ARYNews.tv | Urdu – Har Lamha Bakhabar

Tag: psl 10

پاکستان سپر لیگ (پی ایس ایل) پاکستان میں ہر سال کھیلی جانے والی ایک پیشہ ورانہ ٹوئنٹی 20 کرکٹ لیگ ہے۔ اس کا آغاز 2015 میں ہوا تھا اور اس کا انتظام پاکستان کرکٹ بورڈ (پی سی بی) کرتا ہے۔

پی ایس ایل فرنچائز پر مبنی لیگ ہے، جس کا مطلب ہے کہ ٹیمیں پاکستان کے مختلف شہروں کی نمائندگی کرتی ہیں لیکن ان کی ملکیت نجی اداروں کے پاس ہے۔ فی الحال چھ ٹیمیں ہیں:

اسلام آباد یونائیٹڈ
کراچی کنگز
لاہور قلندرز
ملتان سلطانز
پشاور زلمی
کوئٹہ گلیڈی ایٹرز
اس لیگ میں بین الاقوامی اور ملکی دونوں کھلاڑی شامل ہیں۔ یہ ڈبل راؤنڈ رابن فارمیٹ پر مشتمل ہے جس میں ہر ٹیم دوسری ٹیم کے ساتھ دو بار کھیلتی ہے۔ اس کے بعد سرفہرست چار ٹیمیں پلے آف کے لیے کوالیفائی کرتی ہیں، جس میں دو کوالیفائنگ فائنل اور ایک ایلیمینیٹر ہوتا ہے، جس کا اختتام فائنل میچ پر ہوتا ہے۔

پی ایس ایل دنیا کی مقبول ترین ٹی ٹوئنٹی لیگز میں سے ایک بن چکی ہے، جو ایک وسیع مداحوں کی تعداد کو اپنی طرف متوجہ کرتی ہے اور اعلیٰ معیار کی کرکٹ پیش کرتی ہے۔

  • پی ایس ایل 10: اسلام آباد یونائیٹڈ کو بڑا جھٹکا

    پی ایس ایل 10: اسلام آباد یونائیٹڈ کو بڑا جھٹکا

    پی ایس ایل 10 میں کراچی کنگز کے خلاف میچ سے قبل دفاعی چیمپئن اسلام آباد یونائیٹڈ کو بڑا جھٹکا اہم کھلاڑی ٹورنامنٹ سے باہر ہو گیا۔

    پاکستان سپر لیگ 10 کے سنسنی خیز مقابلے جاری ہیں اور آج نیشنل اسٹیڈیم میں لیگ کی سب سے مقبول ٹیم کراچی کنگز اور دفاعی چیمپئن اسلام آباد یونائیٹڈ مدمقابل ہوں گے۔

    تاہم میچ سے قبل اسلام آباد یونائیٹڈ کو بڑا جھٹکا لگا ہے کیونکہ آسٹریلیا سے تعلق رکھنے والے عالمی شہرت یافتہ اؔل راؤنڈر میتھیو شارٹ زخمی ہونے کے باعث پورے ایونٹ سے ہی باہر ہو گئے ہیں۔

    اسلام آباد یونائیٹڈ کے جاری بیان کے مطابق میتھیو شارٹ آئی سی سی چیمپئنز ٹرافی کے باعث ایونٹ سے دستبردار ہوئے۔ پاکستان آمد کے بعد ان کی انجری سے ریکوری بہترین تھی۔

    دفاعی چیمپئن کے مطابق میتھیو شارٹ نے دوبارہ تکلیف محسوس کی جس کی وجہ سے انہوں نے ایونٹ سے دستبردار ہونے کا فیصلہ کیا۔

