ARYNews.tv | Urdu – Har Lamha Bakhabar

Tag: PSL final

  • وزیراعظم کو پی ایس ایل کا فائنل دیکھنے کی دعوت

    وزیراعظم کو پی ایس ایل کا فائنل دیکھنے کی دعوت

    اسلام آباد : چیئرمین پی سی بی رمیز راجہ نے وزیر اعظم عمران خان کو پی سی ایل کا فائنل دیکھنے کی دعوت دے دی، فائنل ستائیس فروری کو قذافی اسٹیڈیم میں شیڈول ہے۔

    تفصیلات کے مطابق وزیر اعظم عمران خان کو ایچ بی ایل پی ایس ایل 7 کے فائنل میں مدعو کرلیا گیا، چیئرمین پی سی بی رمیز راجہ نے وزیر اعظم کو دعوت نامہ بھیج دیا ہے۔

    خیال رہے پی ایس ایل سیون کے سننسی خیز مقابلے جاری ہے اور پی ایس ایل کا فائنل 27فروری کو قذافی اسٹیڈیم میں شیڈول ہے۔

    پی ایس ایل سیون میں آج کراچی کنگزاورملتان سلطانز میں ٹاکرا ہوگا، کراچی کنگز ابھی تک ایونٹ میں کوئی میچ نہ جیت سکی جبکہ ملتان سلطانز پوانٹس ٹیبل پر فہرست ہے۔

  • شاندار فتح: کراچی کنگز نے پی ایس ایل ٹرافی جیت لی

    شاندار فتح: کراچی کنگز نے پی ایس ایل ٹرافی جیت لی

    کراچی: پی ایس ایل کی سب سے مقبول ٹیم کراچی کنگز نے لاہور قلندرز کو 5 وکٹوں سے شکست دے کر پہلی بار پاکستان سپر لیگ کا ٹائٹل اپنے نام کرلیا، بابر اعظم کو شاندار نصف سنچری اسکور کرنے پر میچ کا بہترین کھلاڑی قرار دیا گیا، بابر اعظم پلیئر آف دی ٹورنامنٹ بھی قرار پائے۔

    کراچی کنگز پی ایس ایل کا نیا چیمپئن بن گیا، فیصلہ کن معرکے میں لاہور قلندرز کو شکست دے کر ٹرافی تھام لی، کنگز نے لاہور قلندرز کی جانب دیا جانے والا 135 رنز کا ہدف 18.4 اوورز میں 5 وکٹوں کے نقصان حاصل کرلیا۔

    ٹورنامنٹ کے ٹاپ اسکورر بابر اعظم نے ایک بار پھر شاندار بیٹنگ کرتے ہوئے فاتحانہ اننگز کھیلی، وہ  63 رنز کے ساتھ ناٹ آؤٹ رہے، ان کی اننگز میں 7 چوکے شامل تھے جبکہ چیڈویک والٹن 22 رنزکے ساتھ نمایاں رہے،کپتان عماد وسیم نے وننگ شارٹ کھیل کر ٹیم کو کامیابی سے ہمکنار کرایا۔

    اوپنر شرجیل خان 13 رنز بنا کر سمٹ پٹیل کی گیند پر فخر زمان کے ہاتھوں کیچ آؤٹ ہوئے، الیکس ہیلز 11 رنز بنا کر دلبر حسین کی گیند پر بولڈ ہوئے، افتخار احمد 4 رنز بنا کر آؤٹ ہوئے، رتھرفورڈ بغیر کوئی رن بنائے پویلین لوٹ گئے۔

    لاہور قلندر کی جانب سے دلبر حسین اور حارث رؤف نے دو، دو وکٹیں حاصل کیں، سمٹ پٹیل ایک وکٹ حاصل کرسکے۔

    قبل ازیں کراچی کے نیشنل اسٹیڈیم میں کھیلے جانے والے پی ایس ایل فائیو کے فائنل معرکے میں لاہور قلندرز نے مقررہ اوورز میں 7 وکٹوں کے نقصان پر 134 رنز بنائے اور کراچی کنگز کو جیت کے لیے 135 رنز کا ہدف دیا تھا۔

    لاہور قلندرز کی پہلی وکٹ 68 رنز پر گری، تمیم اقبال 35 رنز بنا کر عمید آصف کا نشانہ بنے، فخر زمان 27 رنز بنا کر پویلین لوٹ گئے۔

