ARYNews.tv | Urdu – Har Lamha Bakhabar

Tag: psl 4

  • کراچی کنگز کا فاتحانہ آغاز، ملتان سلطانز کو 7 رنز سے شکست

    کراچی کنگز کا فاتحانہ آغاز، ملتان سلطانز کو 7 رنز سے شکست

    دبئی: پی ایس ایل فور کے دوسرے میچ میں کراچی کنگز نے فاتحانہ آغاز کرتے ہوئے ملتان سلطانز کو 7 رنز سے شکست دے دی، لیام لیونگ اسٹون کو میچ کا بہترین کھلاڑی قرار دیا گیا۔

    تفصیلات کے مطابق کراچی کنگز نے ملتان سلطانز کو جیت کے لیے 184 رنز کا ہدف دیا، شعیب ملک الیون مقررہ اوورز میں 176 رنز بناسکی، بابراعظم اور لیونگ اسٹون نے شاندار نصف سنچریاں اسکور کیں، محمد عامر نے چار وکٹیں حاصل کیں۔

    ملتان سلطان 184 رنز کے تعاقب میں اننگز کا آغاز کیا تو مورس صرف ایک رن بنا کر پویلین لوٹ گئے، دوسری وکٹ 52 رنز پر گری جب شان مسعود 20 رنز بنا کر پویلین لوٹ گئے۔

    شعیب ملک کی نصف سنچری بھی ملتان سلطانز کو شکست سے نہ بچاسکی، انہیں نے 52 رنز کی اننگز کھیلی، ملک کو عثمان شنواری نے پویلین کی راہ دکھائی۔

    آندرے رسل، شاہد خان آفریدی اور حماد اعظم کو محمد عامر نے پویلین بھیج دیا، تینوں نے بالترتیب 9، 14، اور 12 رنز بنائے۔

    کراچی کنگز کے محمد عامر نے چار وکٹیں حاصل کیں، سہیل خان کے حصے میں 2 وکٹیں آئیں، شنواری اور عمر خان نے ایک، ایک وکٹ حاصل کیں۔

    قبل ازیں کراچی کنگز نے مقررہ اوورز 6 وکٹوں کے نقصان پر 183 رنز بنائے اور ملتان سلطانز کو جیت کے لیے 184 رنز کا ہدف دے دیا، بابر اعظم نے 77 اور لیونگ اسٹون نے 82 رنز کی شاندار اننگز کھیلی۔

    قبل ازیں کراچی کنگز کے کپتان عماد وسیم نے ٹاس جیت کر پہلے بیٹنگ کا فیصلہ کیا جو درست ثابت ہوا اور بابر اعظم اور لیونگ اسٹون نے ملتان سلطانز کے بولر کی جم کر دھلائی کی۔

    کراچی کنگز کی پہلی وکٹ 157 رنز پر گری جب لیونگ اسٹون بلند و بالا شاٹ کھیلنے گئے تو گرین کی گیند پر رسل کو کیچ دے بیٹھے، کولن انگرام 1 رن بنا کر آندرے رسل کی گیند پر آؤٹ ہوئے، سکندر رضا ایک رن بنا کر جنید خان کی گیند پر رن آؤٹ ہوئے۔

    وکٹ کیپر بلے باز محمد رضوان ایک رن بنا کر جنید خان کی گیند پر پویلین لوٹ گئے۔

    ملتان سلطانز کی جانب سے کرس گرین نے تین وکٹیں حاصل کیں، جنید خان کے حصے میں ایک وکٹ آسکی، جبکہ محمد عرفان، آندرے رسل، اور شاہد آفریدی کوئی وکٹ حاصل نہیں کرسکے۔

    گزشتہ روز پاکستان سپر لیگ کے چوتھے سیزن کے شاندار افتتاح کے بعد آج 2 میچز کھیلے جا رہے ہیں۔

    دبئی کے اسٹیڈیم میں پہلا میچ کراچی کنگز اور ملتان سلطانز کا ہے جس کے لیے کراچی کنگز نے ٹاس جیت کر بیٹنگ کا فیصلہ کیا ہے۔

    دونوں ٹیمیں بھرپور تیاری کے ساتھ میدان میں اتر گئی ہیں اور مقابل کو پچھاڑنے کے لیے بے چین ہیں۔

    کراچی کنگز کے کپتان عماد وسیم کا کہنا تھا کہ بیٹنگ وکٹ کے لیے اچھی ہے، بڑا ہدف دینے کی کوشش کریں گے۔