    اسلام آباد یونائیٹڈ اور کرکٹ آسٹریلیا کے میڈیکل اسٹاف نے مشترکہ طور پر نوجوان آل راؤنڈر کی دستبرداری کا فیصلہ کیا، جس کے بعد میتھیو شارٹ اپنے وطن روانہ ہو گئے ہیں اور وہ وہاں کرکٹ آسٹریلیا کی نگرانی میں اپنا ری ہیب مکمل کریں گے۔

    https://urdu.arynews.tv/psl-10-karachi-kings-captain-david-warner-3/

  • کراچی کنگز کے کپتان ڈیوڈ وارنر پی ایس ایل 10 ٹرافی جیتنے کیلیے پر عزم

    کراچی کنگز کے کپتان ڈیوڈ وارنر پی ایس ایل 10 ٹرافی جیتنے کیلیے پر عزم

    پاکستان سپر لیگ کی مقبول ترین ٹیم کراچی کنگز کے کپتان ڈیوڈ وارنر نے رواں پی ایس ایل 10 کی ٹرافی جیتنے کے عزم کا اظہار کیا ہے۔

    پاکستان سپر لیگ 10 کے سنسنی خیز مقابلے جاری ہیں اور لیگ کی مقبول ترین ٹیم کراچی کنگز دو میچز جیت کر ایونٹ جیتنے کیلیے فیورٹس ٹیم میں شمار کی جا رہی ہے۔

    کراچی کنگز کے کپتان عالمی شہرت یافتہ کرکٹر ڈیوڈ وارنر بھی پی ایس ایل 10 کی ٹرافی اٹھانے کے لیے پر عزم ہیں اور ان کا کہنا ہے کہ کوشش ہے کہ زیادہ سے زیادہ میچز جیت کر فائنل میں پہنچیں اور پھر فائنل جیت کر ٹرافی بھی جیتیں۔

    ڈیوڈ وارنر نے کہا کہ میری کوشش ہوتی ہے کہ گراؤنڈ میں اچھی کارکردگی دکھا کر وہ کھلاڑیوں بنوں جس سے ٹیم کے دوسرے کھلاڑیوں کو اعتماد ملے۔

    انہوں نے کرکٹ شائقین کو مخاطب کرتے ہوئے کہا کہ فینز اسٹیڈیم آئیں، ٹیم کو سپورٹ کریں اور میچز کو انجوائے کریں۔

    واضح رہے کہ کراچی کنگز ابتدائی تین میچز میں سے دو میچ جیت کر پوائنٹ ٹیبل پر تیسرے نمبر پر موجود ہے۔

    کراچی کنگز نے پی ایس ایل کے رواں سیزن کا آغاز فتح سے کیا اور ابتدائی میچ میں ملتان سلطانز کو چار وکٹوں سے شکست دی تھی۔ دوسرے میچ میں لاہور قلندرز سے ہارنے کے بعد کراچی کے شیروں نے تیسرے میچ میں شاندار کم بیک کرتے ہوئے کوئٹہ گلیڈیئٹرز کو 56 رنزسے ہرایا تھا۔

    کراچی کنگز آج اپنا چوتھا میچ دفاعی چیمپئن اسلام آباد یوئیٹڈ کے خلاف نیشنل اسٹیڈیم میں کھیلے گی۔ میچ رات 8 بجے شروع ہوگا۔

    واضح رہے کہ پاکستان سپر لیگ 10 کے تمام میچز پاکستان کے سب سے پہلے ایچ ڈی اسپورٹس چینل اے اسپورٹس پر براہ راست نشر کیے جا رہے ہیں۔

    https://urdu.arynews.tv/los-angeles-olympics-2028-cricket-matches-venues-announced/

  • ویڈیو : پشاور زلمی کے علی رضا کی چار وکٹوں نے میچ کا پانسہ ہی پلٹ دیا

    ویڈیو : پشاور زلمی کے علی رضا کی چار وکٹوں نے میچ کا پانسہ ہی پلٹ دیا

    ایچ بی ایل پاکستان سپرلیگ (پی ایس ایل) 10کے نویں میچ میں پشاور زلمی نے پہلی کامیابی حاصل کی جبکہ ملتان سلطانز کی یہ تیسری شکست ہے، میچ کی خاص بات فاسٹ بولر علی رضا کی شاندار 4 وکٹیں تھیں۔

