Tag: PSL

پی ایس ایل کی دفاعی چیمپئن لیگ کے نویں سیزن میں چار میچز کھیل کر ایک بھی فتح حاصل نہیں کر پائی ہے سابق کرکٹر نے قلندرز کی سنگین غلطیوں کی نشاندہی کی ہے۔

مسلسل دو بار پی ایس ایل جیتنے والی لاہور قلندرز پاکستان سپر لیگ 9 میں اب تک ناکام ہے اور چار میچز کھیل کر بھی جیت کا مزا نہیں چکھ سکی ہے۔ دفاعی چیمپئن کی اس کارکردگی پر سابق کرکٹرز کی تجزیے جاری ہیں۔ سابق قومی کپتان محمد حفیظ نے بھی لاہور قلندرز کی سنگین غلطی کی نشاندہی کی ہے۔

اے اسپورٹس کے پروگرام دی پویلین میں گفتگو کرتے ہوئے محمد حفیظ نے کہا کہ لاہور قلندرز کی جانب سے جو تیکنیکی غلطی کی جا رہی ہے وہ ہٹنگ پلیئرز کو استعمال نہ کرنا ہے۔

سابق قومی کپتان نے کہا کہ لاہور قرلندر کے پاس شائی ہوپ، سکندر رضا، لینڈے جارج جیسے جارح مزاج ہٹنگ پلیئر ہیں جن کو بہت نیچے نمبروں پر رکھا ہوا ہے۔

انہوں نے کہا کہ لاہور قلندرز نمبر چار اور پانچ جیسی اہم بیٹنگ پوزیشنز پر مسلسل ان لوگوں لا رہی ہے جنہوں نے اس پوزیشن پر پرفارمنس نہیں دی ہوئی ہے پہلے احسن حفیظ کو آزمایا اور پھر اگلے میچ میں جہاں داد کو بھیج دیا۔ اگر ان کی جگہ مذکورہ ہارڈ ہٹرز کو بھیجا جاتا کہ جن کو ٹیم میں منتخب ہی اسی وجہ سے کیا گیا ہے تو صورتحال یکسر مختلف ہوتی۔

View this post on Instagram

A post shared by ASports (@asportstv.pk)

محمد حفیظ نے کہا کہ یہ صاحبزادہ فرحان کی وجہ سے 175 تک اسکور ہوا اگر یہاں قلندرز اپنے مین پلیئرز کو استعمال کیا ہوتا تو یہ اسکور 190 تک بھی جا سکتا تھا۔

انہوں نے کہا کہ دیکھا جائے تو قلندرز کی پلاننگ میں یہی سب سے بڑی خامی نظر آ رہی ہے کہ جس کو پروموٹ کرکے اوپر لانا چاہے اپنے ان بہترین بلے بازوں کو وہ نیچے لے جا رہے ہیں۔

اس موقع پر سابق قومی کپتان نے صاحبزادہ فرحان کی بیٹنگ کی تعریف کرتے  ہوئے کہا کہ یہ ان کی سخت محنت ہے جو آج میدان میں دکھائی دی، جن لوگوں کو یہ خدشہ ہوتا ہے کہ ڈومیسٹک کا پرفارمر اس لیول پر پرفارم کرے گا یا نہیں، صاحبزادہ عرفان کی کارکردگی ان کے لیے مثال ہے۔

جو مین پلیئر اس کردار کے لیے لیے ہوئے ہیں آپ ان کو اور نیچے لے جا رہے ہیں، انہیں استعمال نہ کرنا اور اوپر نہ لانا یہ کمی ہے۔

175 تک گئے تو وہ صاحبزادہ فرحان کی کارکردگی کی وجہ سے گئے لیکن اگر یہ ٹائم آپ اپنے مین پلیئرز کو دیتے تو شاید 185 یا 190 تک بھی لے کر جا سکتے تھے۔

پاکستان سپر لیگ سیزن 9 میں امپائرز کے فیصلوں پر تنقید کے بعد سابق قومی کرکٹرز نے پی ایس ایل کے لیے نئے قوانین لانے کا مطالبہ کر دیا۔

پاکستان سپر لیگ سیزن 9 میں امپائرز کے بعض فیصلوں پر کڑی تنقید کی جا رہی ہے جس کا حل سابق قومی کرکٹرز کامران اکمل اور باسط علی نے نئے قوانین میں تلاش کیا ہے۔

اے آر وائی نیوز کے پروگرام ہر لمحہ پرجوش میں گفتگو کتے ہوئے کامران اکمل اور باسط علی نے کہا کہ یہ ہماری اپنی لیگ ہے اور اس کی بہتری کے لیے ضروری ہے کہ نئے قوانین لائے جائیں۔

