Tag: psl 10

پی ایس ایل 10 میں پشاور زلمی میں کپتان بابر اعظم نے اسلام آباد یونائیٹڈ کے دو آسان کیچز ڈراپ کردیے۔

راولپنڈی میں کھیلے گئے میچ میں اسلام آباد یونائیٹڈ نے مقررہ اوورز میں 5 وکٹوں پر 243 رنز بنائے اور پشاور زلمی کو جیت کے لیے 244 رنز کا ہدف دیا۔

صاحبزادہ فرحان نے شاندار سنچری اسکور کرتے ہوئے 106 رنز بنائے، ان کی اننگز میں 13 چوکے اور 5 بلند و بالا چھکے شامل تھے۔

PSL 10- پی ایس ایل کی تمام خبریں

کولن منرو نے 40 اور سلمان علی آغا 30 رنز کے ساتھ نمایاں رہے، اعظم خان 16 اور جیسن ہولڈر 20 رنز کے ساتھ ناٹ آؤٹ رہے۔

پشاور زلمی کی جانب سے الزاری جوزف اور حسین طلعت نے دو، دو کھلاڑیوں کو آؤٹ کیا۔

تاہم بابر اعظم کے فیلڈنگ کے دوران اسلام آباد یونائیٹڈ کے کھلاڑیوں کے دو آسان کیچز ڈراپ کیے، بابر ایک کیچ باؤنڈری پر چھوڑا اور دوسرا کیچ ہاتھوں سے گرا دیا۔

دوسری جانب سابق کرکٹر باسط علی کا کہنا ہے کہ بابر اعظم ٹی 20 میچ میں بھی سلپ پر آؤٹ ہوئے جس کا مطلب وہ پراعتماد نہیں۔

انہوں نے کہا کہ بابر کے فیصلوں سے ٹیم خراب ہورہی ہے۔

کامران اکمل کا کہنا ہے کہ بابر اعظم نے کم بیک کرلینا ہے، صاحبزادہ فرحان کی اننگز قابل تعریف ہے، ابھی دو میچز ہوئے ہیں کپتان تبدیل کرنے کی ضرورت نہیں۔

پی ایس ایل 10 میں اسلام آباد یونائیٹڈ کے بیٹر صاحبزادہ فرحان نے ٹی 20 کرکٹ میں ویرات کوہلی کا ریکارڈ برابر کردیا۔

راولپنڈی میں کھیلے گئے میچ میں اسلام آباد یونائیٹڈ نے مقررہ اوورز میں 5 وکٹوں پر 243 رنز بنائے اور پشاور زلمی کو جیت کے لیے 244 رنز کا ہدف دیا۔

صاحبزادہ فرحان نے شاندار سنچری اسکور کرتے ہوئے 106 رنز بنائے، ان کی اننگز میں 13 چوکے اور 5 بلند و بالا چھکے شامل تھے۔

انہوں نے ٹی 20 کرکٹ میں چوتھی سنچری بنائی اور ویرات کوہلی کا ریکارڈ برابر کردیا۔

ٹی 20 کرکٹ میں کرس گیل، ویرات کوہلی، جوز بٹلر، شبھمن گل اور صاحبزادہ فرحان چار سنچریاں بنانے والے کھلاڑیوں میں شامل ہیں۔

View this post on Instagram

A post shared by Pakistan Super League (@thepsl)

PSL 10- پی ایس ایل کی تمام خبریں

اس سے قبل نیشنل ٹی 20 کپ کے دوران پشاور ریجن کے ٹاپ آرڈر بیٹر صاحبزادہ فرحان نے ٹی 20 کرکٹ کا نیا قومی ریکارڈ بنایا تھا۔

قومی ایونٹ کے پہلے سیمی فائنل میں صاحبزادہ فرحان نے ایبٹ آباد ریجن کے خلاف سنچری اسکور کی تھی، انہوں نے 58 گیندوں پر 6 چھکوں اور 8 چوکوں کی مدد سے بنائی۔

اس اننگز کے ساتھ صاحبزادہ فرحان نے نیشنل ٹی 20 کپ کی 6 اننگز میں 588 رنز بنالیے ہیں، یوں انہوں نے ایک ایڈیشن میں سب سے زیادہ رنز کا ریکارڈ بنایا۔

