ARYNews.tv | Urdu – Har Lamha Bakhabar

Tag: PSL 6

  • شاہنواز ڈاہانی اور صہیب مقصود نے پی ایس ایل کا میلہ لوٹ لیا

    شاہنواز ڈاہانی اور صہیب مقصود نے پی ایس ایل کا میلہ لوٹ لیا

    ابوظبی: پی ایس ایل سیزن سکس کا میلہ تمام تر رنگینیوں کے ساتھ اپنے اختتام کو پہنچا، ایونٹ کا میلہ ابھرتے ہوئے فاسٹ بولر شاہنواز ڈاہانی نے لوٹ لیا۔

    تفصیلات کے مطابق پی ایس ایل سیزن سکس کا میلہ چیمپئن ٹیم ملتان سلطانز کے بلے باز صہیب مقصود اور شاہنواز ڈاہانی نے اپنے نام کیا، فائنل میں مین آف دی میچ کا ایوارڈ پانے والے صہیب مقصود نے ٹورنامنٹ میں مجموعی طور پر 428 رنز بنائے اور ایونٹ کے بہترین کھلاڑی بھی قرار پائے۔

    حریف کھلاڑیوں کو آؤٹ کرنے کے بعد منفرد اسٹائل سے جشن منانے والے شاہنواز ڈاہانی کے لئے پی ایس ایل سیزن سکس یادگار بن گیا، ٹورنامنٹ میں 20 کھلاڑیوں کا شکار کرنے والے ڈاہانی کو ٹورنامنٹ کا بہترین بولر اور ایمرجنگ پلیئر آف دی ٹورنامنٹ کا ایوارڈ دیا گیا۔

    اسلام آباد یونائیٹڈ کے افتخار احمد نےبہترین فیلڈر کا ایوارڈ حاصل کیا جبکہ بہترین وکٹ کیپر کا اعزاز فاتح ٹیم کے کپتان محمد رضوان کے نام رہا،ایونٹ کےاختتام پرشیخ زید اسٹیڈیم میں شاندار آتش بازی کامظاہرہ بھی کیا گیا۔

  • فائنل کس پلان کے تحت کھیلا؟ ملتان سلطانز کے کپتان نے بتادیا

    فائنل کس پلان کے تحت کھیلا؟ ملتان سلطانز کے کپتان نے بتادیا

    ابوظبی: پی ایس ایل سکس کی چیمپئن ٹیم کے کپتان محمد رضوان ٹرافی تھامنے پر بے حد مسرور ہیں اور انہوں نے فائنل میچ کی حکمت عملی بیان کردی ہے۔

    فائنل معرکہ اپنے نام کرنے کے بعد محمد رضوان نے اظہار خیال کرتے ہوئے کہا کہ ایونٹ کے آغاز سے ہی کوشش تھی کہ جونیئر اور سینئر سب کو ساتھ لےکرچلوں، ہماری ٹیم ٹورنامنٹ میں نیچے سے ٹاپ پر آئی، اسکے کے لئے لڑکوں نےجتنی محنت کی وہ اس جیت کےحقدارہیں۔

    کپتان ملتان سلطانز محمد رضوان نے اعتراف کیا کہ فائنل میچ کا پریشر تو تھا مگر یہی حکمت عملی بنائی تھی کہ فائنل میں پہلے بیٹنگ کرکےنئی گیند کا پریشر لیں ، حکمت عملی کامیاب رہی اور بڑا اسکور کرنے میں کامیاب رہے۔

    یہ بھی پڑھیں: زلمی کے کپتان نے فائنل میں شکست کی وجہ بیان کردی

    فاتح ٹیم کے کپتان نے جیت کا کریڈٹ بولرز کو دیتے ہوئے کہا کہ ہمارے بولرز نے پورے ٹورنامنٹ میں زبردست بولنگ کی۔

    واضح رہے کہ رات گئے ملتان سلطانز نے پی ایس ایل کے فائنل میں پشاور زلمی کو 47 رنز سے شکست دے کر پہلی بار پی ایس ایل کا ٹائٹل اپنے نام کیا تھا۔

    پشاور زلمی کا یہ چوتھا پی ایس ایل فائنل تھا مگر وہ صرف ایک بار ہی ٹرافی تھامنے میں کامیاب رہی ہے۔

