نمبر پر برطانوی وزیراعظم تھریسامے اور تیسرے نمبر پر دنیا کی امیر ترین شخصیت بل گیٹس کی اہلیہ میلندا گیٹس ہیں۔

    اس سے قبل  برطانوی جریدے فوربز میں بالی ووڈ اداکارہ پریانکا چوپڑا کا نام زیادہ کمانے والے اداکاروں کی فہرست میں آٹھویں نمبر پر آیا تھا۔

    مزید پڑھیں : پریانکا چوپڑا زیادہ کمانے والے اداکاروں کی فہرست میں شامل

    خیال رہے کہ اس وقت پریانکا اپنے ہالی وڈ کے پروجیکٹس کی عکس بندی کے لیے نیو یارک میں مصروف ہیں، جن میں ‘کوائنٹکو سیریز 3’، ‘آ کڈ لائک جیک’ وغیرہ شامل ہیں۔

     

    یاد رہے کہ پریانکا نے گزشتہ برس ہالی ووڈ فلم ہاؤس آف کارڈ میں رابن ورتھ کے ساتھ مرکزی کردار عمدہ طریقے سے نبھایا تھا، جسے مداحوں نے بہت پسند کیا اور فلم نے باکس آفس پر کامیابی کے جھنڈے گاڑے۔

    واضح رہے کہ بھارتی اداکارہ پریانکا چوپڑا یونیسیف کی خیر سگالی سفیر ہیں وہ دنیا بھر میں تعلیم کے فروغ کے لیے کام سرگرم ہیں اور چند روز قبل شام سے اردن ہجرت کرنے والے مہاجرین کے کیمپس میں متاثرہ بچوں سے ملاقاتیں بھی کیں تھیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پریانکا چوپڑا، ملالہ یوسف زئی کی مداح نکلیں

    پریانکا چوپڑا، ملالہ یوسف زئی کی مداح نکلیں

    نیویارک: نوبل امن انعام یافتہ ملالہ یوسف زئی کی بالی وڈ اداکارہ پریانکا چوپڑا سے ملاقات ہوئی، ملالہ یوسف زئی نے کہا کہ یقین نہیں آرہا ہے کہ پریانکا چوپڑا سے ملی ہوں۔

    پریانکا اور ملالہ کی ملاقات نیویارک میں اقوام متحدہ کے جنرل اسمبلی اجلاس میں ہوئی، پریانکا چوپڑا بھی اس ایونٹ میں بچوں خصوصاً لڑکیوں کی تعلیم کی اہمیت اجاگر کرنے کے سلسلے میں موجود تھیں۔

    ملالہ یوسف زئی نے اپنے ٹوئٹر اکاؤنٹ پر بالی وڈ اداکارہ پریانکا چوپڑا کے ساتھ تصویر شیئر کی اور کہا کہ یقین نہیں آرہا ہے کہ پریانکا سے ملی ہوں۔

    پریانکا چوپڑا نے جواب دیتے ہوئے کہا کہ ملالہ کے لیے الفاظ کافی نہیں مجھے بھی یقین نہیں آرہا کہ میں تم سے ملی ہوں، تمہارے اندر کتنا حوصلہ ہے اور تمہارے نام کے ساتھ کتنی کامیابیاں جڑی ہیں، مجھے تم پر بے حد فخر ہے۔

    ٹوئٹ کے علاوہ پریانکا نے اپنے انسٹا گرام پر ملالہ یوسف زئی کے ساتھ تصویر شیئر کی اور کہا کہ ملالہ یوسف زئی دنیا بھر کی خواتین کو خوب متاثر کررہی ہیں۔

    یاد رہے کہ ملالہ یوسف زئی اور بالی وڈ اداکارہ پریانکا چوپڑا دونوں ہی اقوام متحدہ کی خیر سگالی سفیر ہیں اور بچوں کی تعلیم کے حوالے سے آواز اٹھاتی رہتی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