ARYNews.tv | Urdu – Har Lamha Bakhabar

Tag: psl 4

  • پی ایس ایل میں دلچسپی مزید بڑھانے کے لیے پی سی بی کا نیا اقدام

    پی ایس ایل میں دلچسپی مزید بڑھانے کے لیے پی سی بی کا نیا اقدام

    لاہور: پی ایس ایل فور میں دلچسپی بڑھانے کے لیے پی سی بی نے نیا اقدام کیا ہے، ترجمان پی سی بی کے مطابق تمام ٹیمیں 23 سے 25 فروری تک کھلاڑیوں کی ٹریڈ کرسکیں گی۔

    تفصیلات کے مطابق پی سی بی کے مطابق پی ایس ایل سیزن فور میں اب کھلاڑیوں کی ٹریڈنگ ہوگی، تمام ٹیمیں 23 سے 25 فروری تک کھلاڑیوں کی ٹریڈ کرسکیں گی، مڈ سیزن ٹریڈ 23 فروری کو کراچی کنگز اور اسلام آباد یونائیٹڈ کے میچ کے بعد شروع ہوگی جس کے تحت ٹیم میں نئے کھلاڑی متعارف کروائے جائیں گے۔

    [bs-quote quote=”مڈ سیزن ٹریڈ سے ٹیموں کا توازن برقرار رکھنے میں مدد ملے گی” style=”style-8″ align=”left” author_name=”ترجمان پی سی بی”][/bs-quote]

    ترجمان پی سی بی کے مطابق مڈ سیزن ٹریڈ سے ٹیموں کا توازن برقرار رکھنے میں مدد ملے گی، کھلاڑیوں کی ٹریڈ ایک جیسی کیٹگری کے کھلاڑیوں میں ہوگی۔

    ہر ٹیم زیادہ سے زیادہ 2 مڈ سیزن کھلاڑیوں کی ٹریڈ کرسکے گی، کھلاڑیوں کی ٹریڈ سے ان کھلاڑیوں کو بھی موقع ملے جنہوں نے اب تک کوئی میچ نہیں کھیلا ہے۔

    واضح رہے پی ایس ایل سیزن فور کے میچز جاری ہیں دبئی میں پی ایس ایل کا پہلا مرحلہ مکمل ہوچکا ہے جبکہ دوسرے مرحلے کا آغاز شارجہ سے ہوچکا ہے۔

    مزید پڑھیں: پی ایس ایل : پی آئی اے اور اے آر وائی سہولت والٹ کے درمیان معاہدے پر دستخط

    دوسرے مرحلے کے اختتام پر لاہور اور کراچی میں میچز کھیلے جائیں گے، شائقین کرکٹ ملک میں پی ایس ایل میچز دیکھنے کے لیے بے قرار ہیں، ایونٹ کا فائنل 17 مارچ کو کراچی کے نیشنل اسٹیڈیم میں شیڈول ہے۔

  • کوئٹہ گلیڈی ایٹرز کی لگاتار تیسری فتح، ملتان سلطانز کو 8 وکٹوں سے شکست

    کوئٹہ گلیڈی ایٹرز کی لگاتار تیسری فتح، ملتان سلطانز کو 8 وکٹوں سے شکست

    شارجہ: پی ایس ایل فور کے دوسرے مرحلے کے پہلے میچ میں کوئٹہ گلیڈی ایٹرز نے ملتان سلطانز کو شکست دے کر لگاتار تیسری فتح اپنے نام کرلی۔

    تفصیلات کے مطابق ملتان سلطانز نے کوئٹہ گلیڈی ایٹرز کو جیت کے لیے 161 رنز کا ہدف دیا جسے کوئٹہ کی ٹیم نے 2 وکٹوں کے نقصان پر باآسانی حاصل کرلیا، شین واٹسن نے شاندار نص سنچری اسکور کی۔

    کوئٹہ گلیڈی ایٹرز نے بیٹنگ کا آغاز کیا تو پہلی وکٹ جلد گرنے کے باوجود شین واٹسن اور روسو نے جارحانہ انداز اپناتے ہوئے گراؤنڈ کے چاروں اطراف دلکش شاٹس کھیلے اور ٹیم کی جیت میں اہم کردار ادا کیا۔

    روسو نے شاندار 67 رنز کی ناقابل شکست اننگز کھیلی جبکہ شین واٹسن 61 رنز بنا کر نمایاں رہے، عمر اکمل 17 رنز بنا کر ناقابل شکست رہے۔