اس سے قبل بھی یہ ریکارڈ صاحبزاد فرحان کے ہی نام تھا، انہوں نے پچھلے سیزن میں 12 اننگز میں 492 رنز بنائے تھے۔

سابق کرکٹر باسط علی کا کہنا ہے کہ اگر شعیب ملک کوئٹہ گلیڈی ایٹرز سے کھیل رہے ہیں تو پھر معین خان اور ویوین رچرڈز کو بھی کھیلنا چاہیے۔

پروگرام ’اسپورٹس روم‘ میں گفتگو کرتے ہوئے سابق کرکٹر باسط علی نے کہا کہ کوئٹہ کے کپتان سعود شکیل ہیں وہ میرے ساتھ رہ چکے ہیں جب انہیں کوئی بات غلط لگتی تو وہ بحث کرتے ہیں، شعیب ملک نے 15 گیندوں میں 14 رنز بنائے اور کوئی باؤنڈری نہیں لگائی۔

انہوں نے کہا کہ شعیب ملک بہت بڑے پرفارمر ہیں اس میں کوئی شک نہیں یا تو اسپن وکٹ ہو تو ان کا کھیلنا بنتا ہے، ان کا نمبر 4 پر آنے کا کوئی فائدہ نہیں وہ بڑی ہٹ نہیں مار سکتے۔

PSL 10- پی ایس ایل کی تمام خبریں

باسط علی نے کہا کہ آپ 219 رنز کا تعاقب کررہے ہیں تو بڑی ہٹ لگانی ہے، خواجہ نافع بیٹھے ہیں شعیب ملک کو نہیں کھیلنا چاہیے تھا اگر وہ کھیل رہے ہیں تو پھر معین خان اور ویوین رچرڈز کو بھی کھیلنا چاہیے۔

سابق کرکٹر نے کہا کہ پھر سرفراز احمد کیوں نہیں کھیل رہے تو وہ ان سے زیادہ اچھے ہیں، میں جس سعود شکیل کو جانتا ہوں میرا نہیں خیال کے وہ اگلا میچ کھیلیں گے۔

کامران اکمل نے کہا کہ شعیب ملک کو خود سوچنا چاہیے کہ وہ نوجوان کرکٹر کا راستہ روک رہے ہیں۔

پی ایس ایل سیزن 10 میں لاہور قلندرز کے انگلش بیٹر سیم بلنگز نے عمر اکمل کا 9 سال پرانا ریکارڈ توڑ دیا۔

راولپنڈی میں گزشتہ روز کھیلے گئے میچ میں لاہور قلندرز کے سیم بلنگز نے کوئٹہ گلیڈی ایٹرز کے خلاف برق رفتار نصف سنچری اسکور کی۔

سیم بلنگز نے 19 گیندوں پر 50 رنز بنا کر لاہور قلندرز کی جانب سے پی ایس ایل کی تاریخ کی تیز ترین نصف سنچری بنانے کا ریکارڈ قائم کیا۔

PSL 10- پی ایس ایل کی تمام خبریں

انہوں نے عمر اکمل کا 2016 میں پی ایس ایل کے پہلے سیزن میں بنایا گیا 22 گیندوں پر نصف سنچری کا ریکارڈ توڑا ہے۔

پی ایس ایل میں تیز ترین نصف سنچری کا مجموعی ریکارڈ آصف علی اور رائلی روسو کے پاس ہے دونوں نے 17 گیندوں پر ففٹی بنائی تھی۔

واضح رہے کہ لاہو رقلندرز نے ٹاس جیت کر پہلے بیٹنگ کرتے ہوئے6 وکٹوں پر 219 رنز بنائے۔ 220 رنز کے تعاقب میں کوئٹہ کی ٹیم 17ویں اوور میں 140 رنز پر ڈھیر ہوگئی تھی۔

لاہور قلندرز نے کوئٹہ گلیڈی ایٹرز کو 79 رنز سے شکست دی جبکہ پہلے میچ میں لاہور قلندرز کو اسلام آباد یونائیٹڈ کے ہاتھوں شکست ہوئی تھی۔