    محمد حفیظ 2 رنز بنا کر عماد وسیم کی گیند پر بابر اعظم کو کیچ دے بیٹھے، بین ڈنک 11 رنز بنا کر چلتے بنے، سمٹ پٹیل کو 5 رنز پر ارشد اقبال نے آؤٹ کیا، سہیل اختر 14 رنز بنا کر آؤٹ ہوئے۔

    محمد فیضان بغیر کوئی رن بنائے پویلین لوٹ گئے،، ڈیوڈ ویزے 14 اور شاہین آفریدی 12 رنز بنا کر ناٹ آؤٹ رہے۔

    فاسٹ بولر ارشد اقبال، وقاص مقصود اور عمید آصف نے دو، دو وکٹیں حاصل کیں، کپتان عماد وسیم ایک وکٹ حاصل کرسکے۔

    اس سے قبل کراچی کے نیشنل اسٹیڈیم میں کھیلے جانے والے پی ایس ایل فائیو کے فائنل میچ میں لاہور قلندرز نے ٹاس جیت کر کراچی کنگز کو پہلے بیٹنگ کی دعوت دی تھی۔

    کراچی کنگز کی ٹیم میں ایک تبدیلی کی گئی ، وین پارنیل کی جگہ عمید آصف کو شامل کیا گیا  جبکہ لاہور قلندرز کی ٹیم میں کوئی تبدیلی نہیں کی گئی تھی۔

    کراچی کنگز کے کپتان عماد وسیم کا کہنا تھا کہ ٹاس جیت کر ہم بھی بیٹنگ کرتے، دباؤ برداشت کرکے کھیلیں گے تو اچھا کھیل پیش کریں گے۔

    لاہور قلندرز کے کپتان سہیل اختر کا کہنا تھا کہ بڑا ٹارگٹ دینا چاہتے ہیں، جس طرح کھیلتے آرہے ہیں اسی طرح کی کارکردگی دکھائیں گے۔

    کراچی کنگز اسکواڈ

    کراچی کنگز کی ٹیم میں عماد وسیم کپتان، بابر اعظم، شرجیل خان، الیکس ہیلس، عمید آصف، چیڈویک والٹن، محمد عامر، وقاص مقصود، رتھرفورڈ، افتخار احمد اور ارشد اقبال شامل ہیں۔

    لاہور قلندرز اسکواڈ

    لاہور قلندرز کی ٹیم میں سہیل اختر کپتان، فخر زمان، تمیم اقبال، محمد حفیظ، بین ڈنک، سمٹ پٹیل، ڈیوڈ ویزے، محمد فیضان، شاہین آفریدی، حارث رؤف اور دلبر حسین شامل ہیں۔

  • ‘لاہور قلندر اور کراچی کنگز دونوں میرے بازو ہیں’

    ‘لاہور قلندر اور کراچی کنگز دونوں میرے بازو ہیں’

    لاہور : معاون خصوصی برائے اطلاعات پنجاب فردوس عاشق اعوان نے پاکستان سپرلیگ کے فائنل کے حوالے سے کہا کہ لاہور قلندر اور کراچی کنگز دونوں میرے بازو ہیں ، لاہور قلندر پنجاب کا دل اور کراچی دماغ ہیں۔

    تفصیلات کے مطابق پاکستان سپرلیگ کے فائنل میں کراچی کنگزاورلاہورقلندرز آج مدمقابل ہوں گے، معاون خصوصی برائے اطلاعات پنجاب فردوس عاشق اعوان کا کہنا ہے کہ لاہور قلندر اور کراچی کنگز دونوں میرے بازو ہیں. دونوں ٹیموں میں آج پنجہ آزمائی ہونے جا رہی ہے۔

    فردوس عاشق اعوان کا کہنا تھا کہ لاہور قلندر پنجاب کا دل اور کراچی دماغ ہیں، لاہور قلندر کے فاسٹ بالرز کو پرفارم کرنا چاہئے۔

    دوسری جانب سینیٹر فیصل جاوید نے پاکستان سپرلیگ کے فائنل کے حوالے سے کہا کہ پی ایس ایل میچز کاپاکستان میں ہونا بہت بڑی کامیابی ہے، وزیراعظم عمران خان نے جو کہا الحمدللہ کرکےدکھایا، ٹاپ انٹرنیشنل پلیئرزکا ٹورنامنٹ میں حصہ لینا خوش آئند ہے۔