    ملتان سلطانز کی جانب سے محمد عرفان اور شاہد خان آفریدی نے ایک، ایک وکٹ حاصل کی۔

    واضح رہے کہ آج کی فتح کے ساتھ ہی پوائنٹس ٹیبل پر کوئٹہ گلیڈی ایٹرز 6 پوائنٹس کے ساتھ سرفہرست ہے جبکہ ملتان سلطانز نے تین میچ کھیلے اور ایک میں کامیابی حاصل کی ان کے دو پوائنٹس ہیں۔

    تفصیلات کے مطابق ملتان سلطانز نے مقررہ اوورز 7 وکٹوں کے نقصان پر میں 160 رنز بنائے اور کوئٹہ گلیڈی ایٹرز کو جیت کے لیے 161 رنز کا ہدف دے دیا، شاہد آفریدی بغیر کوئی رن بنائے پویلین لوٹ گئے، عرفان جونیئر نے دو وکٹیں حاصل کیں،

    سرفراز احمد نے ٹاس جیت کر پہلے فیلڈنگ کا فیصلہ کیا تاہم ملتان سلطانز کے اوپنر بلے بازوں نے عمدہ پارٹنر شپ قائم کی، کپتان شعیب ملک 53 رنز بنا کر سہیل تنویر کی گیند پر آؤٹ ہوئے۔

    شاہد خان آفریدی بغیر کوئی رن بنائے محمد عرفان جونیئر کا نشانہ بنے، آندرے رسل کو 18 رنز پر مدثر نے کیچ آؤٹ کرایا۔

    کوئٹہ گلیڈی ایٹرز کی جانب سے عرفان جونیئراور مدثر نے 2 وکٹیں حاصل کیں، سہیل تنویر کے حصے میں ایک وکٹ آسکی۔

    تفصیلات کے مطابق شارجہ میں کھیلے جانے والے پی ایس ایل فور کے اہم میچ میں سرفراز احمد نے ٹاس جیت کر ملتان سلطانز کو بیٹنگ کی دعوت دی ہے۔

    پوائنٹس ٹیبل پر کوئٹہ گلیڈی ایٹرز 4 پوائنٹس کے ساتھ سرفہرست ہے جبکہ ملتان سلطانز نے ایک میچ جیت کر 2 پوائنٹس حاصل کیے ہیں۔

  • شارجہ، پی ایس ایل کے دوسرے مرحلے کا آج سے آغاز، فائنل کے آن لائن ٹکٹوں کی فروخت شروع

    شارجہ، پی ایس ایل کے دوسرے مرحلے کا آج سے آغاز، فائنل کے آن لائن ٹکٹوں کی فروخت شروع

    کراچی: شارجہ میں پی ایس ایل کے دوسرے مرحلے کا آج سے آغاز ہوگا جبکہ شہر قائد کے نیشنل اسٹیڈیم میں شیڈول پی ایس ایل فائنل کے لیے آن لائن ٹکٹس کی فروخت شروع ہوگی۔

    تفصیلات کے مطابق پی ایس ایل سیزن فور کے میچ پاکستان میں ہونے جارہے ہیں اور شہر قائد کے نیشنل اسٹیڈیم میں فائنل میچ کے آن لائن ٹکٹس کی فروخت آج رات  12 بجے سے شروع ہوگئی، کوالیفائر 13 مارچ کو کراچی میں کھیلا جائے گا جس کے ٹکٹس بھی آن لائن دستیاب ہوں گے۔

    کراچی کنگز اور کوئٹہ گلیڈی ایٹرز کے 10 مارچ کو ہونے والے میچ کی تمام ٹکٹس فروخت ہوچکی ہیں، پہلا ایلیمنٹر میچ 12 مارچ کو لاہور میں کھیلا جائے گا، دوسرا ایلیمنیٹر میچ 15 مارچ کو کراچی میں کھیلا جائے گا۔

    ایلیمنیٹر کوالیفائر میچز کی قیمت 500، ایک ہزار، 2 ہزار، 3 ہزار روپے رکھے گئے ہیں، فائنل میچ کے ٹکٹس کی قیمت 500، 2 ہزار، 4 ہزار، ساڑھے سات ہزار اور 8 ہزار مقرر کیے گئے ہیں۔

    مزید پڑھیں: پی ایس ایل کے ٹکٹوں کی آن لائن فروخت آج رات 12 بجے شروع ہوگی

    دوسری جانب لیگ کے کراچی اور لاہور کے گروپ میچز کے لیے 17 فروری سے شروع ہونے والے آن لائن ٹکٹس تاحال مکمل طور پر فروخت نہیں ہوسکے ہیں، جبکہ آن لائن صرف 20 فیصد ٹکٹ فروخت کے لیے رکھے گئے ہیں۔