    کراچی کنگز کی ٹیم میں سکندر رضا، روی بوپارہ، کولن انگرام، محمد عامر، لیونگ اسٹون، عامر یامین، ابرار احمد، علی عمران، اویس رضا، بابر اعظم، افتخار احمد، سہیل خان اور عثمان شنواری شامل ہیں۔

    دوسری جانب ملتان سلطانز کی ٹیم میں کپتان شعیب ملک، علی شفیق، ڈی جے کرسٹین، حماد اعظم، جنید خان، محمد عباس، محمد الیاس، محد عرفان، شان مسعود، شاہد آفریدی، نعمان علی اور قیس احمد شامل ہیں۔

    اس سے قبل گزشتہ روز افتتاحی میچ لاہور قلندرز اور اور اسلام آباد یونائیٹڈ کے درمیان کھیلا گیا تھا۔ اسلام آباد یونائیٹڈ نے لاہور قلندرز کو 5 وکٹ سے شکست دے دی تھی۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • پی ایس ایل 4: کراچی کنگز اور ملتان سلطانز ایک دوسرے سے ٹکرانے کو تیار

    پی ایس ایل 4: کراچی کنگز اور ملتان سلطانز ایک دوسرے سے ٹکرانے کو تیار

    دبئی: پاکستان سپر لیگ کے چوتھے سیزن میں آج کراچی کنگز اور ملتان سلطانز، جبکہ پشاور زلمی اور کوئٹہ گلیڈی ایٹرز آپس میں مدمقابل ہوں گے۔

    گزشتہ روز پاکستان سپر لیگ کے چوتھے سیزن کے شاندار افتتاح کے بعد آج 2 میچز کھیلے جائیں گے۔

    دبئی کے اسٹیڈیم میں پہلا میچ کراچی کنگز اور ملتان سلطانز کا ہوگا، میچ مقامی وقت کے مطابق 5 بجے کھیلا جائے گا۔

    دوسرا میچ پشاور زلمی اور کوئٹہ گلیڈی ایٹرز کے درمیان ساڑھے 9 بجے کھیلا جائے گا۔

    چاروں ٹیمیں بھرپور تیاری کے ساتھ میدان میں اترنے اور مقابل کو پچھاڑنے کے لیے بے چین ہیں۔

    اس سے قبل گزشتہ روز افتتاحی میچ لاہور قلندرز اور اور اسلام آباد یونائیٹڈ کے درمیان کھیلا گیا تھا۔ اسلام آباد یونائیٹڈ نے لاہور قلندرز کو 5 وکٹ سے شکست دے دی تھی۔

    یاد رہے کہ پی ایس ایل 4 میں 6 ٹیموں کے درمیان 34 مقابلے ہوں گے، ابتدائی 26 میچ متحدہ عرب امارات میں کھیلے جائیں گے، ابو ظہبی پہلی مرتبہ پی ایس ایل میچز کی میزبانی کرے گا۔

    پی ایس ایل 4 کے آخری 8 میچز پاکستان میں کھیلے جائیں گے۔ 7 سے 17 مارچ تک میچز لاہور اور کراچی میں ہوں گے، لاہور میں 9، 10 اور 12 مارچ کو میچز کھیلے جائیں گے۔

    بعد ازاں کراچی میں 7، 10، 13، 15 اور 17 مارچ کو میچز کھیلے جائیں گے، 17 مارچ کو لیگ کا فائنل بھی کراچی کے نیشنل اسٹیڈیم میں کھیلا جائے گا۔

  • پی ایس ایل 4: افتتاحی میچ میں اسلام آباد یونائیٹڈ نے لاہور قلندرز کو شکست دے دی

    پی ایس ایل 4: افتتاحی میچ میں اسلام آباد یونائیٹڈ نے لاہور قلندرز کو شکست دے دی

    دبئی: پی ایس ایل سیزن فور کے افتتاحی میچ میں اسلام آباد یونائیٹڈ نے لاہورقلندرز کو 5 وکٹ سے شکست دے دی۔

    تفصیلات کے مطابق اسلام آباد یونائیٹڈ نے 20ویں اوور میں 5وکٹ کے نقصان پرہدف حاصل کیا، 2 وکٹ اور 23رنز کے ساتھ فہیم اشرف میچ کے بہترین کھلاڑی قرار پائے۔ حسین طلعت37، آصف علی 36 اور لیوک رونچی27 رنز بناکر نمایاں  رہے۔

