ARYNews.tv | Urdu – Har Lamha Bakhabar

Tag: PSL 2018

  • کوئٹہ گلیڈی ایٹرز، پشاورزلمی اور کراچی کنگز کو لاہورمیں خوش آمدید کہتے ہیں، شہباز شریف

    کوئٹہ گلیڈی ایٹرز، پشاورزلمی اور کراچی کنگز کو لاہورمیں خوش آمدید کہتے ہیں، شہباز شریف

    لاہور : وزیراعلیٰ پنجاب شہبازشریف کا کہنا ہے کہ کوئٹہ گلیڈی ایٹرز، پشاور زلمی اور کراچی کنگز کو لاہورمیں خوش آمدید کہتے ہیں، امید ہے پلے آف سنسنی خیز ہوں گے۔

    تفصیلات کے مطابق وزیراعلیٰ پنجاب شہبازشریف نے پی ایس ایل ٹیمیوں کا خیرمقدم کرتے ہوئے سماجی رابطے کی ویب سائٹ ٹوئٹر پر اپنے پیغام میں کہا کہ پی ایس ایل کی ٹیموں کوئٹہ گلیڈی ایٹرز، پشاور زلمی، کراچی کنگز کو لاہور میں خوش آمدید کہتے ہیں۔

    شہبازشریف نے ٹوئٹ میں کہا کہ امید ہے پلے آف سنسنی خیزہوں گے، ہوم کراؤڈ ،ہوم گراؤنڈز اور شاندارکرکٹ پی ایس ایل تھری کو مزید پُر لطف اوردلچسپ بنائیں گے، عوام جائیں اور میچز انجوائے کریں۔

    دوسری جانب پلے آف میچز کیلئے لاہور کی شاہراہیں پھولوں سے سج گئیں، غیر ملکی کرکٹرز کو خوش آمدید کہنے کیلئے بڑے بڑے پینا فلیکس آویزاں کئے گئے جبکہ قذافی اسٹیڈیم میں سیکورٹی کےبھی سخت انتظامات کئے گئے ہیں ۔

    پاکستان سپر لیگ تھری کے پلے آف میں شرکت کے لئے کوئٹہ گلیڈی ایٹرز، پشاور زلمی اور کراچی کنگز کے غیر ملکی کھلاڑی لاہور پہنچ گئے ہیں۔

    پاکستان سپر لیگ کا پہلا ایلی مینیٹر آج دفاعی چیمپئن پشاور زلمی اور کوئٹہ گلیڈی ایٹرز کے درمیان قذافی اسٹیڈیم لاہور میں کھیلا جائے گا، میچ شام7 بجے شروع ہوگا۔

    مزید پڑھیں : پی ایس ایل 2018: کوئٹہ گلیڈی ایٹرز آج پشاور زلمی سے ٹکرائے گی

    میچ کیلئے قذافی سٹیڈیم کے اطراف سیکیورٹی انتظامات مکمل کرلئے گئے، پولیس، ڈولفن، پیرو سمیت دیگر قانون نافذ کرنیوالے 18 ہزار سیکیورٹی اہلکار فرائض سرانجام دینگے۔

    آج میچ میں ہارنے والی ٹیم باہر ہوجائے گی جبکہ فاتح ٹیم بدھ کو لاہور میں ہی کراچی کنگز سے سیمی فائنل میں ٹکرائے گی جبکہ پی ایس ایل کا فائنل میچ  25 مارچ کو کراچی میں ہوگا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل کےغیرملکی کھلاڑیوں کی لاہور آمد

    پی ایس ایل کےغیرملکی کھلاڑیوں کی لاہور آمد

    لاہور: پی ایس ایل تھری کے پلے آف مرحلےمیں شرکت کے لیے کراچی کنگز، کوئٹہ گلیڈی ایٹرز اور پشاور زلمی کے غیرملکی کھلاڑی لاہور پہنچ گئے۔

    تفصیلات کے مطابق پاکستان سپرلیگ کے غیرملکی کرکٹرز نجی ایئرلائنز کی پرواز کے ذریعے لاہورایئرپورٹ پہنچے جہاں ان کا شاندار استقبال کیا گیا۔

    غیرملکی کھلاڑیوں کے لاہورایئرپورٹ پہنچنے پر سیکورٹی کے سخت انتظامات کیے گئے تھے اورکھلاڑیوں کو فول پروف سیکورٹی حصار میں ہوٹل منتقل کیا گیا۔

    پاکستان پہنچنے والے غیرملکی کھلاڑیوں میں کراچی کنگز، پشاور زلمی اور کوئٹہ گلیڈی ایٹرز کے کھلاڑی شامل ہیں، غیرملکی کرکٹرز میں کراچی کنگز کے جوڈین لی، روی بوپارا، کولن انگرام، ٹائمل ملز، ڈیوڈویسی اور لینڈل سیمنزشامل ہیں۔

    غیرملکی کھلاڑیوں میں پشاور زلمی کے کپتان ڈیرن سیمی، ایون لوئس، رکی ویسلز، لیام ڈیواسن، کرس جارڈن، آندرے فلیچر شامل ہیں، کوئٹہ گلیڈی ایٹرز کے رائلی روسو بھی لاہور پہنچ گئے ہیں جبکہ کوچنگ اسٹاف میں مکی آرتھر، ویون رچرڈز، جولیئن فاؤنٹین شامل ہیں۔

    پی ایس ایل 2018: کوئٹہ گلیڈی ایٹرز آج پشاور زلمی سے ٹکرائے گی

    خیال رہے کہ پاکستان سپرلیگ کے دو ایلیمینیٹرز میچ لاہور کے قذافی اسٹیڈیم میں کھیلے جائیں گے، پہلے میچ میں دفاعی چیمپیئن پشاور زلمی اور کوئٹہ گلیڈی ایٹرز کی ٹیمیں آج مدمقابل ہوں گی اور فاتح ٹیم کل کراچی کنگز سے ٹکرائے گی۔

