Tag: PSL 9

لاہور: کوئٹہ گلیڈی ایٹرز نے اپنے افتتاحی میچ میں پشاور زلمی کو سنسنی خیز مقابلے بعد شکست سے دوچار کردیا۔

تفصیلات کے مطابق پی ایس ایل کے دوسرے میچ میں کوئٹہ گلیڈی ایٹر نے پشاور زلمی کو 16 رنز سے ہرادیا۔ 207 رنز کے تعاقب میں پشاور کی ٹیم 190 رنز پر ہمت ہار بیٹھی۔ کوئٹہ کے شکیل سعود کو عمدہ اننگز کھیلنے پر مین آف دی میچ کے ایوارڈ سے نوازا گیا۔

پشاور زلمی کی جانب سے کپتان بابر اعظم نے 68 رنز کی اننگز کھیلی جبکہ صائم ایوب 42 رنزکی اننگز کھیل کر نمایاں رہے۔

کوئٹہ کی طرف سے ابرار احمد نے 2 جبکہ محمد عامر، عقیل حسین اور وسیم جونیئر ایک ایک وکٹ حاصل کرنے میں کامیاب رہے۔

اس سے قبل فاتح ٹیم نے پہلے کھیلتے ہوئے 5 وکٹوں کے نقصان پر 206 رنز بنائے۔ اوپنر جیسن روئے 75 اور سعود شکیل 74 رنز بناکر نمایاں رہے۔ دنوں نے اپنی ٹیم کو 157 رنز کا اوپننگ اسٹینڈ فراہم کیا۔

پشاو زلمی کی جانب سے سلمان ارشاد نے 3 جبکہ محمد ذیشان اور لیوک ووڈ نے ایک ایک وکٹ اپنے نام کی۔

پی ایس ایل کی مقبول فرنچائز کراچی کنگز کے کپتان شان مسعود نے کہا ہے کہ کرکٹ کس طرح کھیلیں یہ ہم دکھائیں گے۔

تفصیلات کے مطابق شان مسعود کا ذرائع ابلاغ سے گفتگو کرتے ہوئے کہنا تھا کہ کراچی کنگز گزشتہ 2 سالوں میں پرفارم نہیں کرسکی۔ کوشش کریں گے پہلے اپنی ٹیم کی پہچان بنائیں۔

انکا کہنا تھا کہ ہمارا نوجوان ٹیلنٹ بہت زبردست ہے، کراچی کنگزکی طرف سے نوجوان کھلاڑی آگے بھی کھیلیں گے۔

قومی کرکٹ ٹیم کے ٹیسٹ کپتان شان مسعود نے کہا کہ کراچی کنگز کے تمام سینئر کھلاڑی آگئے ہیں، حکمت عملی مرتب کررہے ہیں۔

اس سے قبل کراچی کنگز کے نئے کپتان شان مسعود نے پاکستان سپر لیگ سیزن 9 میں اپنی فرنچائز کو نئی بلندیوں پر لے جانے کا عزم ظاہر کیا تھا۔

کراچی کنگز کے پہلے ٹریننگ سیشن کے بعد میڈیا سے گفتگو میں ان کا کہنا تھا کہ پی ایس ایل کے لیے بہت پرجوش ہوں، ہم نے متوازن ٹیم بنائی ہے جو کراچی کنگز کو ایک نئی سمت میں لے جائے گی۔

شان مسعود نے کہا کہ ہم نے ٹیم کو دوبارہ سے تشکیل دیا ہے، اسکواڈ اور انتظامیہ میں بڑی تبدیلیاں کی گئی ہیں جس کا مقصد ٹیم کو نئی بلندیوں تک لے کر جانا ہے۔

ان کا کہنا تھا کہ ہماری ٹیم میں باصلاحیت نوجوان کھلاڑیوں کو شامل کیا گیا ہے جو کہ فرنچائز کو ایک مضبوط قوت بنائیں گے اور مستقبل میں ٹیم کو آگے لے کر جائیں گے۔

ملتان سلطان کے کپتان محمد رضوان نے جیت کے لیے ضروری چیزوں کے بارے میں بتادیا، ساتھ ہی انھوں نے مخالف ٹیم کے حوالے سے بھی گفتگو کی ہے.

