Tag: psl 10

پاکستان سپر لیگ (پی ایس ایل) کے سی ای او سلمان نصیر نے واضھ کیا ہے کہ لیگ کے آٗنددہ 11ویں سیزن میں دو نئی ٹیمیں شامل کی جائیں گی۔

سوشل میڈیا پر گردش کرنے والے شہر جن میں حیدرآباد، میرپورخاص، سیالکوٹ اور فیصل آباد شامل ہیں یہ درست نہیں ہے۔

سلمان نصیر ن ےلیگ کی توسیع کی تصدیق کی اور کہا کہ حالیہ رپورٹس میں جن شہروں کا ذکر کیا گیا ہے وہ صرف قیاس آرائیاں ہیں اور کچھ نہیں۔

انہوں نے شائقین کو یقین دلایا کہ نئی ٹیموں کے لیے شہروں کے حوالے سے کوئی حتمی فیصلہ نہیں کیا گیا اور مناسب وقت پر مزید تفصیلات شیئر کی جائیں گی۔

اس سے قبل رپورٹس گردش کر رہی تھیں کہ لیگ کے 2026 ایڈیشن میں توسیع کے لیے چار شہروں پر غور کیا جا رہا ہے۔

"پی سی بی پی ایس ایل 11 کے لیے مزید دو ٹیمیں شامل کرے گا۔

پی ایس ایل جو 2016 میں پانچ ٹیموں کے ساتھ شروع ہوئی تھی، اسلام آباد یونائیٹڈ، کراچی کنگز، لاہور قلندرز، پشاور زلمی، اور کوئٹہ گلیڈی ایٹرز جبکہ 2018 میں ملتان سلطانز کے اضافے کے ساتھ چھ ٹیمیں ہوگئی تھیں۔

لیگ کا جاری 10 واں ایڈیشن اپنے اختتام کے قریب ہے، محمد رضوان کی قیادت میں ملتان سلطانز ٹورنامنٹ سے باہر ہونے والی پہلی ٹیم ہے۔

پی ایس ایل 10 میں کراچی سے میچ ہارنے بعد لاہور قلندرز کے کپتان شاہین شاہ کا بے رخی والا انداز سابق کرکٹرز کو ایک آنکھ نہ بھایا۔

پی ایس ایل 10 کے سنسنی خیز مقابلے جاری ہیں۔ لیگ میں دو بار کی چیمپئن لاہور قلندرز اپنا گزشتہ کراچی کنگز کے خلاف میچ ہار کر بڑی مشکل میں آ چکی ہے اور پلے آف مرحلے میں رسائی کے لیے اس کو پشاور زلمی کے خلاف اپنا آخری میچ لازمی جیتنا ہوگا۔

اس میچ میں جہاں کراچی کنگز کے نوجوان بیٹر عرفان خان کی جارحانہ بیٹنگ کا کمال ہے۔ انہوں نے شاہین شاہ آفریدی کے ایک اوور میں تین چھکے مار کر میچ کا رخ اپنی جانب موڑا۔

میچ کے بعد گفتگو میں لاہور قلندرز کے کپتان شاہین شاہ آفریدی کا رویہ کافی روکھا رہا اور انہوں نے پریزنٹر زینب کے سوالات کے جوابات کافی بے رخی سے دیے۔

فاسٹ بولر کا یہ بے رخی کا انداز سابق کرکٹرز کو ایک آنکھ نہ بھایا۔ ایک مقامی نجی ٹی وی چینلز کے پروگرام میں گفتگو کرتے ہوئے سابق کپتان سلیم ملک نے کہا کہ جب آپ ہارتے ہیں تو ایسے سوالات تو آئیں گے۔ میں بھی اگر اس جگہ ہوتا تو ایسے ہی سوالات کرتا۔

ان کا کہنا تھا کہ وسیم اکرم، وقار یونس، شعیب اختر اور محمد آصف بڑے بولر تھے تو کیا اگر کوئی ان سے سوال کرتا تو کیا وہ ایسے بے رخی سے جواب دیتے۔

سابق قومی ٹیسٹ کرکٹر ثقلین مشتاق نے کہا کہ بعض سوالات غصہ دلانے والے ہوتے ہیں لیکن شاہین سے جو سوالات کیے گئے وہ بنتے تھے کہ میچ ہارنے، بولنگ خامیوں اور آخری تین اوورز میں مار پڑنے سے متعلق ان سے ہی سوال ہونا تھا۔