    پہلی بار آن لائن ٹکٹس لینے والے خوش نصیبوں کے لیے ہوم ڈیلیوری کی سہولت مہیا کی جارہی ہے جبکہ ملک بھر کے 13 شہروں میں 60 مختلف ٹی سی ایس برانچز میں 25 فروری سے ٹکٹس کی فروخت شروع ہوگی۔

    پی ایس ایل فور کے 4 میچز ابو ظبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں 3 میچ لاہور اور 5 میچ کراچی میں ہوں گے۔

  • پشاور زلمی نے لاہور قلندرز کو 7 وکٹوں سے باآسانی شکست دے دی

    پشاور زلمی نے لاہور قلندرز کو 7 وکٹوں سے باآسانی شکست دے دی

    دبئی: پشاور زلمی نے لاہور قلندرز کو 7 وکٹوں سے شکست دے دی، عمر امین نے شاندار نصف سنچری اسکور کی، حسن علی کو شاندار بولنگ پر میچ کا بہترین کھلاڑی قرار دیا گیا۔

    تفصیلات کے مطابق پشاور زلمی نے 79 رنز کا ہدف باآسانی حاصل کرلیا اور لاہور قلندرز کو باآسانی 7 وکٹوں سے شکست دے دی، عمر امین نے شاندار نصف سنچری اسکور کی، حسن علی 4 کھلاڑیوں کو پویلین کی راہ دکھائی۔

    پشاور زلمی نے 79 رنز ہدف کے تعاقب میں اننگز کا آغاز کیا تو کامران اکمل بغیر کوئی رن بنائے شاہین شاہ آفریدی کی گیند پر کلین بولڈ ہوگئے، امام الحق کو حارث رؤف نے 1 رنز پر چلتا کیا۔

    عمر امین نے ناقابل شکست 61 رنز کی اننگز کھیلی، میڈسن نے 5 رنز بنا کر آؤٹ ہوئے، لاہور قلندرز کی جانب سے شاہین شاہ آفریدی، راحت علی اور حارث رؤف نے ایک، ایک وکٹ حاصل کی۔

    تفصیلات کے مطابق پشاور زلمی کے خلاف لاہور قلندرز کی ٹیم 79 رنز پر آل آؤٹ ہوگئی اور پشاور زلمی کو جیت کے لیے رنز کا ہدف دیا، حسن علی نے 4 کھلاڑیوں کو آؤٹ کیا۔

    ڈیرن سیمی نے ٹاس جیت کر پہلے فیلڈنگ کا فیصلہ جو درست ثابت ہوا، لاہور قلندر کی ٹیم ریت کی دیوار ثابت ہوئی اور پوری ٹیم 78 رنز پر ڈھیر ہوگئی، قلندرز کے صرف 3 کھلاڑی ڈبل فگر میں داخل ہوسکے، ڈیوسچ 18، اے بی ڈیویلیرز 14 اور آغا سلمان 13 رنز بنا کر نمایاں رہے۔

    فخر زمان اور سہیل اختر صرف 6،6 رنز بنا کر پویلی لوٹ گئے، برینڈن ٹیلر اور ول جوئن صرف ایک، ایک رن بناسکے۔

    پشاور زلمی کی جانب سے حسن علی نے چار وکٹیں حاصل کیں جبکہ وہاب ریاض نے تین شکار کیے، اسپنر ابتسام شیخ نے دو کھلاڑیوں کو نشانہ بنایا۔

    تفصیلات کے مطابق پی ایس ایل فور کے ساتویں میچ میں ڈیرن سیمی نے ٹاس جیت کر لاہور قلندرز کو بیٹنگ کی دعوت دی ہے، پشاور زلمی کی قیادت ڈیرن سیمی جبکہ محمد حفیظ کے زخمی ہونے کے بعد پی ایس ایل سے باہر ہوگئے، لاہور قلندرز کی قیادت اے بی ڈیویلیرز کررہے ہیں۔

    واضح رہے کہ لاہور قلندرز ایونٹ میں ایک میچ ہاری ہے، گزشتہ روز لاہور قلندرز نے کراچی کنگز کو 22 رنز سے شکست دے کر پہلی کامیابی حاصل کی تھی۔

