ARYNews.tv | Urdu – Har Lamha Bakhabar

Tag: psl 8

  • زمان پارک کشیدگی: پی ایس ایل کے بقیہ میچز کا انعقاد غیر یقینی کا شکار

    زمان پارک کشیدگی: پی ایس ایل کے بقیہ میچز کا انعقاد غیر یقینی کا شکار

    لاہور: صوبہ پنجاب کے دارالحکومت لاہور میں حالات خراب ہیں جس کی وجہ سے پاکستان سپر لیگ 8 کے بقیہ میچز غیر یقینی کا شکار ہوگئے۔

    تفصیلات کے مطابق لاہور میں کشیدگی اور خرابی حالات کی وجہ سے پی ایس ایل 8 کے کوالیفائرز کا انعقاد غیر یقینی کا شکار ہوگیا۔

    پاکستان کرکٹ بورڈ اور ٹیموں کی تیاری مکمل ہے مگر پنجاب حکومت کی کلیئرنس کا انتظار کیا جارہا ہے۔

    ذرائع کا کہنا ہے کہ پی ایس ایل پلے آف میچز نہ ہونے کا نقصان بڑا ہوگا، پی ایس ایل کے میچز منسوخی یا منتقلی کا اثر ایشیا کپ پر پڑ سکتا ہے۔

    ذرائع کے مطابق بھارتی میڈیا مسلسل پی ایس ایل پر منفی خبریں چلا رہا ہے، بھارت ایشیا کپ کو پاکستان سے منتقل کروانا چاہتا ہے جس کا حتمی فیصلہ آئندہ ہفتے ہوگا۔

    خیال رہے کہ پی ایس ایل کا کوالیفائر، ایلیمنیٹر 1، 2 اور فائنل میچ بالترتیب 15، 16، 17 اور 19 مارچ کو لاہور میں ہونا ہے۔

  • ’ملتان سلطانز کے بولرز آج ٹیسٹ ہوئے ہیں‘

    ’ملتان سلطانز کے بولرز آج ٹیسٹ ہوئے ہیں‘

    پی ایس ایل میں ملتان سلطانز کے کپتان محمد رضوان کا کہنا ہے کہ کراچی کنگز نے اچھی بیٹنگ کی ہمارے بولرز آج ٹیسٹ ہوئے ہیں۔

    پی ایس ایل 8 کے گیارہویں میچ میں ملتان سلطانز نے کراچی کنگز کو سنسنی خیز مقابلے کے بعد 3 رنز سے شکست دے دی، محمد رضوان کو شاندار 110 رنز کی اننگز کھیلنے پر میچ کا بہترین کھلاڑی قرار دیا گیا۔

    کراچی کنگز 197 رنز کے تعاقب میں 5 وکٹوں کے نقصان پر 193 رنز بناسکی، جیمز ونس کی 75 اور عماد وسیم کی 47 رنز کی جارحانہ اننگز بھی ٹیم کو کامیابی نہ دلوا سکی۔

    ملتان سلطانز کی جانب سے احسان اللہ نے شاندار بولنگ کرتے ہوئے مقررہ چار اوورز میں 17 رنز دیے تاہم وہ کوئی وکٹ حاصل نہ کرسکے، عباس آفریدی نے 55 رنز دے کر دو وکٹیں حاصل کیں، اسامہ میر اور خوشدل شاہ ایک، ایک وکٹ حاصل کرسکے۔

    میچ کے بعد سلطانز کے کپتان محمد رضوان نے کہا کہ جیمز ونس اور عماد وسیم نے اچھی بیٹںگ کی آج ہمارے بولرز ٹیسٹ ہوئے ہیں۔

    محمد رضوان نے کہا کہ شعیب ملک اور عمران طاہر تجربہ کار کھلاڑی ہیں اگر اگلے بیس سال بھی کھیلوں تو ان کا مقابلہ نہیں کرسکتا۔