    فیصل جاوید کا کہنا تھا کہ کوروناسے پہلےتماشائیوں کی بڑی تعداد کا آنا قابلِ ستائش تھا، پی ایس ایل اب صحیح معنوں میں بڑا انٹرنیشنل برینڈبن گیا ہے۔

    رہنما پی ٹی آئی نے کہا کہ پی ایس ایل پلیٹ فارم سے نیا ٹیلنٹ سامنے آ رہا ہے، نئے لڑکوں کی کارکردگی بہت ہی کمال کی رہی،ٹورنامنٹ کے کامیاب انعقاد پر پی سی بی ودیگرانتظامیہ کو مبارک۔

    وزیر قانون پنجاب راجہ بشارت کا کہنا تھا کہ یہ فائنل کورونا کی وجہ سے لاہور سے ملتوی کر دیا گیا تھا، کورونا کے بعدپہلی بار پاکستان میں انٹرنیشنل کرکٹ بحال ہوئی ، دونوں ٹیمیں ہماری ہیں،ہم دونوں کوسپورٹ کر رہے ہیں۔

  • پی ایس ایل تھری کا کامیاب انعقاد عوام کی فتح ہے‘ شہبازشریف

    پی ایس ایل تھری کا کامیاب انعقاد عوام کی فتح ہے‘ شہبازشریف

    لاہور: وزیراعلیٰ پنجاب شہبازشریف کا کہنا ہے کہ پی ایس ایل فائنل سے ثابت ہوگیا کہ عوام کھیلوں سے محبت کرتے ہیں اور قوم نے عزم اور جذبے کا اظہار کرکے امن دشمنوں کو واضح پیغام دیا۔

    تفصیلات کے مطابق وزیراعلیٰ پنجاب شہبازشریف نے کہا کہ پاکستان سپرلیگ تھری کا کامیاب انعقاد عوام کی فتح ہے، فائنل کے انعقاد نے ثابت کیا کہ عوام کھیلوں سے محبت کرتے ہیں۔

    شہبازشریف نے کہا کہ پی ایس ایل تھری میں جیت پرامن پاکستان کی ہوئی، پی ایس ایل تھری کے شاندار انعقاد پر قوم کو مبارکباد پیش کرتا ہوں۔ وزیراعلیٰ پنجاب نے کہا کہ پرامن پاکستان کے لیے پوری قوم نے لازوال قربانیاں دی ہیں۔

    صدرپاکستان وزیراعظم، آرمی چیف ودیگر کی اسلام آباد یونائیٹڈ کو مبارکباد

    خیال رہے کہ پی ایس ایل تھری میں اسلام آباد یونائیٹڈ کی شاندار کامیابی پر صدر و وزیر اعظم، آرمی چیف، چاروں گورنرز، وزرائے اعلیٰ اورسیاسی رہنماؤں نے فاتح ٹیم کو مبارکباد پیش کی ہے ان کا کہنا ہے کہ آج پاکستان جیت گیا۔

    اسلام آباد یونائیٹڈ ایک بار پھر پی ایس ایل کی فاتح

    واضح رہے کہ پاکستان سپرلیگ تھری کے فائنل میں اسلام آباد یونائیٹڈ نے پشاور زلمی کو 3 وکٹوں سے شکست دے کردوسری بار پی ایس ایل ٹائٹل اپنے نام کرلیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل تھری کا سب سے بڑا معرکہ آج ہوگا، انتظامات مکمل

    پی ایس ایل تھری کا سب سے بڑا معرکہ آج ہوگا، انتظامات مکمل

    کراچی: پاکستان سپر لیگ تھری کا آخری معرکہ پشاور زلمی اور اسلام آباد یونائیٹڈ کے درمیان آج نیشنل اسٹیدیم کراچی میں ہوگا، وزیر اعظم، چاروں گورنرز دیگر اہم شخصیات بھی میچ دیکھنے اسٹیڈیم آئیں گے، تمام انتظامت مکمل کرلیے گئے۔

    تفصیلات کے مطابق شہر قائد میں نو سال بعد آج کرکٹ کا میلہ سجے گا، جس میں دنیائے کرکٹ کے نامور کھلاڑی اپنی صلاحیتوں کے جوہر دکھائیں گے، پی ایس ایل تھری کے فائنل میچ میں اسلام آباد یونائیٹڈ اور پشاور زلمی مد مقابل ہوں گے، آج شام ساڑھے سات بجے ٹاس اور آٹھ بجے میچ شروع ہوگا۔