    پشاور زلمی ایونٹ میں کوئی میچ نہیں جیت سکی ہے، پہلے میچ میں زلمی کو گلیڈی ایٹرز کے ہاتھوں شکست ہوئی تھی۔

  • کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے شکست دے دی

    کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے شکست دے دی

    دبئی: پی ایس سیزن فور کے چھٹے میچ میں کوئٹہ گلیڈی ایٹرز نے اسلام آباد یونائیٹڈ کو 7 وکٹوں سے باآسانی شکست دے دی، شین واٹسن کو میچ کا بہترین کھلاڑی قرار دیا گیا۔

    تفصیلات کے مطابق اسلام آباد یونائیٹڈ کی جانب سے کوئٹہ گلیڈی ایٹرز کو جیت کے لیے 158 رنز کا ہدف دیا گیا تھا جسے کوئٹہ گلیڈی ایٹرز نے 3 وکٹوں کے نقصان پر باآسانی حاصل کرلیا، شین واٹسن نے شاندار نصف سنچری اسکور کی۔

    ہدف کے تعاقب میں کوئٹہ نے بیٹنگ کا آغاز کیا تو احمد شہزاد پہلے میچ کی طرح دوسرے میچ میں بھی کچھ نہ کرسکے اور صرف 2 رنز بنا کر پٹیل کی گیند پر کلین بولڈ ہوگئے۔

    شین واٹسن نے شاندار کارکردگی کا مظاہرہ کرتے ہوئے ناقابل شکست 81 رنز کی اننگز کھیلی، روسو صرف 10 رنز بنا کر رومن رئیس کی گیند پر محمد سمیع کو کیچ دے بیٹھے۔

    عمر اکمل نے جارحانہ انداز میں اپناتے ہوئے 28 گیندوں پر 44 رنز کی اننگز کھیلی، کپتان سرفراز احمد 15 رنز بنا کر ناٹ آؤٹ رہے۔

    اسلام آباد یونائیٹڈ کی جانب سے پٹیل، رومن رئیس اور ڈیلپورٹ نے ایک، ایک وکٹ حاصل کی۔

    قبل ازیں پی ایس ایل سیزن فور کے چھٹے میچ میں اسلام آباد یونائیٹڈ نے مقررہ اوورز میں 8 وکٹوں کے نقصان پر 157 رنز بنائے اور کوئٹہ گلیڈی ایٹرز کو جیت کے لیے 158 رنز کا ہدف دے دیا۔

    سرفراز احمد نے ٹاس جیت کر پہلے فیلڈنگ کا فیصلہ کیا جو درست ثابت ہوا، سہیل تنویر نے اپنے پہلے ہی اوور میں لک رونکی اورشاداب خان کو سہیل تنویر نے پویلین کی راہ دکھائی۔

    رونکی اور شاداب خان بغیر کوئی رن بنائے پویلین لوٹ گئے جبکہ رضوان حسین 5 رنز بنا کر محمد نواز کی گیند پر انہی کو کیچ دے بیٹھے، فواد احمد 19 رنز بنا کر ڈیلپورٹ کا نشانہ بنے۔

    حسین طلعت کو فواد احمد نے 30 رنز پر بولڈ کیا، آصف علی 36، فہیم اشرف 1 جبکہ پارنیل نے 41 رنز کی شاندار اننگز کھیلی۔

    کوئٹہ گلیڈی ایٹرز کی جانب سے سہیل تنویر نے شاندار بولنگ کا مظاہرہ کرتے ہوئے 4 وکٹیں حاصل کیں، فواد احمد نے تین اور محمد نواز کے حصے میں ایک وکٹ آئی۔

    پاکستان سپر لیگ کے چوتھے سیزن میں آج 2 میچز کھیلے جائیں گے۔ دبئی کے اسٹیڈیم میں پہلا میچ اسلام آباد یونائیٹڈ اور کوئٹہ گلیڈی ایٹرز کا ہوگا، میچ مقامی وقت کے مطابق ساڑھے 4 بجے شروع ہوگا۔

    ایونٹ کا دوسرا میچ پشاورزلمی اور لاہور قلندرز کے درمیان رات 9 بجے کھیلا جائے گا۔

    خیال رہے کہ گزشتہ روز پاکستان سپرلیگ کے پانچویں میچ میں لاہور قلندرز نے کراچی کنگز کو 22 رنز سے شکست دی تھی۔

    لاہور قلندرز نے پہلے کھیلتے ہوئے مقررہ اوورز میں 6 وکٹوں کے نقصان پر138 رنز بنائے، جواب میں کراچی کنگز کی ٹیم 19.5 اوورز میں 116 رنز بنا کر آؤٹ ہوگئی تھی۔