    انہوں نے کہا کہ جیت کا کریڈٹ تمام کھلاڑیوں کو جاتا ہے کوشش ہوگی کے آئندہ میچز میں بھی جیت کے تسلسل کو برقرار رکھیں۔

    واضح رہے کہ 26 فروری بروز اتوار کراچی کے نیشنل بینک ارینا میں کنگز اور سلطانز کی ٹیمیں ایک بار پھر مدمقابل آئیں گی۔

  • ’میں دکھاوے کیلیے کچھ نہیں کرتا‘

    ’میں دکھاوے کیلیے کچھ نہیں کرتا‘

    پی ایس ایل میں اسلام آباد یونائیٹڈ کے کپتان شاداب خان کا کہنا ہے کہ سادہ زندگی گزارنے کا عادی ہوں میں دکھاوے کے لیے کچھ نہیں کرتا۔

    پاکستان سپر لیگ سیزن 8 میں اسلام آباد یونائیٹڈ کے کپتان شاداب خان نے نجی ٹی وی کو انٹرویو کے دوران کہا کہ میں اداکاری نہیں کرتا جیسی نیچر ہے ویسا ہی ہوں ہمیشہ سادہ رہنے کی کوشش کرتا ہوں کیونکہ ہر انسان برابر ہے اللہ نے سب انسانوں کو برابری کا درجہ دیا ہے۔

    شاداب خان نے کہا کہ اگر اللہ نے ہمیں کچھ دیکھ کر بہتر عطا کیا ہے تو یہ اللہ کا فیصلہ ہے اس میں غرور و تکبر کی بات ہی نہیں۔

    ایک سوال کے جواب میں انہوں نے کہا کہ ہمیں اس چیز کا ڈر ہوتا ہے لہٰذا کوشش کرتے ہیں جیسے ہم پہلے تھے ویسے ہی رہیں ہم گاؤں سے آئے ہوئے لوگ ہیں شروع سے ہی سادہ زندگی گزاری اور آج بھی ہماری فیملی وہی سادگی سے زندگی گزار رہی ہے۔

    شاداب خان نے کہا کہ میں آج بھی جب گھر جاتا ہوں تو پہلے کی طرح ہی زمین پر سوتا ہوں کوشش ہوتی ہے کہ ویسا ہی رہوں جیسے پہلا تھا کیونکہ سادہ زندگی گزارنے میں ہی سکون ہے۔

  • ’جو ساتھیوں کی عزت نہیں کرتا تو کوئی اس کی عزت بھی نہیں کرتا‘

    ’جو ساتھیوں کی عزت نہیں کرتا تو کوئی اس کی عزت بھی نہیں کرتا‘

    پی ایس ایل 8 میں کوئٹہ گلیڈی ایٹرز کے آل راؤنڈر محمد حفیظ کا کہنا ہے کہ جو ساتھیوں کی عزت نہیں کرتا تو کوئی اس کی عزت نہیں کرتا ہے۔

    کوئٹہ گلیڈی ایٹرز کے آل راؤنڈر محمد حفیظ نے نجی ٹی وی سے گفتگو کرتے ہوئے کہا کہ کھلاڑیوں کے درمیان احترام کا رشتہ بہت ضروری ہے رائیولری کرکٹ کے میدان میں ہونی چاہیے الفاظ کی جنگ سے میچ نہیں جیتے جاسکتے۔

    انہوں نے کہا کہ کوشش ہوگی کہ گلیڈی ایٹرز میں اپنی سلیکشن کو درست ثابت کروں اور ساتھ ہی نوجوان کھلاڑیوں کو بھی ٹپس دوں تاکہ انہیں فائدہ پہنچ سکے۔

    محمد حفیظ نے کہا کہ کراچی کنگز کے خلاف جیت سے اعتماد ملا ہے امید ہے جیت کے تسلسل کو جاری رکھیں گے اور دیگر میچز میں اچھی کارکردگی کا مظاہرہ کریں گے۔