    پی ایس ایل 10 کے اس میں میچ میں پشاور زلمی نے ملتان سلطانز کو 120 رنز کے بڑے مارجن سے شکست دے کر پہلی کامیابی سمیٹی، پشاور زلمی کے فاسٹ بولر علی رضا نے 4 بڑے شکار کیے۔

    راولپنڈی میں کھیلے گئے میچ میں زلمی کے کپتان بابر اعظم نے ٹاس جیت کر پہلے بیٹنگ کا فیصلہ کیا۔ پشاور زلمی نے پہلے کھیلتے ہوئے مقررہ 20 اوورز میں 7 وکٹ کے نقصان پر 227 رنز بنائے۔ جواب میں ملتان سلطانز 228 رنز کے ہدف کے تعاقب میں 107رنز پر آؤٹ ہوگئی۔

    مذکورہ میچ میں عارف یعقوب نے تین وکٹیں لیں جبکہ مائیکل اووین نے دو کھلاڑیوں کو پویلین کا راستہ دکھایا، لیکن علی رضا کی 4 وکٹوں نے میچ کا پانسہ ہی پلٹ دیا۔

    پشاور زلمی کے فاسٹ بالر علی رضا نے پہلی وکٹ کامران غلام کی لی جنہوں نے 6 رنز بنائے، اس وقت ملتان سلطان کا مجموعی اسکور 70 رنز تھا اور اس کے 2 کھلاڑی آؤٹ ہوئے تھے۔

    علی رضا نے دوسری وکٹ 84 رنز پر مائیکل بریکسویل کی لی جو صرف 3 رنز بناسکے جبکہ تیسری وکٹ انہوں نے ایشٹن ٹرنر کی لی جو کوئی رن بنائے بغیر ہی پویلین لوٹ گئے جبکہ چوتھی اور شاندار وکٹ انہوں نے افتخار احمد کی لی جب ملتان سلطان کا مجموعی اسکور 92 رنز 7کھلاڑی آؤٹ تھا۔

    علی رضا نے ملتان سلطانز کے خلاف 21 رنز دے کر 4 وکٹیں حاصل کیں اور مخالف ٹیم کی بیٹنگ لائن کی کمر توڑ دی۔

    انہوں نے حقیقی فاسٹ بالنگ کا مظاہرہ کیا اور تیزرفتار گیندیں کرائیں جن کا سامنا کرنے میں بلے بازوں کو مشکلات پیش آئیں، ان کے اسپیل میں تیز رفتاری کے ساتھ ساتھ لائن لینتھ بھی اچھی رہی۔

    کھیل میں مجموعی طور پر پشاور زلمی کی شاندار کارکردگی اور ملتان کی مکمل ناکامی دیکھنے میں آئی، یہ بات شروع سے ہی واضح تھی کہ ہدف حاصل کرنا مشکل ہوگا اور اسی دوران ملتان کی بیٹنگ لائن بھی بکھرتی چلی گئی۔

    مزید پڑھیں :  پشاور زلمی کی پہلی کامیابی، ملتان سلطانز کی تیسری شکست

    میچ بظاہر یکطرفہ ضرور تھا مگر اس میں دلچسپی کا اہم پہلو فاسٹ بالر علی رضا کا وہ اسپیل واقعی قابل دید تھا جس نے شائقین کرکٹ کو داد دینے پر مجبور کردیا۔

  • ’پلاننگ کیسے بتادوں کوئٹہ سے اگلا میچ بھی کھیلنا ہے‘

    ’پلاننگ کیسے بتادوں کوئٹہ سے اگلا میچ بھی کھیلنا ہے‘

    کراچی کنگز کے فاسٹ بولر میر حمزہ کا کہنا ہے کہ پلاننگ کیسے بتادوں کوئٹہ سے اگلا میچ بھی کھیلنا ہے۔