    لاہور قلندرز نے کراچی کنگز کو 22 رنز سے شکست دے دی

    واضح رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابوظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • لاہور قلندرز نے کراچی کنگز کو 22 رنز سے شکست دے دی

    لاہور قلندرز نے کراچی کنگز کو 22 رنز سے شکست دے دی

    دبئی: لاہور قلندر نے کراچی کنگز کو 22 رنز سے شکست دے دی، شاہین شاہ آفریدی اور حارث رؤف نے 2، 2 کھلاڑیوں کو پویلین راہ دکھائی، نوجوان فاسٹ بولر حارث رؤف کو مین آف دی میچ کا ایوارڈ دیا گیا۔

    تفصیلات کے مطابق لاہور قلندر نے ایونٹ کی پہلی کامیابی حاصل کرلی، کراچی کنگز 139 رنز کے تعاقب میں 116 رنز بناسکی، لاہور قلندر کے حارث رؤف نے چار، شاہین شاہ آفریدی نے دو کھلاڑیوں کو پویلین کی راہ دکھائی، محمد رضوان 34 رنز بنا کر نمایاں رہے۔

    کراچی کنگز کی پہلی وکٹ 13 رنز پر گری، لیونگ اسٹون کو 11 رنز پر شاہین شاہ آفریدی نے کلین بولڈ کیا، بابراعظم 28 رنز بنا کر آؤٹ ہوئے۔

    کولن انگرام اور ری بوپارا بھی خاطر خواہ کارکردگی نہ دکھا سکے، دونوں نے بالترتیب 16 اور 1 رنز بنائے، کپتان عماد وسیم 17 رنز پر ہمت ہار گئے، سہیل خان بغیر کوئی رن بنائے پویلین لوٹ گئے۔

    لاہور قلندرز اسپیڈ اسٹار حارث رؤف نے چار کھلاڑیوں کو پویلین کی راہ دکھائی، شاہین شاہ آفریدی نے دو کھلاڑیوں کو آؤٹ کیا۔

    واضح رہے کہ کراچی کنگز نے اپنے پہلے میچ میں کراچی کنگز نے ملتان سلطانز کو 7 رنز سے شکست دی تھی جبکہ لاہور قلندرز کو اسلام آباد یونائیٹڈ کے ہاتھوں شکست کا سامنا کرنا پڑا تھا۔

    تفصیلات کے مطابق لاہور قلندر نے مقررہ اوورز 5 وکٹوں کے نقصان پر 138 رنز بنائے اور کراچی کنگز کو جیت کے لیے 139 رنز کا ہدف دے دیا، اوپنر سہیل اختر نے 39 رنز کی جارحانہ اننگز کھیلی۔

    عماد وسیم نے ٹاس جیت کر لاہور قلندرز کو پہلے بیٹنگ کی دعوت دی تھی اوپنر فخر زمان اور سہیل اختر نے عمدہ آغاز فراہم کیا، لاہور قلندرز کی پہلی وکٹ 64 رنز پر گری جب سہیل اختر 39 رنز بنا کر عمر خان کی گیند پر بابر اعظم کو کیچ دے بیٹھے۔

    فخر زمان 26 رنز بنا کر سکندر رضا کا نشانہ بنے، اے بی ڈیویلیرز صرف 3 رنز بنا کر عمر خان کی گیند پر آؤٹ ہوئے، محمد حفیظ کو 14 رنز پر سکندر رضا نے رن آؤٹ کیا۔

    ڈیوسچ نے 28 رنز بنا کر محمد عامر کا نشانہ بنے، برینڈر ٹیلر 13 رنز بناسکے انہیں کپتان عماد وسیم نے رن آؤٹ کیا۔

    کراچی کنگز کی جانب سے ابھرتے ہوئے اسپنر عمر خان نے 2 وکٹیں حاصل کیں جبکہ محمد عامر اور سکندر رضا کے حصے میں ایک وکٹ حاصل کیں۔

    تفصیلات کے مطابق پی ایس ایل سیزن فور کے چوتھے میچ میں کراچی کنگز کے کپتان عماد وسیم نے تاس جیت کر حفیظ الیون کو بیٹنگ کی دعوت دی ہے، کراچی کنگز کی ٹیم میں کوئی تبدیلی نہیں کی گئی ہے جبکہ لاہور قلندرز کی ٹیم میں ایک تبدیلی کی گئی ہے۔