    قبل ازیں لاہور قلندرز نے اسلام آباد یونائیٹڈ کو جیت کے لیے  172 رنز کا ہدف دیا، فخر زمان نے شاندار نصف سنچری اسکور کی۔

    پی ایس ایل سیزن فور کے پہلے میچ میں لاہور قلندرز نے مقررہ اوورز میں 8 وکٹوں کے نقصان پر 171 رنز بنائے اور اسلام آباد یونائیٹڈ کو جیت کے لیے 172 رنز کا ہدف دیا، فخر زمان نے شاندار 44 گیندوں پر 65 رنز کی شاندار اننگز کھیلی۔

    محمد سمیع نے ٹاس جیت کر پہلے فیلڈنگ کا فیصلہ کیا جو غلط ثابت ہوا، اوپنر فخر زمان اور سہیل اختر نے شاندار شراکت داری قائم کرکے ٹیم کا اسکور 97 رنز تک پہنچادیا، سہیل اختر 37 رنز بنا کر فہیم اشرف کا نشانہ بنے۔

    اسلام آبا یونائیٹڈ کی دوسری وکٹ 129 رنز پر گری جب فخر زمان 64 رنز بنا کر شاداب خان کی گیند پر آؤٹ ہوئے، اے بی ڈیولیرز 24 رنز بنا کر وقاص مقصود کی گیند پر وکٹ گنوا بیٹھے، برینڈین ٹیلر 2 رنز بنا کر ڈیوچ کی گیند پر آؤٹ ہوئے۔

    کارلوس بریتھ ویتھ 6 رنز بنا کر فہیم اشرف کی گیند پر پویلین لوٹ گئے، ڈیوچ کو فہیم اشرف نے 14 رنز پر رن آؤٹ کیا، یاسر شاہ 7 رنز بنا کر رن آؤٹ ہوئے، شاہین شاہ آفریدی 2 رنز بنا کر محمد سمیع کی گیند پر ایل بی ڈبلیو ہوئے۔

    اسلام آباد یونائیٹڈ کی جانب سے فہیم اشرف نے دو کھلاڑیوں کو پویلین کی راہ دکھائی جبکہ شاداب خان، وقاص مقصود، محمد سمیع اور ڈیوچ نے ایک، ایک وکٹ حاصل کی۔

    قبل ازیں اسلام آباد یونائیٹڈ کے کپتان محمد سمیع نے لاہور قلندرز کے خلاف ٹاس جیت کر پہلے فیلڈنگ کا فیصلہ کیا ہے، اسلام آباد یونائیٹڈ گزشتہ سال پی ایس ایل تھری ٹرافی جیتنے میں کامیاب ہوئی تھی۔

    اسلام آباد یونائیٹڈ اسکواڈ

    اسلام آباد کی ٹیم میں محمد سمیع کپتان، رضوان حسین، لک رونکی، فل سالٹ، حسین طلعت، کیمرون ڈیلپورٹ، آصف علی، آصف علی، فہیم اشرف، شادان خان، سمیٹ پٹیل، اور وقاص مقصود شامل ہیں۔

    لاہور قلندرز اسکواڈ

    لاہور قلندر کی قیادت محمد حفیظ کررہے ہیں، دیگر کھلاڑیوں میں اے بی ڈیولیرز، فخر زمان، سہیل اختر، اینٹون ڈیوچ، برینڈن ٹیلر، کارلوس بریتھ ویٹ، یاسر شاہ، شاہین شاہ آفریدی، حارث سہیل اور راحت علی شامل ہیں۔

    اسلام آباد یونائیٹڈ 2016 میں پی ایس ایل کے پہلے سیزن میں کامیابی سے ہم کنار ہوئی تھی، دوسرے سیزن میں چوتھے نمبر پر رہی جبکہ پی ایس ایل تھری میں پھر کامیابی اسلام آباد یونائیٹڈ کے حصے میں آئی۔

    لاہور قلندرز کے لیے پی ایس ایل کے تینوں سیزن زیادہ اچھے ثابت نہیں ہوئے ہیں، پہلے سیزن میں لاہور کی ٹیم پانچویں پوزیشن دوسرے سیزن میں بھی پانچویں پوزیشن اور پی ایس ایل تھری میں ایک درجہ تنزلی کے بعد چھٹے نمبر پر رہی تھی۔