    پی ایس ایل 10 میں کراچی کنگز کے فاسٹ بولر میر حمزہ کا کہنا ہے کہ جیت کی خوشی ہے لیکن کراؤڈ کے لیے ہمیں مزید میچ جیتنا ہوں گے۔

    انہوں نے کہا کہ ڈیوڈ وارنر اچھے کپتان اور ٹیم مین ہیں، ٹیم جیت رہی ہو تو کمبی نیشن اچھا بن جاتا ہے۔

    PSL 10- پی ایس ایل کی تمام خبریں

    دوسری جانب کراچی کنگز کے انگلش بیٹر جیمز ونس نے کہا کہ پچ سلو تھی یہی کوشش کی کہ جتنا لمبا کھیل سکتا ہوں کھیلوں، خوشی ہے کہ پرفارمنس ٹیم کے کام آئی۔

    یہ پڑھیں: پی ایس ایل 10: کراچی کنگز کی دوسری کامیابی، کوئٹہ گلیڈی کو شکست

    واضح رہے کہ گزشتہ روز کراچی کے نیشنل بینک اسٹیڈیم میں کھیلے گئے میچ میں کراچی کنگز کی جانب سے دیے گئے 176 رنز کے تعاقب میں کوئٹہ گلیڈی ایٹرز کی ٹیم 9 وکٹوں کے نقصان پر 119 رنز بناسکی۔

    محمد عامر 30 رنز کے ساتھ نمایاں رہے، کپتان سعود شکیل نے بھی 33 رنز بنائے۔

    کوشل مینڈس 12 رنز بناسکے، حسن نواز ایک، فن ایلن 6 رنز بنا کر پویلین لوٹ گئے، رائلی روسو بھی ایک رن بنا کر آؤٹ ہوئے، فہیم اشرف نے تین رنز بنائے۔

    کراچی کنگز کی جانب سے حسن علی تین وکٹیں حاصل کیں، محمد نبی اور عباس آفریدی نے دو، دو کھلاڑیوں کو آؤٹ کیا۔

  • کراچی کنگز کے میر حمزہ نے گراؤنڈ میں شائقین کی آمد سے متعلق کیا کہا؟

    کراچی کنگز کے میر حمزہ نے گراؤنڈ میں شائقین کی آمد سے متعلق کیا کہا؟

    کراچی : پی ایس ایل 10 کی ٹیم کراچی کنگز کے فاسٹ بالر میر حمزہ کوئٹہ گلیڈیئٹر سے فتح کے بعد شائقین کرکٹ سے پُرامید ہیں۔

    پی ایس ایل ٹین کے اہم میچ میں کامیابی کے بعد میڈیا سے گفتگو کرتے ہوئے میر حمزہ کا کہنا تھا کہ رواں سیزن میں ہم اچھی کرکٹ کھیل رہے ہیں، امید ہے کہ کراچی کنگز کی یہ پرفارمنس دیکھ کر اب شائقین کرکٹ میچ دیکھنے اسٹیڈیم میں آئیں گے۔

    فاسٹ بالر کا کہنا تھا کہ میچ جیتنا ہمارا مقصد ہے اور 2 میچز جیتنے پر بہت خوشی محسوس ہورہی ہے، میچ میں بولنگ اور بیٹنگ سمیت ہماری فیلڈنگ بھی اچھی رہی۔

    میر حمزہ نے کہا کہ ٹیم کی جیت سے کھلاڑیوں کا حوصلہ مزید بڑھ جاتا ہے، ہمارا یہی مقصد تھا کہ 170سے زائد رنز اسکور کرسکیں۔