    واضح رہے کہ دو روز قبل لاہور قلندرز کو اسلام آباد یونائیٹڈ کے ہاتھوں شکست کا سامنا کرنا پڑا تھا جبکہ کراچی کنگز نے ملتان سلطانز کو 7 رنز سے شکست دی تھی۔

  • ڈسکو دیوانے کیوں گایا؟ زوہیب حسن کا پی ایس ایل انتظامیہ کے خلاف قانونی چارہ جوئی کا اعلان

    ڈسکو دیوانے کیوں گایا؟ زوہیب حسن کا پی ایس ایل انتظامیہ کے خلاف قانونی چارہ جوئی کا اعلان

    کراچی: پاکستانی پاپ گلوکار زوہیب حسن نے پی ایس ایل 4 کی افتتاحی تقریب میں ان کی بغیر اجازت ’ڈسکو دیوانے‘ گیت گانے پر انتظامیہ کے خلاف قانونی چارہ جوئی کا اعلان کردیا۔

    پی ایس ایل 4 کی افتتاحی تقریب میں گلوکارہ آئمہ بیگ اور موسیقار شجاع حیدر نے ماضی کی مشہور گلوکارہ نازیہ حسن کا گیت ’ڈسکو دیوانے‘ گایا تھا جس پر زوہیب حسن نے قانونی کارروائی کا اعلان کیا۔

    زوہیب حسن نے سماجی رابطے کی ویب سائٹ فیس بک پر پوسٹ شیئر کرتے ہوئے لکھا کہ ’میں حیران ہوں کہ ایک معتبر کرکٹ ایونٹ پی ایس ایل 4 میں مجھ سے پوچھے بغیر ’ڈسکو دیوانے‘ گانے کو پیش کردیا۔

    یاد رہے کہ ڈسکو دیوانے وہ مشہور گانا ہے جسے دنیا بھر میں بھرپور پذیرائی ملی تھی اور متعدد اداکار اس گانے پر پرفارم کرچکے ہیں، کرن جوہر کی فلم اسٹوڈنٹ آف دی ایئر میں بھی اس گانے کو پیش کیا جاچکا ہے جس میں عالیہ بھٹ، ورون دھون اور سدھاتھ ملہوترا نے پرفارم کیا تھا۔

    دبئی میں 14 فروری کو پاکستان سپر لیگ سیزن فور کی افتتاحی تقریب میں کا انعقاد کیا گیا تھا جس میں آئمہ بیگ، شجاع حیدر، جنون گروپ اور فواد خان سمیت دیگر فن کاروں نے شرکت کی تھی۔

  • ملتان سلطانز نے اسلام آباد یونائیٹڈ کو 5 وکٹوں سے شکست دے دی

    ملتان سلطانز نے اسلام آباد یونائیٹڈ کو 5 وکٹوں سے شکست دے دی

    دبئی: پی ایس ایل سیزن فور کے چوتھے میچ میں ملتان سلطانز نے اسلام آباد یونائیٹڈ کو شکست دے دی۔

    تفصیلات کے مطابق پی ایس ایل سیزن فور کے چوتھے میچ میں ملتان سلطانز نے سنسنی خیز مقابلے کے بعد اسلام آباد یونائیٹڈ کو شکست دے دی، اسلام آباد نے 125 رنز بنائے اور ملتان سلطانز کو 126 رنز کا ہدف دیا۔

    ہدف کے تعاقب میں ملتان سلطانز کی پہلی وکٹ 3 رنز پر گری جب چارلس بغیر کوئی رن بنائے وقاص مقصود کی گیند پر پویلین لوٹ گئے، دوسری وکٹ شادی مسعود کی گری جب وہ 26 رنز بنا کر رن آؤٹ ہوگئے۔

    تیسرے آؤٹ ہونے والے کھلاڑی ایونس تھے انہوں نے 15 رنز بنائے، حماد اعظم اور آندرے رسل بالترتیب 14 اور 16 رنز بنائے۔

    شاہد آفریدی اور شعیب ملک نے ناقابل شکست 16 اور 31 رنز کی اننگز کھیلی۔

    اسلام آباد یونائیٹڈ کے شاداب خان نے دو کھلاڑیوں کو پویلین کی راہ دکھائی جبکہ وقاص مقصود اور محمد سمیع کے حصے میں ایک ایک وکٹ آئی۔

    واضح رہے کہ ملتان سلطانز کی ایونٹ میں یہ دوسری شکست ہے جبکہ اسلام آباد یونائیٹڈ نے ایک میچ جیتا اور ایک ہارا ہے۔