    مزید پڑھیں: پی ایس ایل کے ٹکٹوں کی آن لائن فروخت آج رات 12 بجے شروع ہوگی

    واضح رہے کہ پی ایس ایل فور میں 6 ٹیموں کے درمیان 34 مقابلے ہوں گے، ابتدائی 26 میچ یو اے ای میں کھیلے جائیں گے، ابوظبی پہلی مرتبہ پی ایس ایل میچز کی میزبانی کرے گا۔

    پی ایس ایل فور کے آخری 8 میچز پاکستان میں کھیلے جائیں گے، 7 سے 17 مارچ تک میچز لاہور اور کراچی میں ہوں گے، لاہور میں 10، 9 اور 12 مارچ کو میچز کھیلے جائیں گے۔

    کراچی میں 15، 13، 10، 7 اور 17 مارچ کو مقابلے ہوں گے، پی ایس ایل فور کا فائنل 17 مارچ کو نیشنل اسٹیڈیم میں کھیلا جائے گا۔

  • پی ایس ایل کے ٹکٹوں کی آن لائن فروخت آج رات 12 بجے شروع ہوگی

    پی ایس ایل کے ٹکٹوں کی آن لائن فروخت آج رات 12 بجے شروع ہوگی

    کراچی: پی ایس ایل سیزن فور شروع ہوچکا ہے پاکستان میں میچز کے لیے ٹکٹوں کی تقسیم آج رات 12 بجے سے شروع ہوگی۔

    تفصیلات کے مطابق پاکستان پاکستان میں پی ایس ایل میچز دیکھنے کے خواہش مند شہریوں کے لیے خوشخبری ہے کہ پی ایس ایل کے ٹکٹ آج رات سے آن لائن دستیاب ہوں گے۔

    رپورٹ کے مطابق پہلے مرحلے میں ابتدائی 4 میچز کے ٹکٹس فروخت کے لیے دستیاب ہوں گے اور شائقین کرکٹ کے لیے ان میچز کے ٹکٹس کی قیمت میں بھی کمی کردی گئی ہے۔

    سیزن تھری میں جن انگلوژر کی قیمت ایک ہزار سے 8 ہزار تھی اب ان کی قیمت کم کرکے 500 سے 3 ہزار کردی گئی ہے، یہی نہیں کراچی میں ہونے والے فائنل میچ کی ٹکٹس کی قیمت میں بھی کمی کردی گئی ہے۔

    رات 12 بجتے ہی ویب سائٹ پر ٹکٹس فروخت کے لیے دستیاب ہوں گے، ٹکٹس پروجیکٹ ہیڈ کا کہنا ہے کہ کوشش ہے کہ سیزن تھری کی طرح اس بار ویب سائٹ کریش نہ ہو۔

    پہلے مرحلے میں کراچی کے 7 اور 10 مارچ کے جبکہ لاہور کے 9 اور 10 مارچ کو ہونے والے میچز کے ٹکٹس دستیاب ہوں گے، ان ٹکٹس کی قیمت 500 روپے، ایک ہزار، دو ہزار، ڈھائی ہزار اور تین ہزار روپے ہے۔

    پلے آف مرحلے اور فائنل میچز کے ٹکٹس کی آن لائن فروخت 20 فروری (بروز بدھ) سے شروع ہوگی، فائنل کے ٹکٹس کی قیمت 500، 2 ہزار، 4 ہزار اور 8 ہزار روپے رکھی گئی ہے۔

    پہلی بار آن لائن ٹکٹس لینے والے خوش نصیبوں کے لیے ہوم ڈیلیوری کی سہولت مہیا کی جارہی ہے جبکہ ملک بھر کے 13 شہروں میں 60 مختلف ٹی سی ایس برانچز میں 25 فروری سے ٹکٹس کی فروخت شروع ہوگی۔

    پی ایس ایل فور کے 4 میچز ابو ظبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں 3 میچ لاہور اور 5 میچ کراچی میں ہوں گے۔

  • وزیراعلیٰ پنجاب کاپی ایس ایل میں شامل تمام ٹیموں کیلئے نیک خواہشات کااظہار

    وزیراعلیٰ پنجاب کاپی ایس ایل میں شامل تمام ٹیموں کیلئے نیک خواہشات کااظہار

    لاہور : وزیراعلیٰ پنجاب عثمان بزدار نے پی ایس ایل 4 کے آغاز پر پی سی بی اور کھلاڑیوں کو مبارکباد دیتے ہوئے کہا کوئی بھی ٹیم جیتے،جیت پرامن پاکستان  اورعوام کی ہوگی، پی ایس ایل سے دنیا کو پیغام جارہا ہے پاکستان ایک پر امن ملک ہے۔