    کراچی کنگز کے مداحوں کا اظہار مسرت 

    علاوہ ازیں دوسری جانب اے آر وائی نیوز کی رپورٹ کے مطابق ایچ بی ایل پی ایس ایل سیزن10 میں کراچی کنگز کے کم بیک کرنے پر کراچی کے شائقین کرکٹ بہت خوش دکھائی دیے۔

    اے آر وائی نیوز سے گفتگو کرتے ہوئے شائقین نے کراچی کنگز کی تعریف کرتے ہوئے کہا کہ جیمز ونس فیورٹ کپتان ہے،حسن علی کی کارکردگی نے دل خوش کر دیا انہوں نے امید ظاہر کی کہ اس سال کراچی کنگز ہی یہ ٹورنامنٹ جیتے گی۔

  • پی ایس ایل 10: کراچی کنگز کی دوسری کامیابی، کوئٹہ گلیڈی ایٹرز کو شکست

    پی ایس ایل 10: کراچی کنگز کی دوسری کامیابی، کوئٹہ گلیڈی ایٹرز کو شکست

    پی ایس ایل 10 کے آٹھویں میچ میں کراچی کنگز نے کوئٹہ گلیڈی ایٹرز کو 56 رنز سے شکست دے دی۔

    کراچی کے نیشنل بینک اسٹیڈیم میں کھیلے جارہے میچ میں کراچی کنگز کی جانب سے دیے گئے 176 رنز کے تعاقب میں کوئٹہ گلیڈی ایٹرز کی ٹیم 9 وکٹوں کے نقصان پر 119 رنز بناسکی۔

    محمد عامر 30 رنز کے ساتھ نمایاں رہے، کپتان سعود شکیل نے بھی 33 رنز بنائے۔

    کوشل مینڈس 12 رنز بناسکے، حسن نواز ایک، فن ایلن 6 رنز بنا کر پویلین لوٹ گئے، رائلی روسو بھی ایک رن بنا کر آؤٹ ہوئے، فہیم اشرف نے تین رنز بنائے۔

    کراچی کنگز کی جانب سے حسن علی تین وکٹیں حاصل کیں، محمد نبی اور عباس آفریدی نے دو، دو کھلاڑیوں کو آؤٹ کیا۔

     کراچی کنگز نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 175 رنز بنائے اور کوئٹہ گلیڈی ایٹرز کو جیت کے لیے 176 رنز کا ہدف دیا تھا۔

    کپتان ڈیوڈ وارنر نے 27 اور ٹم سائفرٹ نے 31 رنز کی اننگز کھیلی، جیمز ونس 70 رنز بنا کر نمایاں رہے۔

     

    View this post on Instagram

     

    A post shared by Pakistan Super League (@thepsl)

    محمد ریاض اللہ 6 رنز بنا کر آؤٹ ہوئے، خوشدل شاہ ایک اور عرفان خان 17 رنز بنا کر پویلین لوٹ گئے، محمد نبی نے 18 رنز بنائے۔

     

    View this post on Instagram

     

    A post shared by Pakistan Super League (@thepsl)

    کوئٹہ گلیڈی ایٹرز کی جانب سے علی ماجد اور محمد عامر نے دو، دو کھلاڑیوں کو آؤٹ کیا، ابرار احمد،  اور سعود شکیل نے ایک، ایک وکٹ حاصل کی۔

     

    View this post on Instagram

     

    A post shared by Pakistan Super League (@thepsl)

     کراچی کنگز کے کپتان ڈیوڈ وارنر نے ٹاس جیت کر سعود شکیل الیون کو پہلے بولنگ کی دعوت دی تھی۔

    ڈیوڈ وارنر نے کہا کہ پچ دیکھنے میں تھوڑی خشک لگ رہی ہے، اس پچ پر 180 سے زیادہ رنز بہت اچھے ہوں گے۔