  • بائیو سیکیور ببل کی خلاف ورزی: پشاور زلمی دو اہم کھلاڑیوں سے محروم

    بائیو سیکیور ببل کی خلاف ورزی: پشاور زلمی دو اہم کھلاڑیوں سے محروم

    ابوظبی: پی ایس ایل سیزن سکس کے فائنل سے قبل پشاور زلمی کے دو کھلاڑی سنگین غلطی کر بیٹھے، جس کے باعث دونوں کھلاڑیوں کو معطل کردیا گیا ہے۔

    پی سی بی کی جانب سے جاری پریس ریلیز کے مطابق پشاور زلمی کے حیدر علی اور عمید آصف کی جانب سے بائیو سیکور ببل کی خلاف ورزی کی گئی، دونوں کھلاڑیوں نے بائیو سیکورببل سے باہر ملاقات کی جوکہ لیگ کے مقرر کردہ پروٹوکولز کی خلاف ورزی تھی۔

    پاکستان کرکٹ بورڈ کی جانب سے جاری بیان میں کہا گیا کہ دونوں کھلاڑیوں نے بائیو سیکورببل کی خلاف ورزی کا اعتراف کیا جس پر حیدر علی اور عمید آصف کو معطل کردیا گیا ہے، معطلی کے بعد دونوں کھلاڑی آج پی ایس ایل کے فائنل میں شرکت نہیں کرسکیں گے۔

    پی سی بی کی جانب سے جاری بیان میں کہا گیا کہ واقعے کے بعد دونوں کرکٹرز اپنے اسکواڈ میں شامل کسی دوسرے رکن سے نہیں ملے اب یہ دونوں کرکٹرز روم آئسولیشن میں جاچکے ہیں۔

    پاکستان کرکٹ بورڈ نے بائیو سیکیور ببل کی خلاف ورزی کے مرتکب مڈل آرڈر بلے باز حیدر علی کے خلاف سخت ایکشن لیتے ہوئے انہیں دورہ انگلینڈ اور ویسٹ انڈیز سے ڈراپ کردیا ہے ان کی جگہ قومی اسکواڈ میں صہیب مقصود کو شامل کرلیا ہے۔

    واضح رہے کہ پی ایس ایل سیزن سکس میں بائیو سیکیور ببل کی خلاف ورزی کا یہ دوسرا واقعہ ہے، اس سے قبل کراچی میں کھیلے گئے ایونٹ کے پہلے مرحلے میں بھی پشاور زلمی کے کوچ ڈیرن سیمی اور کپتان وہاب ریاض نے بائیو سیکیور ببل کی خلاف ورزی کی تھی۔

  • پہلاایلی منیٹر : پشاور زلمی نے کراچی کنگز کو ہرا دیا

    پہلاایلی منیٹر : پشاور زلمی نے کراچی کنگز کو ہرا دیا

    ابوظبی : پی ایس ایل 6 کے ایلیمنیٹر راؤنڈ میں پشاور زلمی نے کراچی کنگز کو پانچ وکٹ سے شکست دے کر ایونٹ سے باہر کردیا۔ حضرت اللہ نے 38 گیندوں پر جارحانہ 77 رنز اسکور کیے جن میں پانچ چھکے اور دس چوکے شامل ہیں۔

    پی ایس ایل 6کاپہلاایلی منیٹرپشاور زلمی نے5وکٹ سے جیت لیا، کراچی کنگز نے میچ جیتنے کیلئے176رنزکا ہدف دیاتھا، پشاورزلمی نے مطلوبہ ہدف ایک گیند قبل حاصل کیا۔

    ابوظہبی میں جاری پاکستان سپرلیگ کے چھٹے ایڈیشن کے پہلے ایلیمنیٹیر میں کراچی کنگز نے پہلے بیٹنگ کرتے ہوئے مقررہ 20 اوورز میں 7وکٹ کے نقصان پر 175 رنز بنائے۔

    جواب میں پشاور زلمی کی جانب سے حضرت اللہ اور کامران اکمل نے بیٹنگ شروع کی۔ حضرت اللہ زازئی نے بالرز کی دھنائی کردی۔ پانچویں اوور میں کامران اکمل 13 رنز بناکر نور احمد کی گیند پر اور ان کے بعد آنے والے امام الحق دسویں اوور میں 11 رنز بناکر پریرا کی گیند پر بولڈ ہوگئے۔

