ARYNews.tv | Urdu – Har Lamha Bakhabar

Tag: PSL 2020

  • کرونا وائرس، پاکستان کرکٹ بورڈ نے پی ایس ایل فائیو کے میچز ملتوی کردیئے

    کرونا وائرس، پاکستان کرکٹ بورڈ نے پی ایس ایل فائیو کے میچز ملتوی کردیئے

    لاہور: کروناوائرس کے پیش نظر پاکستان کرکٹ بورڈ نے پاکستان سپر لیگ فائیو کے 2 سیمی فائنلز اور فائنل میچز ملتوی کردیئے اور کہا ہے کہ میچز کو ری شیڈول کیاجائے گا۔

    تفصیلات کے مطابق پاکستان کرکٹ بورڈ نے کرونا وائرس کے خدشات کے پیش نظر پی ایس ایل فائیو کے میچز ملتوی کردیئے ہیں۔

    پی سی بی نے سماجی رابطے کی ویب سائٹ ٹوئٹر پر پی ایس ایل میچز ملتوی کرنے کا باضابطہ اعلان کرتے ہوئے کہا ہے کہ  پی ایس ایل کے 2سیمی فائنلز اور فائنل میچز کو ری شیڈول کیا جائے گا۔

    اس سے قبل پاکستان کرکٹ بورڈ نے ایچ بی ایل پی ایس ایل 2020 کے شیڈول میں تبدیلی کرتے ہوئے ایونٹ کے پلے آف میچز کو سیمی فائنل اور فائنل میں تبدیل کردیا تھا۔

    خیال رہے پی ایس ایل 5 کے دونوں سیمی فائنلز آج لاہور میں  کھیلے جانے تھے  جبکہ پی ایس ایل کا فائنل میچ کل ہونا تھا۔

    یاد رہے  پاکستان کرکٹ بورڈ  اورپی ایس ایل ٹیموں کے مالکان کا اجلاس ہوا  تھا ، جس میں فیصلہ کیا گیا تھا پی ایس ایل شیڈول کے مطابق جاری رہےگی جبکہ پاکستان کرکٹ بورڈ نے کرونا وائرس کے خطرے کے پیش نظر غیر ملکی کھلاڑیوں کو پاکستان سپر لیگ سے دستبردار ہونے کی  اجازت دے دی تھی۔

  • پشاور زلمی نے اسلام آباد یونائیٹڈ‌ کو 7 رنز سے شکست دے دی

    پشاور زلمی نے اسلام آباد یونائیٹڈ‌ کو 7 رنز سے شکست دے دی

    راولپنڈی: پی ایس ایل فائیو کے 20ویں میچ میں پشاور زلمی نے یونائیٹڈ کو ڈک ورتھ لوئس میتھڈ کے تحت 7 رنز سے شکست دے دی۔

    تفصیلات کے مطابق راولپنڈی میں کھیلے جانے والے میچ میں اسلام آباد یونائیٹڈ کی جانب سے دئیے جانے والے 196 رنز کے تعاقب میں زلمی کی ٹیم 9 اوورز میں2 وکٹوں کے نقصان پر 85 رنز بنائے، میچ بارش کے باعث روکا گیا تو زلمی کی ٹیم یونائیٹڈ کے مقابلے میں 7 رنز آگے تھی جس کے سبب زلمی کو میچ کا فاتح قرار دیا گیا۔

    پشاور زلمی کے دو وکٹیں 85 رنز پر گر چکی ہیں، کامران اکمل 37 اور امام الحق 7 رنز بنا کر پویلین لوٹ گئے۔بارش کے باعث میچ روکا تو ٹام بنٹن 20 اور حیدر 16 رنز کے ساتھ کریز پر موجود تھے۔

    یونائیٹڈ کی جانب سے رومن رئیس اور ظفر گوہر نے ایک، ایک وکٹ حاصل کی۔

    یونائیٹڈ نے اپنی پہلی اننگز میں مقررہ اوورز میں پانچ وکٹوں کے نقصان پر 196 رنز اسکور بورڈ پر سجائے تھے، شاداب خان نے شاندار 77 رنز کی اننگز کھیلی، کولن منرو 52 اور کولن انگرام 41 رنز بنا کر نمایاں رہے۔

