Tag: psl 4

شارجہ: پاکستان سپر لیگ سیزن فور کے گیارہویں میچ میں اسلام آباد یونائیٹڈ نے پشاور زلمی کو 12 رنز سے شکست دے دی، کیرون پولارڈ کی نصف سنچری بھی پشاور زلمی کو شکست سے نہ بچاسکی۔

تفصیلات کے مطابق پاکستان سپر لیگ سیزن فور کے گیارہویں میچ میں اسلام آباد یونائیٹڈ نے پشاور زلمی نے جیت کے لیے 159 رنز کا ہدف دیا، ہدف کے تعاقب میں زلمی کی ٹیم آخری اوور میں 146 رنز پر آل آؤٹ ہوگئی، فاسٹ بولر محمد سمیع نے ہیٹ ٹرک کی۔

کامران اکمل اپنی کھوئی فارم بحال نہ کرسکے اور صرف 7 رنز بنا کر پویلین لوٹ گئے، امام الحق بھی 18 رنز پر آؤٹ ہوئے، ملان 1 رنز بنا کر محمد موسیٰ کی گیند پر پٹیل کو کیچ دے بیٹھے۔

کیرون پولارڈ نے 51 رنز کی شاندار اننگز کھیلی، وہاب ریاض نے 20 رنز کی بنا کر محمد سمیع کی گیند پر کیچ آؤٹ ہوئے، کپتان ڈیرن سیمی 11 رنز بنا کر پویلین لوٹ گئے۔

What a match, what a hat-trick, Captain @Bullet_Sami finishes it in style.
This nail-biter has come to an end with the United coming out victorious!#HBLPSL #KhelDeewanoKa #IUvPZ pic.twitter.com/np8aicrGV9

— PakistanSuperLeague (@thePSLt20) February 22, 2019

اسلام آباد یونائیٹڈ کے کپتان محمد سمیع نے ہیٹ ٹرک کی، محمد موسیٰ نے چار اوورز میں 25 رنز دے کر تین وکٹیں حاصل کیں، فہیم اشرف نے دو کھلاڑیوں کو آؤٹ کیا، پٹیل، شاداب خان کے حصے میں ایک، ایک وکٹ حاصل کی۔

قبل ازیں شارجہ میں کھیلے جانے والے میچ میں اسلام آباد یونائیٹڈ نے مقررہ اوورز میں 9 وکٹوں کے نقصان پر 158 رنز بنائے اور پشاور زلمی کو جیت کے لیے 159 رنز کا ہدف دے دیا، ثمین گل نے تین کھلاڑیوں کو پویلین کی راہ دکھائی۔

ڈیرن سیمی نے ٹاس جیت کر پہلے بولنگ کا فیصلہ کیا تو اسلام آباد یونائیٹڈ کی پہلی وکٹ 32 رنز پر گری جب لک رونکی 21 رنز بنا کر ثمین گل کی گیند پر ڈوسن کو کیچ دے بیٹھے۔

صاحب زادہ فرحان 15 رنز پر ہمت ہار گئے، حسین طلعت کو پولارڈ نے صفر پر پویلین بھیج دیا، ڈیلپورٹ نے 29 رنز بنائے جبکہ آصف علی 13 رنز بنا کر آؤٹ ہوئے۔

Another good bowling performance from Zalmi pacers especially the youngster Sameen Gull. Ian Bell’s serene 54 lead United to a fighting total of 158.#HBLPSL #KhelDeewanoKa #IUvPZ pic.twitter.com/hv3DkOl9hy

— PakistanSuperLeague (@thePSLt20) February 22, 2019

پشاور زلمی کے  ثمین گل نے تین وکٹیں حاصل کیں، حسن علی کے حصے میں 2 کھلاڑیوں کو پویلین کی راہ دکھائی۔

تفصیلات کے مطابق شارجہ میں کھیلے جانے والے پی ایس ایل فور کے گیارہویں میچ میں ڈیرن سیمی نے ٹاس جیت کر اسلام آباد یونائیٹڈ کو پہلے بیٹنگ کی دعوت دی ہے۔

اسکواڈ اسلام آباد یونائیٹڈ

محمد سمیع اسلام آباد یونائیٹڈ کے کپتان ہیں دیگر کھلاڑیوں میں  لک رونکی، صاحبزادہ فرحان، ڈیلپورٹ، حسین طلعت، آصف علی، شاداب خان، فہیم اشرف، آئی آر بیل، سمیتھ پٹیل، محمد موسی شامل ہیں۔

اسکواڈ پشاور زلمی

ڈیرن سیمی پشاور زلمی کے کپتان ہیں، دیگر کھلاڑیوں میں کامران اکمل، امام الحق، عمر امین، ملان، کیرون پولارڈ، ڈاسن، حسن علی، سمین گل، عمید آصف اور وہاب ریاض شامل ہیں۔