    کراچی کنگز میں شان مسعود، عرفان منہاس، ایڈم ملن اور فواد علی کو آرام دیا گیا ہے ان کی جگہ محمد نبی، میر حمزہ، عامر جمال اور ریاض اللہ پلیئنگ الیون کا حصہ ہیں۔

     

    View this post on Instagram

     

    A post shared by Pakistan Super League (@thepsl)

    سعود شکیل کا کہنا تھا کہ ٹاس جیتتے تو ہم بھی پہلے بیٹنگ کرتے، کوشش ہوگی کراچی کنگز کو 160 سے 170 کے اسکور تک محدود رکھیں۔

    واضح رہے کہ پی ایس ایل 10 میں کراچی کنگز نے دو میچ کھیلے ہیں، ایک میں کامیابی اور لاہور قلندرز کے خلاف میچ میں شکست ہوئی۔

    کوئٹہ گلیڈی ایٹرز کو بھی دو میں سے ایک میچ میں شکست کا سامنا کرنا پڑا۔

  • عماد وسیم نے وکٹ لینے کے بعد منفرد انداز میں جشن منانے کی وجہ بتادی

    عماد وسیم نے وکٹ لینے کے بعد منفرد انداز میں جشن منانے کی وجہ بتادی

    پی ایس ایل میں اسلام آباد یونائیٹڈ کے آل راؤنڈر عماد وسیم نے وکٹ لینے کے بعد منفرد انداز میں جشن منانے کی وجہ بیان کردی۔

    پی ایس ایل کے آفیشل یوٹیوب چینل پر انٹرویو دیتے ہوئے 36 سالہ آل راؤنڈر نے انکشاف کیا کہ کس طرح ٹیم کے ساتھیوں اور انتظامیہ کے ساتھ پلے اسٹیشن فیفا سیشنز کے دوران جشن نے ان کو متاثر کیا۔

    انہوں نے کہا کہ ہمارا جشن دراصل انتظامیہ سمیت پوری ٹیم کے ساتھ پہلے سے طے شدہ ہے۔

    عماد وسیم نے کہا کہ ہم اپنا بہت سا وقت فیفا کے ساتھ کھیلتے ہوئے گزارتے ہیں، اس لیے مجھے واضح کرنا ہے کہ یہ بے ترتیب حرکتیں نہیں ہیں، اس سیزن میں ہر کھلاڑی کا اپنا جشن ہے اور میں نے فٹبالرز محمد صلاح اور کائلان ایمباپے کو خراج تحسین پیش کرنے کا انتخاب کیا ہے۔

    آل راؤنڈر نے کہا کہ ہر میچ سے پہلے ہم ایک گروپ کے طور پر فیصلہ کرتے ہیں کہ اگر میں وکٹیں لوں گا تو میں کونسا جشن مناؤں گا، یہ ہماری پرفارمنس سے لطف اندوز ہونا ہے۔

    عماد وسیم نے پی ایس ایل کے تین میچوں میں 6 وکٹیں حاصل کی ہیں اور ایک میچ میں 26 رنز کے دے کر 3 کھلاڑیوں کو بھی آؤٹ کیا۔

  • کراچی کنگز اور کوئٹہ گلیڈی ایٹرز کا ٹاکرا آج ہوگا

    کراچی کنگز اور کوئٹہ گلیڈی ایٹرز کا ٹاکرا آج ہوگا

    پاکستان سپر لیگ ایچ بی ایل پی ایس ایل 10 میں کراچی کنگز اور کوئٹہ گلیڈی ایٹرز کا مقابلہ آج ہوگا۔

    پاکستان سپر لیگ ایچ بی ایل پی ایس ایل 10 میں اسلام آباد یونائیٹڈ ایونٹ میں تین فتوحات کے ساتھ پہلی پوزیشن پر براجمان ہے، لاہور قلندرز کے تین میچز میں چار پوائنٹس اور ٹیبل پر دوسرا نمبر ہے۔