    زلمی کی جانب سے حسن علی نے دو وکٹیں حاصل کیں، وہاب ریاض، بریتھ ویٹ اور راحت علی نے ایک، ایک وکٹ حاصل کی۔

    تفصیلات کے مطابق روالپنڈی میں کھیلے جانے والے پی ایس ایل فائیو کے بیسویں میچ میں آج اسلام یونائیٹڈ اور پشاور زلمی کے خلاف آمنے سامنے ہیں، زلمی نے ٹاس جیت کر اسلام آباد کو پہلے بیٹنگ کی دعوت دی ہے۔

    یاد رہے کہ بارش کے باعث میچ کے ٹاس میں تاخیر ہوئی ہے تاہم پی سی بی کی جانب سے اوورز کم نہیں کیے گئے، میچ 20 ،20 اوور کا ہی ہوگا۔

    اسلام آباد یونائیٹڈ اور پشاور زلمی پاکستان سپر لیگ میں اب تک سات ساتھ میچ کھیل چکے ہیں جس میں دونوں ٹیموں نے تین تین میچ جیتے ہیں اور 7 دونوں ٹیمیں 7، 7 پوائنٹس کے ساتھ بدستور دوسرے اور تیسرے نمبر پر براجمان ہیں۔

    بارش نے کراچی کنگز کی محنت پر پانی پھیر دیا، سلطانز یقینی شکست سے بچ گئے

    یاد ہے کہ گزشتہ روز کراچی کنگز اور ملتان سلطانز کا میچ بارش کی نذر ہوگیا تھا جس کے باعث دونوں ٹیموں کا ایک، ایک پوائنٹ دے دیا گیا تھا۔

    پشاور زلمی ٹیم اسکوڈ

    پشاور کی ٹیم میں وہاب ریاض (کپتان) کامران اکمل، ٹام بیٹن، امام الحق، حیدر علی، لیونگ اسٹون، شعیب ملک، کارلوس بریتھویٹ، حسن علی، یاسر شاہ اور راحت علی شامل ہیں۔

    اسلام آباد یونائیٹڈ ٹیم اسکوڈ

    شاداب خان (کپتان) لوک رونچی، کولن منرو، رضوان حسین، کولن انگرام، آصف علی، فہیم اشرف، ڈیل اسٹین، رومن رئیس، ظفر گوہر اور آقف جاوید شامل ہیں۔

  • پاکستان سپر لیگ 2020 کا شیڈول جاری، کراچی کنگز کا پہلا میچ 21 فروری کو ہوگا

    پاکستان سپر لیگ 2020 کا شیڈول جاری، کراچی کنگز کا پہلا میچ 21 فروری کو ہوگا

    لاہور: پاکستان سپر لیگ 2020 کا شیڈول جاری کردیا گیا، کراچی کنگز اپنا پہلا میچ 21 فروری کو پشاور زلمی کے ساتھ کھیلے گی۔

    تفصیلات کے مطابق پاکستان سپر لیگ کے پانچویں سیزن کا شیڈول جاری کردیا گیا، تمام میچز پاکستان میں کھیلے جائیں گے۔

    پی ایس ایل 2020 کا آغاز 20 فروری سے ہوگا، 4 مقامات پر 34 میچز کھیلے جائیں گے، ایونٹ کے 14 میچز لاہور، 9 کراچی، 8 راولپنڈی اور 3 ملتان میں ہوں گے۔

    دونوں ایلی منیٹر میچز بھی لاہور کے قذافی اسٹیڈیم میں کھیلے جائیں گے جبکہ پی ایس ایل 5 کا فائنل بھی 22 مارچ کو قذافی اسٹیڈیم لاہور میں ہوگا۔ ٹکٹوں کی فروخت 20 جنوری سے شروع ہوگی۔

    ایونٹ کا افتتاحی میچ کراچی میں کوئٹہ گلیڈی ایٹرز اور اسلام آباد یونائیٹڈ کے درمیان کھیلا جائے گا۔

    کراچی کنگز اپنا پہلا میچ 21 فروری کو پشاور زلمی کے ساتھ کراچی نیشنل اسٹیڈیم میں کھیلے گی۔ کراچی کنگز کے 2 میچز لاہور، 2 راولپنڈی اور ایک ملتان میں ہوگا، اپنے ہوم گراؤنڈ پر کراچی کنگز 4 میچز کھیلے گی۔