    یاد رہے کہ پی ایس ایل کا فائنل 25 مارچ کو کراچی کے نیشنل اسٹیڈیم میں کھیلا جائے گا اورایلیمینیٹرز میچز میں جیتنے والی ٹیم اسلام آباد یونائیٹڈ کے مدمقابل ہوگی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کامران اکمل کی شاندار سنچری، زلمی کے ہاتھوں قلندرز کو شکست

    کامران اکمل کی شاندار سنچری، زلمی کے ہاتھوں قلندرز کو شکست

    شارجہ: پاکستان سپر لیگ کے تیسرے ایڈیشن کے 29ویں میچ میں کامران اکمل کی شاندار سنچری کی بدولت پشاور زلمی نے لاہور قلندرز کو 7 وکٹوں سے شکست دے کر پلے آف مرحلے تک رسائی حاصل کرلی۔

    تفصیلات کے مطابق پاکستان سپرلیگ کے 28ویں میچ میں پشاور زلمی اور لاہور قلندرز کی ٹیمیں مدمقابل تھیں، زلمی کی قیادت ڈیرن سیمی جبکہ قلندرز کی کپتانی کے فرائض برینڈین میکلوم نے ادا کیے۔

    لاہور قلندرز نے بیٹنگ کا آغاز کیا تو فخر زمان اور آن ٹن ڈیوچچ نے کیا، میکولم الیون کی پہلی وکٹ 19 کے مجموعی اسکور پر گری، بعد ازاں 40 پر میکولم، 95 پر آغا سلمان اور 119 پر ڈیوچچ آؤٹ ہوئے۔

    میکولم الیون نے مقررہ 20 اوورز میں بیٹنگ کرتے ہوئے پشاورزلمی کو 173رنزکا ہدف دیا، ڈیوچچ 42 گیندوں پر 70 رنز بنا کر نمایاں بلے باز رہے جبکہ حسن علی 2 وکٹیں حاصل کر کے سرفہرست رہے۔

    ہدف کے تعاقب میں پشاور زلمی نے بیٹنگ کا آغاز کیا تو کامران اکمل اور رکی ویسلز میدان میں اترے اور 20 کے مجموعی اسکور پر گری، بعد ازاں 61 کے مجموعی اسکور پر ڈیوائن اسمتھ پویلین روانہ ہوئے۔

    محمد حفیظ اور کامران اکمل نے 87 رنز کی شاندار شراکت داری کر کے ٹیم کو فتح دلوانے میں اہم کردار ادا کیا جس کے بعد پشاورزلمی نےپلےآف مرحلے کے لیے کوالیفائی کرلیا

    کامران اکمل نے61 گیندوں پر 7چھکوں اور 11 چوکوں کی مدد سے 107رنزکی ناقابل شکست اننگزکھیلی اور پی ایس ایل کے تیسرے ایڈیشن کی پہلی سنچری اپنے نام کی، پاکستان سپر لیگ کے دوسرے ایڈیشن میں بھی اکمل نے ہی 100 رنز بنائے تھے۔

    پلے آف تک رسائی حاصل کرنے والی ٹیموں میں اسلام آبادیونائیٹڈ، کوئٹہ گلیڈی ایٹرز، پشاورزلمی کی ٹیمیں شامل ہیں چوتھی ٹیم کا فیصلہ کراچی کنگز اور ملتان سلطانز کے میچ کے بعد ہوگا۔

    پشاور زلمی اننگز

    محمد حفیظ سولہویں اوور کی آخری گیند پر یاسر شاہ کے ہاتھوں کلین بولڈ ہوئے انہوں نے 27 رنز کی شاندار اننگز کھیلی، اٹھارویں اوور میں پشاور زلمی نے 176 رنز کا ہدف حاصل کر کے پوائنٹس ٹیبل پر دوسری پوزیشن حاصل کی اور پلے آف تک رسائی حاصل کرلی۔

    پشاور زلمی کے اوپنر کامران اکمل اور محمد حفیظ نے شاندار بیٹنگ کا مظاہرہ کرتے ہوئے ٹیم کا مجموعی اسکور 135/2 تک پہنچایا۔

    ساتویں اوور کی تیسری گیند پر ڈیوائن اسمتھ 14 کے انفرادی اسکور پر یاسر شاہ کی گیند پر کلین بولڈ ہوئے، دسویں اوور کے اختتام پر زلمی کا مجموعی اسکور 87/2 تک پہنچا۔

    ہدف کے تعاقب میں زلمی کی جانب سے اوپننگ کا آغاز کامران اکمل اور رکی ویسلز نے کیا، سیمی الیون کی پہلی وکٹ 20 کے مجموعی اسکور پر گری، پانچ اوورز کے اختتام پر ٹیم کا مجموعی اسکور 51/1 تک پہنچا۔

    لاہور قلندرز اننگز

    قلندز کے نئے آنے والے بیٹسمینوں گلریز صدف اور سہیل اختر نے آخری پانچ اوورز میں ٹیم کے مجموعی اسکور میں 53 رنز کا اضافہ کیا، مقررہ اوورز میں میکولم الیون نے چاروکٹوں کے نقصان پر 172 رنز بنائے۔

    پندرہویں اوور میں قلندرز کے اوپنر ڈیوچچ 42 گیندوں پر 70 رنز بنا کر حسن علی کی گیند پر کیچ آؤٹ ہوئے، اوور اختتام پر ٹیم کا مجموعی اسکور 120/4 تک پہنچا۔

    ڈیوچ اور آغا سلمان نے شاندار بیٹنگ کرتے ہوئے 10 اوورز کے اختتام پر ٹیم کا مجموعی اسکور 80/2 تک پہنچا۔