    وزیر اعظم شاہد خاقان عباسی اور چاروں صوبوں کے گورنرز بھی میچ دیکھنے اسٹیڈیم آئیں گے، چیئرمین پی سی بی نجم سیٹھی نے چیف جسٹس میاں ثاقب نثار اور چیئر مین پی ٹی آئی عمران خان کو بھی میچ دیکھنے کی دعوت دی ہے، وزیراعظم کل شام7بجےخصوصی طیارےسےکراچی میں فائنل دیکھنےآئیں گے۔

    ذرائع کا کہنا ہے کہ وزیر اعظم شاہد خاقان عباسی کے ساتھ وفاقی وزراء اور ارکان اسمبلی بھی موجود ہوں گے، شہر قائد کو اس انداز میں سجایا اور سنوارا گیا ہے جو پہلے کبھی نہیں ہوا، سڑکوں، چورنگیوں، انڈر پاسز، پلوں اور گرین بیلٹس پر کرکٹ ہیروز کی تصاویر آویزاں کی گئیں ہیں۔

    رنگا رنگ فینسی لائٹس نے ماحول اور بھی دلکش بنا دیا، شہریوں کا کہنا ہے کہ شہر قائد حقیقی معنوں میں روشنیوں کا شہر لگ رہا ہے، شائقین کو اسٹیڈیم تک پہنچانے کے لیے شٹل سروس بھی 12 بجے شروع ہو گی جس کے ذریعے لوگوں کو اسٹیڈیم کے قریب پہنچایا جائے گا، بسیں جہاں اتاریں گی وہاں سے پیدل اسٹیڈیم جائیں گے۔

    پی ایس ایل تھری فائنل کے موقع پر میئر کراچی وسیم اختر نے نیشنل اسٹیڈیم چورنگی کا افتتاح کردیا، چورنگی کو برقی قمقموں سے سجایا گیا ہے، وسیم اخترنے اسٹیڈیم چورنگی پر قومی پرچم بھی لہرایا، افتتاحی تقریب کے بعد شاندارآتشبازی کا مظاہرہ کیا گیا۔

    اس موقع پر سیکیورٹی کا خاص انتظام کیا گیا ہے، پولیس اور دیگر قانون نافذ کرنے والے اداروں نے نیشنل اسٹیڈیم کا کنٹرول سنبھال لیا ہے، بم ڈسپوزل اسکواڈ اور سراغ رساں کتوں کے ذریعے اسٹیڈیم کی تلاشی لینے کے بعد اسے کلیئر قرار دے دیا گیا ہے۔

    رنگا رنگ اختتامی تقریب شام چھ بجے شروع ہوگی

    پی سی بی اعلامیہ کے مطابق سیزن تھری کا اختتام یادگار بنانے کے لیے پی ایس ایل تھری کے فائنل کے موقع پر شائقین کرکٹ ایک ٹکٹ میں دومزے لیں گے، افتتاحی تقریب میں کئی نامور گلوکار اپنی آواز کاجادو جگائیں گے۔

    اختتتامی تقریب چھ بجے شروع ہوگی جبکہ میچ کا آغاز آٹھ بجے ہوگا، اس رنگا رنگ تقریب میں ملک کےمعروف گلوکار پرفارم کریں گے نیٹ اتوار کی شام چھ بجے شروع ہونے والی تقریب میں رنگ جمائیں گے۔

    مزید پڑھیں: فائنل دیکھنے کراچی کنگزکی نیلی شرٹ پہن کراسٹیڈیم پہنچیں، سلمان اقبال

    تقریب میں اسٹرنگز تینوں سیزن کا آفیشل سانگ دینے والے علی ظفر، شہزاد رائے، فرحان سعید اور نوجوان گلوکارہ عائمہ بیگ بھی اپنی آواز کا جادو جگائیں گی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • چاہتے ہیں پی ایس ایل کا فائنل یادگار بن جائے، شاہد آفریدی

    چاہتے ہیں پی ایس ایل کا فائنل یادگار بن جائے، شاہد آفریدی

    کراچی : پی ایس ایل کی ٹیم کراچی کنگز کے صدر شاہد آفریدی نے کہا ہے کہ کراچی کا اسٹیڈیم انٹرنیشنل کرکٹ کا انتظار کررہا تھا، چاہتے ہیں پی ایس ایل کا فائنل یادگار بن جائے۔