    تفصیلات کے مطابق وزیراعلیٰ پنجاب عثمان بزدار نے پی ایس ایل میں شامل تمام ٹیموں کے لئے نیک خواہشات کا اظہار کرتے ہوئے پی ایس ایل فور کے آغاز پر پی سی بی اور کھلاڑیوں کو مبارکباد دی۔

    [bs-quote quote=”پی ایس ایل میں کوئی بھی ٹیم جیتے،جیت پرامن پاکستان اورعوام کی ہوگی” style=”style-7″ align=”left” author_name=”وزیراعلیٰ پنجاب "][/bs-quote]

    عثمان بزدار نے کہا پی ایس ایل میں کوئی بھی ٹیم جیتے، جیت پرامن پاکستان اور عوام کی ہوگی، پی ایس ایل میچز سے شائقین کرکٹ کو بہترین تفریح کا موقع ملےگا اور دنیا کو پیغام جارہا ہے، پاکستان ایک پر امن ملک ہے۔

    وزیراعلیٰ پنجاب کا کہنا تھا کہ پاکستان کے عوام کھیل بالخصوص کرکٹ سے محبت کرتے ہیں، پاکستان سپرلیگ فور کے ذریعے نئے ٹیلنٹ کو تلاش کرنے میں مدد ملےگی۔

    انھوں نے مزید کہا لاہور میں ہونے والے میچز کیلئے بہترین انتظامات کیےجائیں گے، میچوں کیلئے 100 فیصدفول پروف سیکیورٹی یقینی بنائی جائےگی، جتنابڑا ایونٹ ہے اتنے ہی شاندار انتظامات کئے جائیں گے اور شائقین کرکٹ کو اسٹیڈیم میں بہترین سہولتیں فراہم کریں گے۔

    خیال رہے محکمہ داخلہ پنجاب نے پی ایس ایل میچز کے لئے فول پروف سیکورٹی پلان کوحتمی شکل دے دی ہے، حکام کے مطابق غیر متعلقہ افراد کوکھلاڑیوں سے ملنے کی اجازت نہیں ہوگی، اسٹیڈیم سیکورٹی کا جائزہ ہیلی کاپٹر سے لیا جائےگا جبکہ کھلاڑیوں کو ہوٹل سے اسٹیڈیم لاتے وقت روٹس پراسنائپرز تعینات ہوں گے۔

    خیال رہے پاکستان سپرلیگ سیزن فور کا کل سے آغاز ہونے جارہا ہے ،پی ایس ایل 4 کے لاہور میں تین میچز نو، دس اور بارہ مارچ کو ہوں گے جبکہ کراچی میں پانچ میچز سات، دس، تیرہ، پندرہ اور سترہ مارچ کو ہوں گے۔

  • "میدان سجانا ہے کی” دھوم، فیصل جاویدکا سی ای اواے آر وائی سلمان اقبال کو خراج تحسین پیش

    "میدان سجانا ہے کی” دھوم، فیصل جاویدکا سی ای اواے آر وائی سلمان اقبال کو خراج تحسین پیش

    دبئی : سینیٹرفیصل جاوید اے آر وائی کی مہم’میدان سجاناہے‘ کے معترف ہوگئے اور کرکٹ فینز کو متحرک کرنے کیلئے شاندارمہم چلانے پر سی ای اواےآر وائی سلمان اقبال اور حاجی اقبال کو خراج تحسین پیش کیا۔

    تفصیلات کے مطابق سینیٹرفیصل جاوید اے آروائی کی مہم "میدان سجاناہے، پاکستان کی شان بڑھاناہے” کی تعریف کئے بغیر نہ رہ سکے اور سماجی رابطے کی ویب سائٹ ٹوئٹر  پر شاندارمہم چلانے پر سی ای اواے آر وائی سلمان اقبال کو خراج تحسین پیش کیا۔

    سینیٹرفیصل جاوید نے کہا کرکٹ فینز کو متحرک کرنے کے لیے اے آر وائی نے شاندار مہم چلائی، مہم میں زبردست تیزی نےپی ایس ایل کوچارچاندلگادیے ، یواےای میں سنسنی خیزمقابلوں کابےتابی سےانتظارکررہے ہیں۔