    12اوور میں زلمی کو دھچکا لگا جب حضرت اللہ پویلین لوٹ گئے، پریرا کی گیند پر گپٹل نے انہیں کیچ آؤٹ کردیا۔ انہوں ںے 38 گیندوں پر جارحانہ 77 رنز اسکور کیے جن میں پانچ چھکے اور دس چوکے شامل ہیں۔ انہوں نے زلمی کا اسکور 103 رنز تک پہنچادیا۔

    18اوور میں خالد عثمان 17 رنز کر اور 19 اوور میں شعیب ملک 30 رنز بناکر پویلین لوٹ گئے۔ آخری اوور میں زلمی کو سات رنز درکار تھے۔ کریز پر شرفین اور روومین پویل موجود تھے۔ شرفین راتھرفورڈ نے چوکا لگا کر اسکور برابر کردیا۔

    جس کے بعد دو گیندوں پر ایک رنز درکار تھے جسے بناکر پشاور زلمے نے 176 کا ہدف حاصل کرلیا۔ روومن نے ایک رنز اور شرفین نے 17 رنز اسکور کیے۔کراچی کنگز کی بالنگ سائیڈ میں پریرا نے دو جب کہ محمد عامر، نور احمد اور الیاس نے ایک ایک وکٹ حاصل کی۔

    کراچی کنگز بیٹنگ

    اس سے قبل پشاور زلمی کے کپتان وہاب ریاض نے ٹاس جیت کر کراچی کنگز کو بیٹنگ کی دعوت دی تو شرجیل خان اور بابراعظم نے اننگز کا آغاز کیا۔ شرجیل خان 26 رنز بناکرآؤٹ ہوئے اور مارٹن کپٹل ایک بار پھر ناکام رہے، وہ کھاتہ کھولے بغیر ہی پویلین واپس لوٹ گئے۔

    بابراعظم نے ذمہ داری کا مظاہرہ کرتے ہوئے نصف سنچری اسکور کی، وہ 53 رنز بناکر آؤٹ ہوئے اور تھسارار پریرا نے 18 گیندوں پر 37 رنز کی جارحانہ اننگز کھیلی۔ دانش عزیز 13 رنز کے مہمان ثابت ہوئے۔ عماد وسیم نے 16 رنز بنائے۔

     پشاور زلمی کی جانب سے محمد عرفان، وہاب ریاض اور عمید آصف نے 2،2 وکٹیں حاصل کیں۔ دوسرے ایلی منیٹر میں پشاور زلمی اوراسلام آباد یونائیٹڈ آج مدمقابل ہوں گے۔

  • پی ایس ایل پلے آف : آج اسلام آباد یونائیٹڈ بمقابلہ ملتان سلطانز جبکہ کراچی کنگز اور پشاور زلمی مد مقابل

    پی ایس ایل پلے آف : آج اسلام آباد یونائیٹڈ بمقابلہ ملتان سلطانز جبکہ کراچی کنگز اور پشاور زلمی مد مقابل

    سپرلیگ کے سپر مرحلے کا وقت آن پہنچا، پی ایس ایل سکس کے فائنل تک رسائی کی جنگ آج سے شروع ہوگی۔ پہلا معرکہ اسلام آباد یونائیٹڈ اور ملتان سلطانز جبکہ دوسرا میچ کراچی کنگز اور پشاور زلمی کے درمیان کھیلا جائے گا۔

    پاکستان سپر لیگ سیزن سکس کا پلے آف مرحلہ آج سے شروع ہوگا، پی ایس ایل اختتامی مرحلے میں داخل ہونے والے چیمپئن کا فیصلہ چار میچز دور ہے، آج ایک ٹیم فائنل میں جائے گی اور ایک واپسی کا ٹکٹ کٹائے گی، ابوظبی میں پہلا کوالیفائراسلام آباد یونائیٹڈ اور ملتان سلطانز کے درمیان کھیلا جائے گا۔