    لاہور قلندرز کی جانب سے اننگز کا آغاز فخر زمان اور آن ٹن ڈیوچچ نے کیا جبکہ حسن علی نے پہلا اوور کرایا، تیسرے اوور میں زلمی کو پہلے نقصان کا سامنا کرنا پڑا، پانچویں اوور کے اختتام پر ٹیم کا مجموعی اسکور 40/2 تک پہنچا،  فخر زمان اور میکولم آؤٹ ہوکر پویلین لوٹے۔

     پشاور زلمی  کے لیےآج کا میچ انتہائی اہمیت کا حامل ہے کیونکہ فتح کی صورت میں ٹیم چوتھے جبکہ شکست کے بعد زلمی پوائنٹس ٹیبل پر پانچویں نمبر پر آسکتی ہے علاوہ ازیں سیمی الیون پشاور زلمی کی شکست کی صورت میں کراچی کنگز اور ملتان سلطانز پلے آف مرحلے میں پہنچ جائیں گے۔

    پوائنٹس ٹیبل پر پشاور 8 پوائنٹس کے ساتھ 5 ویں نمبر پر ار لاہور 6 پوائنٹس کے ساتھ آخری نمبر پر ہے۔

    لاہور قلندرز کے لیے ٹورنامنٹ میں اب بقیہ تمام میچز بے معنی ہوگئے ہیں۔ لاہور قلندرز کی ٹیم نے اب تک 9 میچز کھیلے جن میں سے انہیں صرف 3 میں فتح ملی اور 6 میں شکست کا سامنا کرنا پڑا۔

    پشاور زلمی

    پشاور زلمی کے کپتان ڈیرن سیمی ہیں جبکہ دیگر کھلاڑیوں میں رکی ویسلس، تمیم اقبال، محمد عارف، خوشدل شاہ، تیمور سلطان، ابتسام شیخ، محمد حفیظ، شکیب الحسن، حارث سہیل، ڈوائن براوو، حماد اعظم، سعد نسیم، خالد عثمان، کامران اکمل اور اینڈریو فلیچر شامل ہیں۔

    لاہور قلندرز

    لاہور قلندرز کی قیادت برینڈن مک کلم کر رہے ہیں۔ ان کے علاوہ ٹیم میں عمر اکمل، فخرزمان، نیوزی لینڈ کے اینٹن ڈیوسچ، بولر سہیل خان، یاسرشاہ، شاہین آفریدی، رضا حسن، سنیل نرائن، بلاول بھٹی، غلام مدثر، بلال آصف، عامر یامین اور کیمرون ڈلپورٹ شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018 : کراچی کنگز اوراسلام آباد یونائیٹڈ کا سنسنی خیز ٹاکرا

    پی ایس ایل 2018 : کراچی کنگز اوراسلام آباد یونائیٹڈ کا سنسنی خیز ٹاکرا

    شارجہ : پاکستان سپر لیگ کے دوسرے میچ میں آج کراچی کنگز اور اسلام آباد یونائیٹڈ کی ٹیمیں ٹکرائیں گی، سنسنی خیز ٹاکرا رات نو بجے شروع ہوگا۔

    تفصیلات کے مطابق پاکستان سپر لیگ سیزن تھری اختتامی مرحلے میں داخل ہوگیا، کراچی کنگز کی ٹیم اپنے آخری راؤنڈ میچ میں مصباح الحق کی اسلام آباد یونائیٹڈ کے مدمقابل آئے گی۔

    شارجہ میں دونوں ٹیموں کے درمیان سنسنی خیز ٹاکرا رات نو بجے شروع ہوگا۔

    پلے آف میں رسائی کیلئے کراچی کنگز کو آج لازمی فتح درکار ہے، کامیابی کی صورت میں نہ صرف اگلے مرحلے میں انٹری بلکہ اسلام آباد یونائیٹڈ سے راؤنڈ میچ کی ہار کا بدلہ بھی لے سکتا ہے۔

    اسلام آباد یونائیٹڈ اور کوئٹہ گلیڈی ایٹرز نے پلے آف مرحلے کیلئے کوالیفائی کرلیا ہے، اسلام آباد یونائیٹڈ14 پوائنٹس کے ساتھ سر فہرست ہے۔

    کراچی کنگز کے کپتان عماد وسیم کی انجری کے باعث کراچی کی ٹیم ٹی 20 اسپیشلسٹ مورگن کی قیادت میں میدان میں اترے گی، کراچی کنگز 9 پوائنٹس کے ساتھ تیسرے نمبر پر ہے۔

    کراچی کنگز

    آئن مورگن کراچی کنگز کی قیادت کررہے ہیں جبکہ دیگر کھلاڑیوں میں جوئے ڈین لے، بابر اعظم، کولن انگرام، روی بوپارا، شاہد آفریدی، محمد رضوان، اسامہ میر، محمد عرفان (جونیئر)، محمد عامر، عثمان خان شنواری شامل ہیں۔

    اسلام آباد یونائیٹڈ

    مصباح الحق اسلام آباد یونائیٹڈ کے کپتان ہیں جبکہ دیگر کھلاڑیوں میں آندرے رسل، سیموئل بدری، محمد سمیع، رومان رئیس، شاداب خان، افتخار احمد، عماد بٹ، آصف علی، جے پی ڈومنی، لیوک رانچی، فہیم اشرم، سیم بلنگز، ظفر گوہر، صاحبزادہ فرحان، حسین طلعت، ایلکس ہیلز، ڈیوڈ ولی، محمد حسن اور محمد حسنین شامل ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل 2018 :کوئٹہ گلیڈی ایٹرزاورلاہورقلندرزآج مدمقابل