    قبل ازیں ملتان سلطانز نے ٹاس جیت کر پہلے فیلڈنگ کا فیصلہ کیا جو درست ثابت ہوا اور اسلام آباد یونائیٹڈ کی پوری ٹیم مقررہ اوورز میں صرف 125 رنز بناسکی اور ملتان سلطانز کو جیت کے لیے 126 رنز کا ہدف دے دیا۔

    اسلام آباد یونائیٹڈ لک رونکی نے 51 رنز کی شاندار اننگز کھیلی اور سمیٹ پٹیل 20 رنز بنا کر نمایاں رہے، اسلام آباد یونائیٹڈ کے باقی کھلاڑی خاطر خواہ کارکردگی دکھانے میں ناکام رہے۔

    ملتان سلطانز کی جانب سے جنید خان، علی شفیق اور شاہد خان آفریدی نے دو، دو وکٹیں حاصل کیں جبکہ محمد عرفان کے حصے میں ایک وکٹ آئی۔

    دبئی کے اسٹیڈیم میں آج ملتان سلطانز اور اسلام آباد یونائیٹڈ مدمقابل ہیں۔ اسلام آباد یونائیٹڈ کے کپتان محمد سمیع کا کہنا ہے کہ ٹیم میں کوئی تبدیلی نہیں کی گئی۔

    2 سیزنز کی فاتح اسلام آباد یونائیٹڈ نے اس سیزن میں بھی فاتحانہ آغاز کیا اور پہلے میچ میں لاہور قلندرز کو 5 وکٹوں سے شکست دی۔

    دوسری جانب ملتان سلطان کا یہ دوسرا میچ ہے اور وہ پہلے میچ کی شکست کے بعد دوسرا میچ جیتنے کے لیے پرعزم ہیں۔

    ملتان سلطانز نے اپنے پہلے میچ میں کراچی کنگز سے 7 رنز سے شکست کھائی تھی۔

    ملتان سلطانز کی ٹیم میں کپتان شعیب ملک، علی شفیق، ڈی جے کرسٹین، حماد اعظم، جنید خان، محمد عباس، محمد الیاس، محد عرفان، شان مسعود، شاہد آفریدی، نعمان علی اور قیس احمد شامل ہیں۔

    اسلام آباد کی ٹیم میں محمد سمیع کپتان، رضوان حسین، لک رونچی، فل سالٹ، حسین طلعت، کیمرون ڈیلپورٹ، آصف علی، فہیم اشرف، شادان خان، سمیٹ پٹیل اور وقاص مقصود شامل ہیں۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • پی ایس ایل 4: کراچی کنگز اور لاہور قلندرز آج آمنے سامنے

    پی ایس ایل 4: کراچی کنگز اور لاہور قلندرز آج آمنے سامنے

    دبئی: پاکستان سپر لیگ کے چوتھے سیزن میں آج اسلام آباد یونائیٹڈ اور ملتان سلطانز، جبکہ کراچی کنگز اور لاہور قلندرز آپس میں مدمقابل ہوں گے۔

    پاکستان سپر لیگ کے چوتھے سیزن میں آج 2 میچز کھیلے جائیں گے۔ دبئی کے اسٹیڈیم میں پہلا میچ اسلام آباد یونائیٹڈ اور ملتان سلطانز کا ہوگا، میچ مقامی وقت کے مطابق 5 بجے کھیلا جائے گا۔

    دوسرا میچ کراچی کنگز اور لاہور قلندرز کے درمیان ساڑھے 9 بجے کھیلا جائے گا۔

    کراچی کنگز نے گزشتہ روز پی ایس ایل 4 میں شاندار فاتحانہ آغاز کیا اور ملتان سلطانز کو 7 رنز سے شکست دی۔

    کراچی کے مدمقابل لاہور قلندرز کی ٹیم پہلے روز افتتاحی میچ میں اسلام آباد یونائیٹڈ سے 5 وکٹوں سے شکست کھا چکی ہے۔

    کنگز کی ٹیم آج بھی جیت کا تسلسل رکھنے کے لیے برقرار ہے۔

    دوسری جانب ملتان سلطان کا یہ دوسرا میچ ہے اور وہ پہلے میچ کی شکست کے بعد دوسرا میچ جیتنے کے لیے پرعزم ہیں۔

    2 سیزنز کی فاتح اسلام آباد یونائیٹڈ نے اس سیزن میں بھی فاتحانہ آغاز کیا اور پہلے میچ میں لاہور قلندرز کو شکست دی۔