ان کا کہنا تھا کہ میچز میں امپائرز کال اور شک کا فائدہ دینے کے بجائے تمام فیصلے تھرڈ امپائر سے کرانے چاہئیں۔

پی ایس ایل 9: اسلام آباد کے کپتان شاداب خان نے شکست کا ملبہ کس پر ڈالا؟

کامران اور باسط دونوں کا کہنا تھا کہ آسٹریلیا کی لیگ بگ بیش اور جنوبی افریقہ کی لیگ بھی مختلف قوانین کے تحت کھیلی جاتی ہے۔ پی ایس ایل ہمارا اپنا برانڈ ہے اس کی بہتری کے لیے نئے قوانین بنانے میں کوئی مضائقہ نہیں۔

کراچی کنگز کے بولر میر حمزہ کہتے ہیں کہ لاہور میرا ہوم گراؤنڈ ہے اور کل قلندرز کے خلاف میچ میں کراؤڈ مجھے بھی سپورٹ کر رہا تھا۔

پاکستان سپر لیگ 9 کے سنسنی خیز مقابلے جاری ہیں۔ گزشتہ روز قذافی اسٹیڈیم میں کراچی کنگز نے سنسنی خیز مقابلے کے بعد آخری گیند پر دفاعی چیمپئن لاہور قلندرز کے خلاف دو وکٹوں سے کامیابی حاصل کی۔

میچ کے بعد کراچی کنگز کے فاسٹ بولر میر حمزہ کا کہنا تھا کہ پی ایس ایل کے سابقہ ایڈیشنز میں وہ زیادہ اچھی بولنگ نہیں کر سکے تھے تاہم گزشتہ ایک سال میں بہت محنت کی جس کا اب فائدہ ہو رہا ہے۔

میر حمزہ نے کہا کہ کرکٹ میں پیشگوئی نہیں کی جا سکتی، آخری بال پر کچھ بھی ہو سکتا ہے، لاہور میرا ہوم گراؤنڈ ہے اور کراؤڈ میچ میں مجھے بھی سپورٹ کر رہا تھا۔

انہوں  نے کہا کہ جیت میں بیٹرز اور بولرز بھرپور انداز میں اپنا حصہ ڈال رہے ہیں۔ جو ٹاسک ملتا ہے اس کے مطابق ہی کام کرتا ہوں۔ منیجمنٹ نے مجھے اٹیک کرنے کی ذمے داری سونپی تھی۔

پی ایس ایل 9: میچز ہارے ضرور مگر لڑ کر ہارے ہیں، صاحبزادہ فرحان

واضح رہے کہ میر حمزہ نے اس میچ میں لاہور قلندرز کے جارح مزاج بلے باز فخر زمان اور جہاں داد خان کی اہم وکٹیں لے کر کراچی کنگز کی جیت میں اپنا حصہ ڈالا۔

پی ایس ایل 9 میں لاہور قلندر چار میچز کھیل کر بھی فتح سے محروم ہے اوپنر صاحبزادہ فرحان کہتے ہیں کہ میچز ہارے ضرور مگر لڑ کر ہارے ہیں۔

پاکستان سپر لیگ 9 کے سنسنی خیز مقابلے جاری ہیں۔ ایونٹ میں دفاعی چیمپئن کی حیثیت سے شریک لاہور قلندرز چار میچز کھیلنے کے باوجود جیت کا مزا چکھنے سے محروم ہے۔

گزشتہ روز کراچی کنگز نے سنسنی خیز مقابلے کے بعد لاہور قلندرز کو 2 وکٹوں سے شکست دے کر ٹورنامنٹ میں دوسری فتح حاصل کی۔ کراچی کے شیروں نے آخری گیند پر ہدف مکمل کیا۔

ٹورنامنٹ میں مسلسل چوتھی شکست کے بعد لاہور قلندرز کے صاحبزادہ فرحان نے پریس کانفرنس کرتے ہوئے کہا کہ کوئی دباؤ نہیں، گزشتہ دو سیزن بہت اچھا کھیلے تھے، اس سیزن میں اب تک جتنے بھی میچز ہارے ہیں لڑ کر ہارے ہیں۔

صاحبزادہ فرحان نے مزید کہا کہ اس میچ میں بھی ہم نے اچھا اسکور کیا تھا مگر شعیب ملک اور پولارڈ نے اچھی اننگ کھیل کر اپنی ٹیم کو جیت دلائی۔

کراچی کنگز نے سنسنی خیز مقابلے کے بعد لاہور قلندرز کو ہرا دیا

قلندرز کے اوپنر جنہوں نے اس میچ میں 45 گیندوں پر 72 رنز کی جارحانہ اننگ کھیلی۔ ان کا اپنی کارکردگی سے متعلق کہنا تھا کہ میری کارکردگی تو اچھی ہے لیکن ٹیم جیت جاتی تو خوشی ہوتی۔