    پی ایس ایل 2018 :کوئٹہ گلیڈی ایٹرزاورلاہورقلندرزآج مدمقابل

    دبئی : پاکستان سپر لیگ میں آج چھبیسواں میچ کوئٹہ گلیڈی ایٹرز اور لاہور قلندرز کے درمیان شارجہ میں ہوگا، دلچسپ مقابلہ رات نو بجے شروع ہوگا۔

    تفصیلات کے مطابق پاکستان سپر لیگ میں سنسنی خیز مقابلے جاری ہے،شارجہ کے کرکٹ اسٹیڈیم میں کوئٹہ گلیڈی ایٹرز کی ٹیم آج لاہور قلندرز کے مدمقابل آئے گی۔

    دونوں ٹیموں میں دلچسپ مقابلہ رات نو بجے شروع ہوگا۔

    کوئٹہ گلیڈی ایٹرز اور لاہور قلندرز کے درمیان ایونٹ میں یہ دوسرا معرکہ ہے، دبئی میں کوئٹہ نے لاہور کو باآسانی نو وکٹوں سے شکست دی تھی۔

    لاہور قلندرز کے لئے ٹورنامنٹ میں اب بقیہ تمام میچز بے معنی ہوگئے، لاہور قلندرز کی ٹیم نے اب تک 8 میچز کھیلے جن میں سے انہیں صرف 2 میں فتح ملی اور 6 میں شکست کا سامنا کرنا پڑا۔

    پاکستان سپر لیگ سیزن تھری میں کوئٹہ گلیڈی ایٹرز نے پلے آف مرحلے کیلئے کوالیفائی کرلیا ہے، کوئٹہ گلیڈی ایٹرز نے دس پوائنٹس حاصل کرکے دوسری پوزیشن پر قبضہ جمالیا ہے۔

    کوئٹہ کی ٹیم دو مرتبہ فائنل کھیل چکی ہے اور اب تیسری بار فائنل میں جانے کے لئے سرفراز الیون کو اور بہتر کھیل پیش کرنا ہوگا،کوئٹہ ٹاپ دو بہترین ٹیموں میں برقرار رہا تو اسے پلے آف میں دو چانس ملیں گے۔

    کوئٹہ گلیڈی ایٹرز

    سرفراز احمد کوئٹہ گلیڈی ایٹرز کے کپتان ہیں جبکہ دیگر کھلاڑیوں میں کیون پیٹرسن، ریلے روسو، اسد شفیق، محمد اللہ، انور علی، میر حمزہ، عمر امین، شین واٹسن، کارلوس بریتھوٹ، راحت علی، رمیز راجہ جونیئر، سعد علی، سعود شکیل، حسان خان، جیسن روئے، راشد خان، محمد اعظم خان اور فراز احمد شامل ہیں۔

    لاہور قلندرز

    لاہور قلندر کی قیادت برینڈن مک کلم کر رہے ہیں ، ان کے علاوہ ٹیم میں عمراکمل اورفخرزمان، نیوزی لینڈ کے اینٹن ڈیوسچ ، بولر سہیل خان، یاسرشاہ ، شاہین آفریدی ، رضا حسن ، سنیل نرائن ، بلاول بھٹی ، غلام مدثر ، بلال آصف ، عامر یامین ، کیمرون ڈلپورٹ شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018: ملتان سلطانز اوراسلام آباد یونائیٹڈ کا ٹاکرا

    پی ایس ایل 2018: ملتان سلطانز اوراسلام آباد یونائیٹڈ کا ٹاکرا

    شارجہ : پاکستان سپرلیگ سیزن تھری میں آج ملتان سلطانز اور اسلام آباد یونائیٹد کی ٹیمیں ایکشن میں دکھائی دیں گی، میچ رات نو بجے کھیلا جائے گا۔

    تفصیلات کے مطابق پاکستان سپرلیگ کا 25 واں ٹاکرا ملتان سلطانز اور اسلام آباد یونائیٹڈ کے درمیان ہوگا، میچ پاکستانی وقت کے مطابق رات 9 بجے شروع ہوگا۔

    پوائنٹس ٹیبل پر اسلام آباد یونائیٹڈ 7میچز کھیل کر 10 پوائنٹس کے ساتھ دوسرے نمبر پر جبکہ ملتان سلطانز 9 میچز کھیل کر 9 پوائنٹس کے ساتھ چوتھے نمبر پر موجود ہے۔ ٹاپ فور میں جگہ برقرار رکھنے کے لیے ملتان سلطانز کوآج کا میچ جیتنا ہوگا۔

    ملتان سلطانز

    شعیب ملک ملتان سلطانز کے کپتان ہیں جبکہ دیگر کھلاڑیوں میں احمد شہزاد، کیرون پولارڈ، کمار سنگا کارا، صہیب مقصود اور ڈیرن براوو، ورلڈ کلاس اسپنر عمران طاہر ، پاکستانی فاسٹ بولرز محمد عباس، عمرگل، محمد عرفان، جنید خان اور سہیل تنویر شامل ہیں۔

    اسلام آباد یونائیٹڈ

    مصباح الحق اسلام آباد یونائیٹڈ کے کپتان ہیں جبکہ دیگر کھلاڑیوں میں آندرے رسل، سیموئل بدری، محمد سمیع، رومان رئیس، شاداب خان، افتخار احمد، عماد بٹ، آصف علی، جے پی ڈومنی، لیوک رانچی، فہیم اشرم، سیم بلنگز، ظفر گوہر، صاحبزادہ فرحان، حسین طلعت، ایلکس ہیلز، ڈیوڈ ولی، محمد حسن اور محمد حسنین شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • رمیز راجہ کی گائیکی اور ڈینی مورسن کے بھنگڑے کا چرچا، ویڈیو وائرل