    انہوں نے کہا کہ پشاور زلمی اور کوئٹہ گلیڈی ایٹرز کے میچ ہمیشہ ہی اچھے ہوتے ہیں گزشتہ ایونٹس میں بھی دونوں ٹیموں کے میچز آخری گیند تک گئے آج کا میچ جیتنے کی کوشش کریں گے۔

    واضح رہے کہ کوئٹہ گلیڈی ایٹرز اور پشاور زلمی کی ٹیمیں اب سے کچھ دیر بعد مدمقابل آئیں گی۔

  • عماد وسیم نے گلیڈی ایٹرز سے شکست کے بعد کیا کہا؟

    عماد وسیم نے گلیڈی ایٹرز سے شکست کے بعد کیا کہا؟

    کراچی کنگز کے کپتان عماد وسیم کا کہنا ہے کہ تینوں میچز جیت کے قریب آکر ہار گئے۔

    پی ایس ایل 8 چھٹے میچ میں کوئٹہ گلیڈی ایٹرز نے کراچی کنگز کو 6 رنز سے شکست دیکر پہلی کامیابی حاصل کی، مارٹن گپٹل کو 117 رنز کی شاندار اننگز کھیلنے پر میچ کا بہترین کھلاڑی قرار دیا گیا۔

    کراچی کنگز کی ٹیم 169 رنز کے تعاقب میں 5 وکٹوں کے نقصان پر 162 رنز بناسکی، شعیب ملک نے 71 رنز کی ذمہ دارانہ اننگز کھیلی۔

    میچ کے بعد کنگز کے کپتان عماد وسیم نے کہا کہ آخری اوورز میں ہم نے زیادہ رنز دیے ہیں، بولنگ متاثر کن ثابت نہیں ہوئی غلطیاں بہت ہوئیں جس پر ہم مرحلہ وار کام کررہے ہیں۔

    انہوں نے کہا کہ ہم نے بری کرکٹ نہیں کھیلی کچھ اوورز میں کوئٹہ گلیڈی ایٹرز کو بیک فٹ پر لے گئے تھے ابھی سات میچز ہمارے باقی ہیں جس کے بعد پلے آف میں جانا ہے ایک مرتبہ جیت کا سلسلہ شروع ہوا تو آگے بڑھیں گے۔

    ایک سوال کے جواب میں عماد وسیم نے کہا کہ میڈیا میں جو بات آتی ہے کچھ سچ ہوتی ہے میں بابر اعظم کے حوالے سے کوئی بات نہیں کرنا چاہوں گا۔

    عماد وسیم نے شعیب ملک کی اننگز کی تعریف کرتے ہوئے کہا کہ شعیب ملک اس عمر میں ایک بہترین مڈل آرڈر بیٹر ثابت ہورہے ہیں۔

    انہوں نے کہا کہ لاہور قلندرز اچھی ٹیم ہے کوشش کریں گے کہ اگلے میچ میں کامیابی حاصل کریں۔

    واضح رہے کہ کراچی کنگز کو تینوں میچز میں شکست ہوئی ہے جبکہ کراچی کنگز اپنا چوتھا میچ کل لاہور قلندرز کے خلاف کھیلے گی۔

  • احسان اللہ کے پاس ورائٹی نہیں، صرف تیز بولنگ کرنا جانتے ہیں‘

    احسان اللہ کے پاس ورائٹی نہیں، صرف تیز بولنگ کرنا جانتے ہیں‘

    پی ایس ایل میں پشاور زلمی کے اوپنر بیٹر محمد حارث کا کہنا ہے کہ فاسٹ بولر احسان اللہ کے پاس ورائٹی نہیں ہے وہ صرف تیز گیند کرنا جانتے ہیں۔