واضح رہے کہ گزشتہ میچ میں لاہور قلندرز نے سنسنی خیز مقابلے کے بعد 6 وکٹوں سے شکست دی تھی، اے بی ڈیولیرز کو شاندار نصف سنچری اسکور کرنے پر میچ کا بہترین کھلاڑی قرار دیا گیا۔

یاد رہے کہ پشاور زلمی کے پوائنٹس ٹیبل پر 4 پوائنٹس ہیں جبکہ اسلام آباد یونائیٹڈ نے ایک میچ جیت کر 2 پوائنٹس حاصل کیے ہیں۔

کراچی: سابق کپتان قومی کرکٹ ٹیم اور کراچی کنگز کے صدر وسیم اکرم نے کہا ہے کہ چھوٹے سے معاملے پر ذاتی حملے کیے جارہے ہیں، میری ٹیم اور اونر سلمان اقبال کے خلاف کوئی بدتمیزی کرے گا تو برداشت نہیں کروں گا۔

تفصیلات کے مطابق اے آر وائی نیوز کے پروگرام ’اعتراض ہے‘ میں گفتگو کرتے ہوئے وسیم اکرم نے کہا کہ لاہور یا کوئی بھی ٹیم جیتے سب کو جشن منانا چاہئے، 45 منٹ تک ایک شخص میری ٹیم اور اونر کا نام لے کر برا بھلا کہتا رہا، خواتین بھی موجود تھیں صرف یہ پوچھا یہ بندہ کون ہے، کرکٹ انجوائے کرنی چاہئے نام لے کر کسی کو تنگ نہیں کیا جاسکتا ہے۔

وسیم اکرم نے کہا کہ ایک طرف کی بات بتا کر معاملے کو خراب کیا جارہا ہے، کراچی کے خلاف لاہور میچ جیتا ہمیں خوشی اس لیے ہوئی کہ پاکستانی ہیں، کچھ صحافی ایجنڈے کے تحت الزام لگاتے ہیں ان پر غصہ آتا ہے، نام نہاد صحافی فون کرکے پوچھ لیتے، ٹویٹر پر الزام لگانے لگ گئے۔

[bs-quote quote=”ہمیں نام لے لے کر مسلسل تنگ کیا گیا، اس باکس میں سنجیدہ لوگ بیٹھے تھے انہیں سمجھانا چاہئے تھا” style=”style-8″ align=”left” author_name=”وسیم اکرم” author_job=”صدر کراچی کنگز”][/bs-quote]

انہوں نے کہا کہ گراؤنڈ سے باہر دونوں ٹیموں کے باکسز الگ الگ ہونے چاہئیں، گڑھے مردے اکھاڑ کر کٹ پر دو، دو گھنٹے شو کیے جارہے ہیں، کرکٹ پر نام نہاد شو کرنے والے جاکر سیاست پر شو کریں۔

کراچی کنگز کے صدر نے کہا کہ اسی لیے تو کہتے ہیں عقل سلیم اتنی بھی عام نہیں ہے، ہمیں نام لے لے کر مسلسل تنگ کیا گیا، اس باکس میں سنجیدہ لوگ بیٹھے تھے انہیں سمجھانا چاہئے تھا، اگر ہم لوگ اپنے لوگوں کو یہ چھوٹی چھوٹی باتیں نہیں سھائیں گے تو کون سکھائے گا۔

وسیم اکرم نے کہا کہ اس طرح کے چھوٹے واقعات کو ایشو نہیں بنانا چاہئے، پی ایس ایل کے ذریعے کرکٹ پاکستان آرہی ہے، کوئی بھی جیتا، پی ایس ایل جیتی ہے، کارکردگی نہ دکھانے پر افسوس ہوتا ہے، لڑکوں پر غصہ بھی آتا ہے، کراچی کنگز کے میچز ابھی باقی ہیں لڑکوں کی حوصلہ افزائی کررہے ہیں۔

واضح رہے کہ لاہور قلندرز نے کراچی کنگز کو شکست دی تو گراؤنڈ میں موجود کچھ تماشائیوں نے نازیبا الفاظ ادا کیے جبکہ وسیم اکرم، عماد وسیم اور محمد عامر پر الزام لگاتے ہوئے کہا گیا کہ انہوں نے نازیبا الفاظ ادا کیے ہیں۔

شارجہ: پشاور زلمی نے کراچی کنگز کو 44 رنز سے شکست دے دی، امام الحق کو شاندار نصف سنچری اسکور کرنے پر میچ کا بہترین کھلاڑی قرار دیا گیا۔

تفصیلات کے مطابق پشاور زلمی کی جانب سے دئیے جانے والے 154 رنز کے تعاقب میں کراچی کنگز کی ٹیم 9 وکٹوں کے نقصان پر 109 رنز بناسکی، حسن علی نے چار اور وہاب ریاض نے ایک، ایک وکٹ حاصل کی۔