    رمیز راجہ کی گائیکی اور ڈینی مورسن کے بھنگڑے کا چرچا، ویڈیو وائرل

    دبئی: انٹرنیشنل میچز اور پاکستان سپر لیگ میں کمنٹری کے فرائض انجام دینے والے معروف پاکستانی کرکٹ رمیز راجہ اور نیوزی لینڈ ٹیم کے کھلاڑی ڈینی مورسن نے اپنے اندر چھپی ہوئی صلاحیت دکھائی تو لوگ انہیں دیکھ کر حیران رہ گئے۔

    تفصیلات کے مطابق پاکستان سپر لیگ کا آغاز 22 فروری کو رنگارنگ افتتاحی تقریب کے ساتھ ہوا، شائقین کرکٹ سارا سال اپنی پسندیدہ ٹیم اور کھلاڑی کو ایکشن میں دیکھنے کے لیے بے تاب نظر آئے۔

    پی ایس ایل کی پرنور افتتاحی تقریب میں صوفی کلام پڑھنے والی گلوکارہ عابدہ پروین نے شاندار پرفارمنس سے ایسا سماں باندھا کہ پاکستانی اور غیر ملکی بھی اُن کے سروں پر جھومتے نظر آئے جبکہ علی ظفر کی فضاء میں ہونے والی پرفارمنس بھی شاندار تھی۔

    پاکستان سپر لیگ کے 23 شاندار میچز ہوچکے ہیں، 6 ٹیمیں ٹرافی اپنے نام کرنے کے لیے جان مار رہی ہیں تو کمنٹری کے فرائض انجام دینے والے معروف کرکٹرز بھی اپنے اندر چھپی صلاحتیں سامنے لارہے ہیں۔

    مزید پڑھیں: پی ایس ایل میچزکا مفت ٹکٹ نہیں ملے گا‘ نجم سیٹھی کا مفت مشورہ

    ایک روز قبل شائقین کرکٹ اُس وقت بھی حیران ہوئے تھے کہ جب انہوں نے رمیز راجہ کے ہمراہ عالمی کرکٹرز کو پاکستان کے قومی لباس زیب تن کیے دیکھا تھا۔

    دنیا بھر میں کمنٹری سے مشہور ہونے والے پاکستان کے سابق کھلاڑی رمیز راجہ نے اُس وقت مداحوں کو حیران کیا جب وہ مائیک تھامے گراؤنڈ میں آئے اور دو گانے گنگنائے۔

    ویڈیو دیکھیں

    علاوہ ازیں گزشتہ روز ڈینی مورسن اور مائیکل سلیٹر نے اسٹیڈیم میں پنجاب گانے پر شاندار بھنگڑا ڈال کر سب کو ورطہ حیرت میں مبتلا کردیا، نیوزی لینڈ سے تعلق رکھنے والے سابق کرکٹر کمنٹری کے ساتھ خوب انجوائے بھی کرتے ہیں کبھی وہ عام عوام کے ساتھ بیٹھ جاتے ہیں تو کبھی پچ پر لیٹ کر اپنا تبصرہ پیش کررہے ہوتے ہیں۔

    ویڈیو دیکھیں

    یاد رہے کہ پی ایس ایل تھری میں‌ چھ ٹیمیں‌ مدمقابل ہیں، ٹرافی حاصل کرنے کے لیے کراچی کنگز، لاہور قلندرز، اسلام آباد یونائیٹڈز، ملتان سلطانز، کوئٹہ گلیڈی ایٹرز اور پشاور زلمی کی ٹیموں کے مابین مقابلے جاری ہیں۔

    خیال رہے کہ پی ایس ایل میں کراچی کنگز، لاہور قلندرز، کوئٹہ گلیڈی ایٹرز، اسلام آباد یونائیٹڈ اور پشاور زلمی کی ٹیمیں تھیں تاہم تیسرے سیزن میں ایک ملتان سلطان کی چھٹی ٹیم کو بھی شامل کیا گیا۔ دریں اثناء پہلے دو سیزن میں ٹوٹل 24 میچز منعقد کیے گئے تھے تاہم تیسرے میں مقابلوں کی تعداد بڑھا کر 34 کی گئی۔

    ابتدائی دو سیزن کے میچ دبئی میں منعقد کیے گئے تھے جبکہ فائنل لاہور کے قذافی اسٹیڈیم میں کھیلا گیا تھا تاہم سیزن تھری کے کوالیفائنگ راؤند لاہور اور فائنل کراچی میں کھیلا جائے گا جس کی تیاریاں حتمی مراحل میں داخل ہوچکی ہیں۔

     خبر کے بارے میں اپنی رائے کا اظہار کمنٹس میں کریں’مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی کنگز کی شاندار فتح، ملتان سلطانز کو 63 رنز سے شکست

    کراچی کنگز کی شاندار فتح، ملتان سلطانز کو 63 رنز سے شکست

     دبئی: پاکستان سپر لیگ کے تیسرے ایڈیشن کے بائیسویں میچ میں کراچی کنگز نے تینوں فارمیٹ میں شاندار کارکردگی کا مظاہرہ کرتے ہوئے ملتان سلطانز کو 63 رنز سے شکست دے دی، عماد الیون فتح حاصل کرنے کے بعد پوائٹس ٹیبل پر دوسرے نمبر پر آگئی۔

    تفصیلات کے مطابق پاکستان سپر لیگ کا 22واں میچ کراچی کنگز اور ملتان سلطانز کے مابین کھیلا گیا، کراچی کی قیادت عماد وسیم نے جبکہ سلطانز کی کپتانی شعیب ملک نے کی۔