    ملتان سلطانز اور پشاور زلمی کی ٹیمیں تاحال کوئی میچ نہیں جیت سکیں اس لیے پوائنٹس ٹیبل میں پیچھے ہیں۔

    پاکستان میں پی ایس ایل 10 کے سنسنی خیز مقابلے جاری ہیں وہیں بھارت کی لیگ آئی پی ایل بھی کرکٹ شائقین کو تفریح فراہم کررہی ہے دونوں لیگز میں دنیا بھر سے کھلاڑی شرکت کررہے ہیں۔

    شیڈول ایک ساتھ ہونے پر سوشل میڈیا پر دنیا کی بہترین لیگ کے بارے میں بحث شروع ہوگئی ہے۔

    محمد حفیظ بھی پی ایس ایل اور آئی پی ایل کے موازنے کی بحث میں شامل ہوئے ہیں، ایکس پر ایک بھارتی صارف نے سابق کپتان سے پوچھا کہ دونوں لیگز کے درمیان موازنے پر اپنا نقطہ نظر بیان کریں۔

    جواب میں انہوں نے موازنہ کرنے سے انکار کیا اور کہا کہ دونوں لیگز نے شائقین کو خوب تفریح فراہم کی ہے، دونوں کا کوئی موازنہ نہیں ہے۔

    واضح رہے کہ پاکستان سپر لیگ کے 10ویں ایڈیشن کا آغاز 11 اپریل کو رنگا رنگ افتتاحی تقریب سے ہوا اور لیگ 18 مئی تک جاری رہے گی جس میں کل 34 میچز ہوں گے۔

    پی ایس ایل میں لاہور کا قذافی اسٹیڈیم 13 میچوں کی میزبانی کرے گا جس میں دو ایلیمنٹر اور فائنل شامل ہیں۔

    نسیم شاہ کو زیادہ کیا چیز پسند ہے؟ فاسٹ بالر نے بتادیا

    راولپنڈی کرکٹ اسٹیڈیم 11 میچوں کی میزبانی کرے گا جس میں 13 مئی کو پہلا کوالیفائر بھی شامل ہے، جبکہ کراچی کا نیشنل بینک اسٹیڈیم اور ملتان کرکٹ اسٹیڈیم پانچ پانچ میچوں کی میزبانی کریں گے۔

  • دلچسپ ویڈیو: پی ایس ایل کی 10 سالہ تاریخ میں پہلی بار 2 بھائی آمنے سامنے آ گئے! ایک دوسرے کو اشارے

    دلچسپ ویڈیو: پی ایس ایل کی 10 سالہ تاریخ میں پہلی بار 2 بھائی آمنے سامنے آ گئے! ایک دوسرے کو اشارے

    پاکستان سپر لیگ میں سنسنی خیز میچز جاری ہیں تاہم ٹورنامنٹ کی 10 سالہ تاریخ میں پہلی بار دو سگے بھائی آمنے سامنے آئے۔

    یہ واقعہ گزشتہ روز پنڈی میں ملتان سلطانز اور اسلام آباد یونائیٹڈ کے درمیان میچ میں رونما ہوئے جب دو سگے بھائی ایک دوسرے کے مد مقابل آگئے اور ایسا پاکستان سپر لیگ کی 10 سالہ تاریخ میں پہلی بار ہوا۔

    اسلام آباد یونائیٹڈ کی جانب سے جیت کے لیے دیے گئے 203 رنز کے ہدف کے تعاقب میں ملتان سلطان کی ٹیم کے 155 رنز پر 9 کھلاڑی آؤٹ ہوچکے تھے۔ شکست واضح نظر آ رہی تھی تاہم رسم حجت پوری کرنے کے لیے گیارھویں نمبر پر جب ملتان کی جانب سے بیٹنگ کے لیے عبید شاہ کریز پر آئے تو سامنے ان کے بڑے بھائی نسیم شاہ بولنگ کرانے کے لیے موجود تھے۔