    میچ کی فاتح ٹیم فائنل میں جگہ بنائے گی جبکہ دوسرے معرکہ میں کراچی کنگز اور پشاور زلمی آمنے سامنے ہوں گے اور کوالیفائر میں شام چھ بجے ایونٹ کی دوٹاپ ٹیمیں اسلام آباد یونائیٹڈ اور ملتان سلطانزمیں زور کا جوڑ پڑے ہوگا، کوالیفائر کی فاتح ٹیم فائنل کھیلے گی ہارنے والی ٹیم پہلے ایلی مینیٹر کی جیتنے والی ٹیم سے پھر مقابلہ کرے گی۔

    پہلا ایلی مینیٹردفاعی چیمپئن کراچی کنگز اورپشاور زلمی کے درمیان رات گیارہ بجے شروع ہوگا۔ پہلے ایلی مینیٹر میں ناکام ہونے والی ٹیم کا ایونٹ میں سفر آج ختم ہوجائے گا۔

    جیتنے والی ٹیم کوفائنل میں جانے کیلئے کوالیفائر کی ناکام ہونے والی ٹیم سے دوسرے ایلی مینٹر میں مقابلہ کرنا ہوگا۔ نیٹ کراچی کنگز کو ٹائٹل کا دفاع کرنے کیلئے اب لگا تار تینوں میچز جیتنا ہوں گے۔

  • پی ایس ایل 6: پوائنٹس ٹیبل پر دلچسپ صورت حال

    پی ایس ایل 6: پوائنٹس ٹیبل پر دلچسپ صورت حال

    ابوظبی:پاکستان سپر لیگ کے پلے آف مرحلے کے لئے پوائنٹس کے ساتھ رن ریٹ بھی ٹیموں کے لئے اہمیت اختیار کرگیا ہے۔

    پی ایس ایل سیزن سکس کے پوائٹنس ٹیبل پر نظر دوڑائیں تو اسلام آباد یونائیٹڈ کی پوزیشن کو کوئی خطرہ نہیں ہے، اسلام آباد اب تک نو میچز کھیل کر 14 پوائنٹس کے ساتھ پوائنٹس ٹیبل پر سر فہرست ہے اور پلے آف کے لئے کوالیفائی کرچکی ہے۔

    پشاور زلمی اور لاہور قلندرز کے 10، دس پوائنٹس ہیں مگر بہتر رن ریٹ کی وجہ سے پشاور زلمی پوائنٹس ٹیبل پر دوسرے جبکہ لاہور قلندر تیسرے نمبر پر موجود ہے، لاہور کا صرف ایک گروپ میچ باقی ہے، اگر وہ اس میں کامیابی حاصل کرلیتا ہے تو پشاور زلمی سے دوسری پوزیشن چھن جائے گی۔

    ملتان سلطانز اور کراچی کنگز کے آٹھ آٹھ پوائنٹس ہیں، اگر دونوں ٹیمیں مزید ایک میچ جیتیں تو چاروں ٹیموں کےپ وائنٹس برابر ہو جائیں گےپھر فیصلہ رن ریٹ پر ہوگا۔

  • سنسنی خیز مقابلہ : کراچی کنگز نے لاہور قلندرز کو 7 رنز سے شکست دے دی

    سنسنی خیز مقابلہ : کراچی کنگز نے لاہور قلندرز کو 7 رنز سے شکست دے دی

    ابو ظبی : پاکستان سپر لیگ کے چھٹے سیزن کے میچ میں کراچی کنگز نے لاہور قلندرز کو سنسنی خیز مقابلے کے بعد سات رنز سے شکست دے دی ہے، نور احمد کی نپی تلی بالنگ کے آگے قلندرز کی ایک نہ چلی۔

    تفصیلات کے مطابق ابوظبی کے شیخ زید اسٹیڈیم میں کھیلے جانے والے پی ایس ایل سکس کے میچ میں کراچی کے 176 رنز کے جواب میں لاہور قلندرز کی ٹیم7 وکٹوں کے نقصان پر 169 رنز بناسکی۔

    کراچی کنگز نے ٹاس جیت کر پہلے بیٹنگ کی اور لاہور قلندرز کو جیت کیلئے177کارنز کا ہدف دیا، جواب میں لاہورقلندرز کی ٹیم مقررہ20اوورز میں169رنز ہی بناسکی۔

    کراچی کنگز کے نور احمد نے شاندارباؤلنگ کرتے ہوئے 4اوورز میں19رنز دے کر2 کھلاڑیوں کو پویلین کی راہ دکھائی۔ محمدالیاس نے2عماد وسیم اورعباس آفریدی نے1،1وکٹ حاصل کی۔

    لاہور قلندرز کے محمد حفیظ کے36،ٹم ڈیوڈ کے34،جیمزفالکنر کے33رنز بھی ٹیم کو فتح سے ہمکنار نہ کرسکے، لاہور قلندرز کے راشدخان نے2کھلاڑیوں کو آؤٹ کیا جبکہ کراچی کنگز کی جانب سے بابراعظم54،مارٹن گپٹل43رنز بنا کر نمایاں رہے۔

    مزید پڑھیں : کراچی کنگز کا لاہور قلندرز کو 177 رنز کا ہدف

    کراچی کنگز کی ٹیم میں ایک تبدیلی کی گئی ہے، عامر یامین کی جگہ دانش عزیز کو شامل کیا گیا ہے جبکہ لاہور قلندرز کی ٹیم میں آغا سلمان کی شمولیت ہوئی ہے۔ واضح رہے کہ کراچی کنگز اور لاہور قلندرز کو گزشتہ میچز میں شکست کا سامنا کرنا پڑا تھا۔

  • پی ایس ایل6: ملتان سلطانز اور کوئٹہ گلیڈی ایٹرز آج اہم معرکہ میں مدمقابل

    پی ایس ایل6: ملتان سلطانز اور کوئٹہ گلیڈی ایٹرز آج اہم معرکہ میں مدمقابل

    ابوظبی: پی ایس ایل کا اہم ترین میچ آج کوئٹہ گلیڈی ایٹرز اور ملتان سلطانز کے درمیان کھیلا جائے گا۔

    تفصیلات کے مطابق کوئٹہ گلیڈی ایٹرز آج بقا کی جنگ کے لئے ملتان سلطانز سے نبردآزما ہوگی، پلے آف کی امیدوں کو زندہ رکھنے کیلئے سرفراز الیون کو آج کا میچ جیتنا لازمی ہے، شکست ہوئی تو پی ایس ایل کے بقیہ میچز ان کے لئے بے معنی ہوجائیں گے۔

    کوئٹہ گلیڈی ایٹرز پی ایس ایل میں اب تک اپنے آٹھ میچز کھیل چکی ہے، جس میں سے وہ صرف دو میں کامیاب ہوسکی ہے، پوائنٹس ٹیبل پر کوئٹہ چار پوائنٹس کے ساتھ آخری نمبر پر ہے، آج کے میچ میں کامیابی کی صورت میں اس کے چھ پوائنٹس ہوجائیں گے۔

    دوسری جانب ملتان سلطانز کیلئے آج کا میچ نہایت اہمیت کا حامل ہے، اگر سلطانزہارتے ہیں تو پلے آف تک رسائی کیلئے انہیں آخری دونوں میچ بڑے مارجن سےجیتنا ہوں گے۔

    ایونٹ میں دونوں ٹیموں کا یہ دوسرا میچ ہے، پہلے راؤنڈ میں کوئٹہ نے واحد کامیابی سلطانز کے خلاف ہی حاصل کی تھی،رات گئے کوئٹہ نے لاہور قلندرز کو 18 رنز سے ہرا کر دوسری فتح حاصل کی تھی، ہیڈ ٹوہیڈ مقابلوں میں سرفراز الیون کو برتری حاصل ہے، میچ پاکستانی وقت کے مطابق رات نو بجے شروع ہوگا۔

  • پی ایس ایل6: آج مزید دو میچز کھیلے جائیں گے

    پی ایس ایل6: آج مزید دو میچز کھیلے جائیں گے

    ابوظبی: پی ایس ایل سیزن سکس کے بقیہ میچز میں شائقین کرکٹ کو دلچسپ اور سنسنی خیز مقابلے دیکھنے کو مل رہے ہیں، آج لیگ میں مزید دو میچز کھیلے جائیں گے۔