    کراچی کنگز نے ملتان سلطانز کی دعوت پر پہلے بیٹنگ کی تو جوائے ڈین لے اور لینڈل سیمنز میدان میں آئے، پہلی وکٹ 21 کے مجموعی اسکور پر گری تاہم نئے آنے والے بلے باز بابر اعظم نے اوپنر کے ساتھ 118 رنز کی پارٹنر شپ بنائی اور ایونٹ کا سب سے بڑا 189 رنز کا ہدف اسکور بورڈ پر سجانے میں مدد فراہم کی۔

    کراچی کنگز کی پہلی وکٹ 21 کے مجموعی اسکور پر گری جب اوپنر صرف چار رنز بنا کر آؤٹ ہوئے بعد ازاں ڈین لے 139 کے مجموعی اسکور پر پویلین لوٹے، تیسرے آؤٹ ہونے والے کھلاڑی بابر اعظم تھے جو 169 کے مجموعی اسکور پر پویلین لوٹے۔

    عماد الیون کی جانب سے ڈین لے 55 گیندوں پر 78 جبکہ بابر اعظم 39 گیندوں پر 58 رنز بنا کر نمایاں بلے باز رہے، کولن انگرام نے 8 باؤلز کا سامنا کرتے ہوئے 29 رنز کی جارحانہ اننگز کھیلی، سلطانز کی جانب سے ول جونز 2 وکٹیں لے کر سرفہرست باؤلر رہے۔

     

    ہدف کے تعاقب میں سلطانز کی جانب سے بیٹنگ کا آغاز کمار سنگاکارا اور احمد شہزاد نے کیا، ملک الیون کی پہلی وکٹ 41 کے مجموعی اسکور پر گری بعد ازاں 52، 53، 58، 76، 79، 86، 98، 99 اور 125 کے مجموعی اسکور پر گریں۔

    ملک الیون کے سہیل تنویر 34 رنز بنا کر نمایاں بلے باز رہے جبکہ کراچی کنگز کے شاہد آفریدی نے شاندارباؤلنگ کرتے ہوئے 4اوورز میں 18 رنز دے کر 3 کھلاڑیوں کوآؤٹ کیا اور مین آف دی میچ قرار پائے۔ علاوہ ازیں عرفان جونیئرنے2، عماد وسیم، عثمان خان اورمحمدعامر ایک ایک وکٹ حاصل کرنے میں کامیاب رہے۔

    ملتان سلطانز اننگز خلاصہ

    انیسویں اوور کی چوتھی گیند پر سلطانز کا آخری کھلاڑی بھی 125 کے مجموعی اسکور پر پویلین روانہ ہوا، اس طرح کراچی کنگز نے ملک الیون کو 63 رنز سے شکست دی۔

    اٹھارویں اوور میں سلطانز کا مجموعی اسکور 9 وکٹوں کے نقصان پر 121 تک پہنچا۔

    سترہویں اوور میں سلطانز کی ٹیم صرف 2 رنز بنا سکی جس کے بعد مجموعی اسکور 101 تک پہنچا۔

    محمد عامر نے اننگز کا سولہواں اوور کروایا جس میں سلطانز کو ایک اور کھلاڑی کے نقصان کا سامنا کرنا پڑا، اوور اختتام پر ٹیم کا مجموعی اسکور 9 وکٹوں کے نقصان پر 99 تک پہنچا۔

    جوئے ڈین لے نے اپنا دوسرا اور اننگز کا پندرہواں اوور کروایا جس میں سلطانز کی ٹیم صرف 7 رنز حاصل کرسکی، اوور اختتام پر ٹیم کا مجموعی اسکور 97 تک پہنچا۔

    شاہد آفریدی نے اپنا چوتھا اور اننگز کا چودہواں اوور کروایا جس کے اختتام پر سلطانز کا مجموعی اسکور 7 وکٹوں کے نقصان پر 90 تک پہنچا۔

    تیرہویں اوور میں ملتان سلطانز کا ایک اور کھلاڑی پویلین روانہ ہوا، اوور اختتام پر ٹیم کا مجموعی اسکور 7 وکٹوں کے نقصان پر 87 تک پہنچا۔

    اننگز کے بارہویں اور اپنے تیسرے اوور میں شاہد آفریدی نے وکٹ لینے کا سلسلہ بدستور جاری رکھتے ہوئے شعیب ملک کو پویلین کی راہ دکھائی، اوور اختتام پر سلطانز کا مجموعی اسکور 79 تک پہنچا۔

    دسویں اوورز کے اختتام پر ملتان سلطانز کا مجموعی اسکور چار وکٹوں کے نقصان پر 77 پر پہنچا۔

    نویں اوور میں ملتان سلطانز کی ٹیم مجموعی اسکور میں صرف چار رنز کا اضافہ کر سکی جس کے بعد مجموعی اسکور چار وکٹوں کے نقصان پر 66 تک پہنچا۔

    آٹھویں اوور میں شاہد آفریدی نے پولارڈ کو کلین بولڈ کر کے ڈریسنگ روم کی طرف روانہ کیا، اوور اختتام پر ٹیم کا مجموعی اسکور چار وکٹوں کے نقصان پر 62 تک پہنچا۔

    ساتویں اوور میں کنگز کے کپتان عماد وسیم نے احمد شہزاد کو پویلین کی راہ دکھائی یوں سلطانز کو تیسری وکٹ کے نقصان کا سامنا کرنا پڑا۔

    چھٹے اوور میں صہیب مقصود عثمان شنواری کی گیند کو سمجھ نہ سکے اور 11 رنز بنا کر پویلین لوٹے، یوں سلطانز کو 51 کے مجموعی اسکور پر دوسری وکٹ کے نقصان کا سامنا کرنا پڑا۔

    پانچویں اوور میں کراچی کنگز کو بڑی کامیابی ملی، عرفان جونیئر نے کمار سنگاکارا کو پویلین کی راہ دکھائی انہوں نے 13 گیندوں پر 18 رنز اننگز کھیلی، پانچ اوورز کے اختتام پر ٹیم کا مجموعی اسکور 1 وکٹ کے نقصان پر 42 تک پہنچا۔