    فیصل جاوید کا مزید کہنا تھا کہ پی ایس ایل کے لیےحاجی اقبال کی کاوشیں بھی قابل تعریف ہیں،ویلڈن سلمان اقبال، ویلڈن اے آروائی، پاکستان کی شان بڑھانا ہے تومیدان سجاناہے۔

    خیال رہے پی ایس ایل کا چوتھا ایڈیشن 14 فروری سے شروع ہورہا ہے، جو 17 مارچ تک جاری رہے گا، پی ایس ایل فور کے 4 میچز ابو ظبی میں ہوں گے جبکہ شارجہ اور دبئی میں بھی میچز ہوں گے، آخری 8 میچز پاکستان میں ہوں گے، جن میں 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔

  • پی ایس ایل فور ، پاکستان میں میچز کے لیے کم سےکم ٹکٹ 500 روپے ہوگا

    پی ایس ایل فور ، پاکستان میں میچز کے لیے کم سےکم ٹکٹ 500 روپے ہوگا

    لاہور : پاکستان سپر لیگ فور کے لئے پاکستان میں میچز کے لیے کم سےکم ٹکٹ 500 روپے اور مہنگے سے مہنگا ٹکٹ 12 ہزار روپے تک رکھنے کا فیصلہ کیا گیا ہے۔

    تفصیلات کے مطابق پاکستان سپرلیگ فور  شروع ہونے میں صرف 3دن باقی ہیں ،   پی ایس ایل کے چوتھے ایڈیشن کے لئے لاہور اور کراچی میں شیڈول میچز کی ٹکٹوں کی فروخت کا آغاز رواں ہفتے ہو جائے گا۔

    شائقینِ کرکٹ کے لئے پاکستان میں میچز کے لیے کم سےکم ٹکٹ 500 روپے اور مہنگے سے مہنگا ٹکٹ 12 ہزار روپے تک رکھنے کا فیصلہ کیا گیا ہے۔

    ذرائع کا کہنا ہے کہ لاہور کے تین میچز کی ٹکٹوں کی قیمت ایک ہزار سے چھ ہزار اور کراچی میں ٹکٹوں کی قیمت پانچ سو سے بارہ ہزار تک ہوگی جبکہ فائنل میچ کیلئے ٹکٹوں کی قیمت زیادہ رکھی گئی ہے۔

    لاہور کے تین میچز کی ٹکٹوں کی قیمت1  ہزار سے6  ہزار اور کراچی میں ٹکٹوں کی قیمت500سو سے12 ہزار تک ہوگی

    پاکستان کی سوپر ڈوپرلیگ چودہ فروری سے دبئی میں شروع ہوگی، پی ایس ایل 4 کے لاہور میں تین میچز نو، دس اور بارہ مارچ کو ہوں گے جبکہ کراچی میں پانچ میچز سات، دس، تیرہ، پندرہ اور سترہ مارچ کو ہوں گے۔

    دوسری جانب نیشنل اسٹیڈیم کراچی کی سیکیورٹی کےحوالےسےحکمت عملی تیار کرلی گئی ہے ، انکلوژرز، گراؤنڈ، پویلین اور اسٹیڈیم کے راستوں کی کیمروں سےنگرانی ہوگی جبکہ جدیدکیمروں کےذریعےاسٹیدیم میں بیٹھےہرشخص کی نقل وحرکت مانیٹرہوگی۔

    نیشنل اسٹیڈیم میں 90 سے زائد ہائی ریزولیشن کیمروں کی تنصیب کا کام جاری ہے ، کیمرے رات کی تاریکی میں بھی ریکارڈنگ کی صلاحیت رکھتے ہیں، کمانڈاینڈکنڑول روم کی نگرانی سیکیورٹی ادارے کریں۔

  • پی ایس ایل فور : کراچی کنگز کی ٹیم سلمان اقبال کے ہمراہ دبئی پہنچ گئی

    پی ایس ایل فور : کراچی کنگز کی ٹیم سلمان اقبال کے ہمراہ دبئی پہنچ گئی

    کراچی : پاکستان سپر لیگ سیزن فور میں شرکت کیلئے کراچی کنگز کی ٹیم کراچی ایئرپورٹ سے دبئی پہنچ ہوگئی، کراچی کنگز کے اونر سلمان اقبال بھی ٹیم کے ہمراہ ہیں۔