    ان خیالات کا اظہار انہوں نے اے آر وائی نیوز کے پروگرام اعتراض ہے میں خصوصی گفتگو کرتے ہوئے کیا، شاہد آفریدی نے کہا کہ کراچی میں فائنل ہونا بڑی بات ہے۔

    کراچی کنگز فائنل میں ہوتی تو اور اچھا ہوتا، خوشی ہوتی ہے میرا تجربہ کھلاڑیوں کے کام آئے، کراچی کنگز کی پرفارمنس اس مرتبہ پچھلے دو سال سے بہتر رہی ہے۔

    کراچی کنگز کی شکست پر تبصرہ کرتے ہوئے ان کا کہنا تھا کہ دو سے تین میچز ہم فیلڈنگ کی وجہ سے ہارے، فاسٹ بولرز کی کچھ جگہ پر بولنگ اچھی نہیں رہی، کسی دوسرے کے کام میں نہیں بولتا اپنی کارکردگی پر توجہ دی، پشاور زلمی شروع میں میچز ہاری جس پر حیرت ہوئی۔

    ایک سوال کے جواب میں شاہدآفریدی نے کہا کہ خواہش تھی کہ پاکستان میں اہل خانہ کے سامنے میچ کھیلوں، فی الحال ڈاکٹرز نے آرام کا مشورہ دیا ہے کوشش ہوگی کل کا فائنل دیکھوں۔

    کراچی میں حالات بہت بہتر ہیں، فائنل کھیلنےوالی دونوں ٹیمیں بہت اچھی ہیں، چاہتے ہیں پی ایس ایل کا فائنل یادگار بن جائے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • پی ایس ایل فائنل: کراچی میں ٹی شرٹس کی ریکارڈ فروخت

    پی ایس ایل فائنل: کراچی میں ٹی شرٹس کی ریکارڈ فروخت

    کراچی : پی ایس ایل کے فائنل کی تیاریوں کیلئے کراچی کی مارکیٹوں میں خریداری عروج پر پہنچ گئی، ہوٹلوں میں بکنگ فل اور کرائے کی گاڑیاں نایاب ہوگئیں، گزشتہ دو روز میں کروڑوں روپے کی اشیاء فروخت ہو گئیں۔

    تفصیلات کے مطابق پی ایس ایل تھری کا فائنل ہونے میں صرف ایک روز باقی رہ گیا، کراچی کے شہریوں کا جوش وخروش عروج پر پہنچ گیا، بازاروں میں پی ایس ایل کے حوالے سے خریداری زور و شور سے جاری ہے۔

    پی ایس ایل فائنل کے موقع پر کراچی میں کاروبارمیں زبردست تیزی دیکھنے میں آرہی ہے، شہر کے تمام ہوٹل بک ہوگئے، شائقین کا مارکیٹوں میں غیرمعمولی رش ہے ۔

    پی ایس ایل کی مختلف ٹیموں کی ٹی شرٹس، بیجز، ٹوپیاں اور دیگر مصنوعات کی فروخت جاری ہے، مارکیٹ ذرائع کے مطابق دو روز میں 25کروڑ روپے سے زائد کا ریکارڈ کاروبارہوا۔

    اس کے علاوہ پاکستان سپر لیگ کی چھ ٹیموں میں شامل غیر ملکی کھلاڑیوں کی تصاویر کو خیرمقدمی بینروں کے ساتھ شہر کی دیواروں کو سجایا گیا ہے۔

    شہر رنگ برنگی روشنیوں سے جگمگا رہا ہے۔ مارکیٹوں میں کرکٹ کے شائقین اپنی اپنی پسند کی ٹیموں کی ٹی شرٹس اور بیجز خریدنے میں مصروف نظر آرہے ہیں۔

    شہر میں جوش و خروش واضح طور پر دیکھا جاسکتا ہے۔ زینب مارکیٹ، ایمپریس مارکیٹ، ڈینسو ہال سمیت شاید ہی کوئی بڑی مارکیٹ ہو جہاں پی ایس ایل کی ٹی شرٹس فروخت نہ ہو رہی ہوں۔

    پی ایس ایل فائنل کے موقع پر نیشنل کرکٹ اسٹیڈیم کی تزئین و آرائش کے ساتھ صدر سے نیشنل اسٹیدیم کے تمام راستوں کو صاف کر دیا گیا، جس کو دیکھ کر کراچی کے رہائشی شکر ادا کررہے ہیں کہ پی ایس ایل کی وجہ سے ہی سہی کراچی کی سنی تو گئی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پاکستان کرکٹ کےلئے بہترین ملک ہے، زلمی کپتان ڈیرن سیمی

    پاکستان کرکٹ کےلئے بہترین ملک ہے، زلمی کپتان ڈیرن سیمی

    کراچی : پشاور  زلمی کے کپتان ڈیرن سیمی نے کہا ہے کہ ٹائٹل کا دفاع کرنے کی بھرپور کوشش کرینگے، شاہد آفرید ی کا متبادل نہیں ہوں وہ تو چمپئین ہیں، پاکستان کرکٹ کے لئے بہترین ملک ہے۔

    ان خیالات کا اظہار انہوں نے نیشنل اسٹیڈیم کراچی میں پریس کانفرنس سے خطاب کرتے ہوئے کیا،  ڈیرن سیمی نے کہا کہ سو فیصد فٹ نہیں ہوں البتہ جس طرح لاہور میں کھیلا ایسے ہی کل بھی گراؤنڈ میں اتروں گا، ٹائٹل کا دفاع کرنے کی بھرپور کوشش کرینگے۔

    پاکستان میں تماشائیوں کے جوش و خروش سے جذبہ ملتا ہے، کراچی میں پختون بہت ہیں، امید شاہد آفریدی تو چمپئین ہیں جن کو نہ صرف پاکستان بلکہ دنیا بھرمیں عزت ملتی ہے، ہم دونوں بھائیوں کی طرح ہیں۔

    ایک سوال کے جواب میں ان کا کہنا تھا کہ لیوک رونکی فارم میں ہے تو کامران اکمل بھی اپنی بہترین فارم میں ہیں، کامران اکمل پشاور زلمی کا مؤثر ہتھیار ہے، ہم نے کل کے لئے میچ پلان بنایا ہوا ہے امید ہے اس پر عمل کرکے میچ میں کامیابی حاصل کریں گے۔

    ڈیرن سیمی کا کہنا تھا کہ پاکستان میں انٹرنیشنل کرکٹ کی بحالی پرخوش ہوں یہ ملک کرکٹ کے لئے بہترین ہے، مجھے خوشی ہے کہ ہماری ٹیم دورہ کررہی ہے،امید ہے وہ میچز بھی اچھے ہوں گے۔

    ڈیرن سیمی کا اہلیان کراچی کیلئے اردو میں اظہار تشکر

    اس سے قبل ڈیرن سیمی نے سوشل میڈیا پر ایک ویڈیو شیئر کی جس میں وہ کراچی کے ایک ریستوران میں بیٹھے بریانی کھارہے ہیں، ویڈیو کی خاص بات یہ ہے کہ انہوں نے اردو زبان میں کراچی والوں کی محبت کا شکریہ ادا کیا ہے۔

    اپنے پیغام میں ڈیرین سیمی کا کہنا تھا کہ ’کراچی آپ سب کا بہت بہت شکریہ، کراچی کی بہترین بریانی کھائی اور مجھے بہت مزہ آیا ‘۔ اس سے قبل ڈیرن سیمی نے کراچی کے شائقین کرکٹ کو اسٹیڈیم میں پشاور زلمی کی شرٹ پہن کر آنے اور انہیں سپورٹ کرنے کا پیغام جاری کیا تھا جسے پورے ملک میں بے حد سراہا گیا۔

  • پی ایس ایل فائنل : پشاور زلمی کی ٹیم کراچی پہنچ گئی

    پی ایس ایل فائنل : پشاور زلمی کی ٹیم کراچی پہنچ گئی

    کراچی : پاکستان سپر لیگ کا فائنل کھیلنے کے لئے  پشاور زلمی کی ٹیم کراچی پہنچ گئی، غیر ملکی کرکٹرز  بھی ٹیم کے ہمراہ ہیں، فائنل پچیس مارچ کو کھیلا جائے گا۔