    چوتھے اوور میں 13 زنر کا اضافہ ہوا اور ٹیم کا مجموعی اسکور بغیر کسی نقصان کے 13 تک پہنچا۔

    تیسرے اوور میں 8 رنز اضافے کے بعد ملک الیون کا مجموعی اسکور بغیر کسی نقصان کے 24 تک پہنچا۔

    محمد عامر نے اننگز کا دوسرا اور اپنا پہلا اوور کیا جس میں ملک الیون کے اوپنرز صرف 2 رنز بنا سکے، اوور اختتام پر سلطانز کا مجموعی اسکور بغیر کسی نقصان کے 16 تک پہنچا۔

    ہدف کے تعاقب میں سلطانز کی جانب سے بیٹنگ کا کمار سنگاکارا اور احمد شہزاد نے کیا جبکہ پہلا اوور کراچی کنگز کے کپتان عماد وسیم نے کیا، اوور اختتام پر سلطانز کا مجموعی اسکور بغیر کسی نقصان کے 14 تک پہنچا۔

    کراچی کنگز اننگز خلاصہ

    آخری پانچ اوورز میں کراچی کنگز نے مجموعی اسکور میں 2 وکٹوں کے نقصان پر 70 رنز کا اضافہ کیا، مقررہ اوورز کے اختتام پر کراچی کنگز نے تین وکٹوں کے نقصان پر 189 رنز بنائے۔

    سولہویں اوور میں 8 رنز اضافے کے بعد مجموعی اسکور ایک وکٹ کے نقصان پر 128 تک پہنچا۔

    پندرہویں اوور میں دونوں بلے بازوں نے 100 رن کی پارٹنر شپ مکمل کی اور اوور کے اختتام پر ٹیم کا مجموعی اسکور ایک وکٹ کے نقصان پر 121 تک پہنچا۔

    چودہویں اوور کے اختتام پر ٹیم کا مجموعی اسکور 106 تک پہنچا۔

    تیرہویں اوور میں کراچی کنگز کے دونوں بلے بازوں نے عمدہ کھیل کا مظاہرہ کرتے ہوئے ٹیم کا مجموعی اسکور 1 وکٹ کے نقصان پر 95 تک پہنچایا۔

    بارہویں اوور میں ایک چوکے کی مدد سے ٹیم کا مجموعی اسکور 85 تک پہنچا۔

    گیارہویں اوور میں ایک چھکے کی مدد سے مجموعی اسکور میں 9 رنز کا اضافہ ہوا اور مجموعی اسکور ایک وکٹ کے نقصان پر 76 تک پہنچا۔

    کراچی کنگزکےجوڈین لی نے دسویں اوور میں ملتان سلطانزکےخلاف نصف سنچری مکمل کی، انہوں نے 33 گیندوں پر 1 چھکے اور 7 چوکوں کی مدد سے ففٹی بنائی، اوور اختتام پر ٹیم کا مجموعی اسکور ایک وکٹ کے نقصان پر 68 تک پہنچا۔

    آٹھویں اوور میں ٹیم کے مجموعی اسکور میں صرف چار رنز کا اضافہ ہوسکا۔

    ساتویں اوور میں چوکے کی باؤنڈری کا سلسلہ جاری رہا اور اختتام پر ٹیم کا مجموعی اسکور ایک وکٹ کے نقصان پر 39 تک پہنچا۔

    چھٹے اوور میں کراچی کنگز کی ٹیم مجموعی اسکور میں صرف دو رنز کا اضافہ کرسکی، اوور اختتام پر ٹیم کا مجموعی اسکور ایک وکٹ کے نقصان پر 32 تک پہنچا۔

    ڈین لے اور بابر اعظم نے پانچویں اوور کے اختتام پر ٹیم کا مجموعی اسکور ایک وکٹ کے نقصان پر 30 تک پہنچایا۔

    کراچی کنگز کی جانب سے پہلا میچ کھیلنے واہے لینڈل سیمنز محمد عرفان کی گیند پر آؤٹ ہوئے انہوں نے چار رنز کی اننگز کھیلی، نئے آنے والے بیٹسمین بابر اعظم تھے، اوور اختتام پر ٹیم کا مجموعی اسکور ایک وکٹ کے نقصان پر 22 تک پہنچا۔

    تیسرے اوور میں ایک چوکے کے باعث مجموعی اسکور میں 10 رنز کا اضافہ ہوا اور مجموعی اسکور بغیر کسی نقصان کے 19 تک پہنچا۔

    دوسرے اوور میں ایک چوکے کی مدد سے ٹیم کا مجموعی اسکور بغیر کسی نقصان کے 9 تک پہنچا۔

    کراچی کنگز کی جانب سے اننگز کا آغاز جوائے ڈین لے اور لینڈل سیمنز نے کیا، پہلے اوور میں ٹیم صرف ایک رن ہی بنا سکی۔

    پوائنٹس ٹیبل پر ملتان سلطانز 9 پوائنٹس کے ساتھ دوسرے پر نمبر ہے۔ ملتان سلطانز نے اب تک 8 میچز کھیلے جس میں سے 4 جیتے، 3 ہارے جبکہ ایک میچ بارش کی نذر ہوگیا۔

    کراچی کنگز 7 پوائنٹس لے کر چوتھے نمبر پر ہے۔ کراچی کنگز اب تک 6 میچز کھیل چکا ہے جس میں سے 3 میچز میں فاتح رہا 2 میچز میں شکست کا سامنا کرنا پڑا جبکہ ایک میچ بارش کی نذر ہوگیا۔