کراچی کنگز نے بیٹنگ کا آغاز کیا تو حسن علی نے پہلے ہی بال پر لیونگ اسٹون کو پویلین روانہ کردیا، بین ڈنک اور بابر اعظم بھی خاطرہ خواہ کارکردگی نہ دکھاسکے، بابر اعظم کو حسن علی نے رن آؤٹ کیا۔

 کولن انگرام کو بھی امام الحق نے رن آؤٹ کیا، سکندر رضا 14 رنز بنا کر پویلین لوٹ گئے، محمد رضوان کی ناقابل شکست 23 رنز کی اننگز بھی ٹیم کو شکست سے نہ بچاسکی۔

For his match winning knock, opener @ImamUlHaq12 gets the Man of the Match award.#HBLPSL #KhelDeewanoKa #PZvKK pic.twitter.com/EVTSUbmmsU

— PakistanSuperLeague (@thePSLt20) February 21, 2019

عماد وسیم 26 رنز بنا کر حسن علی کا شکار بنے، عامر یامین کو بھی حسن علی نے پویلین روانہ کیا، محمد عامر بغیر کوئی رن بنائے پویلین لوٹ گئے۔

Zalmi’s Yellow Storm blows Kings away. A convincing 44 run win for @PeshawarZalmi and a great night for @RealHa55an (4 for 15) 💪#HBLPSL #KhelDeewanoKa #PZvKK pic.twitter.com/ie2Nv4Fgl3

— PakistanSuperLeague (@thePSLt20) February 21, 2019

اسپنر عمر خان کو پولارڈ نے صفر پر آؤٹ کیا، کراچی کنگز کی جانب سے حسن علی نے چار کھلاڑیوں کو آؤ ٹ کیا، عمید آصف، کیرون پولارڈ اور وہاب ریاض نے ایک، ایک وکٹ حاصل کی۔

قبل ازیں پشاور زلمی نے مقررہ اوورز میں 7 وکٹوں کے نقصان پر 153 رنز بنائے اور پشاور زلمی کو جیت کے لیے 154 رنز کا ہدف دے دیا، امام الحق نے شاندار 56 رنز کی اننگز کھیلی، پولارڈ صفر پر پویلین لوٹ گئے۔

کامران اکمل بغیر کوئی رن بنائے پویلین لوٹ گئے، وہ ٹی ٹوینٹی کرکٹ میں سب سے زیادہ 24 مرتبہ صفر پر آؤٹ ہونے والے کھلاڑی بن گئے، عمر اکمل بھی 24 مرتبہ صفر پر آؤٹ ہوچکے ہیں۔

عمر امین کو سکندر رضا نے اسٹمپ آؤٹ کیا، لیام ڈاسن نے شاندار 44 رنز کی اننگز کھیلی انہیں عثمان شنواری اپنی ہی بال پر کیچ آؤٹ کیا، وہاب ریاض بھی بغیر کوئی رن بنائے پویلین لوٹ گئے، حسن علی 2 رنز بنا کر رن آؤٹ ہوئے۔

And with a wonderful SIX off the last delivery, the Zalmi have posted a decent total of 153 runs in their innings. Great fightback by @PeshawarZalmi 💪#HBLPSL #KhelDeewanoKa #PZvKK pic.twitter.com/BpCDct0ciZ

— PakistanSuperLeague (@thePSLt20) February 21, 2019

کراچی کنگز کی جانب سے سکندر رضا نے دو وکٹیں حاصل کیں، جبکہ عماد وسیم، عثمان شنواری اور محمد عامر نے ایک، ایک وکٹ حاصل کی۔

 کراچی کنگز کے کپتان عماد وسم نے ٹاس جیت کر ڈیرن سیمی الیون کو پہلے بیٹنگ کی دعوت دی ہے، پوائنٹس ٹیبل پر دونوں ٹیمیں دو، دو پوائنٹس کے ساتھ برابر ہیں۔

کراچی کنگز کی ٹیم میں دو تبدیلیاں کی گئی ہیں، روی بوپارہ کی جگہ بین ڈنگ پلیئنگ الیون کا حصہ ہیں، فاسٹ بولر سہیل خان کی جگہ عامر یامین ٹیم کا حصہ ہیں۔

9 wickets in the season thus far 🔥@RealHa55an is the new owner of #FAZALMAHMUDCAP 🧢#HBLPSL #KhelDeewanoKa #PZvKK pic.twitter.com/jOaOWpPuy5

— PakistanSuperLeague (@thePSLt20) February 21, 2019

واضح رہے کہ کراچی کنگز نے اپنے پہلے میچ میں ملتان سلطانز کو شکست دی تھی جبکہ لاہور قلندرز نے کراچی کنگز کو ہرادیا تھا۔

Karachi Kings and Peshawar Zalmi are squaring off against each other at Sharjah in the ninth match of the #HBLPSL. Both the sides have played two matches each, winning one and losing one.
Who will win this one?#PZvKK pic.twitter.com/Wp3y1wN1Rl

— PakistanSuperLeague (@thePSLt20) February 21, 2019