    افتخار احمد کے سنگل لینے کے بعد عبید شاہ بیٹنگ اینڈ پر آئے تو اس موقع پر کمنٹیٹر نے دلچسپ تبصرہ کرتے ہوئے کہا کہ نسیم شاہنے اپنے بھائی کو گیند کرانے سے قبل اشارے بھی کیے، تاہم یہ اشارے کیمرے کی آنکھ سے بچ نہ سکے۔

    مذکورہ ویڈیو سوشل میڈیا پر بھی تیزی سے وائرل ہو رہی ہے جس پر شائقین کرکٹ دلچسپ تبصرے کر رہے ہیں۔

    عبید شاہ نے نسیم شاہ کی دو گیندوں کا سامنا کیا تاہم بڑے بھائی اپنے چھوٹے بھائی کو آؤٹ کرنے میں ناکام رہے۔ اٹھارویں اوور کی پانچویں گیند کافی اونچی تھی جو عبید شاہ کے پیر پر لگی جبکہ اگلی یارکر گیند کو دفاعی انداز میں کھیلا۔

     

    واضح رہے کہ یہ میچ اسلام آباد یونائیٹد نے جیت کر اپنی فتوحات کی ہیٹ ٹرک مکمل کی۔

  • اپنی نظر اتارتا رہتا ہوں کیونکہ نظر لگ جاتی ہے: صاحبزادہ فرحان

    اپنی نظر اتارتا رہتا ہوں کیونکہ نظر لگ جاتی ہے: صاحبزادہ فرحان

    اسلام آباد یونائیٹڈ کے کھلاڑی صاحبزادہ فرحان کا کہنا ہے کہ اپنی نظر بھی اتارتا ہوں، کیونکہ نظر لگ جاتی ہے۔

    اسلام آباد یونائیٹڈ کے کھلاڑی صاحبزادہ فرحان نے پریس کانفرنس کے دوران کہا کہ ڈومیسٹک کرکٹ میں کھیلنا اور پرفارمنس دینا ہی کھلاڑی کا کام ہوتا ہے۔

     انہوں نے کہا کہ ڈومیسٹک میں پرفارمنس کے ذریعے ہی پاکستان سپر لیگ میں منتخب کیا گیا ہوں،  رواں سیزن ٹی ٹوئنٹی میں دو سنچریاں کرنے کا ہدف تھا لیکن تین کر لیں۔

    صاحبزادہ فرحان نے کہا کہ ڈومیسٹک کرکٹ کیلئے میں نے پاور ہٹنگ پر بہت محنت کی تھی، اسلام آباد یونائیٹڈ کے لیے ٹاپ آرڈر میں کھیل رہا ہوں، ڈومیسٹک میں بھی اسی نمبر پر کھیلا تھا، قومی ٹیم میں بھی ٹاپ آرڈر میں موقع ملے گا تو پرفارمنس دوں گا۔

    پی ایس ایل10: اسلام آباد یونائیٹڈ نے فتوحات کی ہیٹ ٹرک کرلی

    انہوں نے مزید کہاکہ اسلام آباد یونائیٹڈ ہمیشہ جارحانہ انداز میں کرکٹ کھیلتی ہے، واضح رہے کہ ایچ بی ایل پاکستان سپر لیگ 10 کے ساتویں میچ میں اسلام آباد یونائیٹڈ نے ملتان سلطانز کو 47 رنز سے شکست دی تھی۔

    ایونٹ میں اسلام آباد کی ٹیم اب تک کوئی میچ نہیں ہاری اور مسلسل 3 کامیابیوں کے ساتھ وہ پوائنٹس ٹیبل پر 6 پوائنٹس کے ساتھ ٹاپ پر ہے جبکہ ملتان سلطانز  ایونٹ میں اب تک کوئی کامیابی حاصل نہیں کر سکی اور اسے دونوں میچز میں شکست کا سامنا کرنا پڑا ہے۔