پاکستان کے سابق وکٹ کیپر بیٹر کامران اکمل نے کہا ہے کہ ملتان سلطانز نے ایسی ٹیم بناکر لوگوں کی دلچسپی ختم کردی۔

اے آر وائی کے پروگرام ہرلمحہ پرجوش میں کامران اکمل نے پاکستان سپر لیگ 10 میں ملتان سلطانز کی زوال پذیر کارکردگی کے حوالے سے گفتگو کرتے ہوئے کہا کہ مجھے لگتا ہے کہ ملتان کے اونر کوپتہ ہی نہیں ٹیم کیا بنائی ہے، ملتان سلطانز نے آج 3 مین بیٹسمین بٹھا دیے۔

سابق کرکٹر باسط علی کا کہنا تھا کہ ملتان سلطانز کی ٹیم چار بار آل آؤٹ ہوئی، ملتان سلطانز کا معیار تو خود ہی نیچے گرگیا ہے، میرے خیال میں ملتان کی ٹیم سلیکشن ٹھیک نہیں ہوئی۔

خیال رہے کہ پاکستان پی ایس ایل 10 کے 25ویں میچ میں بھی ملتان سلطانز کو پشاورزلمی کے ہاتھوں 7 وکٹوں سے شکست کا سامنا کرنا پڑا۔

ملتان کرکٹ اسٹیڈیم میں کھیلے گئے میچ میں پشاور زلمی نے ملتان سلطانز کی جانب سے دیا جانے والا 109 رنز کا ہدف 13 اوورز میں باآسانی 2 وکٹوں کے نقصان پر حاصل کیا۔

پاکستان سپر لیگ 10 میں ملتان سلطانز کی کارکردگی انتہائی خراب رہی، نہ صرف ٹیم چار بار آل آئوٹ ہوئی بلکہ 9 میں سے 8 میچز میں اسے شکست کا سامنا کرنا پڑا۔

https://urdu.arynews.tv/psl-10-multan-sultan-v-peshawar-zalmi-match-25/

پاکستان سپر لیگ کے دسویں ایڈیشن میں سنسنی خیز میچز جاری ہیں فخر زمان نے پی ایس ایل کا منفرد ریکارڈ اپنے نام کر لیا ہے۔

پاکستان سپر لیگ (پی ایس ایل) کے 10 ویں ایڈیشن کے سنسنی خیز مقابلے جاری ہے۔ لاہور قلندرز کے جارح مزاج اوپنر فخر زمان نے لیگ کا ایک منفرد ریکارڈ اپنے نام کر لیا ہے۔

فخر زمان نے گزشتہ روز کراچی کنگز کے خلاف 33 گیندوں پر 51 رنز اسکور کیے۔ لاہور قلندرز گوکہ یہ میچ نہ جیت سکی لیکن اس کے جارح مزاج اوپنر نے نصف سنچری بنا کر پی ایس ایل کا منفرد ریکارڈ اپنے نام کر لیا۔

لاہور قلندرز کے اوپنر فخر زمان کی یہ پی ایس ایل میں اپنی ٹیم کے لیے 24 ویں نصف سنچری تھی اور وہ پاکستان سپر لیگ میں کسی بھی ایک ٹیم کی جانب سے سب سے زیادہ نصف سنچری بنانے والے بیٹر بن گئے ہیں۔

ان کے پیچھے دو سال سے پشاور زلمی کی نمائندگی اور قیادت کرنے والے بابر اعظم ہیں جنہوں نے کراچی کنگز کی جانب سے 23 نصف سنچریاں اسکور کی ہوئی ہیں۔

ملتان سلطانز کے کپتان محمد رضوان 22 نصف سنچریوں کے ساتھ تیسرے، کامران اکمل پشاور زلمی کی جانب سے 15 نصف سنچریاں اسکور کرکے چوتھے جبکہ بابر اعظم اپنی حالیہ فرنچائز پشاور زلمی کے لیے 14 نصف سنچریاں بنا کر اس فہرست میں پانچویں نمبر پر ہیں۔

https://urdu.arynews.tv/psl-10-play-off-points-table-position/

پاکستان کے سابق فاسٹ بولر تنویر احمد کا کہنا ہے کہ شاہین آفریدی اور حارث رؤف نے لاہور قلندرز کو میچ ہروایا۔