    کراچی کنگز اپنا دوسرا میچ 23 فروری کو کوئٹہ گلیڈی ایٹرز سے کراچی میں کھیلے گی، تیسرا میچ 28 فروری کو ملتان سلطانز سے ملتان میں ہوگا، جبکہ چوتھا میچ یکم مارچ کو اسلام آباد یونائیٹڈ کے ساتھ راولپنڈی میں ہوگا۔

    کراچی کنگز کا پانچواں میچ پشاور زلمی سے 2 مارچ کو راولپنڈی میں جبکہ اگلا میچ 6 مارچ کو ملتان سلطانز سے لاہور میں ہوگا۔

    اس موقع پر پاکستان کرکٹ بورڈ کے چیئرمین احسان مانی کا کہنا ہے کہ پورا پی ایس ایل پاکستان میں ہونا پی سی بی کی کامیابی ہے، پانچویں ایڈیشن میں 36 غیر ملکی کھلاڑی شرکت کریں گے۔

    انہوں نے کہا کہ یہ لیگ پاکستان کی ہے اور اس کے تمام میچز ہوم گراؤنڈز پر ہی کھیلے جانے چاہیئے۔ گزشتہ ایڈیشن کے اختتام پر پاکستانی عوام سے وعدہ کیا تھا کہ پی ایس ایل 2020 کے تمام میچز پاکستان میں ہوں گے اور آج وہ وعدہ وفا ہو رہا ہے۔

  • پی ایس ایل 2020، مقامی کھلاڑیوں کی کیٹیگریز کی تجدید کا عمل مکمل

    پی ایس ایل 2020، مقامی کھلاڑیوں کی کیٹیگریز کی تجدید کا عمل مکمل

    لاہور: پاکستان سپر لیگ (پی ایس ایل) 2020 کے لیے مقامی کھلاڑیوں کی کیٹیگریز کی تجدید کا عمل مکمل کرلیا گیا۔

    تفصیلات کے مطابق پی ایس ایل 2020 کے لیے 2 مرحلوں پر مشتمل تجدید کے عمل میں تمام فرنچائز کے نمائندگان نے حصہ لیا، قومی ٹی 20 کرکٹ ٹیم کے کپتان بابراعظم اور شاہین شاہ آفریدی پلاٹینیم کیٹیگری کا حصہ ہیں۔

    پلاٹینیم کیٹیگری میں عماد وسیم، حسن علی، شاداب خان، فہیم اشرف، کامران اکمل، محمد عامر، محمد حفیظ، محمد عرفان، محمد نواز، سرفراز احمد سمیت دیگر مقامی کھلاڑی شامل ہیں۔

    اوپنر امام الحق، حارث سہیل اور آصف علی، احمد شہزاد، جنید خان، محمد رضوان، عمر اکمل، عثمان شنواری، یاسر شاہ ڈائمنڈ کیٹیگری میں شامل ہیں۔

    رپورٹ کے مطابق کھلاڑیوں کی کیٹیگریز میں تجدید کے لیے فرنچائزز کے نمائندوں نے ووٹنگ میں حصہ لیا۔

    عمران احمد اور قومی سلیکشن کمیٹی کوآرڈینیٹر نے کھلاڑیوں کی فہرست کو حتمی شکل دی گئی، پاکستان کی نمائندگی کرنے والے کھلاڑیوں کی بنیادی کیٹیگری گولڈ مقرر کی گئی ہے۔

    قانون کے مطابق ہر ٹیم گزشتہ ایڈیشن کے 8 کھلاڑیوں کو برقرار رکھ سکتی ہے، تجدید کا عمل مکمل ہوتے ہی ایڈیشن کے لیے تمام ٹیموں میں کھلاڑیوں کی ریکروٹمنٹ کا عمل شروع ہوگا۔

    ایم ڈی پی سی بی وسیم خان نے کہا کہ پی ایس ایل سیزن فائیو کے تمام میچز پاکستان میں کھیلے جائیں گے۔

    انہوں نے کہا کہ پی ایس ایل کا شمار دنیا کی بہترین ٹی 20 لیگز میں ہوتا ہے، آئندہ سال ایونٹ میں مداحوں کو دنیا بھر کے بہترین کرکٹرز ایکشن میں دکھائی دیں گے۔