    تفصیلات کے مطابق پی ایس ایل کی بڑی ٹیم ایونٹ میں شرکت کیلئے دبئی پہنچ ہوگئی، کھلاڑیوں کے ہمراہ اس کے اونر سلمان اقبال بھی موجود ہیں، کراچی ایئرپورٹ پر شائقین کرکٹ کی بڑی تعداد نے انہیں رخصت کیا۔

    مداحوں نے ٹیم آفیشلز اور کھلاڑیوں کے ساتھ سیلفیاں بھی بنوائیں، اس موقع پر عماد وسیم، بابر اعظم اور محمد عامر عوام کی توجہ کا مرکز بنے رہے۔

    کراچی کنگز کے مالک سلمان اقبال کا کہنا ہے کہ یہ بہترین ٹیم ہے اس لیے امیدیں بھی بہت زیادہ ہی، پہلی بار دو میچ ہوم گراؤنڈ میں کھیلیں گے۔

    اس موقع پر سوئنگ کے سلطان صدر کراچی کنگز وسیم اکرم نے کہا کہ پاکستان میں کرکٹ کے لئے زبردست موقع ہے۔ ہم آخری بال تک مقابلہ کریں گے۔

    کراچی کنگز کے کپتان عماد وسیم بھی پی ایس ایل فور کو اور بڑا ایونٹ بنانے کے لئے پر عزم ہیں۔ کراچی کنگز کے کوچ مکی آرتھر کا کہنا تھا کہ پی ایس ایل فور کا ہر میچ اہم ہو گا۔

    واضح رہے کہ کراچی کنگز اور پشاور زلمی کا وارم اپ میچ 12فروری کو ہوگا، کراچی کنگز اپنا پہلا میچ 15فروری کو ملتان سلطانز سے کھیلے گی۔

    پاکستان سپر لیگ کے چوتھے ایڈیشن کی افتتاحی تقریب چودہ فروری کو رات آٹھ بجے دبئی میں منعقد ہوگی، جس کے لیے ٹکٹیں فروخت لیے پیش کردی گئیں۔

    مزید پڑھیں : پی ایس ایل فور، کراچی کنگز جیسے ہی فائنل جیتے گی میں خود استقبال کروں گا، مراد علی شاہ

    دوسری جانب پاکستان سپر لیگ سیزن فور کی افتتاحی تقریب اور دبئی میں ہونے والے میچز کی ٹکٹیں فروخت کے لیے پیش کردی گئی ہیں۔

    یاد رہے کہ پاکستان سپر لیگ سیزن فور کے شیڈول کا اعلان کیا جاچکا ہے، پی ایس ایل کا چوتھا ایڈیشن 14 فروری سے17مارچ تک ہوگا۔

  • کراچی کنگزکےاعزازمیں نیاناظم آباداسٹیڈیم میں استقبالیہ تقریب

    کراچی کنگزکےاعزازمیں نیاناظم آباداسٹیڈیم میں استقبالیہ تقریب

    کراچی: شہر قائد کی نمائندہ اور پی ایس ایل کی مقبول ترین ٹیم ’ کراچی کنگز‘ کے اعزاز میں نیا ناظم آباد اسٹیڈیم میں استقبالیہ تقریب کا انعقاد کیا گیا۔

    تفصیلات کے مطابق کراچی کنگز کے اعزاز میں منعقدہ تقریب سے خطاب کرتے ہوئے پی ایس ایل کی مقبول ترین ٹیم کے اونر سلمان اقبال کا کہناتھاکہ چوتھاسال ہے،ٹیم اس گراؤنڈسےپرجوش ہوکرجاتی ہے۔

    سلمان اقبال کا کہنا تھا کہ کراچی کا تحفظ ضروری ہے ، کراچی سے3لوگ پی ایس ایل بڈنگ میں گئےتھے۔ مجھے یقین تھا کہ پی ایس ایل بہت بڑابرانڈبنےگا۔ ان کا کہنا تھا کہ کراچی کنگزکےسب سےزیادہ فین ہیں۔

    ان کا کہنا تھا کہ کراچی کنگزکی وجہ سےہربڑی کمپنی کھیلوں میں کرداراداکررہی ہیں۔ہماری65فیصدآبادی نوجوانوں پرمشتمل ہے۔ انہوں نے کہا کہ کراچی میں گراؤنڈزسےقبضےواگزارکرائےجارہےہیں،کراچی کنگزکوبھی ایک گراؤنڈدے دیں۔