    اے آر وائی نیوز سے خصوصی گفتگو کرتے ہوئے پشاور زلمی کے جارح مزاج بیٹر محمد حارث نے کہا کہ احسان اللہ کے ساتھ کے پی میں کھیل چکا ہوں مجھے پتا تھا کہ وہ آگے گیند کریں گے یا پھر پیچھے بولنگ کریں گے جس کے لیے تیار تھا۔

    انہوں نے کہا کہ مجھے اسی طرح کی بولنگ چاہیے ہوتی ہے ان کے خلاف بیٹنگ کرنے کے لیے پراعتماد تھا لیکن میرا ان سے زیادہ سامنا نہیں ہوسکا۔

    اوپنر بیٹر نے کہا کہ جب ٹارگٹ بڑا ہو تو ہر اوور میں دس سے بارہ رنز چاہیے ہوتے ہیں سرکل میں تو رنز کرلیتے ہیں اس کے بعد مشکل ہوتی ہے۔

    ایک سوال کے جواب میں محمد حارث نے کہا کہ ہم فیلڈنگ اور بولنگ پر توجہ دے رہے ہیں اگر فیلڈنگ بولنگ اچھی ہوگی تو ٹیم کو فائدہ ہوگا۔

    واضح رہے کہ گزشتہ شب کھیلے جانے والے میچ میں محمد حارث نے 23 گیندوں پر 40 رنز کی شاندار اننگز کھیلی جب کہ احسان اللہ نے 3 کھلاڑیوں کو آؤٹ کیا تھا۔

    یاد رہے کہ ملتان سلطانز نے پشاور زلمی کو 56 رنز سے شکست دی تھی، 211 رنز کے تعاقب میں زلمی کی ٹیم 154 رنز بناسکی تھی۔

  • شاہین آفریدی نے ٹریننگ کے دوران کیمرا توڑ دیا

    شاہین آفریدی نے ٹریننگ کے دوران کیمرا توڑ دیا

    پی ایس ایل میں لاہور قلندرز کے کپتان شاہین آفریدی نے ٹریننگ کے دوران کیمرا توڑ دیا۔

    اے آر وائی نیوز کے مطابق پریکٹس سیشن کے دوران نیٹ کے اندر ٹریننگ ریکارڈ کرنے کے لیے کیمرا لگایا گیا تھا شاہین کی تیز رفتار گیند کیمرے کے لینس پر جالگی۔

    کیمرا ٹوٹنے کے بعد شاہین آفریدی نے ٹوٹے ہوئے لینس کے ساتھ تصویر بھی بنوائی۔

    واضح رہے کہ گزشتہ دنوں اسلام آباد یونائیٹڈ کے فہیم اشرف نے پریکٹس کے دوران زور دار شاٹ لگایا جس کے بعد گیند ایس ایس یو کی مانیٹرنگ بس کی کھڑکی پر جالگی تھی۔

    فہیم اشرف کے شاٹ کے باعث مانیٹرنگ بس کا شیشہ ٹوٹ گیا تھا جس کے بعد بس کو پریکٹس سیشن کی جگہ سے دور کھڑا کردیا گیا تھا۔

  • احسان اللہ نے حارث رؤف کا ریکارڈ توڑ دیا

    احسان اللہ نے حارث رؤف کا ریکارڈ توڑ دیا

    پی ایس ایل میں ملتان سلطانز کی نمائندگی کرنے والے فاسٹ بولر احسان اللہ نے قلندرز کے حارث رؤف کا ریکارڈ توڑ دیا۔

    پی ایس ایل کے تیسرے میچ میں احسان اللہ نے شاندار بولنگ کرتے ہوئے کوئٹہ گلیڈی ایٹرز کی بیٹنگ لائن تباہ کی اور مقررہ چار اوورز میں 12 رنز دے کر 5 وکٹیں حاصل کیں۔

    فاسٹ بولر نے میچ میں تیز ترین اسپیل کرکے کوئٹہ گلیڈی ایٹرز کے بیٹرز کو پریشان کیے رکھا انہوں نے 150 کلو میٹر کی رفتار سے بولنگ کی۔