    چاروں ٹیمیں بھرپور تیاری کے ساتھ میدان میں اترنے اور مقابل کو پچھاڑنے کے لیے بے چین ہیں۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • کوئٹہ گلیڈی ایٹرز نے پشاور زلمی کو 6 وکٹوں سے باآسانی شکست دے دی

    کوئٹہ گلیڈی ایٹرز نے پشاور زلمی کو 6 وکٹوں سے باآسانی شکست دے دی

    دبئی: پی ایس سیزن فور کے تیسرے میچ میں کوئٹہ گلیڈی ایٹرز نے پشاور زلمی کو باآسانی 6 وکٹوں سے شکست دے دی۔

    تفصیلات کے مطابق دبئی میں کھیلے جانے والے تیسرے میچ میں کوئٹہ گلیڈی ایٹرز نے پشاور زلمی کی جانب سے دیا جانے والا 156 رنز کا ہدف 6 وکٹوں کے نقصان پر باآسانی حاصل کرلیا، عمر اکمل نے شاندار نصف سنچری اسکور کی۔

    سرفراز احمد نے ٹاس جیت پہلے پشاور زلمی کو پہلے بیٹنگ کی دعوت دی تو زلمی کی ٹیم مقررہ اوورز میں صرف 156 رنز بناسکی، کامران اکمل اور مصباح الحق نے 49 رنز کی اننگز کھیلی۔

    کوئٹہ کی جیت میں عمر اکمل نے 75 رنز کی شاندار ناقابل شکست کھیلی اور کپتان سرفراز احمد 37 رنز بنا کر وہاب ریاض کی گیند پر سیمی کو کیچ دے بیٹھے۔

    پشاور زلمی کی جانب وہاب ریاض نے دو جبکہ  حسن علی اور عمید آصف نے ایک، ایک وکٹ حاصل کی۔

    قبل ازیں پی ایس ایل فور کے تیسرے میچ میں پشاور زلمی نے مقررہ اوورز میں 4 وکٹوں کے نقصان پر 155 رنز بنائے اور کوئٹہ گلیڈی ایٹرز کو جیت کے لیے 156 رنز کا ہدف دے دیا۔

    کوئٹہ گلیڈی ایٹرز کے کپتان سرفراز احمد نے ٹاس جیت کر پہلے فیلڈنگ کرنے کا فیصلہ کیا جو درست ثابت ہوا، 13 رنز کے مجموعی اسکور پر پشاور کی پہلی وکٹ گری جب فلیچر 1 رن بنا کر محمد عرفان جونیئر کا نشانہ بنے۔

    دوسرے آؤٹ ہونے والے کھلاڑی کامران اکمل تھے جو 49 رنز بنا کر محمد نواز کی گیند پر روسو کو کیچ دے بیٹھے، صہیب مقصود 26 رنز بناسکے۔

    مصباح الحق نے 49 رنز کی شاندار اننگز کھیلی لیام ڈوسن 21 رنز بنا کر نمایاں رہے۔

    کوئٹہ گلیڈی ایٹرز کے محمد نواز نے 2 وکٹیں حاصل کیں، محمد عرفان جونیئر اور غلام مدثر کے حصے میں ایک، ایک وکٹ آسکی۔

    قبل ازیں کوئتہ گلیڈی ایٹرز نے پشاور زلمی کے خلاف ٹاس جیت کر پہلے فیلڈنگ کا فیصلہ کیا ہے، سرفراز احمد نے کہا ہے کہ پشاور زلمی کے کھلاڑیوں کو کم اسکور پر آؤٹ کرنے کی کوشش کریں گے۔

    کوئٹہ گلیڈی ایٹرزاسکواڈ

    سرفراز احمد کپتان، احمد شہزاد، عمر اکمل، ڈیون اسمتھ، روسو، محمد نواز، شین واٹسن، غلام مدثر، سہیل تنویر، محمد عرفان جونیئر، فواد احمد شامل ہیں۔

    پشاور زلمی اسکواڈ

    ڈیرن سیمی کپتان، کامران اکمل، اینڈریو فلیچر، مقصود، مصباح الحق، کیرون پولارڈ، ڈاسن، وہاب ریاض، حسن علی، عمید آصف، ثمین گل شامل ہیں۔

    واضح رہے کہ پی ایس ایل سیزن فور کے دوسرے میچ میں کراچی کنگز نے محمد عامر کی شاندار بولنگ کی بدولت ملتان سلطانز کو 7 رنز سے شکست دی تھی۔