    تفصیلات کے مطابق لاہور قلندرز اور کوئٹہ گلیڈی ایٹرز کی ٹیمیں شام چھ بجے آمنے سامنے ہوں گی جبکہ دفاعی چیمپئن کراچی کنگز کا مقابلہ پشاور زلمی سے ہوگا۔

    کوئٹہ گلیڈی ایٹرز کے لئے آج کا میچ انتہائی اہم ہے، سرفراز الیون کے پاس اب ہارنےکا آپشن نہیں ہے وہ سات میں سےصرف ایک میچ جیت سکے ہیں، آج کے میچ میں ناکامی انہیں ٹورنامنٹ سے باہر کردی گی۔

    دوسرے میچ میں دفاعی چیمپئن کراچی کنگز کامقابلہ پشاور زلمی سے ہوگا، ٹاپ تھری میں آنےکیلئےکراچی کنگز کو آج کا میچ جیتنا ہوگا، پی ایس ایل سیزن سکس میں کراچی کنگز نے پشاور زلمی کو ہرایا تھا، دونوں ٹیموں کا ہائی وولٹیج میچ رات گیارہ بجے شروع ہوگا۔

    ہیڈ ٹوہیڈ مقابلوں میں پشاور کو برتری حاصل ہے، دونوں ٹیموں کے درمیان تیرہ میچز کھیلے گئے، جن میں سے آٹھ زلمی کے نام رہے۔

    گذشتہ روز پی ایس ایل 6 کے 22ویں میچ میں اسلام آباد یونائیٹڈ نے کراچی کنگز کو 8 وکٹوں سے شکست دی تھی۔

    میچ کے بعد گفتگو کرتے ہوئے کراچی کنگز کے کپتان عماد وسیم کا کہنا تھا کہ کیچز چھوڑیں گے تو ایسا ہی نتیجہ سامنے آتا ہے، ہم نے فیلڈنگ میں غلطیاں کیں، ابھی ٹورنامنٹ ختم نہیں ہوا، اگلے تینوں میچ جیت کر پلے آف کیلئے کوالیفائی کریں گے۔

  • ابوظہبی : ملتان سلطانز نے پشاور زلمی کو 8 وکٹ سے شکست دے دی

    ابوظہبی : ملتان سلطانز نے پشاور زلمی کو 8 وکٹ سے شکست دے دی

    ابوظہبی : شیخ زید اسٹیڈیم میں کھیلے جانے والے میچ میں ملتان سلطانز کی ٹیم نے پشاور زلمی کو ہرا دیا، ملتان سلطانز نے167رنز کا ہدف 16.3اوورز میں حاصل کیا۔

    تفصیلات کے مطابق پی ایس ایل 6 میں ملتان سلطانز نے پشاور زلمی کو باآسانی 8 وکٹوں سے ہرا دیا۔ پاکستان سپر لیگ 6 کے 21 ویں میچ میں ملتان سلطانز نے پشاور زلمی کے خلاف ٹاس جیت کر فیلڈنگ کا فیصلہ کیا۔

     سلطانز کے کپتان محمد رضوان نے ٹاس ‏جیت کر  زلمی کو پہلے بیٹنگ کی دعوت دی جس کے بعد پشاور زلمی نے مدمقابل ٹیم کو جیت کے لیے 167 رنز کا ہدف دیا۔

    ملتان سلطانز نےشاندار بیٹنگ کا مظاہرہ کرتے ہوئے167رنز کا ہدف 16.3اوورز میں حاصل کیا۔ ملتان سلطانز کے کپتان محمد رضوان نے 82رنز کی ناقابل شکست اننگز کھیلی۔ ملتان سلطانزکےصہیب مقصودنے61رنزبنائے۔

     فاتح ٹیم کے شاہنواز دہانی نے چار وکٹیں حاصل کیں، پوائنٹس ٹیبل پر پشاور زلمی 7 پوائنٹس کے ساتھ تیسرے اور  ملتان سلطان دو میچز جیت کر 6 پوائنٹس کے ساتھ پانچویں پوزیشن پر ہے۔

    اس سے قبل کھیلے گئے پی ایس ایل سکس کے بیسویں میچ میں عمدہ بولنگ کی بدولت اسلام ‏آباد یونائیٹڈ نے لاہور قلندرز کو 28 رنز سے شکست دی۔