تفصیلات کے مطابق فرنچائز ملتان سلطان کے کپتان اور سابق نمبر ون ٹی ٹوئنٹی بیٹر محمد رضوان کا نیوز کانفرنس کرتے ہوئے کہنا تھا کہ وہ اپنے حریف کراچی کنگز کی کمزوریوں اور طاقت کو جانتے ہیں۔

محمدرضوان کا کہنا تھا کہ جیت کیلئے ٹاپ فور کا پرفارم کرنا بہت ضروری ہے۔ نجم سیٹھی نے پی ایس ایل میں اہم کردار ادا کیا۔ 4، 5 سال سے ڈومیسٹک نہیں کھیل رہے۔

قومی وکٹ کیپر بیٹر نے کہا کہ میرے لیے اہم ہے یہاں ٹیم کے کھلاڑیوں کی پرفارمنس بہترین ہو۔ ملتان سلطانز کے کھلاڑی مرضی سے دوسری ٹیم میں گئے۔

واضح رہے کہ پاکستان سپر لیگ کا آغاز رنگا رنگ افتتاحی تقریب سے لاہور میں ہوچکا ہے۔ افتتاحی میچ میں اسلام آباد یونائیٹڈ اور لاہور کی ٹیمیں ایک دوسرے کے مدمقابل ہیں۔

فرنچائز کرکٹ کی تاریخ میں پہلی بار دو سگے بھائیوں نسیم اور عبید نے دنوں اینڈز سے بولنگ کا آغاز کرکے منفرد ریکارڈ اپنے نام کرلیا۔

پاکستان سپر لیگ کے افتتاحی میچ میں اسلام آباد یونائیٹڈ نے ٹاس جیت کر پہلے فیلڈنگ کا فیصلہ کیا تاہم اس میچ کی سب سے دلچسپ بات یہ ہے کہ لیگز کی تاریخ میں پہلی بار دو سگے بھائی اپنی ٹیم کے لیے بولنگ کا آغاز کرتے ہوئے پائے گئے۔

اسلام آبا یونائیٹڈ کی جانب سے پہلا اوور قومی پیسر نسیم شاہ نے کیا جبکہ دوسرا اوور ان کے چھوٹے بھائی اور پاکستان انڈر19 ٹیم کے رکن عبید شاہ نے کرایا۔

فرنچائز کرکٹ اور پی ایس ایل کی تاریخ میں بھی یہ پہلا واقعہ ہے کہ اننگز کے آغاز میں دنوں اینڈز سے دو سگے بھائیوں نے بولنگ کی شروعات کی ہے۔ اس سے قبل عبید کو پی ایس ایل میں ان کی ڈیبیو کیپ فہیم اشرف نے پیش کی تھی۔

واضح رہے کہ اسلام آباد یونائیٹڈ کے کپتان شاداب خان کا پریس کانفرس کرتے ہوئے کہنا تھا کہ عبید اپنے بڑے بھائی نسیم شاہ سے زیادہ زیادہ تیز فتار بولر ہیں۔

پی ایس ایل کے نویں ایڈیشن کے افتتاحی میز کے آغاز سے قبل انھوں نے عندیہ دے دیا تھا کہ شاہ برادرز ایک ہی وقت میں پلیئنگ الیون کا حصہ ہوسکتے ہیں۔

شاداب نے کہا کہ گزشتہ روز پریکٹس سیشن کے دوران عبید شاہ کی بولنگ کا سامنا کیا تھا، وہ واقعی اپنے بڑے بھائی نسیم شاہ سے زیادہ تیز گیند کرتے ہیں۔

اسلام آباد یونائیٹڈ کے کپتان شاداب خان نے پیسر بھائیوں نسیم اور عبدید کی رفتار کے حوالے سے گفتگو کرتے ہوئے بتایا ہے کہ کون ان میں سے تیز بولر ہے۔

تفصیلات کے مطابق اسلام آباد یونائیٹڈ کے کپتان شاداب خان کا پریس کانفرس کرتے ہوئے کہنا تھا کہ عبید اپنے بڑے بھائی نسیم شاہ سے زیادہ زیادہ تیز فتار بولر ہیں۔ نیٹ میں انھوں نے مجھے بولنگ کروائی تھی اور ان کی گیند کافی تیز تھی۔

پی ایس ایل کے نویں ایڈیشن کے افتتاحی میچ کے آغاز سے قبل انھوں نے عندیہ دے دیا تھا کہ شاہ برادرز ایک ہی وقت میں پلیئنگ الیون کا حصہ ہوسکتے ہیں۔

شاداب نے کہا کہ گزشتہ روز پریکٹس سیشن کے دوران عبید شاہ کی بولنگ کا سامنا کیا تھا، وہ واقعی اپنے بڑے بھائی نسیم شاہ سے زیادہ تیز گیند کرتے ہیں۔

قومی آل راؤنڈر نے کہا کہ 4 سیزن سے اسلام آباد یونائیٹڈ کی کپتانی کررہا ہوں، اس سیزن میں ٹیم کیلئے ٹرافی اٹھانا چاہتا ہوں، عماد وسیم اور شاہ برادران کا شامل ہونا فرنچائز کو فائدہ پہنچائے گا۔

اسلام آباد کے کپتان کا کہنا تھا کہ پچھلی سیزن ہم سے جو غلطیاں ہوئیں ان کا جائزہ لیا ہے، اس بار ہم بہتر منصوبہ بندی کے ساتھ آئے ہیں۔