    ملتان اور کراچی کی ٹیمیں بہترین کھلاڑیوں پر مشتمل ہیں۔

    کراچی کنگز

    کراچی کنگز کے پاس شاہد آفریدی، عماد وسیم، محمد عامر، روی بوپارہ، بابر اعظم، کولن انگرم، سیف اللہ بنگش اور عثمان میر جیسے سپر اسٹارز ہیں۔

    ملتان سلطانز

    ملتان سلطانز میں بھی سلطانز کی بھرمار ہے۔ پہلی بار پی ایس ایل میں شامل ہونے والی ٹیم ملتان سلطانز کے کپتان شعیب ملک ہیں جبکہ دیگر کھلاڑیوں میں احمد شہزاد، کیرون پولارڈ، کمار سنگا کارا، صہیب مقصود اور ڈیرن براوو، ورلڈ کلاس اسپنر عمران طاہر ، پاکستانی فاسٹ بولرز محمد عباس، عمرگل، محمد عرفان، جنید خان اور سہیل تنویر شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018 : کوئٹہ گلیڈی ایٹرز اور پشاور زلمی کا ٹاکرا

    پی ایس ایل 2018 : کوئٹہ گلیڈی ایٹرز اور پشاور زلمی کا ٹاکرا

    دبئی : پاکستان سپر لیگ میں آج دوسرے میچ میں پشاور زلمی اور کوئٹہ گلیڈی ایٹرز کی ٹیمیں ایکشن میں دکھائی دیں گی، میچ رات نو بجے کھیلا جائے گا۔

    تفصیلات کے مطابق پاکستان سپر لیگ میں سنسنی خیز مقابلے جاری ہے، دبئی کے انٹرنیشنل کرکٹ اسٹیڈیم میں پشاور زلمی کی ٹیم آج کوئٹہ گلیڈی ایٹرز کے مدمقابل آئے گی۔

    پشاور زلمی اور کوئٹہ گلیڈی ایٹرز کے درمیان میچ رات نو بجے کھیلا جائے گا۔

    پشاور زلمی کو میں ٹائٹل کی دوڑ میں شامل رہنے کے لیے یہ میچ جیتنا لازمی ہوگا، پانچویں نمبر پر براجمان پشاور زلمی کے7 میچز میں چھ پوائنٹس ہیں، زلمی نے 3 میچز میں فاتح حاصل کی جبکہ 4 میں شکست کا سامنا کرنا پڑا۔

    کوئٹہ گلیڈی ایٹرز8 پوائنٹس کے ساتھ تیسرے نمبر پر ہے ، کوئٹہ اب تک 7 میچز کھیل چکی ہے ، جس میں سے 4 جیتے اور 3 ہارے ہیں۔

    پشاور زلمی

    پشاور زلمی کے کپتان ڈیرن سیمی ہیں جبکہ دیگر کھلاڑیوں میں رکی ویسلس، تمیم اقبال، محمد عارف، خوشدل شاہ، تیمور سلطان، ابتسام شیخ، محمد حفیظ، شکیب الحسن، حارث سہیل، ڈوائن براوو، حماد اعظم، سعد نسیم، خالد عثمان، کامران اکمل اور اینڈریو فلیچر شامل ہیں

    کوئٹہ گلیڈی ایٹرز

    سرفراز احمد کوئٹہ گلیڈی ایٹرز کے کپتان ہیں جبکہ دیگر کھلاڑیوں میں کیون پیٹرسن، ریلے روسو، اسد شفیق، محمد اللہ، انور علی، میر حمزہ، عمر امین، شین واٹسن، کارلوس بریتھوٹ، راحت علی، رمیز راجہ جونیئر، سعد علی، سعود شکیل، حسان خان، جیسن روئے، راشد خان، محمد اعظم خان اور فراز احمد شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل میچزکا مفت ٹکٹ نہیں ملے گا‘ نجم سیٹھی کا مفت مشورہ

    پی ایس ایل میچزکا مفت ٹکٹ نہیں ملے گا‘ نجم سیٹھی کا مفت مشورہ

    لاہور: چیئرمین پاکستان کرکٹ بورڈ نجم سیٹھی کا کہنا ہے کہ مجھ سے کوئی بھی فری ٹکٹ کا مطالبہ نہ کرے، پی ایس ایل میچز کا مفت ٹکٹ نہیں ملے گا۔

    تفصیلات کے مطابق سماجی رابطے کی ویب سائٹ ٹویٹر پر چیئرمین پی سی بی نجم سیٹھی نے اپنے پیغام میں دوست، خاندان، حکومتی ارکان، اعلیٰ حکام کو مخاطب کرتے ہوئے کہا کہ ٹکٹ آن لائن یا کراچی اورلاہور میں ٹی سی ایس کے سینٹرز سے خریدیں۔

    نجم سیٹھی نے کہا کہ فائنل کے ٹکٹس 15مارچ سے آن لائن دستیاب ہوں گے، براہ مہربانی مجھ سے کوئی بھی فری ٹکٹ کا مطالبہ نہ کرے۔

    پی ایس ایل تھری کا فائنل کراچی میں ہی ہوگا: نجم سیٹھی

    خیال رہے کہ رواں ہفتے 5 مارچ کو پاکستان کرکٹ بورڈ کے چیئرمین نجم سیٹھی کا کہنا تھا کہ غیر ملکی کھلاڑی پاکستان آنے پر مطمئن ہیں، پاکستان سپر لیگ کا فائنل کراچی میں ہی ہوگا۔

    واضح رہے کہ پاکستان سپر لیگ سیزن تھری کے فائنل میچ کے ٹکٹ کی دستیابی کا شائقین کرکٹ کو بے صبری سے انتظار ہیں، کم از کم ٹکٹ ایک ہزار روپے جبکہ مہنگا ٹکٹ بارہ ہزار تک کا ہوگا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں