کراچی : نیشنل اسٹیڈیم میں کھیلے جانے والے پاکستان سپر لیگ 6 کے چوتھے میچ میں لاہور قلندرز نے کوئٹہ گلیڈی ایٹرز کو9وکٹوں سے شکست دے دی۔
تفصیلات کے مطابق پاکستان سپر لیگ (پی ایس ایل) کے چھٹے سیزن کے چوتھے میچ میں کوئٹہ گلیڈی ایٹرز نے پہلے بیٹنگ کرتے ہوئے لاہور قلندرز کو 179رنز کا ہدف دیا تھا۔
کوئٹہ گلیڈی ایٹرز کے 179 رنز کے ہدف کے تعاقب میں لاہور قلندرز نے اننگز کا آغاز فخرزمان اور سہیل اختر کی اوپننگ سے کیا۔
ایل کیو کے اوپنرز نے64 رنز کی اوپننگ شراکت قائم کی جس کے بعد سہیل اختر 21 رنز بناکر آؤٹ ہوگئے۔ کھیل کے9ویں اوورز میں 64 کے مجموعی اسکور پر لاہور قلندرز کے کپتان سہیل اختر 21 رنز بنا کر زاہد محمود کی گیند پر آؤٹ ہوکر پویلین لوٹ گئے۔
لاہورقلندرز نے فخر زمان اور محمد حفیظ کی دھواں دھار بلے بازی کی بدولت 179 رنز کا مطلوبہ ہدف 18.2 اوورز میں ایک وکٹ کے نقصان پر حاصل کرلیا۔فخر زمان 82 اور محمد حفیظ 73 رنز بناکر ناٹ آؤٹ رہے۔
Both @MHafeez22 and @FakharZamanLive lit up the Karachi night with some explosive hitting!#HBLPSL6 | #MatchDikhao | #QGvLQ pic.twitter.com/x9Cwu3ekpp
— PakistanSuperLeague (@thePSLt20) February 22, 2021
179 رنز کے تعاقب میں لاہور قلندرز کے بلے بازوں نے شاندار کھیل کا مظاہرہ کیا،ان کے واحد آؤٹ ہونے والے بیٹسمین لاہور قلندرزکے کپتان سہیل اختر تھے، جو 64کے مجموعی اسکور پر21 رنز بناکر زاہد محمود کی گیند پر بولڈ ہو گئے۔
A scintillating knock from @FakharZamanLive got him the Player of the Match tonight!#HBLPSL6 | #MatchDikhao | #QGvLQ pic.twitter.com/ZsaQJF1Kg7
— PakistanSuperLeague (@thePSLt20) February 22, 2021
جس کے بعد اوپنر فخر زمان اور ان فارم بیٹسمین محمد حفیظ نے محمد حسنین، عثمان شنواری، بین کٹنگ، محمد نواز ، انور علی اور زاہد محمود پر مشتمل کوئٹہ گلیڈی ایٹرز کے باؤلنگ اٹیک کو آڑے ہاتھوں لیا اور وکٹ کے چار وں اطراف شاندار اسٹرروکس کھیل کر ٹیم کو فتح سے ہمکنار کردیا۔
An absolutely imperious win for @lahoreqalandars tonightb as they decimated @TeamQuetta!#HBLPSL6 | #MatchDikhao | #QGvLQ pic.twitter.com/fOsa67kS25
— PakistanSuperLeague (@thePSLt20) February 22, 2021
فخر زمان نے 52 گیندوں پر 8 چوکوں اور 2 چھکوں کی مدد سے 82 رنز کی ناقابل شکست اننگز کھیلی۔ محض 24 گیندوں پر نصف سنچری بنانے والے محمد حفیظ 33 گیندوں پر 5 چوکوں اور 6 چھکوں کی بدولت 73 رنز بناکر ناٹ آؤٹ رہے، لاہور قلندرز کے اوپنر فخر زمان کو مین آف دی میچ قرار دیا گیا۔
میچ کے آغاز پر لاہور قلندرز کے کپتان سہیل اختر نے ٹاس جیت کر کوئٹہ گلیڈی ایٹرز کے کپتان سرفراز احمد کو بیٹنگ کی دعوت دی۔
کوئٹہ گلیڈی ایٹرز کے اوپنرز ٹام بینٹن اور صائم ایوب نے ٹیم کی جانب سے اننگز کا آغاز کیا تاہم وہ جلد ہی پویلین لوٹ گئے، ٹام بینٹن 4 اور صائم ایوب صرف 12رنز بنا سکے۔
Guess who 👀🦅
That man @iShaheenAfridi does it again. Watch how @TeamQuetta lost their second wicket. #HBLPSL6 | #MatchDikhao | #QGvLQ pic.twitter.com/OsENOaQNXn
— PakistanSuperLeague (@thePSLt20) February 22, 2021
میچ کے دسویں اوور تک کوئٹہ گلیڈی ایٹر کا مجموعی اسکور 68تھا اور اس کے دو کھلاڑی آؤٹ ہوئے۔ ابتدائی وکٹیں گرنے کے بعد کپتان سرفراز احمد اور کرس گیل نے ٹیم کو سہارا فراہم کیا۔
سرفراز احمد اور کرس گیل کے درمیان 101 رنز کی شاندار شراکت رہی۔ کپتان سرفراز نے33گیندوں پر 40 رنز بنائے اور حارث رؤف کی بال پر آؤٹ ہوکر واپس چلے گئے۔
اگلے ہی اوور میں راشد خان نے کرس گیل کو بھی 68 کے ذاتی اسکور پر پویلین روانہ کردیا۔ انہوں نے یہ اسکور 40گیندوں پر پورا کیا، اس وقت کوئٹہ گلیڈی ایٹرزکا مجموعی اسکور118رنز تھا۔
BADLA! Watch as @rashidkhan_19 gets his revenge and ends @henrygayle‘s blistering knock!#HBLPSL6 | #MatchDikhao | #QGvLQ pic.twitter.com/KeJtrE4U7K
— PakistanSuperLeague (@thePSLt20) February 22, 2021
کرس گیل کے بعد اعظم خان بھی خاص کارکردگی کا مظاہرہ نہ کرپائے اور صرف 19 رنز بنا کر چلتے بنے، وہ احمد دانیال کی بال پر آؤٹ ہوئے۔
چھٹے نمبر پر آنے والے محمد نواز نے جارحانہ اننگز کا مظاہرہ کیا اور صرف 20 گیندوں پر 33 رنز بنا کر ناٹ آؤٹ رہے، اس طرح کوئٹہ گلیڈی ایٹر کی ٹیم مقررہ اوورز میں6وکٹوں کے نقصان پر 178 رنز بناسکی۔
It’s a massive total from Quetta. Can Lahore chase it down? #MatchDikhao l #HBLPSL6 I #QGvLQ pic.twitter.com/jsMLmrBE78
— PakistanSuperLeague (@thePSLt20) February 22, 2021
لاہور قلندر کے حارث رؤف نے شاندار بولنگ کا مظاہرہ کرتے ہوئے 38رنز دے کر 3وکٹیں حاصل کیں جبکہ شاہین شاہ آفریدی، احمد دانیال، راشد خان نے ایک ایک کھلاڑی کو آؤٹ کیا۔
The fiery pace of Haris Rauf kept Lahore in it through Quetta’s assault. #MatchDikhao l #HBLPSL6 l #QGvLQ pic.twitter.com/84dskO86D0
— PakistanSuperLeague (@thePSLt20) February 22, 2021
اطلاع کے مطابق لاہور قلندرز کی ٹیم میں ایک تبدیلی کرتے ہوئے حارث رؤف کو ٹیم میں شامل کیا گیا۔ قبل ازیں ٹاس کے بعد میڈیا سے گفتگو کرتے ہوئے قلندرز کے کپتان سہیل اختر کا کہناتھا کہ کوئٹہ گلیڈی ایٹرز کو جلدآؤٹ کرنے کی کوشش کریں گے۔
لاہور قلندرز ٹیم
لاہور ٹیم میں کپتان سہیل اختر، فخر زمان، آغا سلمان، محمد حفیظ، بین ڈنک، سمت پٹیل، ڈیوڈ ویزے، راشد خان، احمد دانیال، شاہین شاہ آفریدی اور حارث رؤف شامل ہیں۔
کوئٹہ گلیڈی ایٹرز ٹیم
کوئٹہ ٹیم میں کپتان سرفراز احمد، کرس گیل، ٹام بینٹن، اعظم خان، صائم ایوب، بین کٹنگ اور محمد نواز، زاہد محمود، انور علی، محمد حسنین اور عثمان شنواری شامل ہیں
اس سے قبل پی ایس ایل 6 کے پہلے میچ میں کراچی کنگز کی ٹیم نے شاندار کارکردگی کا مطاہرہ کرتے ہوئے کوئٹہ گلیڈی ایٹرز کو باآسانی 7 وکٹوں سے شکست دی تھی، جب کہ گزشتہ روز لاہور قلندرز نے پشاور زلمی کو شکست کا مزہ چکھایا تھا۔