گزشتہ روز کھیلے گئے میچ میں کراچی کنگز نے سنسنی خیز مقابلے کے بعد لاہور قلندرز کو ہوم گراؤنڈ پر 4 وکٹوں سے شکست دی تھی۔

کراچی کنگز نے بارش سے متاثرہ میچ میں 168 رنز کا ہدف تین گیند پہلے حاصل کیا تھا، عرفان نیازی 48 رنز کی میچ وننگز اننگز کھیلی، انہیں میچ کا بہترین کھلاڑی قرار دیا گیا تھا۔

تاہم سابق فاسٹ بولرز تنویر احمد نے میچ پر تبصرہ کرتے ہوئے کہا کہ 15 اوورز میں 161 رنز کا ہدف برا ٹارگٹ نہیں تھا، کراچی کنگز کی جانب عباس آفریدی نے زبردست بولنگ کرکے 4 کھلاڑیوں کو آؤٹ کیا۔

انہوں نے کہا کہ سوچنے والی بات یہ ہے کہ جب کراچی کنگز کی ٹیم 161 رنز کا ہدف حاصل کرنے آئی تو اسٹارٹ بہت اچھا تھا سائفرٹ اور وارنر نے 24 رنز کی اننگز کھیلی اور آؤٹ ہوگئے لیکن کراچی کنگز کی جیتی کیسے صرف دو بولرز ایسے تھے جن کی وجہ سے کراچی کنگز کی ٹیم جیتی ہے۔

تنویر احمد کا کہنا تھا کہ میں سر پکڑ کر بیٹھ گیا کہ شاہین اور حارث پاکستان کے ٹاپ کلاس کے بولرز ہیں، 12 اوورز میں 120 رنز تھے اور 161 رنز کا ہدف تھا سوچیں حارث اور شاہین نے کیا ہے، 13ویں اوور میں شاہین نے 21 اور 14ویں اوور میں حارث نے 20 رنز دیے تین، تین چھکے کھارہے ہیں۔

انہوں نے مزید کہا کہ یہ وہ بولرز ہیں جن کے لیے ہم کہتے ہیں کہ پاکستان کی ٹیم ان کے بغیر مکمل نہیں۔

پی ایس ایل 10 میں کراچی کنگز کے جارح مزاج بیٹر عرفان خان نیازی کا کہنا ہے کہ خود پر یقین تھا کہ میچ جتوا سکتا ہوں۔

کراچی کنگز کے جارح مزاج بیٹر عرفان خان نیازی نے لاہور قلندرز کے خلاف شاندار بیٹںگ پر کہا کہ برے وقت میں ٹیم مینجمنٹ نے بھرپور سپورٹ کیا۔

انہوں نے کہا کہ یہ میری بہترین اننگز میں سے ایک تھی، ایسے ہی کھیل کی صلاحیت رکھتا ہوں لیکن کچھ وقت سے پرفارم نہیں کر پارہا تھا۔

واضح رہے کہ کراچی کنگز کی ٹیم لاہور میں کامیابی کے بعد اسلام آباد روانہ ہوگئی۔

کنگز گروپ اسٹیج کے آخری دو میچز پنڈی کرکٹ اسٹیڈیم میں کھیلیں گے، کراچی کی ٹیم پشاور زلمی اور اسلام آباد یونائیٹڈ کے خلاف کھیلے گی۔

کراچی کنگز نے اب تک آٹھ میں سے پانچ میچوں میں کامیابی حاصل کی اور دس پوائنٹس کے ساتھ تیسری پوزیشن پر موجود ہے۔

یاد رہے کہ گزشتہ روز کھیلے گئے میچ میں کراچی کنگز نے سنسنی خیز مقابلے کے بعد لاہور قلندرز کو ہوم گراؤنڈ پر 4 وکٹوں سے شکست دی تھی۔

کراچی کنگز نے بارش سے متاثرہ میچ میں 168 رنز کا ہدف تین گیند پہلے حاصل کیا تھا، عرفان نیازی 48 رنز کی میچ وننگز اننگز کھیلی، انہیں میچ کا بہترین کھلاڑی قرار دیا گیا تھا۔

پی ایس ایل 10 میں آج ملتان سلطانز اور پشاور زلمی کا مقابلہ ہوگا۔