    تفصیلات کے مطابق پی ایس ایل کا فائنل ایک روز بعد سجنے والا ہے، پشاور زلمی کی ٹیم ڈیرن سیمی کی قیادت میں کراچی پہنچ گئی، ایئرپورٹ پر انتہائی سخت انتظامات کئے گئے تھے۔

    ٹیم کو فل پروف سیکیورٹی میں ایئرپورٹ سے ہوٹل پہنچایا گیا، غیر ملکی کھلاڑیوں نے اس دوران سیکیورٹی آفیشلز کے ساتھ تصاویر بنوائیں، کھلاڑی کراچی میں فائنل کھیلنے کیلئے بہت پرجوش دکھائی دیئے۔

    ڈیرن سیمی نے شائقین کیلئے پیغام دیا ہے کہ سب پیلی جرسی پہن کر فائنل دیکھنے کےلئے اسٹیڈیم پہنچیں۔

    دوسری جانب ایونٹ کی دوسری فائنلسٹ اسلام آباد یونائیٹڈ کی ٹیم آج رات کراچی پہنچے گی، پاکستان آنے والے اسلام آباد یونائیٹڈ کے غیرملکی کھلاڑیوں میں اسٹیون فن، لیوک رونکی، جے پی ڈومنی، چاڈوک والٹن اور سیموئل بدری شامل ہیں۔

    دونوں ٹیمیں ہفتے کو پریکٹس کریں گے جبکہ ٹائٹل کیلئے فیصلہ کن جنگ اتوار کی شام سات بجے نیشنل اسٹیڈیم میں ہوگی۔

    خیال رہے کہ اسلام آباد یونائیٹڈ نے پی ایس ایل کا افتتاحی ایڈیشن جیتا تھا جبکہ دوسرا ایڈیشن پشاور زلمی کے نام رہا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل فائنل، کراچی کوسجا کرکھلاڑیوں کا پرتپاک استقبال کریں گے، وسیم اختر

    پی ایس ایل فائنل، کراچی کوسجا کرکھلاڑیوں کا پرتپاک استقبال کریں گے، وسیم اختر

    کراچی : میئر کراچی وسیم اختر نے کہا ہے کہ یوم پاکستان اور پی ایس ایل تھری کے فائنل کو یادگار بنائیں گے، پورے شہر کو برقی قمقموں اور خوش آمدید کے بینرز سے سجا کر کھلاڑیوں کا پرتپاک استقبال کیا جائے گا، بلدیہ عظمیٰ نے انتظامات مکمل کرلئے ہیں۔

    یہ بات انہوں نے کراچی میں میڈیا سے گفتگو کرتے ہوئے کہی، وسیم اختر نے کہا کہ پی ایس ایل تھری میں شرکت کیلئے آنے والے تمام کھلاڑیوں کا استقبال کرنے کیلئے شارع فیصل پر ہوٹل سے ایئرپورٹ تک خوش آمدید بینرز لگائیں گے، اس کے علاوہ برقی قمقمے، کھلاڑیوں کی تصاویر،ایل ای ڈی لائٹس بھی لگائی جائیں گی۔

    میئر کراچی کا مزید کہنا تھا کہ پی ایس ایل کا فائنل کراچی میں ہونا شہریوں کیلئے بڑی خوشی کاباعث ہے، یوم پاکستان کے موقع پر کراچی میں پی ایس ایل فائنل کا انعقاد شہریوں کی خوشیوں کو دوبالا کردے گا، فائنل میچ کو یادگاربنانے کیلئے بلدیہ عظمیٰ کراچی ہرممکن اقدامات کرے گی۔

    مزید پڑھیں: پی ایس ایل، کراچی کی قسمت جاگ گئی،انتظامات کیلئے21کروڑمنظور

    وسیم اختر نے کہا کہ شہر کی شاہراہوں کو سجانے کے انتظامات بلدیہ عظمیٰ نے مکمل کرلئے ہیں، اس حوالے سے کھلاڑیوں کے روٹس کی سڑکوں کی صفائی کا آغاز کر دیا گیا ہے، حکومتی اداروں کا ایک دوسرے سے رابطہ اور باہمی تعاون ہے۔

    مزید پڑھیں: پی ایس ایل فائنل کے لیے سیکیورٹی انتظامات مکمل

    علاوہ ازیں وزیراعلیٰ سندھ سید مراد علی شاہ نے فائنل کے موقع پر کے ایم سی کو شہر میں فیومی گیشن کرنے کی ہدایت بھی جاری کردی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