    کراچی کنگز کے اونر کا کہنا تھا کہ پاکستان کے رورل ایریاز میں بہت ٹیلنٹ ہے۔ابرارانجرڈہوا توعثمان شنواری کوبلایا،عثمان شنواری پی ایس ایل کاایک سیزن کھیل کرنیشنل ٹیم میں سلیکٹ ہوگئے۔

    سلمان اقبال نے اپنے خطاب میں تقریب کے شرکا ء کو بتایا کہ وسیم اکرم اورمکی آرتھرپہلی باریہاں آئےہیں، دونوں کونیاناظم آبادگراؤنڈبہت اچھالگا۔

    اس موقع پر کراچی کنگز کے صدر وسیم اکرم نے شرکا سے گفتگو کرتے ہوئےکہا کہ کراچی میں لوگوں کاجنون قابل دیدہے۔

    انہوں نے یہ بھی کہا کہ کراچی کےشہریوں کے جذبے کو دیکھتے ہوئے کوشش ہے کہ ٹرافی جیت کرآئیں،کھیل کی آخری گیندتک جیت کیلئےلڑیں گے۔ وسیم اکرم کا مزید کہنا تھا کہ کراچی میں نیا ناظم آباد جیسا گراؤنڈدیکھ کرخوشی ہوئی ہے۔

  • پی ایس ایل سیزن فور: کراچی میں سیکیورٹی حکمتِ عملی تیار

    پی ایس ایل سیزن فور: کراچی میں سیکیورٹی حکمتِ عملی تیار

    کراچی: پی ایس ایل سیزن فور کے لیے نیشنل اسٹیڈیم کراچی کی سیکیورٹی کے حوالے سے حکمتِ عملی تیار کرلی گئی ہے، رات کی تاریکی میں بھی ریکارڈنگ کرنے والے کیمرے نصب کیےجائیں گے۔

    تفصیلات کے مطابق پی ایس ایل سیزن فور کے لیے کراچی میں تیاریاں عروج پر ہیں ، سیکیورٹی حکمتِ عملی کی تیاری کے سا تھ ساتھ نیشنل اسٹیڈیم کراچی اور اطراف میں کیمروں کی تنصیب کاکام شروع کردیا گیا ہے۔

    ذرائع کا کہنا ہے کہ نئے تنصیب شدہ کیمروں کی مدد سے انکلوژرز،گراؤنڈ،پویلین اور اسٹیڈیم کےراستوں کی کیمروں سےنگرانی ہوگی۔جدیدکیمروں کےذریعےاسٹیدیم میں بیٹھےہرشخص کی نقل وحرکت مانیٹرہوگی۔

    یہ بھی بتایا جارہا ہے کہ اسٹیڈیم کےباہرسےگزرتی ایک ایک گاڑی کوبھی مانیٹرکیا جائےگا۔ اس مقصد کے لیے نیشنل اسٹیڈیم میں90 سے زائدہائی ریزولیشن کیمروں کی تنصیب کاکام جاری ہے ۔ ماہرین کا کہنا ہے کہ یہ کیمرےرات کی تاریکی میں بھی ریکارڈنگ کی صلاحیت رکھتےہیں۔

     کراچی کنگز کی لانچنگ تقریب، آخری گیند تک مقابلے کا عزم

    کیمروں کی مانٹیرنگ کے لیے اسٹیڈیم میں کمانڈاینڈکنٹرول روم بھی قائم کیاجائےگا، جس کی نگرانی ملک کے سیکیورٹی ادارے کریں گے۔

    گزشتہ ماہ انٹرنیشنل کرکٹ کونسل (آئی سی سی ) کے سیکیورٹی ایکسپرٹ ڈیوڈ سنائر نے بھی پاکستان میں سیکیورٹی انتظامات کا جائزہ لیا تھااور اس موقع پر ان کا کہنا تھا کہ پاکستان میں پی ایس ایل کی سیکیورٹی سے مطمئن ہیں ، سیکیورٹی کا ہر پہلو سے جائزہ لیا گیا ہے۔

    پاکستان سپر لیگ سیزن فور کے شیڈول کا اعلان کیا جاچکا ہے، پی ایس ایل کا چوتھا ایڈیشن 14 فروری سے 17 مارچ تک ہوگا۔

    پی ایس ایل فور کے 4 میچز ابو ظبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