    احسان للہ نے کی ایوریج بولنگ اسپیڈ 144.37 کلو میٹر رہی جبکہ اس سے قبل پی ایس ایل سیون میں فاسٹ بولر حارث رؤف کی ایوریج بولنگ اسپیڈ 144.16 کلو میٹر رہی تھی۔

    اس سے قبل نسیم شاہ نے 143.73، محمد حسنین 143.41، وہاب ریاض 143.33 کی اسپیڈ سے بولنگ کرچکے ہیں۔

  • فہیم اشرف نے مانیٹرنگ بس کا شیشہ توڑ دیا

    فہیم اشرف نے مانیٹرنگ بس کا شیشہ توڑ دیا

    پاکستان سپر لیگ کا آغاز گزشتہ روز ملتان میں لاہور قلندرز اور ملتان سلطانز کے میچ سے ہوگیا پہلے میچ میں قلندرز نے سلطانز کو ایک رن سے شکست دی۔

    پی ایس ایل کے دوسرے میچ میں آج کراچی کنگز اور پشاور زلمی کی ٹیمیں مدمقابل آئیں گی جبکہ اسلام آباد یونائیٹڈ اور کراچی کنگز کے درمیان میچ 16 فروری کو کراچی میں شیڈول ہے۔

    پہلے میچ سے قبل اسلام آباد یونائیٹڈ کے کھلاڑیوں کی جانب سے کراچی میں بھرپور پریکٹس کی جارہی ہے۔

    اسلام آباد یونائیٹڈ کے فہیم اشرف نے پریکٹس کے دوران زور دار شاٹ لگایا جس کے بعد گیند ایس ایس یو کی مانیٹرنگ بس کی کھڑکی پر جالگی۔

    فہیم اشرف کے شاٹ کے باعث مانیٹرنگ بس کا شیشہ ٹوٹ گیا جس کے بعد بس کو پریکٹس سیشن کی جگہ سے دور کھڑا کردیا گیا ہے۔

  • یونس خان نے پی ایس ایل 8 کی فیورٹ ٹیم بتادی

    یونس خان نے پی ایس ایل 8 کی فیورٹ ٹیم بتادی

    قومی ٹیم کے سابق کپتان یونس خان نے پی ایس ایل 8 میں اپنی فیورٹ ٹیم بتادی۔

    پروگرام ہر لمحہ پرجوش میں گفتگو کرتے ہوئے سابق کپتان یونس خان نے کہا کہ میں ہمیشہ سے لاہور قلندرز کو سپورٹ کرتا رہا ہوں لیکن اس سیزن میں پشاور زلمی، ملتان سلطانز اور کراچی کنگز فیوریٹ ہیں۔

    یونس خان نے کہا کہ سیزن ابھی شروع ہوا ہے کچھ میچز کے بعد پتا چلے گا ٹرافی کون لے جائے گا۔

    میری فیورٹ ٹیم پشاور زلمی ہے، کامران اکمل

    پشاور زلمی کے سابق بیٹر کامران اکمل نے کہا کہ میری فیورٹ ٹیم پشاور زلمی ہے ان کی بیٹنگ لائن اپ بہترین ہے۔

    انہوں نے کہا کہ سیزن کچھ میچز ہوں گے تو واضح ہوگا کہ کونسی ٹیم آگے جاسکتی ہے۔

    فیورٹ ٹیم ملتان سلطانز ہے، سہیل تنویر

    سابق فاسٹ بولر سہیل تنویر نے کہا کہ میری فیورٹ ٹیم ملتان سلطانز ہے میں اس ٹیم کا حصہ رہا ہوں۔

    انہوں نے کہا کہ پی ایس ایل کی تمام ٹیمیں ہماری ہیں جو اچھا کھیلے گا وہی جیتے گا۔